ᐃᐱᓯᔭᓇ 6:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᒥᓯᐛ ᒪᒃ ᐊᐱᒋᑕᑕᐤ ᑕᓐ ᑲ ᐃᓯ ᒥᔨᑕᐧᒄ ᒋᓴᒪᓂᑐᐤ ᒐᒋ ᐃᓯ ᒪᓯᒐᐛᒐᐛᐧᒄ ᐊᐅᒄ ᒪᒃ ᒐᒋ ᓇᓂᑲᐊᒪᓱᔭᐧᒄ ᑕᓐ ᐊ ᐃᓯ ᑯᒂᒋᐃᑕᐧᒄ ᒥᒋᒥᓂᑐᐤ᙮

ᐃᐱᓯᔭᓇ 6:11 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:22

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12

ᓴᔅ ᒐᑲᑦ ᐎᒪᐱᔪᐤ ᐊ ᑎᐱᔅᑲᒡ᙮ ᓴᔅ ᒋᑭ ᐅᑎᒋᐱᔪᐤ ᐊ ᒋᓯᑲᒡ᙮ ᐳᓂᑕᐤ ᐊ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ᑕᔭᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

1 ᑯᕆᓐᑎᔭᓇ 10:13

ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

2 ᑯᕆᓐᑎᔭᓇ 10:4

ᓇᒪ ᐎ ᐊᔅᒋᔪᐤ ᒪᓯᒐᐤ ᒐᒂᓇ ᓂᑦ ᐊᐱᒋᑕᓇᓐ᙮ ᒋᓴᒪᓂᑐᐤ ᐅᓱᐧᑲᑎᓯᐅᓐ ᓂᑦ ᐊᐱᒋᑕᐛᓇᓐ ᐊ ᓂᓱᐅᓇᒋᑕᐎᒋᒡ ᑕᓐ ᓂᓇᐧᑯᐤ ᐊ ᐃᓯ ᒪᒋᒂᐱᐧᑲᑎᑯᒡ ᐊᐛᓐᒋ ᒥᒋᒥᓂᑐᐛ᙮

2 ᑯᕆᓐᑎᔭᓇ 11:3

ᓂ ᑯᔅᐱᓇᑕᔨᑕᓐ ᒐᒋ ᐎᔭᓯᐃᑯᐅᔭᒄ, ᒧᔭᒻ ᑕᓐ ᑲ ᐃᓯ ᐎᔭᓯᐃᑯᑦ ᐃᑉ ᒋᓇᐱᒂ ᐊᒋ ᑭᑭᒋᔭᒥᑯᑦ, ᓂ ᑯᔅᐱᓇᑕᔨᑕᓐ ᒐᒃ ᒐ ᐊᑲ ᒋ ᐃᑕᔨᒪᒄ ᙭ ᑕᓐ ᐊ ᐃᑕᔨᒪᒄ ᐊᓄᒡ, ᓇᔅᒡ ᒋ ᐊᑎ ᐃᓯ ᓇᓴᐛᐛᐤ ᑭᔭ ᒥᒄ ᐎᔾ ᒋ ᓂᓇᑭᑐᐛᔨᒪᐛᐤ᙮

2 ᑯᕆᓐᑎᔭᓇ 2:11

ᐅ ᒪᒃ ᒋᑦ ᐃᑎᓇᓄᐤ ᒐ ᐊᑲ ᒋ ᐎᔭᓯᐃᑕᐧᒄ ᒥᒋᒥᓂᑐᐤ᙮ ᐛᔅ ᒋ ᒋᔅᒐᔨᒪᓄᐤ ᑕᓐ ᐛ ᐃᑎᑦ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

2 ᑯᕆᓐᑎᔭᓇ 6:7

ᑕᓐ ᐊ ᐃᓯ ᑯᐃᔅᒄ ᐎᑎᒪᒡ ᑕᑈᐅᓐ ᑭᔭ ᑕᓐ ᑲ ᐃᓯ ᒥᔨᒥᑦ ᒋᓴᒪᓂᑐᐤ ᓱᒐᔨᑕᑯᓱᐅᓂᔪᐤ ᐊᑯᑕ ᒥᓐ ᐛᒋ ᒋᔅᒐᔨᑕᑯᓯᔭᒡ ᑕᑈ ᐊ ᐊᑐᔅᑯᐅᒋᒡ᙮ ᐊ ᐃᓯ ᑯᐃᔅᒄ ᐱᒪᑎᓯᔭᒡ ᐊᑯᑕ ᒥᒄ ᐛᒋ ᓇᑲᐊᒪᓱᔭᒡ ᑕᓐ ᐛ ᐃᓯ ᒥᒋ ᐊᔨᒧᒥᑯᐅᔭᒡ ᑭᔭ ᑕᓐ ᐛ ᐃᓯ ᒪᔭᔨᒥᑯᐅᔭᒡ ᐊᐛᓐ ᒪᒃ ᓂᑐᐎᔾ ᐊ ᐎ ᐃᑐᑐᐎᔨᒥᑦ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

ᐃᐱᓯᔭᓇ 4:24

ᐊᑯ ᒪᒃ ᐊ ᐅᔅᒋᓯᔭᒄ ᒐ ᐃᓯᓇᑯᓯᔭᒄ᙮ ᒋᓴᒪᓂᑐᐤ ᔅᒋ ᐃᓯᐃᑯᐛᐤ ᐎᔾ ᒐᒋ ᓂᔅᐱᑐᐛᒄ ᑭᔭ ᒋᐸ ᑯᐃᔅᑯᑕᑎᓯᓇᐛᐤ ᑭᔭ ᒋᐸ ᐸᔭᒋ ᐱᒪᑎᓯᓇᐛᐤ᙮

ᐃᐱᓯᔭᓇ 6:13

ᐊᑯ ᒪᒃ ᒥᓯᐛ ᐊᐱᒋᑕᐛᑕᐤ ᑕᓐ ᑲ ᐃᓯ ᒥᔨᑕᐧᒄ ᒋᓴᒪᓂᑐᐤ ᒐᒋ ᒪᓯᒐᐛᒐᐛᐧᒄ᙮ ᐊᑯ ᒪᒃ ᓇᒪ ᒋᑭ ᐅᒋ ᓴᐧᑯᒋᐃᑯᓇᓄᐤ ᑭᔭ ᐃᔭᐱᒡ ᐊᔅᒄ ᒐᒋ ᐊᔨᒋᑲᐳᐅᔭᐧᒄ ᐃᔅᐱ ᓱᒃ ᑯᒂᒋᐃᑕᒂ ᒥᒋᒥᓂᑐᐤ᙮

ᑯᓚᓯᔭᓇ 3:10

ᑭᔭ ᓇᔅᒡ ᐃᔭᒡ ᐊᑯ ᒋ ᐊᑎ ᐃᓯ ᐱᒪᑎᓯᓇᐛᐤ᙮ ᐊᔭᔅᒃ ᐊᑎ ᐅᔅᒋᓇᑯᓇ ᒋᒥᑐᓇᔨᒋᑭᓄᐛᐛ ᒐᒋ ᓂᔅᐱᑐᐛᒄ ᒋᓴᒪᓂᑐᐤ ᐊᓐ ᑲ ᐅᓯᐃᑕᒄ᙮

1 ᑕᓴᓗᓂᔭᓇ 5:8

ᐊᑯ ᒪᒃ ᒧᔭᒻ ᐊᓐᑕ ᐛᔅᑕᐅᓂᒡ ᐊ ᑕᔭᐧᒄ ᐊ ᐃᓯᓇᑯᓯᔭᐧᒄ ᑯᐃᔅᒄ ᒋᐸ ᐎ ᐃᓯ ᒪᒥᑐᓇᔨᑕᓇᓄᐤ᙮ ᐊᑯ ᒪᒃ ᒋᐸ ᐳᔅᑎᔅᑲᓇᓄᐤ ᒥᔅᑲᔅᒋᑭᓇᐱᔅᒄ ᐊᓐ ᒐ ᓇᑲᐊᒪᓱᐛᒐᔭᐧᒄ᙮ ᐅ ᒪᒃ ᒥᔅᑲᔅᒋᑭᓇᐱᔅᒄ ᐊᐅᒄ ᐊᓐ ᓴᒋᐃᐛᐅᓐ ᑭᔭ ᑕᑈᑎᒧᐅᓐ᙮ ᐃᓴᒄ ᐊᑯᓂᔎᐅᓐ ᑭᔭ ᒋᐸ ᐳᔅᑎᔅᑲᓇᓄᐤ᙮ ᐊᐅᒄ ᐊᔅᐸᔨᒧᐅᓐ ᒐ ᐱᒪᒋᐅᔭᐧᒄ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

ᒋᒥᔅ ᐅᒥᓯᓇᐊᒪᒐᐅᓐ 4:7

ᐊᑯ, ᐱᔅᑕᔨᒥᑎᓱᔅᑐᐛᐧᒄ ᒋᓴᒪᓂᑐᐤ᙮ ᓂᔅᑯᔅᑐᐛᐧᒄ ᒥᒋᒥᓂᑐᐤ ᑭᔭ ᒐ ᐅᓯᒥᑕᒄ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮

ᒋᔅᒐᔨᑕᑯᑕᒐᐅᓐ 2:24

ᒥᓯᐛ ᒪᒃ ᒋᔨᐛᐤ ᑕᔭᑕᐃᕋ ᐊ ᑕᔭᒄ ᐊᑲ ᐊᐱᑕᔨᑎᒪᒄ ᐅ ᑲ ᐃᓯ ᒥᒋ ᒋᔅᑯᑎᒪᒐᓄᒡ, ᒋᔨᐛᐤ ᐊᑲ ᒋᔅᒐᔨᑎᒺᒄ ᒥᒋᒥᓂᑐᐤ ᐅᒋᒧᒡ ᐃᑐᐅᓇ, ᓇᒪ ᒋ ᓂᑐᐛᔨᑎᒪᑎᓇᐛᐤ ᑯᑎᒡ ᒐᒂᓐ ᒐᒋ ᐃᑐᑎᒪᒄ,