ᐊᒃᓱᑕᔅ 12:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᓂᔄᐅᑕᒡ ᑕᑐ ᒋᓯᑲᐛ ᐃᔅᐱᔅ ᓇᒪ ᒋᑭ ᐎ ᑕᐤ ᓯᐅᔅᑎᒪᑭᓐ ᐊᓐᑕ ᐱᑎᑭᒥᒡ ᒋᒋᐛᐛᒡ᙮ ᒥᒋᒐ ᐊᐛᓐ ᒐᒂᔪᐤ ᐊ ᐅᐱᓯᔪᐎᒡ, ᒋᑭ ᐃᑲᑎᓴᐛᑭᓄᐤ ᐊᓐᑕ ᐃᔅᕋᐃᓪ ᐃᔪᐛ ᐅᒡ᙮

ᐊᒃᓱᑕᔅ 12:19 Iomraidhean Croise

ᐊᒃᓱᑕᔅ 12:15

ᐃᔅᐱᔅ ᓂᔄᐅᑕᒡ ᒋᓯᑲᐛ ᒋᑭ ᐎ ᒧᐛᐛᐤ ᐸᒂᓯᑭᓐ ᐊᑲ ᐅᐱᓱᑦ᙮ ᐊᓐ ᓂᔅᑎᒻ ᒋᓯᒄ ᒐ ᐎᐎᑎᓯᓇᒃ ᓯᐅᔅᑎᒪᑭᓐ, ᐅ ᒥᒄ ᐊᐛᓐ ᒥᒋᒐ ᒐᒂᔪᐤ ᓯᐅᔅᑎᒪᑭᓇ ᐊ ᐅᒋ ᐅᓯᑕᑭᓄᐎᒡ ᒪᒂᒡ ᐊᓂᔭ ᓂᔄᐅᑕᒡ ᒋᓯᒂ, ᒋ ᐃᑲᑎᓴᐛᑭᓄᐤ ᐊᓐᑕ ᐃᔅᕋᐃᓪ ᐅᒡ᙮

ᐊᒃᓱᑕᔅ 12:20

ᒐ ᐊᑲ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮ ᒥᒄ ᑕᓐᑕ ᒐ ᐊᑎ ᐃᑕᔭᒃ, ᒐ ᒧᐛᒃ ᐸᒂᓯᑭᓐ ᐊᑲ ᐅᐱᓱᑦ᙮”

ᐊᒃᓱᑕᔅ 12:43

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ ᑭᔭ ᐊᕋᓇ, “ᐊᐅᑯᐤ ᐅᔭ ᒐᒂᔪᐛ ᒐ ᓇᓴᐊᒪᒄ ᐅᑎᒋᐱᔨᒐ ᐎᒪᔅᑲᒐᐅ-ᒥᑯᓴᐅᓐ: ᒐ ᐊᑲ ᒥᒋᑦ ᒪᓐᑕᐤ ᐊᓂᔭ ᐎᒪᔅᑲᒐᐅ-ᒥᑯᓴᐅ-ᒥᒋᒥᔪᐤ᙮

ᐊᒃᓱᑕᔅ 12:48

ᐊᐛᓐ ᐊ ᒪᓐᑕᐅᑦ ᐊ ᐎᒋᒥᑕᒄ ᐎ ᒥᑯᓴᒐ ᐅᔭ ᑎᐸᔨᒋᒐᓱᐛ ᐎᒪᔅᑲᒐᐅᓂᔪᐤ, ᒥᓯᐛ ᓂᔭᐸᐅᐎᔨᒋ ᐊᓐᑕ ᐎᒋᒡ ᒋᑭ ᐎ ᒋᔅᒋᓄᐛᒋᔄᑭᓄᐎᔪᐛ; ᐊᑯ ᐸᑐᔅ ᒐᒋ ᒥᒋᑦ ᒧᔭᒻ ᐃᔅᕋᐃᓪ ᐃᔪᐛ᙮ ᓇᒪ ᒋᑭ ᒥᒍᐤ ᓇᐸᐤ ᐊᑲ ᒋᔅᒋᓄᐛᒋᔄᑭᓄᐅᑦ᙮

ᐊᒃᓱᑕᔅ 13:3

ᒂ ᐃᑕᑦ ᒧᓱᔅ ᐃᔪᐛ, “ᒐ ᒋᔅᑕᔨᑎᒪᒃ ᐅ ᒋᓯᒄ, ᑲ ᐎᐎᔭᒄ ᐃᒋᑉᑎᒡ ᐅᒡ, ᑲ ᒪᑯᓂᑯᐅᔭᒄ, ᐛᔅ ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᒋ ᐊᐱᒋᑕᐤ ᒐᒋ ᐎᐎᑕᔨᑕᒄ ᐊᓐᑕ ᐃᒋᑉᑎᒡ᙮ ᒐ ᐊᑲ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮

ᐊᒃᓱᑕᔅ 13:7

ᒐ ᒧᐛᒃ ᐸᒂᓯᑭᓐ ᐊᑲ ᐅᐱᔨᑦ ᒪᒂᒡ ᐊᓐ ᓂᔄᐅᑕᒡ ᒋᓯᑲᐛ; ᓇᒪ ᒋᑭ ᐎ ᑭᓄᐛᔨᒪᐛᐤ ᐊ ᓯᐅᔅᑎᒪᑭᓄᐅᑦ ᐸᒂᓯᑭᓐ ᑭᔭ ᓇᔅᒡ ᓇᒪ ᒐᒂᓐ ᐊᓯᐅᔅᑎᒪᑭᓄᐅᑦ ᒋᑭ ᐎ ᑎᑯᓐ ᐊᓐᑕ ᒋᑦ ᐊᔅᒋᐛᒡ, ᑭᔭ ᒐ ᐊᑲ ᑭᓄᐛᔨᒪᒃ ᓯᐅᔅᑎᒪᑭᓐ᙮

ᐊᒃᓱᑕᔅ 23:15

ᐅᔅᑭᒡ ᒥᑯᓴᓐ ᒐ ᐃᑐᑎᒪᒄ ᐊᑲ ᐅᐱᓱᑦ ᐸᒂᓯᑭᓐ ᒋᑭ ᐃᓯᓂᐧᑲᑕᓇᐛᐤ᙮ ᐊᐱᑉ ᐃᓯᓂᐧᑲᑕᐤ ᐊᓐ ᐱᓯᒻ ᒐ ᒥᑯᓴᔭᒄ ᐅ ᒥᑯᓴᓐ᙮ ᐊᐅᑯᓐ ᐅ ᐱᓯᒻ ᑲ ᒋᔅᑐᑕᔭᒄ ᐊᓐᑕ ᐃᒋᑉᑎᒡ ᐅᒡ᙮ ᒧᔭᒻ ᑲ ᐃᑎᓱᒥᑎᑯᒡ ᒐ ᐃᓯ ᒥᑯᓴᔭᒄ᙮ ᓇᓂᑎᒻ ᒐ ᐸᑕᔭᒄ ᐱᔅᑎᓂᒐᐅᓐ ᑕᑥᐤ ᑕᑯᓯᓂᔭᑯᐤ ᒐᒋ ᐊᔭᒥᐊᔅᑐᐅᔭᒄ᙮

ᐊᒃᓱᑕᔅ 30:33

ᐅᓯᐊᒐ ᐊᐛᓐ ᑯᑎᒂ ᐱᒥᔭ ᒧᔭᒻ ᑐᒥᓂᒐᐅ-ᐱᒥᔭ ᑭᔭ ᒪᒃ ᐳᓂᒧᐛᒐ ᐊᐛᔪᐛ ᐊᑲ ᐊᔭᒥᐊᒋᒪᐅᐎᔨᒋ ᓇᒪ ᓂᑭ ᒋ ᐃᓯ ᐅᑎᓇᐤ ᒧᔭᒻ ᓂᑦ ᐃᔨᒻ᙮’ ”

ᐊᒃᓱᑕᔅ 34:18

ᒐ ᐊᑲ ᐅᓂᒋᔅᒋᑎᒪᒄ ᒥᑯᓴᐤ ᒋᓯᒄ ᐊᑲ ᐅᐱᓱᑦ ᐸᒂᓯᑭᓐ, ᒧᔭᒻ ᑲ ᐃᑎᓱᒥᑎᑯᒡ᙮ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᒋᑭ ᒧᐛᐛᐤ ᐊᑲ ᐅᐱᓱᑦ ᐸᒂᓯᑭᓐ ᐊᐱᑉ ᐱᓯᒧᒡ ᐛᔅ ᐊᐅᑯᐤ ᐱᓯᒻ ᐃᒋᑉᑎᒡ ᑲ ᐅᒋ ᐎᐎᔭᒄ᙮