ᐊᒃᓱᑕᔅ 10:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐃᔅᐱᒥᒡ ᒐ ᐃᓯ ᓱᐅᓂᔅᒐᐎᔨᓐ ᐊᓐᑕ ᐃᒋᑉᑦ ᐊᔅᒋᒡ ᒐᒋ ᐸᐱᔨᒡ ᒂᔅᑯᑎᓯᓯᒡ᙮ ᒋᑭ ᐊᑯᓇᐊᒧᒡ ᐊᔅᒋᔪᐤ ᑭᔭ ᒋᑭ ᒥᒍᐅᒡ ᓂᑕᐅᒋᑕᑭᓇ ᐊᓂᔭ ᑲ ᐃᔅᑯᐱᔨᒋ ᑲ ᓯᓯᑯᓂᐱᔨᒡ᙮”

ᐊᒃᓱᑕᔅ 10:12 Iomraidhean Croise

ᑎᐱᑦ ᐅᓂᑭᒧᐅᓇ 105:34

ᒋ ᐃᔨᒧᐤ, ᐊᑯ ᐱᔭᒋ ᐃᑐᑕᒡ ᒂᔅᒂᑯᑎᓯᓯᒡ, ᑭᔭ ᐛᐛᒋᒧᑕᐅᒡ ᐊᑲ ᐊᒋ ᐊᒋᒪᑭᓄᔨᒋ;

ᐊᒃᓱᑕᔅ 10:15

ᒋ ᐊᑯᓇᐊᒧᒡ ᒂᔅᑯᑎᓯᓯᒡ ᒥᓯᐛ ᐃᒋᑉᑦ ᐊᔅᒋᔪᐤ ᐸᑐᔅ ᑭ ᐎᐸᔪᐛ ᑲ ᐃᓯᓇᑯᑕᒡ ᒧᔅᑎᔅᑭᒥᔪᐤ᙮ ᒥᓯᐛ ᒋ ᒥᒍᐅᒡ ᒐᒂᔪᐛ ᐊᓐᑕ ᓂᑕᐅᒋᒋᑭᓂᒡ ᑭᔭ ᒥᓂᓴ ᑲ ᓂᑕᐅᒋᒋ ᐊᓐᑕ ᒥᔅᑎᑯᒡ ᑭᔭ ᐊᓂᔭ ᑲ ᐃᔅᑯᐱᔨᒋ ᑲ ᓯᓯᑯᓂᐱᔨᒡ᙮ ᓇᒪ ᒐᒂᓐ ᐅᒋ ᐃᔅᑯᐱᔪᐤ ᐊᓯᐸᑯᐅᒡ ᐊᓐᑕ ᒥᔅᑎᑯᒡ ᑭᔭ ᒪᒃ ᓂᑕᐅᒋᑕᑭᑭᓂᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ᙮

ᐊᒃᓱᑕᔅ 7:19

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᐃᑎᑦ ᐊᕋᓐ, ‘ᐅᑎᓇ ᒋᓯᔅᑲᐅᓐ ᑭᔭ ᓂᐱᒡ ᐊᓐᑕ ᒐ ᐃᔅᐱᑕᔨᓐ, ᒥᓯᐛ ᓯᐱᓴ, ᑭᔭ ᒥᓯᐛ ᓂᐱᔭ,’ ᒥᐧᑯᒡ ᒐ ᐃᓯᓇᒂᒋ᙮ ᒥᓯᐛ ᓂᐱᔾ ᐊᓐᑕ ᐃᒋᑉᑎᒡ ᒥᐧᑯᒡ ᒋᑭ ᐃᓯᓇᑯᓐ ᐃᔭᐱᒡ ᐊᓐᑕ ᐛᐱᑎᓂᔅᒋᐳᑕᒡ ᑭᔭ ᒥᓯᐛ ᒐᒂᓂᒡ ᑲ ᐊᓱᐅᑕᒡ ᓂᐱᔾ᙮”

ᐊᒃᓱᑕᔅ 9:32

ᐊᑯ ᓇᒪ ᐛᒋ ᐸᐃᒄ ᐸᒂᓯᑭᓂᒥᓇ ᐅᒋ ᓂᓱᐅᓇᑎᓇ ᐛᔅ ᐊᔅᒄ ᓇᒪ ᐅᒋ ᐊᑎᑕᐛ᙮

ᒋᔅᒐᔨᑕᑯᑕᒐᐅᓐ 9:3

ᐊᓐᑕ ᒪᒃ ᐊᓐ ᐊ ᐊᒂᐸᑕᒡ, ᐊᑯᑕ ᑲ ᐅᒋᐱᔨᒡ ᒥᓐᑐᓯᓯᒡ ᒧᔭᒻ ᒂᔅᑯᑎᓯᓯᒡ ᐊ ᐃᓯᓇᑯᓯᒡ ᐊᓐᑕ ᐊᔅᒋᒡ ᐊ ᐊᑎ ᐃᑕᒡ᙮ ᒧᔭᒻ ᒪᒃ ᐊ ᐃᑎᔨᒋ ᐊᓂᔭ ᒥᓐᑐᓯᓴ ᐊ ᐱᒋᔅᑲᐛᔨᒋ ᐊᐛᔪᐛ ᑲᒋ ᐅᒋ ᓂᓱᐅᓇᒋᐊᔨᒋ, ᐊᐅᑯᓐ ᑲ ᐃᓯ ᒥᔭᑭᓄᐎᒡ ᐅᒡ ᒐᒋ ᐃᑎᒡ᙮