ᐃᐱᓯᔭᓇ 6:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᑲᐎᔾ ᒥᒄ ᐊ ᑭᓄᐛᐱᒥᔅᒃ ᒋᐅᒋᒪᒻ ᓱᒃ ᐎᔾ ᐊᑐᔅᒐ ᒧᔭᒻ ᒥᒄ ᓇᐸᐛ ᑲ ᐎ ᓂᓇᐃᑎᒪᐊᑦ ᒐᒋ ᐃᓯᓇᑯᓯᔨᓐ ᐛᔅ ᙭ ᐅᑦ ᐊᐱᒋᐊᑭᓇ ᓂᑐᐛᔨᑕᑯᓯᔪᐛ ᓇᔅᒡ ᐅᑕᐃᒡ ᒐᒋ ᐅᒋ ᐃᑐᑎᒥᔨᒋ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ᙮

ᐃᐱᓯᔭᓇ 6:6 Iomraidhean Croise

ᒪᑎᔪᐤ 12:50

ᒧᔭᒻ ᓂᑲᐎᔾ ᑭᔭ ᓂᐧᑲᓂᓯᒡ ᓂᑦ ᐃᑕᔨᒪᐅᒡ ᐊᓐᒡ ᑲ ᑐᑕᒡ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ ᐅᑦ ᐃᑕᔨᑎᒧᐅᓂᔪᐤ᙮”

ᒪᑎᔪᐤ 7:21

“ᓇᒪ ᒥᓯᐛ ᐊᐛᓐ ᑲ ᐸᒋ ᐃᓯᓂᐧᑲᓯᑦ, ‘ᑕᐸᔨᒋᒐᔨᓐ, ᑕᐸᔨᒋᒐᔨᓐ,’ ᒋᑭ ᐅᒋ ᐱᒐᐤ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᓐᒡ ᑲ ᑐᑕᒡ ᑕᓐ ᐊ ᐃᓯ ᓂᑐᐛᔨᒥᑯᒡ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ ᐊᐅᑯᓐᒡ ᐊᓐᒡ ᒐ ᐱᒐᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:35

ᐊᓐ ᐊᐛᓐ ᒐ ᐃᑐᑎᒧᒂ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᐊᐅᑯᓐ ᐊᓐ ᐛᐧᑲᓂᓯᔭᓐ ᑭᔭ ᐊᐅᑯᓐ ᐊᓐ ᐛᑲᐎᔭᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:17

ᓂᓇᔅᑯᒪᐤ ᒋᓴᒪᓂᑐᐤ ᒋᔨᐛᐤ ᐸᐃᒂᐤ ᑲ ᐃᓯᓇᑯᓯᔭᒄ ᐊ ᐅᑦ ᐊᐱᒋᐊᑭᓂᑐᑕᑯᔭᒄ ᒥᒋᑥᐅᓐ, ᐊᒋ ᐅᑎᒋᐱᔨᒡ ᑕᓐᑕ ᓇᔅᒡ ᑲ ᐃᑕᔨᑎᒥᐃᑯᔭᒄ ᒐᒋ ᓂᓇᐃᑎᒪᒄ ᒥᔪ ᒋᔅᑯᑎᒪᒐᐅᓐ ᐃᔅᐱ ᐊ ᐊᑎ ᐛᐎᑎᒪᑯᐅᔭᒄ᙮

1 ᑯᕆᓐᑎᔭᓇ 7:22

ᐛᔅ ᐊᓐ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐃᔅᐱ ᑲ ᐱᒪᒋᐃᑯᑦ ᐅᑎᐸᔨᒋᒐᐛ, ᑲ ᑎᐸᔨᒥᓱᑦ ᐃᓯ ᑭᓄᐛᐱᒥᑯᐤ ᐅᑎᐸᔨᒋᒐᐛ, ᐊᑯ ᐊᓐ ᐊᐛᓐ ᐎᔾ ᑲ ᑎᐸᔨᒥᓱᑦ ᑲ ᐱᒪᒋᐊᑭᓄᐅᑦ ᐊᐅᑯᓐ ᐊᓐ ᙭ᑕ ᐛᑕᐱᒋᐊᑭᓂᑐᑕᑯᑦ᙮

ᑲᓚᓯᔭᓇ 1:10

ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮

ᐃᐱᓯᔭᓇ 5:17

ᐊᑲᐎᔾ ᒪᒃ ᒋᔎᐱᒪᑎᓯᒄ᙮ ᐃᔭᐱᒡ ᓱᒃ ᐎ ᓂᔅᑐᑎᒺᐧᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

ᐱᓕᐱᔭᓇ 2:12

ᐊᑯ ᒪᒃ ᓂᐧᑲᓂᓯᑐᒄ, ᒧᔅ ᔅᒋ ᓂᓇᐃᑐᓇᐛᐤ ᐊᔅᒄ ᒪᒂᒡ ᐊᓐᑕ ᐱᓕᐸᐃᒡ ᑲ ᑕᔭᓐ᙮ ᐊᑐᐎᔅ ᐃᑕᔨᑕᑯᓐ ᐊᓄᒡ ᒧᔅ ᒐᒋ ᓂᓇᐃᑎᒪᒄ ᑕᓐ ᑲ ᐃᓯ ᐎᑎᒪᑎᑯᒡ ᒪᒂᒡ ᐅ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ ᓱᒃ ᐊᑐᔅᒐᒄ ᒐᒋ ᒋᔅᑕᐛᒄ ᐊᓂᔭ ᑲ ᐃᓯ ᒋᒋᐱᔨᑕᑦ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᐃᔅᐱ ᑲ ᐱᒪᒋᐃᑕᒄ᙮ ᐃᑐᑎᒧᒄ ᐅ ᐊ ᒋᔅᒋᓯᔭᒄ ᒋᓴᒪᓂᑐᐤ ᐊᐅᒄ ᒋᐸ ᑯᔅᑕᑭᓄᐤ ᑭᔭ ᐎᔾ ᒋᐸ ᒋᔅᑕᔨᒪᑭᓄᐤ᙮

ᑯᓚᓯᔭᓇ 1:9

ᐃᔅᐱ ᒪᒃ ᑲ ᐸᒋ ᐃᑕᒋᒧᔅᑕᑯᐅᔭᒡ ᐊᐸᑉᕋᔅ ᒥᓯᐛ ᐅᔭ ᑕᓐ ᑲ ᐃᓯ ᒋᔅᒐᔨᑎᒥᐃᑕᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᒧᔅ ᒋᑦ ᐊᔭᒥᐊᔅᑎᒪᑎᓇᓐ᙮ ᓇᒪ ᓂ ᐳᓂᓇᓐ ᐊ ᐊᔭᒥᐊᔅᑎᒪᑕᒡ᙮ ᒧᔅ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᓇᔅᒡ ᒐᒋ ᒋᔅᒐᔨᑎᒺᒄ ᐅᑦ ᐃᑕᔨᑎᒧᐅᓐ᙮ ᓇᔅᒡ ᒐᒋ ᐊᔭᔭᒄ ᑭᒐᑕᐛᔨᑎᒧᐅᓐ ᑭᔭ ᓂᔅᑐᑎᒧᐅᓐ ᑕᓐ ᐊᓂᔭᔪᐛ ᐊ ᐃᓯ ᒥᔨᐛᑦ ᐸᔭᒋ ᐊᒐᐧᒄ ᒐᒋ ᒋᔅᒐᔨᑎᒪᒄ ᐅ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

1 ᑕᓴᓗᓂᔭᓇ 2:4

ᐃᔭᐱᒡ ᒧᔅ ᒥᒄ ᑕᓐ ᐊ ᐃᓯ ᓂᑐᐛᔨᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐛᐎᑎᒧᒋᒡ ᐊᑯᓐ ᐊ ᐃᓯ ᐛᐎᑎᒪᒡ, ᐛᔅ ᐎᔾ ᓂᒋ ᐃᑕᔨᒥᑯᓇᓐ ᐊ ᑕᑈᐅᒐᔨᑕᑯᓯᔭᒡ ᒐᒋ ᐊᑐᔅᒐᔅᑎᒧᒋᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᐎᔭᐎᑎᒪᒡ, ᓇᒪ ᐎ ᓇᐸᐤ ᐊ ᐎ ᓇᐊᔨᑎᒥᐃᒋᒡ, ᒋᓴᒪᓂᑐᐤ ᐊᐅᒄ ᒐᒋ ᓇᐊᔨᑎᒥᐃᒋᒡ ᐛᔅ ᐎᔾ ᒋ ᓂᑐ ᒋᔅᒐᔨᒥᑯᓄᐤ ᑕᓐ ᐊ ᐃᑐᐛᐧᒄ᙮

1 ᑕᓴᓗᓂᔭᓇ 4:3

ᐛᔅ ᒋᓴᒪᓂᑐᐤ ᐊᓂᔭ ᐅᑦ ᐃᑕᔨᑎᒧᐅᓐ ᒐᒋ ᐸᔭᒋᓯᐛᒄ ᑭᔭ ᐊᑲ ᓇᔅᒡ ᐎᓂᓱᐛᑎᓯᐅᓐ ᒐᒋ ᑎᒂᒡ ᒋᐱᒪᑎᓯᐅᓄᐛᒡ᙮

ᐃᑉᕈᐛ 10:36

ᒋ ᓂᑐᐛᔨᑕᑯᓯᓇᐛᐤ ᒐᒋ ᓯᐱᔪᐛᓯᔭᒄ ᑭᔭ ᒐᒋ ᐃᑐᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ ᑭᔭ ᒐᒋ ᒥᔅᑭᒺᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᑕᒄ᙮

ᐃᑉᕈᐛ 13:21

ᒥᔅᑎ ᔅᒋ ᐃᑐᑎᒪᑯᐛᐤ ᒋᓴᒪᓂᑐᐤ ᒋᓴᓴ ᐅᒋ ᑭᔭ ᓂᑐᑎᒪᒄ ᒐᒋ ᒥᔨᑕᒄ ᒥᓯᐛ ᐊᓂᔭ ᑲ ᒥᔽᔨᒋ ᒐᒂᔪᐛ ᐊ ᐃᓯ ᓂᑐᐛᔨᑎᒪᒄ ᒐᒋ ᐃᑐᑎᒺᒄ ᐅᑦ ᐃᑕᔨᑎᒧᐅᓐ᙮ ᓂᑦ ᐊᔭᒥᐊᐤ ᑭᔭ ᒐᒋ ᐊᑐᔅᒐᑦ ᐊᓐᑕ ᒋᐱᒪᑎᓯᐅᓄᐛᒡ ᑭᔭ ᒐᒋ ᓂᓇᐊᔨᑎᒥᐃᑯᑦ ᐊᓂᔭ ᐊ ᐃᑕᑎᓯᐛᒄ᙮ ᒧᔅ ᒪᒃ ᒪᒥᒋᒪᑕᐤ ᒋᓴᔅ ᙭ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

1 ᐱᑕᕐ 2:15

ᐛᔅ ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᓇᔅᒡ ᒐᒋ ᒥᔪᓇᒂᒋ ᒋᐱᒪᑎᓯᐅᓄᐛᐛ ᐊᑲ ᓇᔅᒡ ᓂᑎᒥᒄ ᒐᒋ ᐃᓯ ᐊᔨᒧᑕᒡ ᒥᔽᒋᒧᐅᓂᔪᐤ ᐊᓐᒡ ᐊᑲ ᒋᔅᒐᔨᑕᒡ ᑕᓐ ᐊ ᐃᓯ ᒋᔎᐤ ᐃᔨᒥᒡ᙮

1 ᐱᑕᕐ 4:2

ᐊᑯ ᒪᒃ ᑕᓐ ᐊᔅᒄ ᒐ ᐃᔅᐱᔅ ᐱᒪᑎᓯᒂ ᐅᑕ ᐊᔅᒋᒡ ᓇᒪ ᐊᑯ ᒋᐸ ᐅᒋ ᑎᐸᔨᒥᑯᐤ ᐎᔾ ᑕᓐ ᐊ ᐃᓯ ᒧᔅᑕᓇᔨᑕᐧᒃ ᑎᐱᔨᐛ ᒐᒋ ᐃᑕᑎᓯᑦ ᒪᒃ ᐃᐛᒃ ᒋᓴᒪᓂᑐᐛ ᑕᓐ ᐊ ᐃᓯ ᓂᑐᐛᔨᒥᑯᑦ ᐊᔪᐅᒄ ᐊᓂᔭ ᒋᐸ ᐎ ᓂᓇᑭᑐᐛᔨᑎᒥᐃᑯᐤ ᒐᒋ ᐃᑐᑕᐧᒃ᙮

1 ᒠᓐ 2:17

ᒥᓯᐛ ᐊ ᐃᑕᑎᓯᓇᓄᐅᒡ ᐅᑕ ᐊᔅᒋᒡ ᑭᔭ ᐊ ᐃᓯ ᑎᒂᒡ ᓂᓇᐧᑯᐤ ᒥᒋ ᒧᔅᑕᓇᔭᔨᑎᒧᐅᓐ ᒋᑭ ᐃᔎᐱᔪᐛ᙮ ᒥᒄ ᒪᒃ ᐊᓐ ᐊᐛᓐ ᑲ ᐃᑐᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲᒋᒡ ᒋᑭ ᐱᒪᑎᓯᐤ᙮