ᐊᒃᓱᑕᔅ 12:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒋᑭ ᐅᑎᓂᒺᐅᒡ ᒪᒃ ᐱᔅᒐ ᐅᒥᐧᑯᔪᐤ, ᑭᔭ ᒋᑭ ᒥᓯᒂᐊᒧᒡ ᐊᔨᑐᐤ ᔅᑐᐧᑭᓇᑎᑯᒡ, ᑭᔭ ᑕᐧᑯᒡ ᔅᑐᐧᑭᓇᑎᑯᒡ ᐊᓐᑕ ᒥᒋᐛᐱᒡ ᒐ ᒧᐛᒡ᙮

ᐊᒃᓱᑕᔅ 12:7 Iomraidhean Croise

ᐊᒃᓱᑕᔅ 12:13

ᐊᓐ ᒥᐧᒄ ᒪᒃ ᒋᑭ ᐅᒋᔅᒋᓄᐛᒋᒋᑭᓂᓇᐛᐤ ᒥᒋᐛᐱᒡ ᐊ ᑕᔭᒄ: ᐃᔅᐱ ᒪᒃ ᐛᐸᑎᒪᓇ ᒥᐧᒄ, ᒋᑭ ᐎᒪᔅᑲᑎᓇᐛᐤ, ᑭᔭ ᐊᐧᑯᐃᑕᔅᐱᓇᐅᓐ ᓇᒪᐎᔾ ᒋᑭ ᐅᑎᑎᑯᓇᐛᐤ ᒐᒋ ᓂᓱᐅᓇᒋᐃᑯᔭᒄ, ᐃᔅᐱ ᐅᑕᒪᐊᒪᓇ ᐃᒋᑉᑦ ᐊᔅᒋᔾ᙮

ᐃᐱᓯᔭᓇ 1:7

ᐛᔅ ᙭ ᑲ ᓂᐱᔅᑎᒪᑕᐧᒄ ᒋᐱᔭᑎᑯᒡ, ᐊᑯᑕ ᑲ ᐅᒋ ᐊᐱᐧᑯᓂᑯᐅᔭᐧᒄ, ᒋᒥᒋᑥᐅᓄᐛ ᔅᒋ ᐛᐸᔨᑎᒪᑯᓇᓄᐤ᙮ ᑕᑈ ᒥᓴᔪᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᐃᑉᕈᐛ 10:14

ᐅᔭ ᒪᒃ ᒥᒄ ᐸᐃᒂᐤ ᐊᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒋᓴᔅ ᐊᑯᑕ ᑲ ᐅᒋ ᐃᑐᑕᐧᒃ ᑲᒋᒡ ᒐᒋ ᐛᐸᔨᑎᒧᐛᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᐅᒥᒋᑥᐅᓂᔪᐤ ᑭᔭ ᒐᒋ ᑯᐃᔅᑯᓇᑯᓯᔨᒋ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

ᐃᑉᕈᐛ 11:28

ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᒋᒋᐱᔨᑕᐤ ᒐᒋ ᑎᑯᓂᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ, ᐊᓯᑯᒻ ᐱᐳᓇ ᒪᒃ ᐅ ᒋ ᐃᑐᑕᑭᓄᐤ᙮ ᐊᓂᔭ ᒪᒃ ᒧᓱᔅ ᐊ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑎᓱᐛᐤ ᒐᒋ ᐅᓯᔄᐛᐱᔨᑕᑭᓄᔨᒋ ᐊᐛᓯᓴ ᐅᒥᐧᑯᔪᐤ ᐊᓐᑕ ᔅᑐᐧᑭᓂᒡ ᑭᔭ ᐊᓂᔭ ᐊᓐᒋᓇ ᑲ ᓂᐸᐃᐛᔨᒋ ᒐ ᐊᑲ ᒋ ᓂᓱᐅᓇᒋᐊᔨᒋ ᐊᓂᔭ ᓂᔅᑎᒧᓴᓇ ᑲ ᓇᐸᓯᐎᔨᒋ ᐃᔅᕋᐃᓪ ᐃᔪᐛ ᐊ ᑕᔨᒋ᙮

ᐃᑉᕈᐛ 9:22

ᐊᓐ ᐎᓱᐛᐅᓐ ᑲ ᐊᐱᑎᒡ ᐊ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ, ᐃᑎᔅᑕᐤ ᒥᓯᐛ ᒐᒂᓐ ᒐᒋ ᐸᔭᒋᑕᑭᓄᐅᒡ ᒥᐧᒄ ᐊ ᐊᐱᑎᒡ ᐊᐅᑯᓐ ᒪᒃ ᑲ ᐃᑐᑕᑭᓄᐅᒋ ᒥᓯᐛ ᒐᒂᔪᐛ ᐱᑎᑭᒥᒡ ᐊᓐᑕ ᒥᒋᐛᐱᒡ ᑲ ᑎᒂᒋ, ᒋ ᐱᒋᑕᐱᔨᑕᑭᓄᐤ ᒥᐧᒄ ᐊᓐᑕ ᐊ ᐊᑎ ᑎᒂᒋ ᐊᓂᔭ ᒐᒂᔪᐛ ᒋᓴᒪᓂᑐᐤ ᐊ ᑕᑦ ᐊ ᐃᓯ ᐊᐱᑎᒋ᙮ ᐛᔅ ᐸᑐᔅ ᒥᐧᒄ ᑲ ᐅᒋᑯᐅᒡ ᐊᑯ ᐃᔭᒄ ᒐ ᑎᒂᒡ ᐛᐸᔨᑎᒪᒐᐅᓐ᙮

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮