ᐃᐱᓯᔭᓇ 4:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒥᓯᐛ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᑭᔭ ᒥᒄ ᐸᐃᑯᓱᐤ ᑲ ᐸᔭᒋᓯᑦ ᐊᒐᐧᒄ᙮ ᐸᐃᑯᓐ ᑭᔭ ᐊᔅᐸᔨᒧᐅᓐ, ᐊᓂᔭ ᒋᓴᒪᓂᑐᐤ ᑲ ᒥᔨᑕᒄ ᐃᔅᐱ ᑲ ᐅᑎᓂᑕᒄ᙮

ᐃᐱᓯᔭᓇ 4:4 Iomraidhean Croise

ᑎᐱᑦ ᐅᓂᑭᒧᐅᓇ 122:8

ᓂᐧᑲᓂᓯᒡ ᑭᔭ ᓂᐎᒐᐛᑭᓐᒡ ᐅᒡ, ᐊᓄᒡ ᓂᑭ ᐃᔅᒋᔄᓐ, “ᑭᒪ ᒋᔭᒪᔨᑎᒧᐅᓐ ᐱᒋᔅᑲᑯᔨᓐ᙮”

ᒪᑎᔪᐤ 28:19

ᐅ ᒪᒃ ᐅᒋ ᒪᒋᒄ ᓂᑐᐛᐱᒪᐧᑯᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐ ᐃᑐᑐᐛᑯᒡ ᒐᒋ ᐅᒋᔅᒋᓄᐊᒧᐛᑭᓂᔭᓐ, ᒐ ᓯᑲᐃᑐᐛᑯᒡ ᐅᑦ ᐃᓯᓂᐧᑲᓱᐅᓂᔪᐤ ᐅᑕᐎᒪᐛ ᑭᔭ ᐅᑯᓯᓯᒪᐛ ᑭᔭ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 15:11

ᒋ ᑕᑈᑕᓇᓄᐤ ᐊ ᐱᒪᒋᐃᑕᒄ ᐅᑎᐸᔨᒋᒐᐤ ᒋᓴᔅ ᐅᓱᐛᔨᒋᒐᐅᓂᒡ ᐅᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᐅᒡ ᐃᔪᒡ ᐊᑲ ᒍᐤ ᑲ ᐃᑎᔅᑲᓇᓯᒡ ᑲ ᐃᓯ ᑭᓄᐛᐱᒥᑯᒡ ᐃᔅᐱ ᒐ ᐱᒪᒋᐃᑯᒡ ᐅᑎᐸᔨᒋᒐᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:29

ᑕᐸ ᓂᑕ ᐃᒐᓇᐤ ᒋᓴᒪᓂᑐᐤ ᐊᓂᔭᔪᐛ ᑲ ᐅᑎᓇᑦ᙮ ᑭᔭ ᓇᒪ ᓂᑕ ᑲᐤ ᐅᑎᓂᒻ ᐊᓂᔭ ᑕᓐ ᓴᔅ ᑲ ᐃᓯ ᒥᔭᑦ᙮

1 ᑯᕆᓐᑎᔭᓇ 10:17

ᒥᒄ ᐸᐃᑯᓱᐤ ᐊᓐ ᐸᒂᓯᑭᓐ ᒥᓯᐛ ᐊ ᒧᐛᐧᒄ, ᐊᑎ ᐊ ᒥᒐᑎᔭᐧᒄ ᓂᓇᐧᑯᐤ ᐊ ᐃᑕᔨᑕᑯᓯᔭᐧᒄ᙮ ᐃᔅᐱ ᒪᒃ ᐊ ᒧᐛᐧᒄ ᐊᓐ ᐸᐃᒄ ᐸᒂᓯᑭᓐ ᐸᐃᒄ ᒥᔪᐤ ᒋᑦ ᐃᓯᓇᑯᓯᓇᓄᐤ᙮

1 ᑯᕆᓐᑎᔭᓇ 12:20

ᓂᓇᐧᑯᐤ ᒐᒂᓐ ᐃᓯ ᑎᑯᓐ ᒥᔭᒡ ᒥᔪᐤ ᒐᒋ ᐃᓯᓇᒂᒡ᙮

2 ᑯᕆᓐᑎᔭᓇ 11:4

ᒥᔅᑯᒡ ᐛᒋᐱᔪᐛ ᒥᒄ ᒐᒋ ᐃᓯ ᑕᑈᑎᒪᒄ ᑕᓐ ᐊ ᐃᓯ ᐛᐎᑎᒪᑕᑯᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒋᔅᑯᑎᒪᒐᓱᒡ, ᐊ ᐃᑕᔨᒪᑯᒡ᙮ ᓇᔅᒡ ᒋᓂᑐᑐᐛᐛᐤ ᐊᐛᓐ ᐃᔭᒡ ᐊ ᐃᓯ ᐊᔨᒧᒪᑦ ᒋᓴᓴ ᑕᓐ ᑲ ᐃᓯ ᐊᔨᒧᑎᒪᑕᒡ ᓂᔭᓐ᙮ ᐊᓄᒡ, ᒥᒄ ᒋ ᐊᑎ ᐃᓯ ᑕᑈᐅᒐᔨᒪᐛᐤ ᐃᔭᒡ ᐊ ᐃᑕᔨᑕᑯᓯᑦ ᐊᒐᐧᒄ ᑕᓐ ᑲ ᐃᑕᔨᑕᑯᓯᑦ ᐊᓐ ᑲ ᐸᔭᒋᓯᑦ ᐊᒐᐧᒄ ᓂᔅᑎᒻ ᑲ ᐊᔭᐛᒄ᙮ ᑭᔭ ᐃᔭᒡ ᐊ ᐃᑎᑕᑯᒡ ᒥᔽᒋᒧᐅᓐ ᐊᓐ ᑲ ᐃᓯ ᐎᑎᒪᑕᒡ ᒥᒄ ᒋ ᐊᑎ ᐃᓯ ᑕᑈᑕᓇᐛᐤ᙮

ᐃᐱᓯᔭᓇ 1:18

ᓂ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ᒋᔅᑕᔨᑕᑯᓂᔨᒋ ᒥᔪ ᒥᔨᐛᐅᓇ ᑕᓐ ᐊ ᐃᓯ ᐊᔭᔅᑯᔅᑎᒧᐛᑦ ᑲ ᑕᑈᑎᒥᔨᒋ ᒐ ᒥᔭᑦ᙮

ᐃᐱᓯᔭᓇ 2:16

ᒋᐱᔭᑎᑯᒡ ᑲ ᓂᐸᐊᑭᓄᐅᑦ ᐊᑯᑕ ᑲ ᐅᒋ ᐃᓯᓇᑯᐊᑦ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ ᑲᐤ ᐊᒋ ᐸᓱᐛᑦ ᒋᓴᒪᓂᑐᐛ ᒐᒋ ᒥᔪ ᐎᒐᐛᔨᒋ ᑭᔭ ᐊᑯᑕ ᑲ ᐅᒋ ᐃᑐᑐᐛᑦ ᒐᒋ ᐳᓂᔨᒋ ᐊ ᐛᐧᑲᑐᑐᔨᒋ᙮

ᐃᐱᓯᔭᓇ 2:18

ᐛᔅ ᐎᔾ ᐊ ᐎᒐᐛᐧᒄ ᐊᑯᑕ ᓂᔭᐃᐱᔨᑕᑦ ᑕᐱᔅᑯᓐ ᒐᒋ ᓇᑕᐧᒄ ᒋᓴᒪᓂᑐᐤ ᐸᐃᒄ ᐊᒐᐧᑯᐅᓂᒡ ᐅᒋ᙮

ᐃᐱᓯᔭᓇ 2:22

ᑭᔭ ᒋᔨᐛᐤ ᐊᑯᑕ ᐊ ᐊᓯᒡ ᐅᐱᑲᐳᐃᑯᐅᔭᒄ ᐊᓐᑕ ᒐ ᑕᔨᒋ ᒋᓴᒪᓂᑐᐤ ᐅᑦ ᐊᒐᒂ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

ᐃᐱᓯᔭᓇ 5:30

ᒋᔭᓄᐤ ᑲ ᑕᑈᔭᔨᒪᐧᒄ ᒋᓴᒪᓂᑐᐤ ᒥᓯᐛ ᙭ ᐊ ᑕᑦ ᒋ ᐊᑎ ᐃᓯ ᒪᒧᓯᓇᓱᓇᓄᐤ᙮

ᑯᓚᓯᔭᓇ 1:5

ᐊᓐᑕ ᐅᔅᑭᒡ ᑲ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ᐃᓯᓂᐧᑲᑕᒡ, ᐊᑯᑕ ᑲ ᐸᑎᒪᒄ ᑕᓐ ᐊ ᐃᓯ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮

ᑯᓚᓯᔭᓇ 3:15

ᐱᔅᑎᓂᒧᒄ ᐊᓐ ᒋᔭᒪᔨᑎᒧᐅᓐ ᙭ ᑲ ᒥᔨᑕᒄ ᒐᒋ ᐃᑐᑕᑯᔭᒄ ᒐᒋ ᐎᔭᔨᑎᒪᒄ ᑕᓐ ᒋᐸ ᐊᑎ ᐃᑎᓇᐛᐤ᙮ ᐛᔅ ᒋᓴᒪᓂᑐᐤ ᒪᒧᐤ ᔅᒋ ᐎᔭᔨᒥᑯᐛᐤ ᐸᐃᒄ ᒥᔪᐤ ᒐᒋ ᐃᓯᓇᑯᓯᔭᒄ ᒋᔭᒪᔨᑎᒧᐅᓂᒡ ᐊ ᐃᓯ ᐱᒪᑎᓯᔭᒄ᙮ ᓂᓇᔅᑯᒪᐧᒄ ᒪᒃ ᒋᓴᒪᓂᑐᐤ᙮

2 ᑕᓴᓗᓂᔭᓇ 2:16

ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᓴᒋᐃᑯᓄᐅᒡ ᑭᔭ ᔅᒋ ᒥᔨᑯᓄᐅᒡ ᑲᒋᒡ ᒥᔽᔨᒧᐅᓂᔪᐤ ᑭᔭ ᐊᔅᐸᔨᒧᐅᓂᔪᐤ ᓱᐛᔨᒋᒐᐅᓂᒡ ᐅᒡ᙮

1 ᑎᒧᑎ 1:1

ᐊᐅᒄ ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ᙮ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᓂᒋ ᐃᑎᓱᒥᒄ ᒐᒋ ᐊᔨᒧᒥᒋ ᒋᓴᔅ ᙭ᑕ ᐊᓐ ᐊᐛᓐ ᐊ ᑕᑦ ᐛᒋ ᐊᔭᔭᐧᒄ ᐊᔅᐸᔨᒧᐅᓐ᙮

ᑕᐃᑕᔅ 1:2

ᐊᓂᔭ ᒪᒃ ᑕᓐ ᐊ ᐃᓯ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ᒐᔅᑎᓇᑕᔨᑕᒡ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ᐛᔅᑭᒡ ᒐᔅᑎᓇᔅ ᒐ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

ᑕᐃᑕᔅ 3:7

ᐊᑯ ᒪᒃ ᐊᓂᔭ ᐊᒋ ᒋᓴᐛᑐᑕᑕᐧᒄ ᒋᓴᒪᓂᑐᐤ ᔅᒋ ᐃᑐᑕᑭᓄᐤ ᒐᒋ ᑯᐃᔅᑯᓇᑯᓯᔭᐧᒄ ᑭᔭ ᒋᔭᔅᑎᓇᑕᔨᑎᒪᐧᒄ ᒐ ᐊᔭᔭᐧᒄ ᑲᒋᒡ ᐱᒪᑎᓯᐅᓐ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮

1 ᒠᓐ 3:3

ᒥᓯᐛ ᒪᒃ ᐊᐛᓐ ᐅᔭᔪᐤ ᑲ ᐃᓯ ᐊᔅᐸᔨᒧᑦ, ᓂᓇᑭᑐᐛᔨᒥᓱᐤ ᒐᒋ ᐸᔭᒋᓯᑦ ᒧᔭᒻ ᙭ᑕ ᐊ ᐃᓯ ᐸᔭᒋᓯᔨᒋ᙮