ᐃᐱᓯᔭᓇ 6:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐊᔨᒋᑲᐳᐅᑕᐤ ᒪᒃ, ᐊ ᐅᐱᒂᑕᐅᓂᔅᑭᒪᐧᒄ ᑕᑈᐅᓐ ᑭᔭ ᑯᐃᔅᑯᑕᑎᓯᐅᓐ ᒧᔭᒻ ᒥᔅᑲᔅᒋᑭᓇᐱᔅᒄ ᐊ ᒋᔅᑭᒪᐧᒄ ᒐᒋ ᐃᓯᓇᑯᓯᔭᐧᒄ᙮

ᐃᐱᓯᔭᓇ 6:14 Iomraidhean Croise

ᓗᒃ 12:35

“ᐊᔭᔅᑯᐎᒄ ᐊ ᐊᓱᐛᐱᒪᒄ ᐅᑎᐸᔨᒋᒐᐤ, ᓇᔅᒡ ᒋᐸ ᐃᑕᔅᐱᓱᓇᐛᐤ ᑭᔭ ᒋᐛᔅᑕᓂᐱᒪᑭᓄᐛᐛ ᒋᐸ ᓯᔅᑲᐊᓇᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12

ᓴᔅ ᒐᑲᑦ ᐎᒪᐱᔪᐤ ᐊ ᑎᐱᔅᑲᒡ᙮ ᓴᔅ ᒋᑭ ᐅᑎᒋᐱᔪᐤ ᐊ ᒋᓯᑲᒡ᙮ ᐳᓂᑕᐤ ᐊ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ᑕᔭᐧᒄ᙮

2 ᑯᕆᓐᑎᔭᓇ 6:7

ᑕᓐ ᐊ ᐃᓯ ᑯᐃᔅᒄ ᐎᑎᒪᒡ ᑕᑈᐅᓐ ᑭᔭ ᑕᓐ ᑲ ᐃᓯ ᒥᔨᒥᑦ ᒋᓴᒪᓂᑐᐤ ᓱᒐᔨᑕᑯᓱᐅᓂᔪᐤ ᐊᑯᑕ ᒥᓐ ᐛᒋ ᒋᔅᒐᔨᑕᑯᓯᔭᒡ ᑕᑈ ᐊ ᐊᑐᔅᑯᐅᒋᒡ᙮ ᐊ ᐃᓯ ᑯᐃᔅᒄ ᐱᒪᑎᓯᔭᒡ ᐊᑯᑕ ᒥᒄ ᐛᒋ ᓇᑲᐊᒪᓱᔭᒡ ᑕᓐ ᐛ ᐃᓯ ᒥᒋ ᐊᔨᒧᒥᑯᐅᔭᒡ ᑭᔭ ᑕᓐ ᐛ ᐃᓯ ᒪᔭᔨᒥᑯᐅᔭᒡ ᐊᐛᓐ ᒪᒃ ᓂᑐᐎᔾ ᐊ ᐎ ᐃᑐᑐᐎᔨᒥᑦ᙮

ᐃᐱᓯᔭᓇ 5:9

ᑕᑈ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒋᑭ ᓄᑯᓐ ᒥᔪᑥᐅᓐ ᑭᔭ ᑯᐃᔅᑯᑕᑎᓯᐅᓐ ᑭᔭ ᑕᑈᐅᓐ ᐊᓐᑕ ᒋᐱᒪᑎᓯᐅᓄᐛᒡ᙮

ᐃᐱᓯᔭᓇ 6:13

ᐊᑯ ᒪᒃ ᒥᓯᐛ ᐊᐱᒋᑕᐛᑕᐤ ᑕᓐ ᑲ ᐃᓯ ᒥᔨᑕᐧᒄ ᒋᓴᒪᓂᑐᐤ ᒐᒋ ᒪᓯᒐᐛᒐᐛᐧᒄ᙮ ᐊᑯ ᒪᒃ ᓇᒪ ᒋᑭ ᐅᒋ ᓴᐧᑯᒋᐃᑯᓇᓄᐤ ᑭᔭ ᐃᔭᐱᒡ ᐊᔅᒄ ᒐᒋ ᐊᔨᒋᑲᐳᐅᔭᐧᒄ ᐃᔅᐱ ᓱᒃ ᑯᒂᒋᐃᑕᒂ ᒥᒋᒥᓂᑐᐤ᙮

1 ᑕᓴᓗᓂᔭᓇ 5:8

ᐊᑯ ᒪᒃ ᒧᔭᒻ ᐊᓐᑕ ᐛᔅᑕᐅᓂᒡ ᐊ ᑕᔭᐧᒄ ᐊ ᐃᓯᓇᑯᓯᔭᐧᒄ ᑯᐃᔅᒄ ᒋᐸ ᐎ ᐃᓯ ᒪᒥᑐᓇᔨᑕᓇᓄᐤ᙮ ᐊᑯ ᒪᒃ ᒋᐸ ᐳᔅᑎᔅᑲᓇᓄᐤ ᒥᔅᑲᔅᒋᑭᓇᐱᔅᒄ ᐊᓐ ᒐ ᓇᑲᐊᒪᓱᐛᒐᔭᐧᒄ᙮ ᐅ ᒪᒃ ᒥᔅᑲᔅᒋᑭᓇᐱᔅᒄ ᐊᐅᒄ ᐊᓐ ᓴᒋᐃᐛᐅᓐ ᑭᔭ ᑕᑈᑎᒧᐅᓐ᙮ ᐃᓴᒄ ᐊᑯᓂᔎᐅᓐ ᑭᔭ ᒋᐸ ᐳᔅᑎᔅᑲᓇᓄᐤ᙮ ᐊᐅᒄ ᐊᔅᐸᔨᒧᐅᓐ ᒐ ᐱᒪᒋᐅᔭᐧᒄ᙮

1 ᐱᑕᕐ 1:13

ᓱᒃ ᒪᒃ ᒧᔅ ᐎ ᐊᔭᔅᑯᐛᔨᑎᒧᒄ ᑕᓐ ᒥᒄ ᒐ ᐊᑎ ᐃᔅᐱᔨᒂ ᒐᒂᓐ ᑭᔭ ᓱᒃ ᓂᓇᑭᑐᐛᔨᒥᓱᒄ ᑕᓐ ᐊ ᐃᑎᔭᒄ᙮ ᓇᔅᒡ ᐊᔅᐸᔨᒧᑐᑎᒧᒄ ᐊᓐ ᒋᓴᐛᑎᓯᐅᓐ ᒐ ᒥᔨᑯᐅᔭᒄ ᐃᔅᐱᔅ ᒥᓐ ᑎᑯᓯᒐ ᒋᓴᔅ ᙭᙮

ᒋᔅᒐᔨᑕᑯᑕᒐᐅᓐ 9:17

ᐊᓐ ᒪᒃ ᑲ ᐃᓯ ᐛᐸᑎᔨᑯᐅᔭᓐ, ᓂᒋ ᐛᐱᒪᐅᒡ ᑲᐸᐃᑭᔎᐅᒡ ᑭᔭ ᐊᓐᒡ ᑲ ᑕᑎᐱᒡ ᐊᓂᔭᔪᐛ ᑲᐸᐃᑭᔎᐛ᙮ ᒥᔅᑲᔅᒋᑭᓇᐱᔎ ᒋ ᒋᔅᑭᒧᒡ ᐊᓐᒡ ᑲ ᑕᑎᐱᒡ ᐊᓂᔭᔪᐛ ᑲᐸᐃᑭᔎᐛ, ᐊ ᒥᒂᔨᒋ ᑕᐱᔅᑯᓐ ᐃᔅᑯᑕᐤ ᑲ ᐃᔅᐱᔅ ᒥᒂᒡ ᑭᔭ ᐊ ᐱᒋᔅᑭᓇᔨᒋ ᑭᔭ ᐊ ᐎᔄᐛᔨᒋ᙮ ᐊᓐᒡ ᒪᒃ ᑲᐸᐃᑭᔎᐅᒡ ᐅᔅᑎᒂᓄᐛᐛ ᒧᔭᒻ ᒥᓯᐱᓱᐤ ᒥᔅᑎᒂᓇ ᒋ ᐃᓯᓇᑯᓂᔪᐛ᙮ ᐅᑐᓄᐛᒡ ᒋ ᐅᒋ ᓴᑲᐸᑕᐱᔪᐤ ᐊ ᐊᒂᐸᑕᔨᒡ ᑭᔭ ᐃᔅᑯᑕᔪᐤ ᒋ ᐅᒋ ᓄᑯᓂᔪᐤ ᑭᔭ ᐊ ᐎᔄᐛᐸᑕᔨᒡ ᒐᒂᔪᐤ᙮

ᒋᔅᒐᔨᑕᑯᑕᒐᐅᓐ 9:9

ᒋ ᐅᔅᑲᔅᒋᑭᓇᐱᔅᑯᐅᒡ ᒪᒃ᙮ ᐊᓂᔭᔪᐛ ᒪᒃ ᐅᔅᑲᔅᒋᑭᓇᐱᔅᑯᐛᐛ ᒧᔭᒻ ᐃᓴᒄ ᒥᔅᑲᔅᒋᑭᓇᐱᔎ ᐊᐅᑯᓐ ᑲ ᐃᓯᓇᑯᓂᔨᒋ᙮ ᐅᑎᑎᑭᓄᐛᐛ ᒪᒃ ᒧᔭᒻ ᐊ ᒥᒐᑎᒡ ᑎᑎᐱᑕᐸᓇᔅᑯᒡ ᐊ ᐱᒥᑕᐸᒡ ᑲᐸᐃᑭᔎᐅᒡ, ᐊᐅᑯᓐ ᑲ ᐃᑎᑕᑯᓂᔨᒋ᙮