ᐊᒃᓱᑕᔅ 10:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒧᓱᔅ ᒂ ᐃᑕᑦ, “ᒥᓯᐛ ᓂᑭ ᔅᑐᑕᓇᓐ, ᐊᓯᒡ ᐊᐛᓯᐅᒡ ᑭᔭ ᐊ ᒋᓴᐃᔪᐅᒡ, ᓂᑯᓯᓇᓐᒡ ᑭᔭ ᓂᑕᓂᓯᓇᓐᒡ, ᑭᔭ ᒥᒋᑎᐧᑯᒡ᙮ ᐛᔅ ᓂᑭ ᐎ ᒥᒋᓱᓇᓂᒐᓇᓐ ᒐᒋ ᒋᔅᑕᔨᒥᒋᒡ ᑎᐸᔨᒋᒐᓱᐤ᙮”

ᐊᒃᓱᑕᔅ 10:9 Iomraidhean Croise

ᒐᓂᓯᔅ 50:8

ᐊ ᐸᐃᑯᑕᐅᓯᑦ ᒍᓯᑉ ᐊᓯᒡ ᑭᔭ ᐎᐧᑲᓂᓴ ᑭᔭ ᐊᑎ ᐸᐃᑯᑕᐅᓯᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ᐎᒋᒥᑯᔨᒋ ᒋ ᐎᒐᐛᐅᒡ ᒍᓯᐸ᙮ ᒥᒄ ᐊᓂᔭ ᐊᐛᓯᐎᔨᒋ ᐅᑦ ᐊᐛᓯᒧᐛᐛ ᑭᔭ ᐱᔅᒐ ᐊᐱᒋᐊᑭᓇ ᒐ ᑭᓄᐛᔨᒥᑯᔨᒋ ᑭᔭ ᐊᓂᔭ ᒥᓯᐛ ᐅᑦ ᐊᐛᓯᓯᒧᐛᐛ ᒋ ᓂᑭᑕᐅᒡ ᐊᓐᑕ ᑯᓯᓐ ᐊᔅᒋᒡ᙮

ᐊᒃᓱᑕᔅ 10:10

ᒋᓴᐅᒋᒪᐤ ᒋ ᐃᑕᐤ, “ᓂᑦ ᐊᓱᑎᒪᒐᓐ ᑎᐸᔨᒋᒐᓱᐤ ᐅᒡ, ᒐ ᐊᑲ ᓂᑕ ᓇᐊᔨᒥᑎᑯᒡ ᒐᒋ ᔅᑐᑕᐊᑯᒡ ᐃᔎᐅᒡ ᑭᔭ ᒋᑦ ᐊᐛᓯᒧᐛᐅᒡ ! ᐛᐸᑎᒥᒄ, ᑎᑯᓐ ᒐᒂᓐ ᐊ ᒥᒋ ᐃᑕᔨᑎᒪᒄ᙮

ᐊᒃᓱᑕᔅ 10:26

ᓂᑦ ᐊᐛᓯᓯᒥᓇᒡ ᐃᔭᐱᒡ ᓂᑭ ᔅᑐᑕᐊᓇᓐᒡ᙮ ᓇᒪ ᐛᒡ ᐸᐃᒄ ᒋᑭ ᓂᑭᑕᑭᓄᐎᒡ ᒐᒋ ᑕᒡ ᐅᑕ᙮ ᒥᒄ ᐱᔅᒐ ᓂᑭ ᐅᑎᓇᓇᓐᒡ ᒐᒋ ᐊᐱᒋᔨᒋᒡ ᐊᔭᒥᐊᔅᑐᐅᒋᒐ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮ ᑭᔭ ᓇᒪ ᓂᑭ ᒋᔅᒐᔨᒪᓇᓐᒡ ᐊᓐᒡ ᒐ ᐊᐱᒋᔨᒋᒡ ᐸᑐᔅ ᒋ ᑎᑯᓯᓂᔭᒐ ᓇᑕ ᐊ ᐎ ᐃᑐᑕᔭᒡ ᒐᒋ ᐊᔭᒥᐊᔅᑐᐅᒋᒡ ᑎᐸᔨᒋᒐᓱᐤ᙮”

ᐊᒃᓱᑕᔅ 12:32

ᒐ ᐅᑎᓇᑯᒡ ᒋ ᒪᔭᑕᓂᓯᒧᐛᐅᒡ ᑭᔭ ᒋᑦ ᐊᐛᓯᓯᒧᐅᒡ, ᒧᔭᒻ ᑲ ᐃᔅᒋᔄᔭᒄ ᑭᔭ ᒐ ᔅᑐᑕᔭᒃ᙮ ᑭᔭ ᒐ ᓂᑐᐛᔨᑎᒧᐛᒄ ᒋ ᑎᐸᔨᒋᒐᓯᒧᐛᐤ ᒐᒋ ᓱᐛᔨᑕᑯᔨᑦ᙮”

ᐊᒃᓱᑕᔅ 12:37

ᐃᔅᕋᐃᓪ ᐃᔪᒡ ᒋ ᓂᑭᑎᒧᒡ ᕋᒪᓯᔅ ᐃᑕᐅᓂᔪᐤ ᒂ ᐃᑐᑕᒡ ᐊᓐᑕ ᓱᑯᑦ᙮ ᒐᑲᑦ ᐊᓱᑕᒡ ᒐᓯᐱᔪᐤ ᓇᐸᐅᒡ ᒋ ᐃᑕᑎᓱᐅᒡ ᐊ ᐱᒧᑕᒡ, ᐊᑲ ᒋᒪᑭᓄᐅᒡ ᐃᔎᐅᒡ ᑭᔭ ᐊᐛᓯᒡ᙮

ᐊᒃᓱᑕᔅ 12:38

ᒥᒐᑦ ᑯᑎᑲ ᐃᔪᐛ ᒋ ᐎᒐᐅᑯᐅᒡ ᐃᔭᐱᒡ ᐊᐛᓯᓴ, ᒪᔭᑕᓂᓴ ᑭᔭ ᒥᔅᑐᓴ᙮

ᐊᒃᓱᑕᔅ 13:6

ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᒐ ᒧᐛᒃ ᐸᒂᓯᑭᓐ ᐊᑲ ᐅᐱᔨᑦ ᑭᔭ ᐅᑎᒋᐱᔨᒐ ᓂᔄᐅᑕᒡ ᒋᓯᒄ ᒐ ᒥᑯᓴᔅᑐᐛᒄ ᑎᐸᔨᒋᒐᓱᐤ᙮

ᐊᒃᓱᑕᔅ 3:18

ᐃᔅᕋᐃᓪ ᐅᒋᒪᐅᒡ ᒋᑭ ᓂᑐᑕᑯᒡ ᒐᒂᓂᔪᐤ ᒐ ᐃᑎᑥᐤ᙮ ᐊᑯ ᒋᔾ ᑭᔭ ᐊᕋᓐ ᒐ ᓂᑐᐛᐱᒪᒄ ᐃᒋᑉᑦ ᒋᓴᐅᒋᒪᐤ ᑭᔭ ᒐ ᐃᑕᒄ, ‘ᑎᐸᔨᒋᒐᓱᐤ, ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᑯᓇᓐ᙮ ᓇᐃᒥᓇᓐ ᒐᒋ ᐱᒧᑕᔭᒡ ᓂᔅᑐᒋᓯᑲᐛ ᐃᔅᐱᔅ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᑐᔅᑕᐊᒧᐅᒋᒡ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮’

ᐊᒃᓱᑕᔅ 5:1

ᐸᑐᔅ ᑲᒋ ᐛᐸᑎᔭᒡ ᐊᓂᔭ ᒋᓴᐃᔪᐛ ᒐᒂᔪᐤ, ᐊᐅᑯᔪᐤ ᒧᓱᔅ ᑭᔭ ᐊᕋᓐ ᒂ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ᐃᑕᒡ, “ᐊᐅᑯᔪᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒧᐛᐛ ᑲ ᐃᔅᒋᔄᔨᒋ, ‘ᐱᔅᑎᓂᒡ ᓂᑦ ᐃᔨᒥᒡ ᒐᒋ ᔅᑐᑕᒡ, ᒋᑭ ᐃᑐᑕᐅᒡ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᑯᓴᒡ ᑭᔭ ᒐᒋ ᐊᔭᒥᐊᔅᑐᐅᒡ᙮’ ”

ᐊᒃᓱᑕᔅ 5:3

ᐊᑯ ᒂ ᐃᑕᒡ, “ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᑯᐱᓇᓂ, ᓇᐃᒥᓇᓐ ᒐᒋ ᐱᒧᑕᔭᒡ ᓂᔅᑐ ᒋᓯᑲᐛ ᐃᔅᐱᔅ ᐊᓐᑕ ᐸᐧᑯᑎᔅᑭᒥᑲᒡ, ᑭᔭ ᒐᒋ ᒥᔨᒋᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᐊᑲ ᑕᑈᑐᔭᒐ ᐊᐧᑯᓱᐅᓐ ᓂᑭ ᓂᐸᐃᑯᓇᓐ ᑭᔭ ᒪᒃ ᓂᑐᐱᔪᐅ-ᒧᐧᑯᒪᓐ᙮”

ᐃᐱᓯᔭᓇ 6:4

ᒋᔨᐛᐤ ᐅᑕᐎᒪᑐᒄ, ᐊᑲᐎᔾ ᓇᓂᑐᐤ ᒋᔄᐊᐧᑯᒡ ᒋᑦ ᐊᐛᓯᒧᐛᐅᒡ, ᐃᔭᐱᒡ ᑯᐃᔅᒄ ᐃᓯ ᓂᑕᐅᒋᓇᐧᑯᒡ ᒐᒋ ᒋᔅᒐᔨᑕᒡ ᑕᓐ ᒋᐸ ᐃᓯ ᐱᒪᑎᓯᐅᒡ ᑭᔭ ᒐᒋ ᓂᓇᐃᑐᐛᒡ ᐅᑎᐸᔨᒋᒐᐛ᙮