ᐃᐱᓯᔭᓇ 5:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᐃᐱᓯᔭᓇ 5:2 Iomraidhean Croise

ᒐᓂᓯᔅ 8:21

ᒋ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ ᐊ ᒥᔪᒪᑯᓂᔨᒡ ᒥᑐᔅᑕᐊᒪᒐᐅᓂᔪᐤ, ᑭᔭ ᑎᐸᔨᒋᒐᓱᐤ ᒂ ᐃᔅᒋᔄᑦ, “ᓇᒪ ᓂᑕ ᒥᓐ ᓂᑭ ᐊᓏᔨᑕᓐ ᐊᔅᒋᔾ ᒥᒋᑐᑎᒧᐅᓂᔪᐤ ᐊ ᐃᑐᑕᐧᒃ ᐃᔪᐤ᙮ ᒥᓯᐛ ᐎᔨᐛᐤ ᒋ ᐅᒋ ᒥᒋᒪᒥᑐᓇᔨᑎᒧᒡ ᑲ ᐸᒋ ᐅᔅᑎᓂᒋᐅᒡ, ᒥᒄ ᓇᒪ ᓂᑕ ᓂᑭ ᓂᓱᐅᓇᒋᑕᓐ ᒥᓯᐛ ᒐᒂᓐ ᑲ ᐱᒪᑎᓯᒥᑲᒡ ᒧᔭᒻ ᑲ ᐃᓯ ᐃᑐᑎᒪᓐ᙮

ᐊᒃᓱᑕᔅ 29:18

ᒐ ᐃᔎᓱᑦ ᒥᓯᐛ ᓇᐸ ᒪᔭᑕᓂᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᒋᒻ ᐱᔅᑎᓂᒐᐅᓐ᙮ ᓂ ᓇᐊᔨᑎᒥᔨᑯᓐ ᐊᓐ ᐊ ᒥᔭᒂᒡ ᐱᔅᑎᓂᒐᐅᓐ᙮

ᐊᒃᓱᑕᔅ 29:25

ᒋ ᑐᑕᐧᑲᐛ ᐅᔭ ᐊᑯ ᒐ ᐅᑎᓂᒧᑦ ᑭᔭ ᒐ ᐊᑎ ᑕᐧᑯᑎᔅᑕᔨᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑕᐧᑯᒡ ᐊᓐᑕ ᑲ ᒥᑐᔅᑕᐊᒪᒐᓄᒋ ᒐᒂᔪᐛ᙮ ᐊᐅᑯᓐ ᐃᔭᐱᒡ ᒐ ᐱᔅᑎᓂᒪᑯᐅᔭᓐ ᑭᔭ ᓂᑭ ᓇᐊᔨᑎᒥᔨᑯᓐ ᐊᓐ ᐊ ᒥᔭᒂᒡ᙮

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒠᓐ 13:34

“ᐊ ᐅᔅᑲᒡ ᐃᑎᓱᐛᐅᓐ ᒋ ᒥᔨᑎᓇᐛᐤ ᐊᐅᒄ ᐅ ᒐᒋ ᓴᒋᐃᑐᔭᒄ᙮ ᒧᔭᒻ ᑕᓐ ᐊᔅᐱᔅ ᓴᒋᐃᑎᑯᒡ ᐊᐅᑯᓐ ᒋᐸ ᐃᔅᐱᔅ ᓴᒋᐃᑐᓇᐛᐤ᙮

ᒠᓐ 6:51

“ᓂᔾ ᒪᒃ ᐊᓐ ᐱᒪᒋᐃᐛᐤ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐊᓐ ᒪᒃ ᐸᒂᓯᑭᓐ ᒐ ᒥᔨᐛᔭᓐ ᐊᐅᒄ ᐅ ᓂᔭᔅ ᐊᓐᑕ ᒐᒋ ᐅᒋ ᐊᔭᒡ ᐊᐛᓐᒋ ᐱᒪᑎᓯᐅᓂᔪᐤ᙮” ᐊᔪᐅᒄ ᐅᔭ ᒋᓴᔅ ᑲ ᐃᔅᒋᔄᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:16

ᓂᔾ ᓂᒋ ᐅᑎᓂᒄ ᒋᓴᒪᓂᑐᐤ ᒋᓴᔅ ᙭ᑕ ᒐᒋ ᐊᑐᔅᑯᐅᒥᒋ, ᐊᓐᑕ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊ ᑕᔭᒄ ᒐᒋ ᐃᓯ ᐊᔭᒥᐊᐤ ᐊᑐᔅᒐᔭᓐ, ᒥᔽᒋᒧᐅᓐ ᐊ ᐛᐎᑎᒪᑎᑯᒡ᙮ ᐊᔪᐅᒄ ᐅᔭ ᐛ ᐃᑕᐱᒋᐃᑦ ᒋᓴᒪᓂᑐᐤ ᒐᒋ ᐅᒋ ᓇᐊᔨᑎᒥᐊᒡ ᒋᓴᒪᓂᑐᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᐱᔅᑕᔨᒥᑎᓱᒡ ᐎᔾ ᐊ ᑕᔨᒋ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:25

ᒋᓴᔅ ᒋ ᐱᔅᑎᓇᑭᓄᐤ ᒐᒋ ᓂᐱᔅᑎᒪᑕᐧᒄ ᒐᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ, ᑭᔭ ᐊᓂᔭ ᑲ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒋ ᐊᑯᑕ ᑲ ᐅᒋ ᐃᓯᓇᒂᒡ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:37

ᐊᑎ ᒪᒃ ᒥᓯᐛ ᐅ ᐊ ᐃᓯ ᓂᓇᐧᑯᐤ ᐃᔅᐱᔨᒡ ᐊᓐᑕ ᐊ ᑕᔭᐧᒄ ᒋ ᑭᓄᐛᔨᑕᓇᓄᐤ ᐱᔅᒋᔭᒐᐅᓐ ᙭ ᐅᒋ, ᐊᓐ ᑲ ᓴᒋᐃᑕᐧᒄ ᐛᔅ ᐎᔾ ᒋ ᐎᒋᐃᑯᓄᐤ᙮

1 ᑯᕆᓐᑎᔭᓇ 16:14

ᓄᑯᑕᒄ ᒋᓴᒋᐃᐛᐅᓄᐛᐤ ᒥᓯᐛ ᒐᒂᓐ ᐊ ᐃᑐᑎᒪᒄ᙮

1 ᑯᕆᓐᑎᔭᓇ 5:7

ᐊᑲᐎᔾ ᐱᔅᑎᓂᒧᒄ ᒥᒋᑥᐅᓐ ᒐᒋ ᑎᒂᒡ ᐊᓐᑕ ᐊ ᑕᔭᒄ᙮ ᐛᔅ ᒧᔭᒻ ᑲᐅᐱᔨᒡ ᐃᑕᔨᑕᑯᓐ ᒥᒋᑥᐅᓐ, ᐊᐅᒄ ᐅᔭ ᑲ ᐃᑐᑕᑯᑦ ᐸᒂᓯᑭᓐ ᒐᒋ ᐅᐱᔨᑦ ᐊᐅᑯᓐ ᒪᒃ ᒧᔭᒻ ᐊ ᐃᑐᑕᒐᒥᑲᒡ ᒥᒋᑥᐅᓐ ᐱᒪᑎᓯᐅᓂᒡ᙮ ᓇᒪ ᒋᐸ ᐅᒋ ᐊᔭᓇᐛᐤ ᒥᒋᑥᐅᓐ ᒋᐱᒪᑎᓯᐅᓄᐛᒡ ᐛᔅ ᔅᒋ ᐎᐧᑯᒋᐃᑯᓇᐛᐤ ᒥᒋᑥᐅᓂᒡ ᐅᒡ᙮ ᐛᔅ ᙭ ᒋ ᐎᒪᔅᑲᒐᐤ ᒪᔭᑕᓂᓯᒥᓄᐤ ᒋ ᓂᐸᐊᑭᓄᐤ ᒋᔭᓄᐤ ᐅᒋ ᒐᒋ ᐱᒪᒋᐅᔭᐧᒄ᙮

2 ᑯᕆᓐᑎᔭᓇ 2:14

ᒥᒄ ᒪᒃ ᑕᑈ ᓂᓇᔅᑯᒪᐤ ᒋᓴᒪᓂᑐᐤ ᐛᔅ ᒧᔅ ᐎᔾ ᓂ ᒋᔅᒋᓄᑕᐃᒄ ᑕᓐᑕ ᐊ ᐃᑐᑕᐅᒡ ᐊ ᐎᒋᐃᑦ ᐊ ᐊᔨᒧᒥᒋ ᙭ᑕ ᒐᒋ ᐅᒋ ᒋᔅᒐᔨᒪᑭᓄᔨᒋ, ᐛᔅ ᙭ ᒧᔅ ᐱᔅᒋᔭᒐᐅᓂᒡ ᒋ ᐊᑎ ᐃᓯ ᐱᒧᑕᔨᑯᓄᐤ᙮ ᒋᓴᒪᓂᑐᐤ ᒋ ᐎᒋᐃᑯᓄᐤ ᒐᒋ ᑎᐸᒋᒪᐧᒄ ᙭ ᒥᓯᐛ ᐊᐛᓐ ᒐᒋ ᒋᔅᒐᔨᒪᑦ᙮ ᐊ ᒋᔅᒐᔨᒪᑭᓄᐅᑦ ᙭ ᒧᔭᒻ ᑲ ᐎᒋᒪᑯᓯᒡ ᒐᒂᓐ ᐃᑕᔨᑕᑯᓐ᙮

2 ᑯᕆᓐᑎᔭᓇ 2:15

ᐅ ᐊ ᐃᑎᔭᐧᒄ ᒧᔭᒻ ᙭ ᐊ ᐱᔅᑎᓂᒧᐛᑦ ᒋᓴᒪᓂᑐᐛ ᑲᐎᒋᒪᑯᓯᔨᒡ ᒐᒂᔪᐤ ᐊᐅᑯᓐ ᐊ ᐃᓯᓇᒂᒡ᙮ ᐊᓐ ᒪᒃ ᐊ ᐎᒋᒪᔅᑕᒡ ᐊᓐᑕ ᐊᓐᒡ ᒐ ᐱᒪᒋᐅᒡ ᐊᐛᓐᒋ ᑭᔭ ᐊᓐᒡ ᐊᐛᓐᒋ ᒐ ᐅᓂᓯᓂᒡ ᐊᑯᑕ ᐊ ᐃᑕᐸᑕᒡ᙮

2 ᑯᕆᓐᑎᔭᓇ 8:9

ᒋ ᒋᔅᒐᔨᒪᐛᐤ ᑕᓐ ᑲ ᐃᓯ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ᐛᔪᑎᓯᐤ ᐃᔭᐱᒡ ᒪᒃ ᒋ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮

ᑲᓚᓯᔭᓇ 1:4

ᒋᓴᔅ ᓇᔅᒡ ᒋ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᐃᐱᓯᔭᓇ 1:4

ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᔅᒋ ᐅᑎᓂᑯᓄᐤ ᒋᓴᒪᓂᑐᐤ ᐎᔾ ᒐ ᐊᔭᐅᑕᐧᒄ ᐊᓂᔭ ᐅᒋ ᙭ᑕ ᐊ ᐎᒐᐅᒪᐧᑯ᙮ ᔅᒋ ᐅᑎᓂᑯᓄᐤ ᒐᒋ ᐸᔭᒋᓯᐛᐧᒄ ᑭᔭ ᐊᑲ ᓇᔅᒡ ᒐᒂᓐ ᒐᒋ ᑎᒂᒡ ᒐ ᐃᓯ ᐊᑕᒪᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

ᐃᐱᓯᔭᓇ 3:19

ᓂ ᓂᑐᑎᒪᓐ ᒐᒋ ᒋᔅᒐᔨᑎᒺᒄ ᐅᓴᒋᐃᐛᐅᓐ, ᐊᑎ ᐊ ᐃᓯᓇᑯᓂᔨᒡ ᐊᑲ ᓂᑕ ᓇᔅᒡ ᒐᒋ ᒋᔅᒐᔨᑕᑯᓂᔨᒡ᙮ ᒋᔅᒐᔨᑎᒧᐛᒂ ᙭ ᐅᓴᒋᐃᐛᐅᓐ ᐊᑯ ᒐ ᓴᑭᔅᒋᓇᔅᑲᑯᐛᒄ ᒋᓴᒪᓂᑐᐤ ᐅᑦ ᐃᑕᔨᑕᑯᓱᐅᓐ᙮

ᐃᐱᓯᔭᓇ 4:15

ᐃᔭᐱᒡ ᒪᒃ, ᓴᒋᐃᐛᐅᓐ ᐊ ᓄᑯᑕᔭᐧᒄ ᐊ ᐎᑎᒪᐧᒄ ᑕᑈᐅᓐ, ᓇᔅᒡ ᒋᐸ ᐃᓯ ᒥᔪ ᓂᑕᐅᒋᓇᓄᐤ ᙭ ᐃᔅ ᐊ ᑕᑦ, ᐎᔾ ᐊ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮

ᐃᐱᓯᔭᓇ 4:2

ᒋᐸ ᑎᐱᑕᔨᒥᓱᓇᐛᐤ ᑭᔭ ᒋᐸ ᒋᔭᒪᔨᑕᑯᓯᓇᐛᐤ ᑭᔭ ᒧᔅ ᒋᐸ ᐎ ᓯᐱᔪᐛᓯᓇᐛᐤ᙮ ᓄᑯᑕᒄ ᐊ ᓴᒋᐃᑐᔭᒄ ᐊᑲ ᑕᔅᑎᑲᒋᔭᒄ ᐊ ᐛᐎᒋᐃᑐᔭᒄ᙮

ᐃᐱᓯᔭᓇ 5:15

ᓱᒃ ᐃᔭᒂᒥᒄ ᑕᓐ ᐊ ᐃᓯ ᐱᒪᑎᓯᔭᒄ᙮ ᓇᒪ ᒋᐸ ᐅᒋ ᐃᓯ ᐱᒪᑎᓯᓇᐛᐤ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᐊᔭᒡ ᑭᒐᑕᐛᔨᑎᒧᐅᓂᔪᐤ᙮ ᐊᐛᓐᒋ ᑲ ᐊᔭᒡ ᑭᒐᑕᐛᔨᑎᒧᐅᓂᔪᐤ ᐊᐅᒄ ᑕᑈ ᒋᐸ ᐃᓯ ᐱᒪᑎᓯᓇᐛᐤ᙮

ᐃᐱᓯᔭᓇ 5:25

ᒋᔨᐛᐤ ᓇᐸᑐᒄ, ᒋᐸ ᓴᒋᐊᐛᐅᒡ ᒋᐅᐛᐅᒡ ᒧᔭᒻ ᙭ ᑲ ᐃᔅᐱᔅ ᓴᒋᐊᑦ ᐅᒪᒧᐊᔭᒥᐊᐛ, ᓇᔅᒡ ᐊᒋ ᐱᔅᑎᓇᐧᒃ ᐅᐱᒪᑎᓯᐅᓐ ᑲ ᐃᔅᐱᔅ ᒋ ᓴᒋᐊᑦ᙮

ᐱᓕᐱᔭᓇ 4:18

ᐊᑯᑕ ᐅ ᐛᑎᒪᑎᑯᒡ ᓴᔅ ᒥᓯᐛ ᐊᒋ ᒥᔅᑭᒪᓐ ᐊᓐ ᑲ ᐃᓯ ᐸᒋ ᐛᐎᒋᐃᐛᔭᒄ᙮ ᓴᔅ ᐊᑐᐎᔅ ᓂᑦ ᐃᔅᐱᔅ ᐊᔭᓐ ᑕᓐ ᑲ ᐃᓯ ᓄᑕᐱᔭᓐ᙮ ᐊᑯ ᒪᒃ ᒥᓯᐛ ᐊ ᐊᔭᔭᓐ ᑕᓐ ᑲ ᐃᓯ ᓄᑕᐱᔭᓐ ᐃᐸᑉᕋᑕᐃᑕᔅ ᐊᒋ ᐸᑐᐅᑦ ᐊᓂᔭᔪᐤ ᒋᒥᑯᓴᐅᓄᐛᐛ ᐅ ᑲ ᐃᓯ ᒥᔭᒄ ᓇᔅᒡ ᐊ ᒥᔽᓯᒡ ᐱᔅᑎᓂᒐᐅᓐ ᐃᓯ ᑭᓄᐛᐸᑎᒻ ᒋᓴᒪᓂᑐᐤ ᑭᔭ ᓇᔅᒡ ᓇᐊᔨᑎᒥᐃᑯᐤ᙮

ᑯᓚᓯᔭᓇ 3:14

ᒪᐅ ᓇᔅᒡ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᒄ᙮ ᓴᒋᐃᑐᔭᒂ ᒥᓯᐛ ᒋᑭ ᒥᔪ ᐎᒐᐅᑐᓇᐛᐤ᙮

1 ᑕᓴᓗᓂᔭᓇ 4:9

ᓇᒪ ᓂᑐᐛᔨᑕᑯᓐ ᒐᒋ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᒪᒧᐤ ᓴᒋᐃᑐᓇᐛᐤ ᐊ ᐎᐧᑲᓂᓯᑕᑐᔭᒄ ᒋᔨᐛᐤ ᑲ ᑕᑈᔭᔨᒪᒄ ᒋᓴᔅ ᐛᔅ ᐎᔾ ᒋᓴᒪᓂᑐᐤ ᔅᒋ ᒋᔅᒐᔨᑎᒥᐃᑯᐛᐤ ᑕᓐ ᒋᐸ ᐃᓯ ᓴᒋᐃᑐᓇᐛᐤ᙮

1 ᑎᒧᑎ 2:6

ᐊᐅᒄ ᒪᒃ ᐅ ᓇᐸᐤ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒐᒋ ᐅᒋ ᐎᐧᑯᒋᐊᑦ ᒥᓯᐛ ᐊᐛᔪᐛ ᐅᒥᒋᑥᐅᓂᔨᒡ ᐅᒡ᙮ ᐊᑯᑕ ᒪᒃ ᑲ ᐅᑎᒋᐱᔨᒡ ᐊᓐᑕ ᒐ ᒥᔪᐱᔨᒡ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐᑕ ᒐᒋ ᐅᒋ ᐱᒪᒋᐊᑦ ᒥᓯᐛ ᐊᐛᔪᐛ᙮

1 ᑎᒧᑎ 4:12

ᐊᑲᐎᔾ ᒋᑭ ᐅᒋ ᐃᔭᑐᒡᐃᑯᒡ ᐊᐛᓐᒋ ᐊᓂᔭ ᐊ ᐅᔅᒋᐱᒪᑎᓯᐅᑦ ᐅᔭ ᐊ ᐃᑕᐱᑎᓯᐅᑦ᙮ ᒥᒄ ᐃᓯ ᐱᒪᑎᓯ ᐊᓐᑕ ᒐᒋ ᐅᒋ ᒋᔅᒋᓄᐛᐸᑕᒡ ᒋᐱᒪᑎᓯᐅᓂᔪᐤ ᐊᓐᒡ ᑲ ᑕᑈᑕᒡ, ᑕᓐ ᐊ ᐃᑎᑕᑯᓂᔨᒡ ᒋᑦ ᐃᔨᒧᐅᓂᔪᐤ, ᑭᔭ ᑕᓐ ᐊ ᐃᓯᓇᒂᒡ ᒋᐱᒪᑎᓯᐅᓐ ᑭᔭ ᑕᓐ ᐊ ᐃᓯ ᓴᒋᐃᐛᔨᓐ ᒪᒃ ᐊ ᐃᓯ ᑕᑈᑎᒥᓐ ᑭᔭ ᑕᓐ ᐊ ᐃᓯ ᐸᔭᒋᓯᔨᓐ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᐃᑉᕈᐛ 8:3

ᐊᓐ ᐊᐛᓐ ᑲ ᐎᔭᔨᒪᑭᓄᐅᑦ ᒐᒋ ᒋᓴᐊᔭᒥᐊᐅᒋᒪᐅᑦ ᐊᐅᒄ ᐊᓐ ᑲ ᐸᑕᐛᑦ ᐊᓂᔭᔪᐛ ᐃᔪᐛ ᐅᐱᔅᑎᓂᒐᐅᓂᔪᐤ ᑭᔭ ᐅᒥᑐᔅᑕᐊᒪᒐᐅᓂᔪᐤ ᐊᓐᑕ ᒋᓴᒪᓂᑐᐛ ᐊ ᑕᔨᒋ᙮ ᐊᑯ ᒪᒃ ᑭᔭ ᒋᔭᓄᐤ ᒋᒋᓴᐊᔭᒥᐊᐅᒋᒪᒥᓄᐤ ᙭ ᑭᔭ ᐎᔾ ᒋᐸ ᑎᑯᓂᔪᐤ ᒐᒂᔪᐤ ᐊ ᐃᓯ ᐱᔅᑎᓂᒧᐛᑦ ᒋᓴᒪᓂᑐᐛ᙮

ᐃᑉᕈᐛ 9:14

ᒧᔭᒻ ᒪᒃ ᐊᐛᓯᔅ ᐅᒥᐧᒄ ᐊ ᐸᔭᒋᑕᒐᒥᑭᓂᔨᒡ ᒪᒥᑐᓇᔨᑎᒧᒄ ᑕᓐ ᐊᔅᐱᔅ ᐊᑐᐎᔅ ᒐᒋ ᐃᓯ ᐎᒋᐃᑯᐛᐧᒄ ᙭ ᐅᒥᐧᒄ᙮ ᒋ ᐱᒪᑎᓯᐤ ᐅᑕ ᐊᔅᒋᒡ ᐊᑲ ᐛᐛᒡ ᐅᒋ ᒥᒋᑐᑕᐧᒃ᙮ ᑲ ᐸᔭᒋᓯᔨᒋ ᐊᒐᒂ ᑲᒋᒡ ᐊ ᑕᔨᒋ ᒋ ᐎᒋᐃᑯᐤ ᐃᔅᐱ ᑲ ᐱᔅᑕᔨᒥᑎᓱᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐅᒥᐧᒄ ᐊᐅᒄ ᒐ ᐸᔭᒋᐃᑯᐛᐧᒄ᙮ ᓇᒪ ᐎ ᐊᓂᔭᔪᐛ ᐊᑲ ᐅᔭᔅ ᐃᑕᐱᑎᓂᔨᒋ ᒐᒂᔪᐛ ᑲᒋ ᐃᑐᑎᒪᐧᒄ ᒋᑭ ᐅᒋ ᐱᒪᒋᐃᑯᓇᓄᐤ᙮ ᐊᑯ ᒪᒃ ᑲᒋᒡ ᒐᒋ ᐊᑐᔅᑯᐛᐧᒄ ᒋᓴᒪᓂᑐᐤ᙮

ᐃᑉᕈᐛ 9:23

ᒋ ᓂᑐᐛᔨᑕᑯᓐ ᐅ ᒐᒋ ᐃᑎᓇᓄᐅᒡ ᒐᒋ ᐸᔭᐧᑲᒋ ᒥᓯᐛ ᐅᔭ ᒐᒂᔪᐛ᙮ ᐅ ᐊ ᐃᑎᓇᓄᐅᒡ ᒥᒄ ᐎ ᓄᑯᑕᑭᓄᐤ ᑕᓐ ᐊ ᐃᑕᔨᑕᒂᒋ ᐊᓂᔭ ᒋᒋᐛ ᒐᒂᔪᐛ ᐊᓐᑕ ᒋᒋᒋᓯᑯᒡ ᐊ ᑎᒂᒋ᙮ ᒐᔅᑎᓇᔅ ᒪᒃ ᐅᔅᑕ ᐊ ᒥᔽᒋ ᒥᑐᔅᑕᐊᒪᒐᐅᓇ ᓂᑐᐛᔨᑕᑯᓇ ᐛᔅ ᐊᑐᐎᔅ ᒋᒋᐛ ᐃᑕᔨᑕᑯᓇ ᐊᓂᔭᔪᐛ ᒐᒂᔪᐛ ᐊᓐᑕ ᒋᒋᒋᓯᑯᒡ ᐊ ᑎᒂᒋ᙮

ᐃᑉᕈᐛ 9:26

ᐛᔅ ᒧᔭᒻ ᒪᒃ ᐸᐃᒂᐤ ᐊᒋ ᐱᔅᑕᔨᒥᑎᓱᑦ ᓇᒪ ᐅᒋ ᓂᑐᐛᔨᑕᑯᓂᔪᐤ ᒧᓯᓇᐤ ᒐᒋ ᐱᔅᑎᓂᓱᑦ ᒐᒋ ᓂᓇᐧᑲᒋᐊᑭᓄᐅᑦ᙮ ᒋ ᓂᑐᐛᔨᑕᑯᓂᑯᐱᓇ ᒪᒃ ᐅᔭ ᒐᒋ ᐃᑎᑦ ᒧᓯᓇᐤ ᐊᐅᑯᓐ ᒋᐸ ᐸᒋ ᐃᑐᐤ ᑲ ᐃᔅᐱᔅ ᑎᒂᒡ ᐅ ᐊᔅᒋᔾ᙮ ᐃᔅᐱ ᒪᒃ ᐛᑎᒋᐱᔨᒋ ᐅᔭ ᐊ ᐸᒋ ᒋᓯᑲᒋ ᐸᐃᒂᐤ ᒥᒄ ᒋ ᐱᔅᑎᓂᒻ ᐅᐱᒪᑎᓯᐅᓐ ᒐᒋ ᐅᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

1 ᐱᑕᕐ 4:8

ᒪᐅᒡ ᒪᒃ ᐊ ᐃᑕᔨᑕᒂᒡ ᐊᐅᒄ ᐅ ᒋᒋᐛ ᒐᒋ ᓴᒋᐃᑐᔭᒄ ᒥᓯᐛ ᐊ ᑎᓯᔭᒄ, ᐛᔅ ᓴᒋᐃᐛᐅᓐ ᐛᐸᔨᑎᒧᒥᑭᓐ ᒥᒐᑦ ᒥᒋᑥᐅᓇ᙮

1 ᒠᓐ 3:16

᙭ ᓇᔅᒡ ᑲ ᐱᔅᑕᔨᒧᑦ ᒐᒋ ᓂᐱᔅᑎᒪᑕᐧᒄ, ᐊᑯᑕ ᑲ ᐅᒋ ᒋᔅᒐᔨᑎᒥᐃᑕᐧᒄ ᓴᒋᐃᐛᐅᓂᔪᐤ᙮ ᐊᑯ ᒪᒃ ᑭᔭ ᒋᔭᓄᐤ ᓇᑐᐛᔨᑕᑯᓯᔭᐧᒄ ᒐᒋ ᐱᔅᑕᔨᒥᑎᓱᔭᐧᒄ ᒋᐧᑲᓂᓯᓄᐅᒡ ᒐᒋ ᐎᒋᐃᐧᑯᒡ᙮

1 ᒠᓐ 3:23

ᒪᐅᔭᔪᐤ ᒪᒃ ᐊ ᐃᑎᓱᒥᑕᐧᒄ ᒐᒋ ᐃᑐᐛᐧᒄ, ᒐᒋ ᑕᑈᔭᔨᒪᐧᑯ ᐅᑯᓴ ᒋᓴᔅ ᙭ᑕ ᑭᔭ ᒐᒋ ᓴᒋᐃᑐᐛᐧᒄ ᒧᔭᒻ ᙭ ᑲ ᐃᑎᓱᒥᑕᐧᒄ ᒐᒋ ᐃᓯ ᓴᒋᐃᐛᐛᐧᒄ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮