ᐃᐱᓯᔭᓇ 6:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒋᔨᐛᐤ ᑭᔭ ᑲ ᐅᒋᒪᐎᔭᒄ, ᒥᔪᑐᑐᐛᐧᑯᒡ ᒋᑦ ᐊᐱᒋᐊᑭᓄᐛᐅᒡ᙮ ᐊᑲᐎᔾ ᓯᓴᒋᐊᐧᑯᒡ᙮ ᐛᔅ ᒋ ᒋᔅᒐᔨᑕᓇᐛᐤ ᐊ ᐸᐃᑯᓯᑦ ᒋᐅᒋᒪᒧᐛᐤ᙮ ᐊᐅᒄ ᐅ ᐅᑎᐸᔨᒋᒐᐤ ᒋᒋᒋᓯᑯᒡ ᐊ ᑕᑦ᙮ ᒥᓯᐛ ᒪᒃ ᐊᐛᔪᐛ ᐸᐃᑯᑕᐤ ᐃᑕᔨᒪᐤ, ᓇᒪ ᐃᐛᒃ ᒥᔪᑐᑐᐛᐤ ᐊᐛᔪᐛ ᑲ ᐅᒋᒪᐎᔨᒋ᙮

ᐃᐱᓯᔭᓇ 6:9 Iomraidhean Croise

ᑎᐱᑦ ᐅᓂᑭᒧᐅᓇ 140:12

ᓂ ᒋᔅᒐᔨᑕᓐ ᑎᐸᔨᒋᒐᓱᐤ ᒐᒋ ᓇᑎᒧᐛᑦ ᑲ ᒪᒂᐃᑎᒥᔨᒋ, ᑭᔭ ᒐᒋ ᐛᐸᑕᐧᒃ ᑯᐃᔅᒄ ᒐᒋ ᑐᑐᐛᑭᓄᔨᒋ ᑲ ᒋᔅᑎᒪᑎᓯᔨᒋ᙮

ᒪᑎᔪᐤ 22:10

ᐊᑯ ᐊᓐᒡ ᐊᐱᒋᐊᑭᓐᒡ ᒂ ᐃᑐᑕᒡ ᐊᓐᑕ ᒪᔅᑭᓇᒡ, ᐊᑯᑕ ᒪᒃ ᑲ ᐛᐱᒪᒡ ᒥᓯᐛ ᐊ ᐃᑕᔨᑕᑯᓯᔨᒋ ᐊᐛᔪᐛ, ᑲ ᒥᒋᑥᔨᒋ ᑭᔭ ᑲ ᑯᐃᔅᑯᑕᑎᓯᔨᒋ᙮ ᐊᔪᐅᒄ ᐅᔭ ᑲ ᐛᐎᓴᒪᒡ᙮ ᐊᑯ ᒪᒃ ᓇᔅᒡ ᑲ ᐊᑎ ᓴᑭᔅᒋᓇᓄᐎᒡ ᐊᓐᑕ ᐊᓂᔭ ᑲ ᒥᑯᓴᓄᐎᒡ᙮”

ᒪᑎᔪᐤ 22:8

“ᐊᑯ ᒥᓐ ᒂ ᐎᓴᒪᑦ ᑯᑎᑲ ᐅᑦ ᐊᐱᒋᐊᑭᓇ, ᒂ ᐃᑕᑦ, ‘ᓴᔅ ᐛᔅ ᐊᔭᔅᑯᔅᑕᐤ ᐊᓐ ᓂᐳᐅᐤ ᒥᑯᓴᓐ᙮ ᐊᓐᒡ ᒪᒃ ᑲ ᐎᓴᒥᒂᐤ ᓇᒪ ᐅᒋ ᐎ ᑎᑯᓯᓄᐅᒡ ᑭᔭ ᓇᒪ ᒋᔅᑕᔨᑕᑯᓱᐅᒡ ᐊᓐᑕ ᒐᒋ ᑕᒡ᙮

ᒪᑎᔪᐤ 24:48

ᒥᒄ ᒪᒃ ᒥᒋ ᐊᐱᒋᐊᑭᓐ ᐃᑕᔨᑕᒐ, ᐊᔅᒄ ᓇᐅᔅ ᒐ ᐃᔅᐱᔅ ᑎᑯᓯᐧᒃ ᒥᓐ ᓄᒋᒪᒻ᙮

ᒪᑎᔪᐤ 24:51

ᐊᑯ ᒐ ᐛᐛᓯᐊᑭᓄᐅᑦ ᓇᔅᒡ ᒐᒋ ᐛᐎᓯᒐᔨᑕᐧᒃ᙮ ᐊᑯ ᒪᒃ ᒐ ᐃᓯ ᐱᔅᑎᓇᑭᓄᐅᑦ ᐊᓐᑕ ᑲ ᐊᔭᒥᐊᐧᑲᓱᔨᒋ ᐊ ᑕᔨᒋ ᒐᒋ ᓂᓇᐧᑲᑕᔨᒧᑦ᙮ ᐊᑯᑕ ᐊᓐᑕ ᒐ ᒪᒡ ᑭᔭ ᒐ ᒪᒥᑕᔭᐱᑕᓯᒡ ᒐ ᐃᔅᐱᔅ ᓂᓇᐧᑲᑕᔨᒧᒡ᙮”

ᒪᑎᔪᐤ 7:12

ᑕᓐ ᐊ ᐃᓯ ᓂᑐᐛᔨᒪᑯᒡ ᐊᐛᓐᒋ ᒐᒋ ᐃᑐᑕᑕᑯᒡ, ᐊᐅᑯᓐ ᑭᔭ ᒋᔨᐛᐤ ᐃᑐᑐᐛᐧᑯᒡ, ᐛᔅ ᐊᐅᒄ ᐅ ᐊ ᐃᓯ ᒋᔅᑯᑎᒪᒐᒥᑲᒡ ᐎᓱᐛᐅᓐ ᑭᔭ ᐊᐅᑯᓐ ᑲ ᐃᓯ ᐛᐎᑕᒡ ᐅᒋᔅᒋᐛᐃᒐᓱᒡ᙮”

ᓗᒃ 6:31

ᐃᑐᑐᐅᒡ ᐊᐛᓐᒋ ᒧᔭᒻ ᑕᓐ ᐊ ᐃᓯ ᐱᑯᓴᔨᒥᑥᐤ ᒐᒋ ᐃᑐᑕᔅᒡ ᑭᔭ ᒋᔾ᙮”

ᒠᓐ 13:13

ᒋᔅᑯᑎᒪᒐᓱᐤ ᑭᔭ ᐅᑎᐸᔨᒋᒐᐤ ᒋᑦ ᐃᓯᓂᐧᑲᓯᓇᐛᐤ, ᐊᐅᑯᓐ ᒪᒃ ᑕᑈ ᓂᐸ ᐃᓯᓂᐧᑲᑎᑯᐅᓐ ᐛᔅ ᑕᑈ ᐊᐅᒄ ᓂᔾ ᐊ ᐊᐎᔭᓐ᙮

ᐊᑈᔅᑕᓇᒡ 10:34

ᐊᑯ ᒪᒃ ᐱᑕᕐ ᐊ ᐃᔨᒥᑦ, ᐊ ᐃᔅᒋᔄᑦ, “ᐊᑯ ᒪᒃ ᓇᔅᑐᑎᒪᓐ ᒋᓴᒪᓂᑐᐤ ᐸᐃᑯᓄᒡ ᒥᓯᐛ ᐊ ᐃᑕᔨᒪᑦ ᐊᐛᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:11

ᐛᔅ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒋᓴᒪᓂᑐᐤ᙮

1 ᑯᕆᓐᑎᔭᓇ 1:2

ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᑯᕆᓐᑦ ᑲ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᐛᐤ᙮ ᐊᓂᔭ ᑕᓐ ᑲ ᐃᓯ ᐃᑐᑎᒪᑕᒄ ᒋᓴᔅ ᙭ ᐊᑯᑕ ᑲ ᐅᒋ ᐅᑎᓂᑕᒄ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᔅᒋ ᐅᑎᓂᑯᐛᐤ ᒐᒋ ᐅᑦ ᐃᔨᒥᑐᑕᑕᒄ ᑭᔭ ᒥᓯᐛ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᑕᑈᔭᔨᒥᑯᑦ ᒋ ᐅᑎᓇᐤ᙮ ᐎᔾ ᒪᒃ ᐊᐅᒄ ᐛᒋᒪᒥᔭᐧᒄ ᒥᓯᐛ ᐊ ᑎᓯᔭᐧᒄ᙮

1 ᑯᕆᓐᑎᔭᓇ 7:22

ᐛᔅ ᐊᓐ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐃᔅᐱ ᑲ ᐱᒪᒋᐃᑯᑦ ᐅᑎᐸᔨᒋᒐᐛ, ᑲ ᑎᐸᔨᒥᓱᑦ ᐃᓯ ᑭᓄᐛᐱᒥᑯᐤ ᐅᑎᐸᔨᒋᒐᐛ, ᐊᑯ ᐊᓐ ᐊᐛᓐ ᐎᔾ ᑲ ᑎᐸᔨᒥᓱᑦ ᑲ ᐱᒪᒋᐊᑭᓄᐅᑦ ᐊᐅᑯᓐ ᐊᓐ ᙭ᑕ ᐛᑕᐱᒋᐊᑭᓂᑐᑕᑯᑦ᙮

ᑯᓚᓯᔭᓇ 3:25

ᐊᓐ ᐊᐛᓐ ᐊᑲ ᒪᒧᔭᒻ ᐃᑎᑦ ᒋᑭ ᑎᑯᓂᔪᐤ ᑕᓐ ᒐ ᐃᓯ ᑎᐸᐊᒧᐛᑭᓄᐅᑦ᙮ ᐛᔅ ᒥᓯᐛ ᐊᐛᓐ ᒋᑭ ᐛᐛᓯᐊᑭᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒐᒋ ᐃᓯ ᐛᐛᓯᐊᑭᓄᐅᑦ᙮

ᑯᓚᓯᔭᓇ 4:1

ᒋᔨᐛᐤ ᑲ ᐅᒋᒪᐎᔭᒄ ᒥᓯᐛ ᑕᐱᑐᐤ ᐃᓯ ᑭᓄᐛᐱᒪᐧᑯᒡ ᒋᑦ ᐊᐱᒋᐊᑭᓄᐛᐅᒡ ᑕᓐ ᐊ ᐃᑐᑐᐛᑯᒡ ᑭᔭ ᑯᐃᔅᒄ ᐃᑐᑐᐛᐧᑯᒡ᙮ ᒋᔅᒋᓯᒄ ᑭᔭ ᒋᔨᐛᐤ ᐊ ᑕᑦ ᐊᐛᓐ ᒋᒋᒋᓯᑯᒡ ᐛᒋᒪᒥᔭᒄ᙮

ᒋᒥᔅ ᐅᒥᓯᓇᐊᒪᒐᐅᓐ 2:13

ᐊᐛᓐ ᐊᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᑭᔭ ᐎᔾ ᒋᑭ ᐅᒋ ᒋᔅᑎᒪᒐᔨᒪᑭᓄᐤ ᐃᔅᐱ ᑎᐸᔅᑯᓇᑭᓄᒐ᙮ ᒥᒄ ᒪᒃ ᐊᓐ ᐊᐛᓐ ᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ᑯᔅᑕᒍᐤ ᒐᒋ ᑎᐸᔅᑯᓇᑭᓄᐅᑦ᙮

ᒋᒥᔅ ᐅᒥᓯᓇᐊᒪᒐᐅᓐ 2:8

ᑕᑈ ᒪᒃ ᒋᑭ ᒥᔪᑐᑕᓇᐛᐤ ᓂᓇᐃᑎᒪᒂ ᐊᓐ ᒪᐅᒡ ᑲ ᒋᔅᑕᔨᑕᒂᒡ ᐎᓱᐛᐅᓐ, ᐊᓐ ᑲ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮”

ᒋᒥᔅ ᐅᒥᓯᓇᐊᒪᒐᐅᓐ 5:4

ᓇᒪ ᒋ ᐅᒋ ᒋᓯᐧᑯᐛᐛᐅᒡ ᐊᓐᒡ ᐊᐛᓐᒋ ᑲ ᐊᑐᔅᒐᒡ ᒋᓂᑕᐅᒋᑕᑭᓐ ᐊᔅᒋᐛᒡ᙮ ᓂᑐᑐᐛᐧᑯᒡ ᒪ ᐊ ᐎᑎᒪᑕᑯᒡ ᐊᑲ ᒥᔽᔨᑕᒡ᙮ ᐅᑎᐸᔨᒋᒐᐤ ᓇᔅᒡ ᑲ ᓱᐧᑲᑎᓯᑦ ᒋ ᐸᑐᐛᐤ ᑕᓐ ᐊ ᐃᓯ ᑕᑈᔨᒋ ᐅᔭ ᑲ ᒪᒧᓴᒋᓂᒥᔨᒋ ᒋᓂᑕᐅᒋᑕᑭᓄᐛᐛ᙮