ᐃᐱᓯᔭᓇ 5:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᓇᒪ ᓂᑕ ᒥᒐᔨᒥᓱᐤ ᐊᐛᓐ᙮ ᐊᓯᒥᓱᐤ ᐛ ᒥᒋᓱᒋ ᑭᔭ ᒪᒥᔪᐧᑲᑎᓱᐤ᙮ ᐊᐅᑯᓐ ᒪᒃ ᒧᔭᒻ ᐊ ᐃᑐᑐᐛᑦ ᙭ ᐅᒪᒧᐊᔭᒥᐊᐛ᙮

ᐃᐱᓯᔭᓇ 5:29 Iomraidhean Croise

ᒐᓂᓯᔅ 2:23

ᐎᔭᐱᒪᑦ ᐃᔎᐛ ᐊᓐ ᓇᐸᐤ, ᒂ ᐃᔅᒋᔄᑦ, “ᐅᒪ ᐊᐛᓐ ᑲ ᐃᓯᓇᑯᔅᑦ ᓂᔾ ᐊᓯᓇᑯᓱᐅᒡ, ᓂᔅᑭᓂᒡ ᐅᒋᐱᔪᐛ ᐅᔅᑭᓇ ᑭᔭ ᓂᔭᒡ ᐅᒋᐱᔪᐤ ᐎᔪᐤ᙮ ᐃᔎᐤ ᒋᑭ ᐃᓯᓂᐧᑲᓱᐤ, ᐛᔅ ᓇᐸᐛ ᐎᔭᔨᒡ ᐅᒋᐱᔪᐤ᙮”

ᒪᑎᔪᐤ 23:37

“ᒋᔨᐛᐤ ᒋᕈᓯᓕᒥᒡ ᑲ ᑕᔭᒄ, ᑲ ᓂᐸᐊᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᑲ ᐸᐱᒧᓯᓇᑕᐛᑯᒡ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐊᒪᑕᒄ, ᑕᓐ ᑕᑥᐤ ᑲ ᐎ ᒪᐅᓱᑯᐱᑎᑎᑯᒡ ᐊᓐᑕ ᐃᔅ ᐊ ᑕᔭᓐ, ᒧᔭᒻ ᐱᑲᒂᓐ ᐊ ᐃᑐᑐᐛᑦ ᐅᐱᑲᒂᓂᒥᓴ, ᓯᐸ ᐅᑎᑎᑭᓂᒡ ᐊ ᐃᓯ ᒪᐅᓱᑯᓇᑦ ᐊ ᐎ ᓂᓇᑭᑐᐛᔨᒪᑦ᙮ ᐊᐅᑯᓐ ᒪᒃ ᒧᔭᒻ ᑲ ᐎ ᐃᑐᑕᑎᑯᒡ᙮ ᒥᒄ ᓇᒪ ᒋ ᐅᒋ ᐱᔅᑎᓇᐛᐤ ᐅ ᒐᒋ ᐃᑐᑕᑎᑯᒡ᙮

ᒪᑎᔪᐤ 6:26

ᑭᓄᐛᐱᒪᐧᑯᒡ ᐱᔭᓯᓯᒡ, ᓇᒪ ᓂᑕᐅᒋᑕᐅᒡ ᒐᒂᔪᐤ, ᓇᒪ ᑭᔭ ᒪᒧᓴᒋᓂᒐᐅᒡ ᑭᔭ ᓇᒪ ᒪᐅᒋᑕᐅᒡ ᒥᒋᒥᔪᐤ ᐊᐛᓯᓯᐅᒋᐛᐱᒡ, ᐃᔭᐱᒡ ᒪᒃ ᒍᑕᐎᐛᐛ ᒋᒋᒋᓯᑯᒡ ᐊ ᑕᔨᒋ ᐊᓯᒥᑯᐅᒡ᙮ ᓇᒪ ᓇ ᒋᔨᐛᐤ ᐅᔅᑕ ᒋᑦ ᐃᑕᔨᑕᑯᓯᓇᐛᐤ ᐃᔅᐱᔅ ᐱᔭᓯᓯᒡ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:31

ᓇᒪ ᓇᔅᒡ ᓂᔅᑐᔅᑲᑯᐅᒡ ᒥᒐᑎᓯᐅᓂᔪᐤ ᐅᑕᐃᐛᒡ ᑭᔭ ᐅᒥᑐᓇᔨᒋᑭᓂᐛᒡ᙮ ᓇᒪ ᓇᔅᒡ ᓂᓇᑭᑐᐛᔨᑎᒧᒡ ᐊᓂᔭᔪᐛ ᒐᒂᔪᐛ ᑲ ᓂᔅᑯᒧᒡ ᒐ ᓂᓇᑭᑐᐛᔨᑕᒡ᙮ ᓇᒪ ᓇᔅᒡ ᓄᑯᓂᔪᐤ ᓴᒋᐃᐛᐅᓂᔪᐤ ᒐᒋ ᐊᔭᒡ ᑭᔭ ᓇᒪ ᓇᔅᒡ ᒋᔅᑎᒪᒐᔨᒪᐅᒡ ᐊᐛᔪᐛ᙮

ᐃᐱᓯᔭᓇ 5:28

ᒧᔭᒻ ᒪᒃ ᐅᔭ ᙭ ᑲ ᐃᓯ ᓴᒋᐃᐛᑦ ᑭᔭ ᐎᔾ ᓇᐸᐤ ᒋᐸ ᓴᒋᐊᐤ ᐎᐛ ᒧᔭᒻ ᐊᔅᐱᔅ ᓴᒋᑕᑦ ᐎᔪᐤ᙮ ᓇᐸᐤ ᑲ ᓴᒋᐊᑦ ᐎᐛ ᓄᑯᓂᔪᐤ ᐊ ᓴᒋᐃᓱᑦ᙮

ᐃᐱᓯᔭᓇ 5:30

ᒋᔭᓄᐤ ᑲ ᑕᑈᔭᔨᒪᐧᒄ ᒋᓴᒪᓂᑐᐤ ᒥᓯᐛ ᙭ ᐊ ᑕᑦ ᒋ ᐊᑎ ᐃᓯ ᒪᒧᓯᓇᓱᓇᓄᐤ᙮

ᐃᐱᓯᔭᓇ 5:31

ᐊᐅᒄ ᑭᔭ ᐛᒋ ᐃᑎᔅᑕᒡ ᒥᓯᓇᐃᑭᓂᒡ, ᓇᐸᐤ ᒋᑭ ᓂᑭᑕᐤ ᐅᓂᒋᐃᒂ ᑭᔭ ᒐ ᐎᒋᒪᑦ ᐎᐛ᙮ ᐊᑯ ᒪᒃ ᐎᐛ ᐸᐃᒄ ᒥᔪᐤ ᒐ ᐃᓯᓇᑯᓯᒡ᙮