ᐊᒃᓱᑕᔅ 12:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒐ ᐅᑎᓇᑯᒡ ᐃᓴᑉ ᓂᐱᓯᔭᑎᑯᒡ ᑭᔭ ᒥᐧᑯᒡ ᒐ ᑯᒋᒪᑯᒡ ᐊᓐᑕ ᐊᔅᒋᐧᑯᒡ ᑭᔭ ᒐ ᒥᓯᒂᐊᒪᒄ ᐊᓐᑕ ᐃᔅᐱᒥᒡ ᔅᑐᐧᑭᓇᑎᑯᒡ ᑭᔭ ᐊᓐᑕ ᐊᔨᑐᐤ ᔅᑐᐧᑭᓇᑎᑯᒡ᙮ ᒥᓯᐛ ᐊᐛᓐ ᐱᑎᑭᒥᒡ ᒋᑭ ᐎ ᑕᐤ ᐃᔅᐱᔅ ᒐᒋᓴᐸᔭᒐ᙮

ᐊᒃᓱᑕᔅ 12:22 Iomraidhean Croise

ᑎᐱᑦ ᐅᓂᑭᒧᐅᓇ 51:7

ᐸᔭᒋᐃ ᐃᓴᑉ ᐅᒡ, ᐊᑯ ᒐ ᐸᔭᒋᓯᔭᓐ: ᒋᔅᑕᐸᐛᔨ ᐊᑯ ᐊᑐᐎᔅ ᒐ ᐛᐱᓯᔭᓐ ᐃᔅᐱᔅ ᑯᓐ᙮

ᐊᒃᓱᑕᔅ 12:7

ᒋᑭ ᐅᑎᓂᒺᐅᒡ ᒪᒃ ᐱᔅᒐ ᐅᒥᐧᑯᔪᐤ, ᑭᔭ ᒋᑭ ᒥᓯᒂᐊᒧᒡ ᐊᔨᑐᐤ ᔅᑐᐧᑭᓇᑎᑯᒡ, ᑭᔭ ᑕᐧᑯᒡ ᔅᑐᐧᑭᓇᑎᑯᒡ ᐊᓐᑕ ᒥᒋᐛᐱᒡ ᒐ ᒧᐛᒡ᙮

ᒪᑎᔪᐤ 26:30

ᐃᔅᐱ ᒪᒃ ᑲ ᓂᑭᒧᒡ ᐊᔭᒥᐊᐅ-ᓂᑭᒧᐅᓂᔪᐤ ᐊᑯ ᒂ ᐃᑐᑕᒡ ᐊᓐᑕ ᐊᓕᐱᔅ ᑲ ᐃᓯᓂᐧᑲᑕᔨᒡ ᐱᔅᑯᑎᓇᔪᐤ᙮

ᐃᑉᕈᐛ 11:28

ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᒋᒋᐱᔨᑕᐤ ᒐᒋ ᑎᑯᓂᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ, ᐊᓯᑯᒻ ᐱᐳᓇ ᒪᒃ ᐅ ᒋ ᐃᑐᑕᑭᓄᐤ᙮ ᐊᓂᔭ ᒪᒃ ᒧᓱᔅ ᐊ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑎᓱᐛᐤ ᒐᒋ ᐅᓯᔄᐛᐱᔨᑕᑭᓄᔨᒋ ᐊᐛᓯᓴ ᐅᒥᐧᑯᔪᐤ ᐊᓐᑕ ᔅᑐᐧᑭᓂᒡ ᑭᔭ ᐊᓂᔭ ᐊᓐᒋᓇ ᑲ ᓂᐸᐃᐛᔨᒋ ᒐ ᐊᑲ ᒋ ᓂᓱᐅᓇᒋᐊᔨᒋ ᐊᓂᔭ ᓂᔅᑎᒧᓴᓇ ᑲ ᓇᐸᓯᐎᔨᒋ ᐃᔅᕋᐃᓪ ᐃᔪᐛ ᐊ ᑕᔨᒋ᙮

ᐃᑉᕈᐛ 12:24

ᑭᔭ ᒋᓴᔅ ᑕᐤ ᐊᓐᑕ, ᐊᓐ ᑲ ᐅᔅᒋᑕᐛᑦ ᒋᓴᒪᓂᑐᐛ ᐅᓂᔅᑯᒧᐅᓂᔪᐤ᙮ ᐊᓂᔭ ᙭ ᐊᒋ ᐅᓂᑕᑦ ᐅᒥᐧᒄ ᒋᔭᓄᐤ ᐅᒋ, ᐊᑯᑕ ᐛᒋ ᑎᒂᒡ ᐛᐸᔨᑎᒪᒐᐅᓐ᙮ ᐊᓂᔭ ᒪᒃ ᐎᔾ ᐊᐳᓪ ᐊᒋ ᐅᓂᑕᑦ ᐅᒥᐧᒄ ᑲ ᓂᐸᐊᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒐᒋ ᑎᐸᐊᒧᐛᑭᓄᐅᑦ ᒐᒂᔪᐤ ᐊ ᐃᑐᑐᐛᑭᓄᐅᑦ ᐊᐛᓐ᙮

ᐃᑉᕈᐛ 9:1

ᐊᓐ ᓂᔅᑎᒻ ᓂᔅᑯᒧᐅ ᒥᓯᓇᐃᑭᓐ ᑲ ᐅᓯᑕᑭᓄᐅᒡ ᐊᑯᑕ ᑲ ᐎᑎᒧᐛᑭᓄᐎᒡ ᐊᐛᓐᒋ ᑕᓐ ᐊᓐ ᒐ ᐃᑎᒡ ᐊ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮ ᒋ ᓂᑐᐛᔨᑕᑯᓐ ᒐᒋ ᑎᒂᒡ ᒥᒋᐛᑉ ᐅᑕ ᐊᔅᒋᒡ ᐊᓐᑕ ᒐ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᐃᑉᕈᐛ 9:14

ᒧᔭᒻ ᒪᒃ ᐊᐛᓯᔅ ᐅᒥᐧᒄ ᐊ ᐸᔭᒋᑕᒐᒥᑭᓂᔨᒡ ᒪᒥᑐᓇᔨᑎᒧᒄ ᑕᓐ ᐊᔅᐱᔅ ᐊᑐᐎᔅ ᒐᒋ ᐃᓯ ᐎᒋᐃᑯᐛᐧᒄ ᙭ ᐅᒥᐧᒄ᙮ ᒋ ᐱᒪᑎᓯᐤ ᐅᑕ ᐊᔅᒋᒡ ᐊᑲ ᐛᐛᒡ ᐅᒋ ᒥᒋᑐᑕᐧᒃ᙮ ᑲ ᐸᔭᒋᓯᔨᒋ ᐊᒐᒂ ᑲᒋᒡ ᐊ ᑕᔨᒋ ᒋ ᐎᒋᐃᑯᐤ ᐃᔅᐱ ᑲ ᐱᔅᑕᔨᒥᑎᓱᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐅᒥᐧᒄ ᐊᐅᒄ ᒐ ᐸᔭᒋᐃᑯᐛᐧᒄ᙮ ᓇᒪ ᐎ ᐊᓂᔭᔪᐛ ᐊᑲ ᐅᔭᔅ ᐃᑕᐱᑎᓂᔨᒋ ᒐᒂᔪᐛ ᑲᒋ ᐃᑐᑎᒪᐧᒄ ᒋᑭ ᐅᒋ ᐱᒪᒋᐃᑯᓇᓄᐤ᙮ ᐊᑯ ᒪᒃ ᑲᒋᒡ ᒐᒋ ᐊᑐᔅᑯᐛᐧᒄ ᒋᓴᒪᓂᑐᐤ᙮

ᐃᑉᕈᐛ 9:19

ᒋ ᒋᔅᒋᓯᑐᐛᐛᐤ ᐊ ᐊᓂᔭ ᒧᓱᔅ ? ᐃᔅᐱ ᒥᓯᐛ ᐊᓂᔭ ᐎᓱᐛᐅᓇ ᑲ ᐃᔨᒥᑐᐛᑦ ᐅᑦ ᐃᔨᒪ, ᐊᑯ ᒂ ᐅᑎᓂᒺᑦ ᐊ ᐅᔅᒋᐱᒪᑎᓯᔨᒋ ᒥᔅᑐᓯᓴ ᐅᒥᐧᑯᔪᐤ, ᒂ ᒪᒧᐱᔨᑕᑦ ᓂᐱᔪᐤ ᐊᓐᑕ ᒥᐧᑯᒡ ᑭᔭ ᑲ ᐊᒂᐱᐧᑲᑕᐧᒃ ᐊ ᒥᒂᓯᔨᒡ ᒪᔭᑕᓂᓴ ᐅᐱᐎᔪᐤ, ᒂ ᐊᑯᑕᑦ ᐊᓐᑕ ᒥᐧᑯᒡ ᐊᑯ ᒂ ᐱᒋᑕᐱᔨᑕᑦ ᐊᓐᑕ ᐃᔅ ᐊᓂᔭᔪᐛ ᐎᓱᐛᐅᒥᓯᓇᐃᑭᓇ ᐊ ᑎᑯᓂᔨᒋ ᑭᔭ ᐊᓐᑕ ᐃᔪᐛ ᐊ ᑕᔨᒋ᙮

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮