ᐊᒃᓱᑕᔅ 1:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯ ᐃᒋᑉᑦ ᐃᔪᒡ ᒂ ᑎᔭᒡ ᐅᒋᒪᐤ ᐊᐱᒋᐊᑭᓇ ᐃᔅᕋᐃᓪ ᐃᔪᐛ ᐊ ᑕᔨᒋ ᒐᒋ ᓇᓇᑭᒐᔨᒋ ᑭᔭ ᒐ ᒥᔅᑎ ᐊᑐᔅᑲᐊᔨᒋ᙮ ᐃᔅᕋᐃᓪ ᐃᔪᒡ ᒂ ᐅᓯᑕᒡ ᐱᑐᒻ ᑭᔭ ᕋᒪᓯᔅ ᐅᑕᓇᐛ, ᐊᓐᑕ ᒐ ᐊᔅᑕᓱᐅᔨᒋ ᒋᓴᐅᒋᒪᐛ᙮

ᐊᒃᓱᑕᔅ 1:11 Iomraidhean Croise

ᒐᓂᓯᔅ 15:13

ᐊᑯ ᑎᐸᔨᒋᒐᓱᐛ ᐊᑎᑯᑦ, “ᒐ ᐎ ᓂᔅᑐᑎᒥᓐ ᒐᒂᓐ ᒐ ᐎᑎᒪᑕᓐ, ᒋᓂᑕᐅᒋᐊᑭᓐᒡ ᒋᑭ ᐎᒍᐅᒡ ᐊᓐᑕ ᐊᔅᒋᒡ ᐊᑲ ᑎᐸᔨᑕᒡ᙮ ᒋᑭ ᓯᒋᒪᐅᒡ ᐃᔪᒡ ᐛᑎᔅᒋᒡ ᒐᒋ ᐊᑐᔅᒐᔅᑕᑯᒡ ᒋᓂᑕᐅᒋᐊᑭᓇ ᑭᔭ ᓇᐤ ᒥᑕᓯᒥᑎᓄᐛᐳᓇ ᐃᔅᐱᔅ ᒋᑭ ᐱᐛᔨᒪᑭᓄᐎᒡ᙮

ᒐᓂᓯᔅ 47:11

ᐊᑯ ᒍᓯᑉ ᒋ ᐃᑐᑎᒺᐤ ᑲ ᐃᑎᓱᒥᑯᑦ ᒋᓴᐅᒋᒪᐛ᙮ ᒋ ᒥᔭᐤ ᐅᑕᐎᔭ ᑭᔭ ᐎᐧᑲᓂᓴ ᐊ ᒥᔽᔨᒡ ᐊᔅᒋᔪᐤ ᐃᒋᑉᑎᒡ ᐊᓐᑕ ᒥᒋᒪ ᕋᒪᓯᔅ ᐅᑕᓇᒡ᙮

ᑎᐱᑦ ᐅᓂᑭᒧᐅᓇ 105:13

ᐊ ᒪᒥᔅᑯᒡ ᓇᑕᒡ ᓇᓇᐧᑯᐤ ᐊ ᐃᑎᔅᑲᓇᓯᔨᒋ ᐃᔪᐛ, ᐸᐃᒄ ᐅᒋᒪᐅᓂᔪᐤ ᐅᒡ ᐊ ᓇᑕᒡ ᑯᑎᑲ ᐃᔪᐛ;

ᑎᐱᑦ ᐅᓂᑭᒧᐅᓇ 129:1

ᒥᒐᑥᐤ ᓂᒋ ᐊᔨᒥᐃᑯᒡ ᑲ ᐸᒋ ᐅᔅᒋᓂᒋᐅᔭᓐ, ᐊᓄᒡ ᒋᑭ ᒋ ᐃᔅᒋᔄᐱᓐ ᐃᔅᕋᐃᓪ;

ᑎᐱᑦ ᐅᓂᑭᒧᐅᓇ 129:2

ᒥᒐᑥᐤ ᓂᒋ ᐊᔨᒥᐃᑯᒡ ᑲ ᐸᒋ ᐅᔅᒋᓂᒋᐅᔭᓐ; ᐃᔭᐱᒡ ᒪᒃ ᓇᒪᐎᔾ ᓂᒋ ᓴᐧᑯᒋᐃᑯᐅᒡ᙮

ᑎᐱᑦ ᐅᓂᑭᒧᐅᓇ 68:13

ᐊᑎ ᐊᒋ ᐱᒥᓯᓇᒃ ᒪᒂᔭᔅ ᐊᔅᒋᒂ, ᐊᔪᐛᒡ ᒪᒃ ᒋᑭ ᐃᓯᓇᑯᓯᓇᐛᐤ ᒧᔭᒻ ᐅᒥᒥᐅᑕᑲᒂᓇ, ᑲ ᐊᒂᓇᑲᒧᒋ ᓱᓇᔭᐱᔅᒄ, ᑭᔭ ᐅᒥᑯᓇ ᐎᔄᐅᓱᓇᔭᐱᔅᒄ ᐅᒡ᙮

ᑎᐱᑦ ᐅᓂᑭᒧᐅᓇ 81:6

“ᓂᒋ ᒐᑐᐛᑕᓇᓐ: ᐅᑎᒋᔭ ᒋ ᐅᒋ ᐎᐧᑯᒋᑕᑭᓄᐎᔪᐛ ᐊᔅᒋᒂ᙮

ᐊᒃᓱᑕᔅ 1:14

ᒋᒋᐛ ᒋ ᓂᓇᐧᑲᑕᔨᑎᒧᒡ ᐃᔅᕋᐃᓪ ᐃᔪᒡ ᐊ ᒥᔅᑎ ᐊᑐᔅᒐᒡ ᐊ ᐅᓯᐊᒡ ᐊ ᑭᒋᒐᔭᐱᔅᒋᔨᒋ ᐊᓯᓂᔭ ᑭᔭ ᐊᓯᔅᒍᐛ ᑭᔭ ᒥᓯᐛ ᐊ ᐃᓯ ᐊᑐᔅᒐᒡ ᐊᓐᑕ ᓂᑕᐅᒋᒋᑭᓂᒡ᙮

ᐊᒃᓱᑕᔅ 2:11

ᑲᒋ ᒥᒐᑐᐱᐳᓂᔨᒡ, ᒧᓱᔅ ᑲᒋ ᒋᓴᐸᐅᑦ, ᒂ ᓇᒋ ᒧᐱᔅᑐᐛᑦ ᐅᑦ ᐃᔨᒪ ᐃᑉᕈᐤ ᐃᔪᐛ ᐊᓐᑕ ᐊᑐᔅᑲᐊᑭᓂᔨᒋ, ᑭᔭ ᒂ ᐛᐱᒪᑦ ᐊ ᒥᔅᑎᑐᔅᒐᔨᒋ᙮ ᒋ ᐛᐱᒪᐤ ᐃᒋᑉᑦ ᐃᔪᐛ ᑲ ᒪᓯᐧᑯᐛᔨᒋ ᐃᑉᕈᐤ ᐃᔪᐛ᙮

ᐊᒃᓱᑕᔅ 3:7

ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓂᒋ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂᒋ ᐸᑎᒺᓐ ᐊ ᐱᑯᓴᔨᑕᒡ ᒐᒋ ᐎᒋᐃᒂᐤ ᐛᔅ ᐊᑲ ᒥᔪᑐᑐᐛᑭᓄᐅᒡ ᑭᔭ ᓂ ᒋᔅᒐᔨᑎᒺᓐ ᐅᒥᓯᒪᐃᑎᒧᐅᓄᐛᐛ᙮

ᐊᒃᓱᑕᔅ 5:10

ᐅᒋᒪᐅᒡ ᑲ ᓇᑭᑐᐛᔨᒪᒡ ᑲ ᐊᑐᔅᒐᓯᔨᒋ ᒋ ᓂᑐᐛᐱᒪᐅᒡ ᐃᔪᐛ ᑭᔭ ᒋ ᐃᑕᐅᒡ᙮ “ᐊᐅᒃ ᐅᔭ ᒋᓴᐅᒋᒪᐤ ᑲ ᐃᔅᒋᔄᑦ, ‘ᓇᒪ ᒋᑭ ᒋ ᒥᔨᑎᓇᐛᐤ ᒥᔅᑯᓱᐛ᙮

ᐊᒃᓱᑕᔅ 5:15

ᐊᑯ ᐃᔅᕋᐃᓪ ᐅᒋᒪᐅᒡ ᒂ ᓂᑐᐛᐱᒪᒡ ᒋᓴᐅᒋᒪᐛ ᑭᔭ ᒂ ᐃᑕᒡ, “ᒐᒂᓐ ᐅ ᐛᒋ ᐃᑐᑐᐅᔭᒡ ?

ᐊᒃᓱᑕᔅ 5:8

ᒥᒄ ᒧᔭᒻ ᐸᐃᑯᑕᐤ ᒋᑭ ᐎ ᐃᔅᐱᔅ ᐅᓯᐊᒡ ᐊᓯᔅᒍᐤ ᐊᓯᓂᔭ ᒐ ᐊᑲ ᒋ ᓄᑕᐱᔨᒡ᙮ ᒋᑎᒧᐅᒡ ᐊᓐᒡ, ᑭᔭ ᒪᒃ ᓇᒪ ᓂᐸ ᐅᒋ ᓂᑐᐛᔨᑎᒪᐧᑯᐱᓐᒡ ᒐᒋ ᔅᑐᑕᒡ ᒐᒋ ᒥᔭᒡ ᒥᑐᔅᑕᐊᒪᒐᐅᓇ ᐅᒋᓴᒪᓂᑐᒧᐛᐛ᙮