ᐊᒃᓱᑕᔅ 13:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ “ᓇᑕ ᒪ ᓂᑲᓄᒡ, ᑯᒂᒋᒥᔅᒐ ᒋᑦ ᐊᐛᓯᒻ, ‘ᒐᒂᓐ ᐊᓐ ᒋᐸ ᐃᔅᒋᔄᒥᑯᓐ ?’ ᒐ ᐛᐎᑎᒧᐅᑦ ᐊ ᐃᑎᑦ, ‘ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᔅᒋ ᐱᒪᒋᐃᑯᐛᓇᓄᐤ ᐊᒋ ᐅᑦ ᐊᐱᒋᐊᑭᓄᐅᔭᐧᒄ ᐊᓐᑕ ᐃᒋᑉᑦ ᐊᔅᒋᒡ᙮

ᐊᒃᓱᑕᔅ 13:14 Iomraidhean Croise

ᒐᓂᓯᔅ 30:33

ᓂᑲᓄᒡ ᐛᓂᔅᒐ ᒋᑭ ᒋᔅᒐᔨᑕᓐ ᑲ ᒥᔪᐃᑕᑎᓯᐛᓇ᙮ ᒥᔅᑯᐅᑥᐛ ᒥᔅᑐᓯᒡ ᐊᑲ ᐸᐸᑕᐅᓯᒡ ᑭᔭ ᒪᒃ ᐊᑲ ᐎᐱᓯᒡ ᒪᔭᑕᓂᓯᒡ, ᒋᑭ ᒋᔅᒐᔨᑕᓐ ᐊᓐᒡ ᑲᒋ ᒋᒧᑎᒪᑕᓐ᙮”

ᑎᐱᑦ ᐅᓂᑭᒧᐅᓇ 136:11

ᐊᓐᑕ ᐊ ᑕᔨᒋ ᒪᒃ ᑲ ᐅᒋ ᐎᐎᑕᐊᑦ ᐃᔅᕋᐃᓚ: ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮

ᑎᐱᑦ ᐅᓂᑭᒧᐅᓇ 145:4

ᐸᐃᒂᐤ ᐅᑦ ᐊᔭᓂᔅᒐ ᐱᒪᑎᓯᐅᒡ ᒋᑭ ᐊᔭᓂᔅᒐ ᒪᒥᒋᑎᒧᒡ ᒋᑦ ᐊᑐᔅᒐᐅᓇ, ᑭᔭ ᒋᑭ ᐛᐎᑎᒧᒡ ᒋᓱᐧᑲᑎᓯᐅ-ᐃᑐᐅᓇ᙮

ᑎᐱᑦ ᐅᓂᑭᒧᐅᓇ 78:4

ᓇᒪᐎᔾ ᒋᑭ ᑲᑐᐅᒪᓄᐛ ᐅᑦ ᐊᐛᓯᒥᓱᐛᐛ, ᐊ ᐛᐸᑎᔭᐧᑯᒡ ᒐ ᐸᒋ ᐊᓂᔅᒐ ᐱᒪᑎᓯᒡ ᐅᒪᒥᒋᒥᑯᓯᐅᓂᔪᐤ ᑎᐸᔨᒋᒐᓱᐛ, ᑭᔭ ᐅᒥᔅᑯᐅᓯᐅᓂᔪᐤ, ᑭᔭ ᐅᒪᒥᔅᑲᒡ ᐊᑐᔅᒐᐅᓇ ᑲ ᐃᑐᑕᐧᒃ᙮

ᐊᒃᓱᑕᔅ 10:2

ᑭᔭ ᐃᔭᐱᒡ ᒐᒋ ᐛ ᐎᑎᒧᐛᑯᒡ ᒋᑦ ᐊᐛᓯᒧᐛᐅᒡ ᑭᔭ ᐊᓐᒡ ᒍᓯᒧᐛᐅᒡ ᑕᓐ ᑲ ᐃᓯ ᐊᔨᒥᔨᐊᒂᐤ ᐃᒋᑉᑦ ᐃᔪᒡ ᑭᔭ ᑲ ᐃᑐᑎᒧᒡ ᐊᓂᔭ ᑲ ᓱᐧᑲᑎᓯᒥᑭᓂᔨᒋ ᒪᒥᔅᑲᒡ ᐃᑐᐅᓇ, ᑭᔭ ᒥᓯᐛ ᒋᔨᐛᐤ ᒐ ᒋᔅᒐᔨᑎᒪᒄ ᓂᔾ ᐊ ᐎᔭᓐ ᑎᐸᔨᒋᒐᓱᐤ᙮”

ᐊᒃᓱᑕᔅ 12:41

ᐊᑯ ᐊᓂᔭ ᑲ ᐃᔎᐱᔨᒡ ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐛ ᐱᐳᓇ, ᓇᐊᐤ ᐊᓂᔭ ᒋᓯᑯᔪᐤ ᐊᐅᑯᔪᐤ ᐊᓂᔭ ᑎᐸᔨᒋᒐᓱᐤ ᐅᑦ ᐃᔨᒪ ᑲ ᓂᑭᑕᒡ ᐃᒋᑉᑦ ᐊᔅᒋᔪᐤ᙮

ᐊᒃᓱᑕᔅ 13:3

ᒂ ᐃᑕᑦ ᒧᓱᔅ ᐃᔪᐛ, “ᒐ ᒋᔅᑕᔨᑎᒪᒃ ᐅ ᒋᓯᒄ, ᑲ ᐎᐎᔭᒄ ᐃᒋᑉᑎᒡ ᐅᒡ, ᑲ ᒪᑯᓂᑯᐅᔭᒄ, ᐛᔅ ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᒋ ᐊᐱᒋᑕᐤ ᒐᒋ ᐎᐎᑕᔨᑕᒄ ᐊᓐᑕ ᐃᒋᑉᑎᒡ᙮ ᒐ ᐊᑲ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮

ᐊᒃᓱᑕᔅ 13:8

ᐅᑎᒋᐱᔨᒐ ᐊᓐ ᒋᓯᒄ ᐊ ᒥᑯᓴᓄᐅᒡ, ᒐ ᐎᑎᒧᐛᑯᒡ ᒋᑦ ᐊᐛᓯᒧᐛᐅᒡ, ‘ᐅ ᐛᒋ ᐃᑎᓇᓄᐅᒡ ᒐᒋ ᒋᓯᑕᑭᓄᐅᒡ ᑎᐸᔨᒋᒐᓱᐤ ᑲ ᐃᑐᑕᐧᒃ ᒐᒋ ᓂᑭᑕᒥᒋ ᒋᑦ ᐊᓂᔅᑯᑕᐸᓄᐛ ᐃᒋᑉᑦ ᐊᔅᒋᔪᐤ᙮’

ᐊᒃᓱᑕᔅ 13:9

ᐅ ᐊ ᐃᓯ ᑭᓄᐛᐱᑕᑭᓄᐅᒡ ᒧᔭᒻ ᐊ ᒪᑯᐱᑎᒥᓂ ᒐᒂᓐ ᒋᑦ ᐅᐧᑯᓂᑎᒋᒡ ᑭᔭ ᒪᒃ ᐊᓐᑕ ᒋᔅᑲᑎᑯᒡ ᒐᒋ ᒋᔅᒋᔭᒄ ᒐᒋ ᒋᔅᑯᑎᒧᐛᑯᒡ ᐊᐛᓐᒋ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔪᐤ, ᐊᓂᔭ ᐅᓱᐧᑲᑎᓯᐅᓐ ᑲ ᐊᐱᒋᑕᑦ ᒐᒋ ᐎᐎᑕᔨᑕᒄ ᐃᒋᑉᑎᒡ᙮

ᐊᒃᓱᑕᔅ 20:2

“ᓂᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒻ, ᑲ ᐅᒋ ᐸᒋ ᐎᐎᑕᐃᔅᒃ ᐃᒋᑉᑦ ᐊᔅᒋᒡ, ᐊ ᐛᐧᑲᑎᑯ-ᐊᔅᒋᒡ ᐅᒡ᙮

ᐊᒃᓱᑕᔅ 6:1

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒋᑭ ᐛᐱᒪᐤ ᒐ ᐃᑐᑐᐅᒃ ᒋᓴᐅᒋᒪᐤ ᐊᔅᐱᔅ ᓱᐧᑲᑎᓯᔭᓐ᙮ ᒋᑭ ᐱᔅᑎᓇᐤ ᓂᑦ ᐃᔨᒪ, ᑭᔭ ᓇᔅᒡ ᒋᑭ ᐎ ᐃᑲᑎᓴᐛᐤ ᐅᑦ ᐊᔅᒋᒡ ᐅᒡ᙮”

ᐊᒃᓱᑕᔅ 6:6

“ᐊᐅᑯᐤ ᒐ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅ ᑎᐸᔨᒋᒐᓱᐤ᙮ ᑭᔭ ᓂᓱᐧᑲᑎᓯᐅᓐ ᐅᒡ ᓂᑭ ᐊᓏᔨᒪᐅᒡ ᐃᒋᑉᑦ ᐃᔪᒡ ᑭᔭ ᒋᑭ ᐱᐧᑯᐃᑎᓇᐛᐤ ᐊ ᓂᓇᐧᑲᒋᐃᑯᐅᔭᒄ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 6:7

ᒋᑭ ᐅᑎᓂᑎᓇᐛᐤ ᒧᔭᒻ ᓂᑦ ᐃᔨᒥᒡ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ, ᐊᑯ ᒐ ᒋᔅᒐᔨᑎᒪᒄ ᓂᔾ ᐅ ᑎᐸᔨᒋᒐᓱᐤ, ᐊᓐ ᐊᐛᓐ ᑲ ᐱᐧᑯᐎᑕᒄ ᐃᒋᑉᑦ ᐃᔪᐛ ᐅᒡ᙮

ᐊᑈᔅᑕᓇᒡ 13:17

ᐊᓂᔭ ᒋᓴᒪᓂᑐᐛ, ᒍᐤ ᐃᔪᒡ ᑲ ᑕᑈᔭᔨᒪᒡ ᒋ ᐎᔭᔨᒪᐤ ᐛᔅᑭᒡ ᒋᐧᑲᓂᓯᓄᐛ ᒐᒋ ᐅᑦ ᐃᔨᒥᑦ᙮ ᒋ ᐃᑐᑐᐛᐤ ᒐᒋ ᐊᑎ ᒥᒐᑎᔨᒋ ᒪᒂᒡ ᐊᓐᑕ ᐃᒋᑉᑎᒡ ᑲ ᑕᔨᒋ᙮ ᐊᑯ ᒪᒃ ᐊ ᐃᔅᐱᔅ ᓱᒐᔨᑕᑯᓯᔨᒋ ᒋᓴᒪᓂᑐᐛ ᒋ ᐎᐎᑕᐃᑯᐅᒡ ᐊᓐᑕ ᐊᔅᒋᒡ ᐅᒡ᙮