ᐃᐱᓯᔭᓇ 6:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᑕᐃᑭᑲᔅ ᒋᑭ ᑎᑯᓯᓄᐤ ᓇᑕ ᐊ ᑕᐛᒄ ᒐᒋ ᐎᑎᒪᑕᒄ ᑕᓐ ᐊ ᐃᑐᒡ ᑭᔭ ᑕᓐ ᐊ ᐃᔅᐱᔪᒡ᙮ ᐊᐅᒄ ᐅ ᑲ ᓴᒋᐃᒃ ᒋᐧᑲᓂᓴᓄᐤ ᑭᔭ ᑯᐃᔅᒄ ᑲ ᐃᓯ ᐊᑐᔅᒐᑦ ᐅᑎᐸᔨᒋᒐᐛ ᐊ ᐊᑐᔅᑯᐛᑦ᙮

ᐃᐱᓯᔭᓇ 6:21 Iomraidhean Croise

ᐊᑈᔅᑕᓇᒡ 20:4

ᒋ ᒥᒐᑎᔪᐛ ᒪᒃ ᐊᓂᔭ ᑲ ᐎᒐᐅᑯᑦ᙮ ᓱᐸᑕᕐ ᒋ ᐃᓯᓂᐧᑲᓱᔪᐛ ᐊᓂᔭ ᐸᐃᒄ᙮ ᐸᐃᕋᔅ ᒋ ᐃᓯᓂᐧᑲᓱᔪᐛ ᐅᑕᐎᔭ ᐅ ᓱᐸᑕᕐ᙮ ᐸᕆᔭ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᐅᒋᒡ᙮ ᐊᑯ ᒥᓐ ᓂᓱ ᐊᐛᔪᐛ ᐊᓐᑕ ᑕᓴᓗᓇᐃᑲᒡ ᐊ ᐅᒋᔨᒋ ᒋ ᐎᒐᐅᑯᐤ ᑈᓪ, ᐊᐅᑯᓐ ᐊᕆᔅᑕᕐᑲᔅ ᑭᔭ ᓴᑲᓂᑕᔅ᙮ ᐊᑯ ᒥᓐ ᐊᓐᑕ ᑎᕐᐱ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐸᐃᑯᓯᔪᐛ ᐊᓐᑕ ᐊ ᐅᒋᔨᒋ ᐊ ᐎᒐᐅᑯᑦ, ᐊᐅᒄ ᐅᔭ ᑲᐃᔭᔅ᙮ ᑎᒧᑎᔨᒋ ᑭᔭ ᒋ ᐎᒐᐅᑯᐤ᙮ ᐊᑯ ᓂᓱ ᒥᓐ ᐊᐛᔪᐛ ᐊᓐᑕ ᐊᐃᓴ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᐅᒋᔨᒋ ᒋ ᐎᒐᐅᑯᐤ, ᐊᐅᒄ ᐅᔭ ᑕᐃᑭᑲᔅ ᑭᔭ ᑐᕈᐱᒪᔅ᙮

1 ᑯᕆᓐᑎᔭᓇ 4:17

ᐊᐅᒄ ᐛᒋ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ᙮ ᒧᔭᒻ ᓂᑯᔅ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᓂᑦ ᐃᑕᔨᒪᐤ, ᓇᔅᒡ ᓂ ᓴᒋᐊᐤ᙮ ᒧᔅ ᑯᐃᔅᒄ ᐃᑐᐤ᙮ ᓂᑐᐛᔨᒪᐤ ᒐᒋ ᒋᔅᒋᓱᒥᑕᒄ ᑕᓐ ᐊ ᐃᓯ ᐱᒪᑎᓯᐅᒡ ᙭ᑕ ᐃᔅ ᐊ ᑕᔨᒋ ᑭᔭ ᐊᓂᔭ ᐊ ᐃᓯ ᒋᔅᑯᑎᒪᒐᐅᒡ ᒥᓯᐛ ᒐᒋ ᐎᑕᐧᒃ ᒪᒂᒡ ᒥᓯᐛ ᐊᓐᑕ ᐊ ᐊᑎ ᑕᔨᒋ ᐅᒪᒧᐊᔭᒥᐊᐛ᙮

ᐱᓕᐱᔭᓇ 1:12

ᓂᐧᑲᓂᓯᑐᒄ ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐅ ᑲ ᐃᔅᐱᔭᓐ ᐊ ᒋᐸᐅᑯᔭᓐ ᑕᑈ ᒐᒋ ᐊᑎ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐊᑎ ᑕᑈᑕᒡ ᒥᔽᒋᒧᐅᓂᔪᐤ᙮

ᑯᓚᓯᔭᓇ 1:7

ᐊᐸᑉᕋᔅ ᒪᒃ ᑲ ᐃᓯᓂᐧᑲᓱᑦ ᓂᐎᒐᐛᑭᓇᓐ ᐊᐅᒄ ᑲ ᒋᔅᒐᔨᑎᒥᐃᑕᒄ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᑲ ᐛᐎᑎᒪᑕᒄ ᒥᔽᒋᒧᐅᓂᔪᐤ᙮ ᓇᔅᒡ ᑕᑈ ᓂᓴᒋᐎᒐᐛᓇᓐ ᐊ ᐎᒋ ᐊᑐᔅᒐᒥᒋᒡ ᐅ ᐊᐸᑉᕋᔅ᙮ ᒧᔅ ᑯᐃᔅᒄ ᐃᓯ ᐊᑐᔅᑯᐛᐤ ᙭ᑕ ᑭᔭ ᐎᔾ᙮ ᓇᔅᒡ ᑕᑈ ᓂ ᒥᔪ ᐎᒋᐃᑯᓇᓐ ᑕᓐ ᐊ ᐃᓯ ᐊᑐᔅᑯᐛᑦ ᙭ᑕ᙮

1 ᑎᒧᑎ 4:6

ᒧᔭᒻ ᒪᒃ ᐅᔭ ᐃᓯ ᐛᐎᑎᒧᑥᐛ ᐎᐧᑲᓂᓯᒪᐅᒡ ᒋᑭ ᒥᔪ ᐊᑐᔅᑯᐛᐤ ᙭ ᒋᓴᔅ ᐛᔅ ᒋᑭ ᒥᔪ ᓂᑕᐅᒋᐃᑯᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᓐ ᒥᔪ ᒋᔅᑯᑎᒪᒐᐅᓐ ᑲ ᐃᓯ ᓇᓴᐊᒥᓐ᙮

2 ᑎᒧᑎ 4:12

ᑭᔭ ᑕᐃᑭᑲᔅ ᓇᒪ ᑕᐤ ᐅᑕ, ᐊᓐᑕ ᐃᐱᓴᔅ ᐊᑯᑕ ᑲ ᐃᑎᓴᐅᒃ᙮

ᑕᐃᑕᔅ 3:12

ᓂᑦ ᐃᑕᔨᑕᓐ ᒐᒋ ᐃᑎᓴᐅᒃ ᐊᕐᑎᒪᔅ ᑭᔭ ᒪᒃ ᑕᐃᑭᑲᔅ ᐊᓐᑕ ᐊ ᑕᔨᓐ᙮ ᐃᔅᐱ ᒪᒃ ᑎᑯᓯᓂᒐ ᐅ ᓇᐸᐤ ᐊᓐᑕ ᐊ ᑕᔨᓐ, ᒐ ᑯᒋᑕᔨᓐ ᑎᐛᒡ ᒐᒋ ᐸᒋ ᓂᒋᔅᑯᔨᓐ ᐊᓐᑕ ᓂᑲᐳᓕᔅ ᐊ ᐃᓯᓂᐧᑲᑕᒡ ᐅᑕᓇᐤ ᐛᔅ ᐊᑯᑕ ᑲ ᐎ ᑕᔭᓐ ᐃᔅᑭᓐ ᐱᐳᓇ᙮

ᐸᐃᓕᒪᓐ 1:16

ᑕᐸ ᐊᑯ ᐊᐱᒋᐊᑭᓐ ᒋᑭ ᐅᒋ ᐃᓯ ᑭᓄᐛᐱᒪᑭᓄᐤ᙮ ᐃᐛᒃ ᒋᔅᑕᔨᑕᑯᓱᐤ ᐃᔅᐱᔅ ᐊᐱᒋᐊᑭᓇ᙮ ᒧᔭᒻ ᑎᐱᔨᐛ ᒋᐧᑲᓂᓯᓄᐤ ᒋᑭ ᐃᓯ ᑭᓄᐛᐱᒪᓄᐤ᙮ ᐊᔪᐅᒄ ᐛᔅ ᑭᑈ ᓂᔾ ᐊ ᐃᓯ ᑭᓄᐛᐱᒥᒃ᙮ ᐊᐅᑯᓐ ᒪᒃ ᒧᔭᒻ ᑭᔭ ᒋᔾ ᒐ ᐃᓯ ᑭᓄᐛᐱᒥᑦ, ᒧᔭᒻ ᑎᐱᔨᐛ ᒋᐧᑲᓂᔅ ᑭᔭ ᐅᑎᐸᔨᒋᒐᐤ ᐅᑦ ᐊᐱᒋᐊᑭᓇ᙮

1 ᐱᑕᕐ 5:12

ᑕᐤ ᐸᐃᒄ ᓂᐧᑲᓂᔅ ᐊ ᑕᑈᐅᒐᔨᑕᑯᓯᑦ ᐊ ᐃᑕᔨᒥᒃ᙮ ᓴᓂᔅ ᐃᓯᓂᐧᑲᓱᐤ᙮ ᐊᐅᒄ ᐅ ᑲ ᐎᒋᐃᑦ ᐅᔭ ᐊᐱᓯᔅ ᐊ ᒥᓯᓇᐊᒪᑎᑯᒡ᙮ ᐅ ᒪᒃ ᑲ ᒥᓯᓇᐊᒪᑎᑯᒡ ᒋ ᐎ ᓯᒋᒥᑎᓇᐛᐤ ᒐᒋ ᐊᔨᒋᑲᐳᐅᔭᒄ ᑭᔭ ᒋ ᐎ ᒐᔅᑎᓇᑕᔨᑎᒥᐃᑎᓇᐛᐤ ᐊᔪᐅᒄ ᐅᔭ ᑕᑈ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲ ᐊᔨᒧᑎᒪᑕᒡ᙮ ᐊᑯᑕ ᒪᒃ ᐊᓐᑕ ᐅᓱᐛᔨᒋᒐᐅᓂᒡ ᐃᔅ ᐊᔨᒋᑲᐳᐅᐛᒄ᙮

2 ᐱᑕᕐ 3:15

ᐊᓂᔭ ᐛᒋ ᐊᑲ ᐊᔅᒄ ᑎᑯᓯᐧᒃ ᐅᑎᐸᔨᒋᒐᐤ ᐊᑐᐎᔅ ᐎᔾ ᑕᐅᓂᒻ ᑕᓐᑕ ᐊᔅᒄ ᒐᒋ ᐱᒪᒋᐅᔨᒋ ᐊᐛᔪᐛ, ᐊᐅᒄ ᐅ ᐎᓯ ᑭᓄᐛᐸᑎᒺᒄ ᐊᓂᔭ ᐊᔅᒄ ᐊᑲ ᑎᑯᓯᐧᒃ᙮ ᐊᐅᑯᓐ ᐛᔅ ᐅᔭ ᑭᔭ ᐎᔾ ᑲ ᐃᓯ ᐊᔨᒧᑕᐧᒃ ᒋᐧᑲᓂᓴᓄᐤ ᑈᓪ ᐊᓐᑕ ᑲ ᒥᓯᓇᐊᒪᑕᒄ ᑕᓐ ᑲ ᐃᓯ ᒥᔨᑯᑦ ᑭᔭ ᐎᔾ ᒋᓴᒪᓂᑐᐛ ᑭᒐᑕᐛᔨᑎᒧᐅᓂᔪᐤ᙮