ᐃᐱᓯᔭᓇ 5:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᐊᓐ ᒪᒃ ᑲ ᐃᓯ ᒥᓯᓇᐃᑭᓄᐅᒡ ᐊᑐᐎᔅ ᑎᑯᓐ ᐊ ᐃᓯ ᐎᑎᒪᒐᒥᑲᒡ᙮ ᓂᔾ ᑭᑈ ᐊ ᐃᓯ ᓂᔅᑐᑎᒪᓐ, ᙭ ᑭᔭ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᔨᒧᒪᑭᓄᐎᒡ ᐊᓐᑕ᙮

ᐃᐱᓯᔭᓇ 5:32 Iomraidhean Croise

ᒠᓐ 3:29

ᒧᔭᒻ ᐅᔅᒋᓂᐳᐛᓐ ᐎᔾ ᑎᐸᔨᒪᐤ ᐊᓂᔭ ᐅᔅᒋᐃᔎᐛ᙮ ᐊᓂᔭ ᒪᒃ ᐅᐎᒐᐛᑭᓇ ᐊᓐ ᐅᔅᒋᓂᐳᐛᓐ, ᐊᓂᔭ ᑲ ᐎᒋᐃᐛᔨᒋ ᐊᓱᐛᐱᒥᑯᐤ ᒐ ᐃᔅᐱᔅ ᑎᑯᓯᐧᒃ ᑭᔭ ᒥᔽᔨᑎᒥᔪᐛ ᐃᔅᐱ ᐱᔭᑕᑯᑦ᙮ ᐊᐅᑯᓐ ᒪᒃ ᒧᔭᒻ ᑭᔭ ᓂᔾ ᐊ ᐃᔅᐱᔅ ᒥᔽᔨᑎᒪᓐ ᓴᔅ ᐊ ᑕᑦ ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ᙮

2 ᑯᕆᓐᑎᔭᓇ 11:2

ᑎᑯᓐ ᐊ ᐃᓯ ᐅᑕᔨᑎᒪᓐ ᒋᔨᐛᐤ ᐅᒋ ᒧᔭᒻ ᒋᓴᒪᓂᑐᐤ ᐊ ᐃᓯ ᐅᑕᔨᑕᐧᒃ ᐅᑦ ᐃᔨᒪ ᐅᒡ᙮ ᐛᔅ ᐅᔅᒋᓂᒋᔎᐤ ᐊᑲ ᐊᔅᒄ ᐅᒋ ᒋᔅᒐᔨᒪᑦ ᓇᐸᐛ ᒋᑦ ᐃᓯᓇᑯᓯᓇᐛᐤ, ᔅᒋ ᐃᑕᔨᒥᑎᓇᐛᐤ ᒪᒃ ᒥᒄ ᐸᐃᒄ ᓇᐸᐤ ᒐᒋ ᑭᓄᐛᔨᒥᑕᒄ ᐊᐅᒄ ᙭᙮

ᐃᐱᓯᔭᓇ 5:31

ᐊᐅᒄ ᑭᔭ ᐛᒋ ᐃᑎᔅᑕᒡ ᒥᓯᓇᐃᑭᓂᒡ, ᓇᐸᐤ ᒋᑭ ᓂᑭᑕᐤ ᐅᓂᒋᐃᒂ ᑭᔭ ᒐ ᐎᒋᒪᑦ ᐎᐛ᙮ ᐊᑯ ᒪᒃ ᐎᐛ ᐸᐃᒄ ᒥᔪᐤ ᒐ ᐃᓯᓇᑯᓯᒡ᙮

ᐃᐱᓯᔭᓇ 5:33

ᒥᒄ ᒪᒃ ᑭᔭ ᒋᔨᐛᐤ ᓇᐸᑐᒄ ᑭᔭ ᐃᔎᑐᒄ ᒋᑦ ᐊᔨᒧᒥᑯᓇᐛᐤ᙮ ᒥᓯᐛ ᓇᐸᐤ ᒋᐸ ᓴᒋᐊᐤ ᐎᐛ ᒧᔭᒻ ᐎᔾ ᐊ ᐃᔅᐱᔅ ᓴᒋᐃᓱᑦ᙮ ᑭᔭ ᐃᔎᐤ ᒋᐸ ᒋᔅᑕᔨᒪᐤ ᐅᓇᐸᒪ᙮

ᐃᐱᓯᔭᓇ 6:19

ᐸᒋ ᐊᔭᒥᐊᔅᑎᒧᐅᒄ ᑭᔭ ᓂᔾ ᒐᒋ ᐸᒋ ᒥᔨᑦ ᒋᓴᒪᓂᑐᐤ ᑕᓐ ᒐ ᐃᔅᒋᔄᐅᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓂᔭ ᑕᓐ ᐊ ᐃᓯ ᐊᑲ ᐅᒋ ᒋᔅᒐᔨᑕᑯᓂᔨᒡ ᐊᓐᑕ ᐅᑕᒡ ᑭᔭ ᐊᔭᒥᐊᔅᑎᒧᐅᒄ ᒐ ᐊᑲ ᒋ ᑯᔅᑕᒋᔭᓐ᙮

ᑯᓚᓯᔭᓇ 2:2

ᐊᐅᒄ ᐊ ᐃᑎᔭᓐ ᐊ ᐱᑯᓴᔨᒧᔭᓐ ᒐᒋ ᓱᒋᑕᐊᔭᒄ ᑭᔭ ᒐᒋ ᒪᒧᐱᔪᐅᔭᒄ ᐊ ᓴᒋᐃᑐᔭᒄ᙮ ᒋ ᓂᑐᐛᔨᒥᑎᓇᐛᐤ ᓇᔅᒡ ᒐᒋ ᓂᔅᑐᑎᒪᒄ ᒥᔽᒋᒧᐅᓐ ᒐᒋ ᓱᐛᔨᒥᑯᐅᔭᒄ ᐊ ᒋᔅᒐᔨᑎᒪᒄ ᐊ ᑕᑈᒥᑲᒡ᙮ ᓇᔅᒡ ᓂᔅᑐᑎᒪᒂ ᐊᑯᑕ ᒐ ᐅᒋ ᒋᔅᒐᔨᒪᒄ ᒋᓴᔅ ᙭, ᐊᓐ ᐊᑲ ᓂᑕ ᐅᒋ ᒋᔅᒐᔨᒪᑭᓄᐅᑦ ᐊᓐᑕ ᐅᑕᒡ᙮ ᒋ ᐃᑐᑎᒻ ᒪᒃ ᐊᑯ ᒋᓴᒪᓂᑐᐤ ᒐᒋ ᒋᔅᒐᔨᒪᑯ ᙭ᑕ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

1 ᑎᒧᑎ 3:8

ᑭᔭ ᐊᓐᒡ ᑲ ᐎᒋᐃᐛᒡ ᑕᓐ ᐊ ᐃᓯ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ ᒋᐸ ᑕᑈᐅᒐᔨᑕᑯᓱᐅᒡ ᑭᔭ ᒧᔅ ᑯᐃᔅᒄ ᒋᐸ ᐃᑎᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮ ᓇᒪ ᒋᐸ ᐅᒋ ᐎᒋᐸᐅᒡ ᑭᔭ ᓇᒪ ᒋᐸ ᐅᒋ ᓴᒋᑕᐅᒡ ᓱᓇᔭᔪᐤ᙮

ᒋᔅᒐᔨᑕᑯᑕᒐᐅᓐ 21:2

ᓂᒋ ᐛᐸᑕᓐ ᒪᒃ ᐊᓐ ᑲ ᐸᔭᒋᓯᒥᑲᒡ ᐅᑕᓇᐤ ᒋᒋᒋᓯᑯᒡ ᐊ ᐅᒋ ᔭᓯᒥᑲᒡ᙮ ᒋᓴᒪᓂᑐᐤ ᐊ ᑕᑦ ᒋ ᐅᒋᐱᔪᐤ᙮ ᐊᐅᒄ ᐅ ᑲ ᐅᔅᑲᒡ ᒋᕈᓯᓕᒻ᙮ ᒧᔭᒻ ᐅᔅᒋᓂᒋᔎᐤ ᐊᒋ ᒥᔪᓇᑯᐃᓱᑦ ᒐ ᐅᓇᐸᒥᑦ ᐊᐅᑯᓐ ᑲ ᐃᓯᓇᒂᒡ᙮