ᐃᐱᓯᔭᓇ 5:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᒋᔨᐛᐤ ᓇᐸᑐᒄ, ᒋᐸ ᓴᒋᐊᐛᐅᒡ ᒋᐅᐛᐅᒡ ᒧᔭᒻ ᙭ ᑲ ᐃᔅᐱᔅ ᓴᒋᐊᑦ ᐅᒪᒧᐊᔭᒥᐊᐛ, ᓇᔅᒡ ᐊᒋ ᐱᔅᑎᓇᐧᒃ ᐅᐱᒪᑎᓯᐅᓐ ᑲ ᐃᔅᐱᔅ ᒋ ᓴᒋᐊᑦ᙮

ᐃᐱᓯᔭᓇ 5:25 Iomraidhean Croise

ᒐᓂᓯᔅ 2:24

ᐊᐅᑯᓐ ᐛᒋ ᐃᓯᓇᒂᒡ, ᒥᓯᐛ ᓇᐸᐤ ᒐ ᓂᑭᑕᑦ ᐅᑕᐎᔭ ᑭᔭ ᐅᑲᐎᔭ ᑭᔭ ᒪᒧᐤ ᒐᒋ ᑕᑦ ᐎᐛ ᐊ ᑕᔨᒋ ᑭᔭ ᒂ ᐃᓯᓇᑯᓯᒡ ᒧᔭᒻ ᐸᐃᒄ ᐊᐛᓐ᙮

ᒐᓂᓯᔅ 24:67

ᐊᑯ ᐊᐃᓯᒃ ᒋ ᐃᑐᑕᐊᐤ ᕋᐸᑲᔨᒋ ᐱᒍᐎᔭᓂᒋᐛᐱᒡ ᐊᓐᑕ ᑲᒋ ᐎᒋᔨᒋ ᐅᑲᐎᔭ ᓴᕋᔨᒋ᙮ ᐊᐃᓯᒃ ᒋ ᐎᒋᒪᐤ ᕋᐸᑲᔨᒋ᙮ ᒋᒋᐛ ᒋ ᓴᒋᐊᐤ ᑭᔭ ᒂ ᒥᔅᑲᐧᒃ ᐊᐃᓯᒃ ᒥᔽᔨᒧᐅᓂᔪᐤ ᑲᒋ ᐳᓂᐱᒪᑎᓯᔨᒋ ᐅᑲᐎᔭ᙮

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒠᓐ 6:51

“ᓂᔾ ᒪᒃ ᐊᓐ ᐱᒪᒋᐃᐛᐤ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐊᓐ ᒪᒃ ᐸᒂᓯᑭᓐ ᒐ ᒥᔨᐛᔭᓐ ᐊᐅᒄ ᐅ ᓂᔭᔅ ᐊᓐᑕ ᒐᒋ ᐅᒋ ᐊᔭᒡ ᐊᐛᓐᒋ ᐱᒪᑎᓯᐅᓂᔪᐤ᙮” ᐊᔪᐅᒄ ᐅᔭ ᒋᓴᔅ ᑲ ᐃᔅᒋᔄᑦ᙮

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

ᑲᓚᓯᔭᓇ 1:4

ᒋᓴᔅ ᓇᔅᒡ ᒋ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᐃᐱᓯᔭᓇ 5:24

ᒧᔭᒻ ᒪᒃ ᐊ ᐃᓯ ᐱᔅᑕᔨᒥᑎᓱᒡ ᙭ᑕ ᐊ ᑕᔨᒋ ᒪᒧᐤ ᑲ ᐊᔭᒥᐊᐛᑎᓯᒡ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᐃᔎᑐᒄ ᒋᐸ ᐃᓯ ᐱᔅᑕᔨᒥᑎᓱᔅᑐᐛᐛᐅᒡ ᒋᓇᐸᒧᐛᐅᒡ᙮

ᐃᐱᓯᔭᓇ 5:28

ᒧᔭᒻ ᒪᒃ ᐅᔭ ᙭ ᑲ ᐃᓯ ᓴᒋᐃᐛᑦ ᑭᔭ ᐎᔾ ᓇᐸᐤ ᒋᐸ ᓴᒋᐊᐤ ᐎᐛ ᒧᔭᒻ ᐊᔅᐱᔅ ᓴᒋᑕᑦ ᐎᔪᐤ᙮ ᓇᐸᐤ ᑲ ᓴᒋᐊᑦ ᐎᐛ ᓄᑯᓂᔪᐤ ᐊ ᓴᒋᐃᓱᑦ᙮

ᐃᐱᓯᔭᓇ 5:33

ᒥᒄ ᒪᒃ ᑭᔭ ᒋᔨᐛᐤ ᓇᐸᑐᒄ ᑭᔭ ᐃᔎᑐᒄ ᒋᑦ ᐊᔨᒧᒥᑯᓇᐛᐤ᙮ ᒥᓯᐛ ᓇᐸᐤ ᒋᐸ ᓴᒋᐊᐤ ᐎᐛ ᒧᔭᒻ ᐎᔾ ᐊ ᐃᔅᐱᔅ ᓴᒋᐃᓱᑦ᙮ ᑭᔭ ᐃᔎᐤ ᒋᐸ ᒋᔅᑕᔨᒪᐤ ᐅᓇᐸᒪ᙮

ᑯᓚᓯᔭᓇ 3:19

ᒋᔨᐛᐤ ᑭᔭ ᓇᐸᑐᒄ ᑲ ᓂᐳᐅᔭᒄ ᓴᒋᐊᐧᑯᒡ ᒋᐅᐛᐅᒡ᙮ ᐊᑲᐎᔾ ᒥᒋᑐᑐᐛᐧᑯᒡ᙮

1 ᑎᒧᑎ 2:6

ᐊᐅᒄ ᒪᒃ ᐅ ᓇᐸᐤ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒐᒋ ᐅᒋ ᐎᐧᑯᒋᐊᑦ ᒥᓯᐛ ᐊᐛᔪᐛ ᐅᒥᒋᑥᐅᓂᔨᒡ ᐅᒡ᙮ ᐊᑯᑕ ᒪᒃ ᑲ ᐅᑎᒋᐱᔨᒡ ᐊᓐᑕ ᒐ ᒥᔪᐱᔨᒡ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐᑕ ᒐᒋ ᐅᒋ ᐱᒪᒋᐊᑦ ᒥᓯᐛ ᐊᐛᔪᐛ᙮

1 ᐱᑕᕐ 3:7

ᐊᐅᑯᓐ ᒪᒃ ᑭᔭ ᒋᔨᐛᐤ ᑲ ᓂᐳᐅᔭᒄ ᓇᐸᑐᒄ ᒐ ᐃᑎᔭᒄ᙮ ᓱᒃ ᐎ ᓂᓇᑭᑐᐛᔨᒪᐧᑯᒡ ᒋᐅᐛᐅᒡ ᐊ ᐎᒋᒪᑯᒡ ᐊ ᒋᔅᒐᔨᒪᑯᒡ ᐊᑲ ᐃᔅᐱᔅ ᓱᒋᓯᒡ ᒋᔨᐛᐤ ᐊ ᐃᔅᐱᔅ ᓱᒋᓯᐛᒄ᙮ ᒋᔅᑕᔨᒪᐧᑯᒡ ᐛᔅ ᑭᔭ ᐎᔨᐛᐤ ᒋᑭ ᐊᓂᔅᒐ ᒥᔭᑭᓄᐎᒡ ᑲᒋᒡ ᐱᒪᑎᓯᐅᓂᔪᐤ ᒧᔭᒻ ᒋᔨᐛᐤ ᒐ ᐃᓯ ᒥᔨᑯᐅᔭᒄ᙮ ᐃᑐᑎᒧᒄ ᐅ ᐊ ᐃᑎᓱᒥᑎᑯᒡ ᐊᑲ ᒐᒂᓐ ᒐᒋ ᒋᐱᔅᑲᑯᔭᒄ ᐊ ᐊᔭᒥᐊᒄ ᒋᓴᒪᓂᑐᐤ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮