ᐊᒃᓱᑕᔅ 13:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒧᓱᔅ ᒋ ᐅᑎᓂᒺᐤ ᒍᓯᐸ ᐅᔅᑭᓂᔨᐛ, ᒧᔭᒻ ᒍᓯᑉ ᑲ ᐃᑐᑐᐛᑦ ᐃᔅᕋᐃᓪ ᐅᑯᓯᓴᓇ ᒐᒋ ᐊᓱᑎᒪᒐᔨᒋ᙮ ᐛᔅ ᒋ ᐃᔅᒋᔄᐤ, “ᐃᔅᐱ ᒋᓴᒪᓂᑐᐤ ᐎᒋᐃᑕᒂ, ᒐᔅᑐᑕᔭᒄ ᓂᔅᑭᓇ ᓂᑭᑎᒪᒂ ᐅ ᐃᑕᐅᓐ᙮”

ᐊᒃᓱᑕᔅ 13:19 Iomraidhean Croise

ᒐᓂᓯᔅ 48:21

ᐊᑯ ᒐᑭᑉ ᐊᑕᑦ ᒍᓯᐸ, “ᒋ ᐛᐸᑕᓐ ᒐ ᐊᑲ ᓇᐅᔅ ᓴᔅ ᐱᒪᑎᓯᔭᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ᑭᓄᐛᔨᒥᑯᐛᐤ ᑭᔭ ᑲᐤ ᒋᑭ ᐃᓯ ᒋᔅᒋᓄᑕᐃᑯᐛᐤ ᐊᓐᑕ ᐊᔅᒋᔪᐤ ᑲ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛᐛ᙮

ᐊᒃᓱᑕᔅ 4:31

ᐊᑯ ᓄᑎᒻ ᒂ ᑕᑈᑕᒡ᙮ ᐊᑯ ᒐᔅᒐᔨᑕᒡ ᐊᓂᔭ ᑎᐸᔨᒋᒐᓱᐛ ᑲ ᐛᐸᑎᒥᔨᒋ ᑕᓐ ᑲ ᐃᓯ ᓇᐧᑲᒋᐅᒡ, ᒂ ᓄᐛᑲᐳᔅᑐᐛᒡ ᑭᔭ ᒂ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᓗᒃ 1:58

ᐃᔅᐱ ᒪᒃ ᐱᔭᑎᒥᔨᒋ ᐎᐧᑲᓂᓱᐛᐛ ᑭᔭ ᒥᓯᐛ ᐃᔪᐛ ᐊᓐᑕ ᒥᒋᒪ ᑲ ᑕᔨᒋ, ᓇᔅᒡ ᑕᑈ ᒋ ᒥᔽᔨᑎᒥᔪᐛ ᐊᒋ ᐸᑎᒥᔨᒋ ᑕᓐ ᑲ ᐃᓯ ᒥᔪᑐᑎᒪᑯᑦ ᐅᑎᐸᔨᒋᒐᐛ᙮

ᓗᒃ 7:16

ᒥᓯᐛ ᒪᒃ ᐊᓐᑕ ᑲ ᑎᓯᒡ ᐊᐛᓐᒋ ᒋ ᓴᒋᓱᐅᒡ ᐊᑯ ᒂ ᒋᔅᑕᒋᒪᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᔅᒋ ᐅᑎᑎᑯᓄᐤ ᐊ ᒋᔅᑕᔨᑕᑯᓯᑦ ᐅᒋᔅᒋᐛᐃᒐᓱᐤ᙮ ᑭᔭ ᒋ ᐃᔅᒋᔄᐅᒡ, ᒋᓴᒪᓂᑐᐤ ᐸᒋ ᐎᒋᐊᐤ ᐅᑦ ᐃᔨᒪ᙮”

ᐊᑈᔅᑕᓇᒡ 7:15

ᐊᑯ ᒐᑭᑉ ᒂ ᐃᑐᑕᑦ ᐊᓐᑕ ᐃᒋᑉᑎᒡ, ᐊᑯᑕ ᒪᒃ ᒐᒃ ᒂ ᐳᓂᐱᒪᑎᓯᑦ ᑭᔭ ᐊᓂᔭᔪᐛ ᒥᓯᐛ ᐅᑯᓴ ᐊᑯᑕ ᑭᔭ ᐎᔨᐛᐤ ᒐᒃ ᑲ ᐳᓂᐱᒪᑎᓯᒡ᙮

ᐊᑈᔅᑕᓇᒡ 7:16

ᐃᔅᐱ ᒪᒃ ᑲ ᐳᓂᐱᒪᑎᓯᒡ, ᓴᑭᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲᐤ ᑲ ᐃᑐᑕᑭᓄᔨᒋ ᐎᔪᐛᐛ᙮ ᐊᑯ ᐊᓐᑕ ᑲ ᓇᐅᔅᑕᑭᓄᔨᒋ ᐊᓐᑕ ᐊᓂᔭ ᒋᐱᐃᒋᐛᐱᒡ ᐊᓂᔭᐧᑲ ᐊᑉᕋᐊᒻ ᓴᔅ ᑲ ᐃᔭᒂ ᐊᓐᑕ ᐸᒋ ᐛᔅᑭᒡ᙮ ᐊᒧᕆ ᐅᑦ ᐃᔨᒥᔪᐛ ᐊᒋ ᐊᑕᒥᑯᑦ ᐅᔭ ᒋᐱᐃᒋᐛᐱᔪᐤ᙮”

ᐃᑉᕈᐛ 11:22

ᑭᔭ ᐎᔾ ᒪᒃ ᒍᓯᑉ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᐃᔅᐱ ᒪᒃ ᑲ ᐅᑎᒋᐱᔨᒡ ᐊᓐᑕ ᒐ ᐃᔎᔭᔨᒡ ᐅᐱᒪᑎᓯᐅᓐ, ᒋ ᒋᔅᒋᓱᒪᐤ ᐃᔅᕋᐃᓪ ᐃᔪᐛ ᐊᔅᒄ ᐸᐃᒂᐤ ᐊ ᒋᓯᑲᔨᒡ ᒐ ᓂᑭᑎᒥᔨᒋ ᐊᓂᔭ ᐃᒋᑉᑦ ᐊᔅᒋᔪᐤ ᑭᔭ ᒋ ᐃᑕᐤ ᒐᒋ ᔅᑐᑕᐛᒡ ᐎᔭᔪᐤ ᐃᔅᐱ ᔅᑐᑕᔨᒐ᙮