ᐃᐱᓯᔭᓇ 5:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᑭᔭ ᐊᑲᐎᔾ ᐃᔭᔪᑕᒄ ᒋᒋᓯᑲᒧᐛᐛ ᐛᔅ ᓇᔅᒡ ᒥᓴᐤ ᒥᒐᑎᓯᐅᓐ ᐅᔭ ᐊᓄᒡ ᒐᓯᑲᒋ᙮

ᐃᐱᓯᔭᓇ 5:16 Iomraidhean Croise

ᒐᓂᓯᔅ 29:7

ᒐᑭᑉ ᐃᑕᐤ, “ᒐᒂᓐ ᐛᒋ ᒪᒧᓇᑯᒡ ᒪᔭᑕᓂᓯᒡ ? ᒥᒄ ᐅ ᐊᐱᑕᒋᓯᑲᐤ᙮ ᒋᐸ ᒥᔭᐛᐅᒡ ᓂᐱᔪᐤ ᐊᑯ ᑭᔭ ᑲᐤ ᒋᐸ ᐃᑐᑕᐛᐅᒡ ᓂᑕᐅᒋᑕᑭᓂᒡ ᒐᒋ ᒥᒋᒡ ᒥᔅᑯᓱᐛ᙮”

ᑎᐱᑦ ᐅᓂᑭᒧᐅᓇ 37:19

ᓇᒪᐎᔾ ᒋᑭ ᓯᓴᒂᔨᒧᐅᒡ ᒪᒡ ᒋᓯᑲᔨᒐ: ᒪᒂᒡ ᒪᒃ ᓄᑕᐧᑭᑕᐅᓐ ᒋᓯᑲᒐ ᒋᑭ ᒋᔅᐳᐅᒡ᙮

ᒪᑎᔪᐤ 25:17

ᑭᔭ ᐊᓐ ᓂᔄᐤ ᒐᓯᐱᔪᐤ ᑲ ᒥᔭᑭᓄᐅᑦ, ᒥᓐ ᓂᔄᐤ ᒐᓯᐱᔪᐤ ᒋ ᒪᐅᒋᑕᐤ ᐊᓂᔭ ᓱᓇᔭᔪᐤ᙮

ᒠᓐ 12:35

ᒋᓴᔅ ᒂ ᐃᑕᑦ, “ᐛᐃᐱᔅᒋᔅ ᒥᓐ ᒋᑭ ᑎᑯᓐ ᐛᔅᑕᐅᓐ ᐅᑕ ᐊ ᑕᔭᒄ᙮ ᓱᒃ ᒪᒃ ᐱᒧᑕᒄ ᐊᔅᒄ ᐊ ᐊᔭᔭᒄ ᐛᔅᑕᐅᓐ ᑭᔭ ᓇᒪ ᐅᓂᑎᐱᔅᒋᓯᐅᓂᒡ ᒋᑭ ᐅᒋ ᑕᓇᐛᐤ᙮ ᐊᐛᓐ ᐊ ᐱᒧᑕᑦ ᐊᓐᑕ ᐅᓂᑎᐱᔅᒋᓯᐅᓂᒡ ᓇᒪ ᒋᔅᒐᔨᑎᒻ ᑕᓐᑕ ᐊ ᐃᑐᑕᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:11

ᐊᐅᑯᓐ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᒋᔅᒐᔨᑎᒪᒄ ᑕᓐ ᒐ ᐃᔅᐱᔨᒡ ᐊᑯ ᐎᐱᒡ᙮ ᐃᑕᔨᑕᑯᓐ ᐊᑯ ᑕᑈ ᒐᒋ ᐸᑯᐱᔭᒄ ᑭᔭ ᒐᒋ ᐊᓯᒐᔨᑎᒪᒄ᙮ ᐊᓐ ᐊ ᒋᓯᑲᒡ ᒐ ᐱᒪᒋᐃᑕᒄ ᒋᓴᒪᓂᑐᐤ ᐊᑐᐎᔅ ᐊᑯ ᐸᓱᓇᑯᓐ ᑲ ᐃᔅᐱᓯᓇᒂᒡ ᐊᓐᑕ ᓂᔅᑎᒻ ᑲ ᑕᑈᔭᔨᒪᐧᒄ ᒋᓴᔅ᙮

1 ᑯᕆᓐᑎᔭᓇ 7:26

ᐊᓄᒡ ᑭᑈ ᐊᔅᐱᔅ ᒥᔅᑎ ᐊᔨᒥᐅᓇᓄᐅᒡ ᐃᐛᒃ ᒋᐸ ᒥᔽᔪᐤ ᐊᐛᓐ ᐊᑲ ᓂᐳᐅᑦ ᒐ ᐊᑲ ᓂᐳᐅᑦ, ᒪᒃ ᐊᓐᒡ ᑲ ᓂᐳᐅᒡ ᒐ ᐊᑲ ᓂᑭᑎᑐᒡ᙮

ᑲᓚᓯᔭᓇ 1:4

ᒋᓴᔅ ᓇᔅᒡ ᒋ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮

ᑲᓚᓯᔭᓇ 6:10

ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮

ᐃᐱᓯᔭᓇ 6:13

ᐊᑯ ᒪᒃ ᒥᓯᐛ ᐊᐱᒋᑕᐛᑕᐤ ᑕᓐ ᑲ ᐃᓯ ᒥᔨᑕᐧᒄ ᒋᓴᒪᓂᑐᐤ ᒐᒋ ᒪᓯᒐᐛᒐᐛᐧᒄ᙮ ᐊᑯ ᒪᒃ ᓇᒪ ᒋᑭ ᐅᒋ ᓴᐧᑯᒋᐃᑯᓇᓄᐤ ᑭᔭ ᐃᔭᐱᒡ ᐊᔅᒄ ᒐᒋ ᐊᔨᒋᑲᐳᐅᔭᐧᒄ ᐃᔅᐱ ᓱᒃ ᑯᒂᒋᐃᑕᒂ ᒥᒋᒥᓂᑐᐤ᙮

ᐃᐱᓯᔭᓇ 6:15

ᑭᔭ ᐎ ᐊᔭᔅᑯᐎᑕᐤ ᒐᒋ ᐎᑎᒪᒐᔭᐧᒄ ᐊᓐ ᑲ ᒋᔭᒪᔨᑎᒥᐃᐛᒡ ᒥᔽᒋᒧᐅᓐ ᒧᔭᒻ ᒋᓯᑎᓇᒡ ᐊ ᐳᔅᑎᔅᑭᒪᐧᒄ ᒐᒋ ᐃᓯᓇᑯᓯᔭᐧᒄ᙮

ᑯᓚᓯᔭᓇ 4:5

ᓱᒃ ᐎ ᑭᒐᑕᐛᔨᑎᒧᒄ ᑕᓐ ᐊ ᐃᓯ ᐱᒪᑎᓯᔭᒄ ᒪᒂᒡ ᐊᓐᑕ ᐊᓐᒡ ᐊᑲ ᑕᑈᑕᒡ ᐊ ᐱᒪᑎᓯᔭᒄ᙮ ᒧᔅ ᐅᑎᓂᒪᓱᒄ ᑕᓐᑕ ᑎᔭᐅᐱᔨᒡ ᒪᓐ ᒐᒋ ᐃᔨᒪᐊᑯᒡ ᐊᓐᒡ ᐊᑲ ᑕᑈᑕᒡ᙮