ᐊᒃᓱᑕᔅ 12:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᐃᔅᕋᐃᓪ ᐃᔪᒡ ᒋ ᓂᑭᑎᒧᒡ ᕋᒪᓯᔅ ᐃᑕᐅᓂᔪᐤ ᒂ ᐃᑐᑕᒡ ᐊᓐᑕ ᓱᑯᑦ᙮ ᒐᑲᑦ ᐊᓱᑕᒡ ᒐᓯᐱᔪᐤ ᓇᐸᐅᒡ ᒋ ᐃᑕᑎᓱᐅᒡ ᐊ ᐱᒧᑕᒡ, ᐊᑲ ᒋᒪᑭᓄᐅᒡ ᐃᔎᐅᒡ ᑭᔭ ᐊᐛᓯᒡ᙮

ᐊᒃᓱᑕᔅ 12:37 Iomraidhean Croise

ᒐᓂᓯᔅ 12:2

ᒋᑭ ᐅᑕᐎᒪᐅᓐ ᐊ ᓱᐧᑲᑎᓯᒡ ᐊ ᐃᑎᔅᑲᓇᓯᒡ, ᒋᑭ ᒥᔪᑐᑕᑎᓐ ᒥᓯᐛ ᒐᒂᓐ ᐅᒡ, ᓂᑭ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ, ᒋᑭ ᓱᐛᔨᑕᑯᐎᐛᓐ ᒪᒃ᙮

ᒐᓂᓯᔅ 15:5

ᐊᑯ ᑎᐸᔨᒋᒐᓱᐤ ᐎᐎᑎᒥᒡ ᐊ ᑐᑕᐊᑦ ᐊᑉᕋᒪ ᑭᔭ ᒋ ᐃᑕᐤ, “ᒋᓯᑯᒡ ᐃᑕᐱᔾ ᑭᔭ ᑯᒋᑕ ᒐᒋ ᐊᒋᒥᑥᐤ ᐅᒐᑭᑕᐧᑯᒡ,” ᐊᑯ ᑎᐸᔨᒋᒐᓱᐤ ᐊᑕᑦ, “ᐊᐅᑯᓐ ᒐ ᐃᔅᐱᒐᑎᒡ ᒋᓂᑕᐅᒋᐊᑭᓐᒡ ᒐ ᑭᓄᐛᔨᒥᑥᐤ᙮”

ᒐᓂᓯᔅ 46:3

ᒋᓴᒪᓂᑐᐛ ᐃᑎᑯᐤ, “ᓂᔾ ᐅ ᒋᓴᒪᓂᑐᐤ, ᒍᑕᐎᔾ ᐅᒋᓴᒪᓂᑐᒪ, ᐊᑲ ᑯᔅᑕᒋ ᒐᒋ ᐃᑐᑕᔨᓐ ᐃᒋᑉᑎᒡ, ᐛᔅ ᐊᑯᑕ ᒐ ᐃᑐᑎᒪᑕᓐ ᒐᒋ ᓱᐧᑲᑎᓯᐤ ᒥᒐᑐᔅᑲᓇᓯᔨᓐ᙮

ᒐᓂᓯᔅ 47:11

ᐊᑯ ᒍᓯᑉ ᒋ ᐃᑐᑎᒺᐤ ᑲ ᐃᑎᓱᒥᑯᑦ ᒋᓴᐅᒋᒪᐛ᙮ ᒋ ᒥᔭᐤ ᐅᑕᐎᔭ ᑭᔭ ᐎᐧᑲᓂᓴ ᐊ ᒥᔽᔨᒡ ᐊᔅᒋᔪᐤ ᐃᒋᑉᑎᒡ ᐊᓐᑕ ᒥᒋᒪ ᕋᒪᓯᔅ ᐅᑕᓇᒡ᙮

ᐊᒃᓱᑕᔅ 1:11

ᐊᑯ ᐃᒋᑉᑦ ᐃᔪᒡ ᒂ ᑎᔭᒡ ᐅᒋᒪᐤ ᐊᐱᒋᐊᑭᓇ ᐃᔅᕋᐃᓪ ᐃᔪᐛ ᐊ ᑕᔨᒋ ᒐᒋ ᓇᓇᑭᒐᔨᒋ ᑭᔭ ᒐ ᒥᔅᑎ ᐊᑐᔅᑲᐊᔨᒋ᙮ ᐃᔅᕋᐃᓪ ᐃᔪᒡ ᒂ ᐅᓯᑕᒡ ᐱᑐᒻ ᑭᔭ ᕋᒪᓯᔅ ᐅᑕᓇᐛ, ᐊᓐᑕ ᒐ ᐊᔅᑕᓱᐅᔨᒋ ᒋᓴᐅᒋᒪᐛ᙮

ᐊᒃᓱᑕᔅ 10:9

ᒧᓱᔅ ᒂ ᐃᑕᑦ, “ᒥᓯᐛ ᓂᑭ ᔅᑐᑕᓇᓐ, ᐊᓯᒡ ᐊᐛᓯᐅᒡ ᑭᔭ ᐊ ᒋᓴᐃᔪᐅᒡ, ᓂᑯᓯᓇᓐᒡ ᑭᔭ ᓂᑕᓂᓯᓇᓐᒡ, ᑭᔭ ᒥᒋᑎᐧᑯᒡ᙮ ᐛᔅ ᓂᑭ ᐎ ᒥᒋᓱᓇᓂᒐᓇᓐ ᒐᒋ ᒋᔅᑕᔨᒥᒋᒡ ᑎᐸᔨᒋᒐᓱᐤ᙮”

ᐊᒃᓱᑕᔅ 13:20

ᑲᒋ ᓂᑭᑕᒡ ᓱᑯᑦ ᒋ ᒪᓂᑲᓱᐅᒡ ᐊᓐᑕ ᐃᑕᒻ ᒋᒡ ᐊ ᐸᐧᑯᑎᔅᑭᒥᑲᔨᒡ᙮

ᐊᒃᓱᑕᔅ 38:26

ᒥᓯᐛ ᓇᐸᐅᒡ ᑲ ᓂᓱᔪᐛᐳᓇᓯᒡ ᑭᔭ ᐅᔅᑕ ᒋ ᒋᒪᑭᓄᐎᒡ ᑭᔭ ᒥᓯᐛ ᐊᐛᓐ ᒋ ᒋᓯᐧᑲᓱᐤ ᐊᓂᔭ ᑕᓐ ᑲ ᐃᓯ ᓂᑐᐛᔨᑎᒧᐛᑭᓄᐅᑦ᙮ ᒥᓯᐛ ᐊ ᒋᒪᑭᓄᐅᒡ ᐊᓐᒡ ᓇᐸᐅᒡ ᐊᓱᑕᒡ ᑕᑐ ᒥᑕᓯᒥᑎᓄᐤ ᐊᓱ ᓂᔍᐤ ᒐᓯᐱᔪᐤ ᐊᓱ ᐱᑕᑕᒡ ᑕᑐ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ᒋ ᐃᑕᑎᓱᐅᒡ᙮