ᐊᒃᓱᑕᔅ 1:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᑯ ᐊᓂᔭ ᐎᐧᑲᓂᓯᐛᐛ ᒋ ᒥᒐᑎᔪᐛ ᐅᑦ ᐊᐛᓯᒥᔪᐛ ᑭᔭ ᒂ ᑕᔨᒋ ᐅᓯᒥᔪᐛ ᑭᔭ ᐅᑦ ᐊᓂᔅᑯᑕᐸᓂᔪᐛ᙮ ᒋᒋᐛ ᒋ ᒋᓯᐱᔨᔪᐤ ᐊ ᒥᒐᑎᔨᒋ ᒂ ᐊᑎ ᓴᑭᔅᒋᓇᔨᒋ ᐊᓐᑕ ᑯᓯᓐ ᐊᔅᒋᒡ᙮

ᐊᒃᓱᑕᔅ 1:7 Iomraidhean Croise

ᒐᓂᓯᔅ 1:20

ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᐎᓂᐸᑯᒡ ᒐᒋ ᓴᑭᔅᒋᓇᒡ ᐱᒪᑎᓯᐤ ᐊᐛᓯᓯᒡ, ᓂᑐᐛᔨᒪᐅᒡ ᑭᔭ ᐱᔭᓱᐅᒡ ᒐᒋ ᐱᐸᒥᔭᒡ ᐊᓐᑕ ᒋᓯᑯᒡ᙮”

ᒐᓂᓯᔅ 1:28

ᒋᓴᒪᓂᑐᐤ ᒋ ᒥᔭᐤ ᐅᓱᐛᔨᒋᒐᐅᓐ ᑭᔭ ᒂ ᐃᑕᑦ, “ᒐ ᒥᒐᑥᐊᑯᒡ ᐊᐛᓯᒡ, ᒐᒋ ᒥᒐᑎᑦ ᐃᔪᐤ ᐅᑕ ᐊᔅᐱᑎᔅᑭᒥᑲᒡ ᐊᔅᒋᒡ ᑭᔭ ᒋᔨᐛᐤ ᒐ ᑭᓄᐛᔨᑎᒪᒄ᙮ ᒋᔨᐛᐤ ᒋᑭ ᐅᒋᒪᐅᓇᐛᐤ ᐊᓐᒡ ᓂᒪᓯᒡ ᐊᓐᑕ ᓂᐱᒡ, ᐱᔭᓱᐅᒡ ᐊᓐᑕ ᒋᓯᑯᒡ ᑭᔭ ᒥᓯᐛ ᐊᐛᓯᓯᒡ ᐅᑕ ᐊᔅᒋᒡ᙮

ᒐᓂᓯᔅ 12:2

ᒋᑭ ᐅᑕᐎᒪᐅᓐ ᐊ ᓱᐧᑲᑎᓯᒡ ᐊ ᐃᑎᔅᑲᓇᓯᒡ, ᒋᑭ ᒥᔪᑐᑕᑎᓐ ᒥᓯᐛ ᒐᒂᓐ ᐅᒡ, ᓂᑭ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ, ᒋᑭ ᓱᐛᔨᑕᑯᐎᐛᓐ ᒪᒃ᙮

ᒐᓂᓯᔅ 13:16

ᓂᑭ ᐃᑐᑐᐛᐅᒡ ᒋᓂᑕᐅᒋᐊᑭᓐᒡ ᒐᒋ ᒥᒐᑎᒡ ᒐ ᐊᑲ ᒋ ᐊᒋᒪᑦ ᐊᐛᓐ᙮ ᐅᔅᑕ ᒋᑭ ᒥᒐᑐᐅᒡ ᐃᔅᐱᔅ ᐊ ᑕᑎᓂᔨᒋ ᐃᔭᑲᐛ ᐅᑕ ᐊᔅᒋᒡ᙮

ᒐᓂᓯᔅ 15:5

ᐊᑯ ᑎᐸᔨᒋᒐᓱᐤ ᐎᐎᑎᒥᒡ ᐊ ᑐᑕᐊᑦ ᐊᑉᕋᒪ ᑭᔭ ᒋ ᐃᑕᐤ, “ᒋᓯᑯᒡ ᐃᑕᐱᔾ ᑭᔭ ᑯᒋᑕ ᒐᒋ ᐊᒋᒥᑥᐤ ᐅᒐᑭᑕᐧᑯᒡ,” ᐊᑯ ᑎᐸᔨᒋᒐᓱᐤ ᐊᑕᑦ, “ᐊᐅᑯᓐ ᒐ ᐃᔅᐱᒐᑎᒡ ᒋᓂᑕᐅᒋᐊᑭᓐᒡ ᒐ ᑭᓄᐛᔨᒥᑥᐤ᙮”

ᒐᓂᓯᔅ 17:16

ᓂᑭ ᓱᐛᔨᑕᑯᐛᐤ ᓴᕋ ᑭᔭ ᒋᑭ ᐅᑯᓱᐤ ᒋᔾ ᐅᒡ᙮ ᓂᑭ ᓱᐛᔨᑕᑯᐛᐅ ᑭᔭ ᐎᔾ ᒋᑭ ᐅᑲᐎᒪᐤ ᒐ ᑕᑐᔅᑲᓇᓯᓇᓄᐎᒡ; ᐱᔅᒐ ᐅᑦ ᐊᓂᔅᑯᑕᐸᓇ ᒋᑭ ᒋᓴᐅᒋᒪᐎᔪᐛ᙮”

ᒐᓂᓯᔅ 22:17

ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮

ᒐᓂᓯᔅ 26:22

ᐛᔪᐎᔅ ᐊᓐᑕ ᐅᒡ ᒋ ᐃᓯ ᐊᑐᒐᐤ ᐊᐃᓯᒃ᙮ ᒥᓐ ᐸᐃᒂᐤ ᒧᓇᐊᐧᒃ ᒧᓇᐃᐸᓂᔪᐤ ᐊᐅᑯᔪᐤ ᒪᒃ ᓇᒪ ᐊᐛᔪᐛ ᒋᑭ ᒋ ᑕᔪᐛ ᒐᒋ ᒥᔅᑭᒥᑯᑦ᙮ ᕋᐅᐳᑦ, “ᑎᐸᔨᒥᓱᐅᓐ” ᒋ ᐃᓯᓂᐧᑲᑎᒻ ᐊ ᐃᔅᒋᔄᑦ, “ᐊᓄᒡ ᐅᑎᐸᔨᒋᒐᐤ ᒋ ᒥᔨᑯᓄᐤ ᑎᐸᔨᒥᓱᐅᓂᔪᐤ ᒐᒋ ᐎᒋᔭᐧᒄ ᐅᑕ ᐊᔅᒋᒡ ᑭᔭ ᒋᑭ ᒥᒐᑎᓇᓐ ᐅᑕ᙮”

ᒐᓂᓯᔅ 26:4

ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔭ᙮ ᒋᑦ ᐊᓂᔅᑯᑕᐸᓐᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐃᔪᒡ ᐅᑕ ᐊᔅᒋᒡ᙮

ᒐᓂᓯᔅ 28:14

ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒐ ᐊᑲ ᐊᐛᓐ ᒋᒋᒪᑦ, ᒋᑭ ᒥᓯᑕᐱᔪᐅᒡ ᐊᑎᒪᐱᓯᒧᒡ ᑭᔭ ᐛᐱᓄᑕᒡ ᐃᔅ, ᒋᐛᑎᓄᒡ ᑭᔭ ᐱᓯᒧᑕᒡ ᐃᔅ᙮ ᒋᔾ ᐅᒋ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐅᑕ ᐊᔅᒋᒡ᙮

ᒐᓂᓯᔅ 35:11

ᐊᑯ ᒋᓴᒪᓂᑐᐤ ᐊᑕᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊᓯ ᓱᐧᑲᑎᓯᑦ, ᒐ ᐃᔭᐛᑯᒡ ᒥᒐᑦ ᐊᐛᓯᒡ᙮ ᒋᑭ ᒥᒐᑐᔅᑲᓇᓱᐅᒡ ᒋᑦ ᐊᐛᓯᒥᒡ ᑭᔭ ᐱᔅᒐ ᒋᑭ ᒋᓴᐅᒋᒪᐅᒡ ᒋᑦ ᐊᐛᓯᒥᒡ᙮

ᒐᓂᓯᔅ 46:3

ᒋᓴᒪᓂᑐᐛ ᐃᑎᑯᐤ, “ᓂᔾ ᐅ ᒋᓴᒪᓂᑐᐤ, ᒍᑕᐎᔾ ᐅᒋᓴᒪᓂᑐᒪ, ᐊᑲ ᑯᔅᑕᒋ ᒐᒋ ᐃᑐᑕᔨᓐ ᐃᒋᑉᑎᒡ, ᐛᔅ ᐊᑯᑕ ᒐ ᐃᑐᑎᒪᑕᓐ ᒐᒋ ᓱᐧᑲᑎᓯᐤ ᒥᒐᑐᔅᑲᓇᓯᔨᓐ᙮

ᒐᓂᓯᔅ 47:27

ᐊᑯ ᐃᔅᕋᐃᓪ ᐃᔪᒡ ᒂ ᐎᒋᒡ ᐊᓐᑕ ᑯᓯᓐ ᐊᔅᒋᒡ ᐊᓐᑕ ᐃᒋᑉᑎᒡ᙮ ᒋ ᒥᔪᐱᔪᐅᒡ ᑭᔭ ᒥᒐᑦ ᒋ ᑕᔪᐛ ᐅᑦ ᐊᐛᓯᒧᐛᐛ ᑭᔭ ᒂ ᒥᒐᑎᒡ ᐊ ᐃᔅᐱᒐᑎᒡ᙮

ᒐᓂᓯᔅ 48:16

ᒋᔾ ᐅ ᐃᔭᐱᒡ ᐊᓐᒋᓐ ᐊᓐ ᑲ ᐱᐧᑯᒋᐃᑦ ᒥᓯᐛ ᐊ ᐃᓯᓇᑯᓂᔨᒡ ᑲ ᒪᔭᑎᓂᔨᒡ ᐅᒡ, ᒋᓴᒪᓂᑐᐤ, ᓱᐛᔨᑕᑯᔨᒡ ᐅᒡ ᑲᓂᓯᒡ ᓇᐸᓯᒡ᙮ ᑭᒪ ᐃᔪᒡ ᒋᔅᒋᑕᒡ ᓂᑦ ᐃᓯᓂᐧᑲᓱᐅᓂᔪᐤ ᑭᔭ ᐅᑦ ᐃᓯᓂᐧᑲᓱᐅᓂᔪᐛ ᓄᑕᐎᔭ ᐊᐃᓯᑲ ᑭᔭ ᓂᒧᓱᒪ ᐊᑉᕋᐊᒪ ᐅᔭ ᓇᐸᓴ ᐅᒡ᙮ ᑭᒪ ᐅᒡ ᓇᐸᓯᒡ ᒥᒐᑎᔨᒋ ᐅᑦ ᐊᓂᔅᑯᑕᐸᓄᐛᐛ᙮”

ᒐᓂᓯᔅ 48:4

ᑭᔭ ᓂᒋ ᐃᑎᒄ, ‘ᒥᒐᑦ ᐊᐛᓯᒡ ᒋᑭ ᒥᔨᑎᓐ, ᐊᑯ ᒪᒃ ᒐ ᒥᒐᑐᔅᑲᓇᓯᒡ ᒋᑦ ᐊᓂᔅᑯᑕᐸᓐᒡ; ᓂᑭ ᒥᔭᐅᒡ ᒋᑦ ᐊᓂᔅᑯᑕᐸᓐᒡ ᐅᔭ ᑲᐃᓇᓐ ᐊᔅᒋᔪᐤ ᒧᔅ ᑲᒋᒡ ᐎᔨᐛᐤ ᒐᒋ ᑎᐱᔨᐛᐅᓯᒡ᙮’

ᒐᓂᓯᔅ 9:1

ᒋᓴᒪᓂᑐᐤ ᒋ ᓱᐛᔨᑕᑯᐛᐤ ᑭᔭ ᒋ ᐃᑕᐤ ᓄᐛᔨᒋ ᑭᔭ ᐅᑯᓯᔪᐛ, “ᓇᑐᐛᔨᑕᓐ ᒥᓯᐛ ᒐᒂᓐ ᒐᒋ ᐃᓯ ᒥᔪᐱᔨᔭᒄ᙮ ᒐ ᒥᒐᑥᐊᑯᒡ ᒋᑦ ᐊᐛᓯᒧᐛᐅᒡ ᑭᔭ ᒍᓯᒧᐛᐅᒡ, ᐊᑯ ᒐᒋ ᒥᒐᑎᒡ ᐃᔪᒡ ᐅᑕ ᐊᔅᒋᒡ᙮

ᑎᐱᑦ ᐅᓂᑭᒧᐅᓇ 105:24

ᓇᔅᒡ ᒪᒃ ᒋ ᒥᒐᑐᐛᐤ ᐅᑦ ᐃᔨᒪ; ᐊᔪᐛᒃ ᑭᔭ ᒋ ᒥᔅᑯᐅᓯᐊᐤ ᐃᔅᐱᔅ ᑲ ᐛᐧᑲᑎᑯᔨᒋ᙮

ᑎᐱᑦ ᐅᓂᑭᒧᐅᓇ 107:38

ᒥᔽᒋᒪᐤ ᑭᔭ, ᒐᒋ ᐅᒋ ᐊᑎ ᓇᔅᒡ ᒥᒐᑎᔨᒋ; ᓇᒪ ᑭᔭ ᒋ ᓇᐊᔨᒪᐤ ᐅᑦ ᐊᐛᐧᑲᓂᒥᔨᐛ ᒐᒋ ᐊᑲ ᒥᒐᑎᔨᒋ᙮

ᐊᒃᓱᑕᔅ 1:12

ᒥᒄ ᐊᑎᑐᐤ ᒋ ᐊᑎ ᓇᐧᑲᒐᑭᓄᐅᒡ ᐃᔅᕋᐃᓪ ᐃᔪᒡ, ᐊᑎᑐᐤ ᒂ ᐊᑎ ᒥᒐᑎᒡ ᐸᑎᒪ ᒥᓯᐛ ᐊᓐᑕ ᐊᔅᒋᒡ ᑲᒋ ᐃᑕᒡ᙮ ᐊᑯ ᐃᒋᑉᑦ ᐃᔪᒡ ᒐᒃ ᒂ ᑯᔅᑕᒡ ᐃᔅᕋᐃᓪ ᐃᔪᐛ᙮

ᐊᒃᓱᑕᔅ 12:37

ᐃᔅᕋᐃᓪ ᐃᔪᒡ ᒋ ᓂᑭᑎᒧᒡ ᕋᒪᓯᔅ ᐃᑕᐅᓂᔪᐤ ᒂ ᐃᑐᑕᒡ ᐊᓐᑕ ᓱᑯᑦ᙮ ᒐᑲᑦ ᐊᓱᑕᒡ ᒐᓯᐱᔪᐤ ᓇᐸᐅᒡ ᒋ ᐃᑕᑎᓱᐅᒡ ᐊ ᐱᒧᑕᒡ, ᐊᑲ ᒋᒪᑭᓄᐅᒡ ᐃᔎᐅᒡ ᑭᔭ ᐊᐛᓯᒡ᙮

ᐊᒃᓱᑕᔅ 5:5

ᐛᐸᑎᒧᒄ ! ᒋᒋᐛ ᒋ ᒥᒐᑎᓇᐛᐤ ᐃᔅᐱᔅ ᐃᒋᑉᑦ ᐃᔪᒡ᙮ ᐊᓄᒡ ᒋ ᐎ ᑯᔅᑎᔭᐛᐅᒡ ᒐᒋ ᐊᑐᔅᒐᒡ᙮”

ᐊᑈᔅᑕᓇᒡ 13:17

ᐊᓂᔭ ᒋᓴᒪᓂᑐᐛ, ᒍᐤ ᐃᔪᒡ ᑲ ᑕᑈᔭᔨᒪᒡ ᒋ ᐎᔭᔨᒪᐤ ᐛᔅᑭᒡ ᒋᐧᑲᓂᓯᓄᐛ ᒐᒋ ᐅᑦ ᐃᔨᒥᑦ᙮ ᒋ ᐃᑐᑐᐛᐤ ᒐᒋ ᐊᑎ ᒥᒐᑎᔨᒋ ᒪᒂᒡ ᐊᓐᑕ ᐃᒋᑉᑎᒡ ᑲ ᑕᔨᒋ᙮ ᐊᑯ ᒪᒃ ᐊ ᐃᔅᐱᔅ ᓱᒐᔨᑕᑯᓯᔨᒋ ᒋᓴᒪᓂᑐᐛ ᒋ ᐎᐎᑕᐃᑯᐅᒡ ᐊᓐᑕ ᐊᔅᒋᒡ ᐅᒡ᙮