ᐃᐱᓯᔭᓇ 4:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᐊᑲᐎᔾ ᒥᓯᒪᔨᑎᒥᐃᒪᐧᑯ ᒋᓴᒪᓂᑐᐤ ᐅᐸᔭᒋ ᐊᒐᒂ᙮ ᐅ ᐊᒐᐧᒄ ᐊ ᐊᔭᐛᒄ ᐊᑯᑕ ᐊ ᓄᒂᒡ ᒋᓴᒪᓂᑐᐤ ᐊ ᑎᐸᔨᒥᑕᒄ᙮ ᒐᔅᑎᓇᑕᔨᑕᑯᓐ ᒪᒃ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᑕᑈ ᒐ ᐊᐱᐧᑯᓂᑕᒄ ᒋᓴᒪᓂᑐᐤ᙮

ᐃᐱᓯᔭᓇ 4:30 Iomraidhean Croise

ᒐᓂᓯᔅ 6:3

ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓇᒪᔭᐤ ᓇᓂᑎᒻ ᒐ ᑕᔨᒋ ᓂᑦ ᐊᒐᒂ ᐊ ᑕᑦ ᐃᔪᐤ, ᐊ ᒪᔭᑎᓯᑦ, ᒥᒄ ᐸᐃᑯ ᒥᑕᓯᒥᑎᓄᐤ ᐊᓱ ᓂᓱᔪᐤ ᑕᑐᐳᓇ ᓂᑭ ᒥᔭᐤ ᐊᐛᓐ ᒐ ᐃᔅᐱᔅ ᐱᒪᑎᓯᑦ᙮”

ᒐᓂᓯᔅ 6:6

ᑎᐸᔨᒋᒐᓱᐤ ᒋ ᒪᒋᔨᐛᓱᐤ ᑲᒋ ᐅᓯᐊᑦ ᐃᔪᐛ ᑭᔭ ᓇᒪ ᐅᒋ ᒥᔽᔨᑎᒻ ᐅᑕᐃᒡ᙮

ᑎᐱᑦ ᐅᓂᑭᒧᐅᓇ 78:40

ᑕᑈ ᒥᒐᑥᐤ ᒋ ᒋᔄᐊᐅᒡ ᐸᐧᑯᑎᔅᑭᒥᑲᒡ, ᑭᔭ ᒋ ᒪᒥᓴᒪᔨᑎᒥᐊᐅᒡ ᐊ ᒋᐛᑕᔨᑕᑯᓂᔨᒡ !

ᑎᐱᑦ ᐅᓂᑭᒧᐅᓇ 95:10

ᓇᐎᔪᐛᐳᓇ ᓂᒋ ᒥᑯᔅᑲᑕᔨᑎᒥᐃᑯᒡ ᐅᒡ ᐊᓂᔅᒐ ᑲ ᐸᒋ ᐱᒪᑎᓯᒡ, ᓂᒋ ᐃᔨᓐ ᒪᒃ, “ᐅᒡ ᐃᔪᒡ ᐛᐛᓂᐱᔪᐅᒡ ᐅᑕᐃᐛᒡ, ᑭᔭ ᓇᒪ ᒋ ᒋᔅᒐᔨᑎᒧᒡ ᓂᑦ ᐃᓯᑥᐅᓂᔪᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:5

ᒋᓴᔅ ᒋ ᒋᔄᓱᐤ ᐊ ᑭᓄᐛᐱᒪᑦ ᑭᔭ ᒋ ᒥᓯᒥᑕᐃᔅᑲᑯᐤ ᐊᓂᔭ ᐊ ᓯᐱᑎᒥᔨᒋ᙮ ᐊᑯ ᒂ ᐃᑕᑦ ᐊᓂᔭ ᓇᐸᐛ ᑲ ᒪᔅᑲᔨᒡ ᐅᑎᒋᔪᐤ, “ᓴᑐᐱᔨᑕ ᔅᑎᒋᔾ᙮” ᒋ ᓴᑐᐱᔨᑕᐤ ᒪᒃ ᐊᓐ ᓇᐸᐤ ᐊᓂᔭ ᐅᑎᒋᔾ, ᑭᔭ ᑲ ᒥᓏᒋᑕᑭᓄᐎᒡ ᐊᓂᔭ ᐅᑎᒋᔾ, ᒧᔭᒻ ᐊᓂᔭ ᑯᑎᒋᔪᐤ ᐅᑎᒋᔾ ᑲ ᐃᓯ ᒥᔽᔨᒡ ᐊᐅᑯᓐ ᑲ ᐃᓯᓇᑯᓂᔨᒡ ᐊᓂᔭ ᐅᑎᒋᔾ ᑲ ᒪᔅᑲᔨᒡ᙮

ᓗᒃ 21:28

ᐃᔅᐱ ᒪᒃ ᒋᒋᐱᔨᒐ ᐊ ᐃᔅᐱᔨᒋ ᐅᔭ ᒐᒂᔪᐛ, ᓱᒃ ᐃᔅᐱᒥᒡ ᐃᑕᐱᒄ, ᐛᔅ ᓴᔅ ᐸᓱᓇᑯᓐ ᒐ ᐱᒪᒋᐃᑯᐅᔭᒄ᙮”

ᒠᓐ 3:33

ᐊᓐ ᐊᐛᓐ ᑲ ᐅᑎᓂᒺᑦ ᑕᓐ ᐊ ᐃᔅᒋᔄᔨᒋ ᐊᑯᑕ ᐊ ᓄᑯᓂᔨᒡ ᐊ ᑕᑈᑕᐧᒃ ᒋᓴᒪᓂᑐᐛ ᐊ ᑕᑈᐅᒐᔨᑕᑯᓯᔨᒋ᙮

ᐊᑈᔅᑕᓇᒡ 7:51

ᔅᑎᐱᓐ ᐊᑐᐎᔅ ᑲ ᐊᑎ ᐃᔅᒋᔄᑦ, “ᒋᔅᒋᓯᑕᐤ ᒪ, ᐊᓂᔭ ᑕᓐ ᑲ ᐃᔅᐱᔅ ᓱᒋᔅᑎᒂᓇᒡ ᐊᓂᔭᐧᑲ ᐛᔅᑭᒡ ᒋᐧᑲᓂᓯᓄᐅᒡ ᐊᑯᓐ ᒧᔭᒻ ᑭᔭ ᒋᔨᐛᐤ ᐊ ᐃᔅᐱᔅ ᓱᒋᔅᑎᒂᓇᔭᒄ᙮ ᐊᑲ ᑕᑈᑎᒪᒄ ᐊᓐᑕ ᒋᑕᐃᐛᒡ, ᑭᔭ ᐊᑲ ᐎ ᓂᑐᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᒧᔭᒻ ᐊᓂᔭᐧᑲ ᒋᐧᑲᓂᓱᐛᐅᒡ ᐊ ᐃᑕᔨᑕᑯᓯᔭᒄ ᐊᑲ ᐅᒋ ᐎ ᓂᓇᐃᑐᐛᒡ ᑲ ᐸᔭᒋᓯᔨᒋ ᐊᒐᒂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:11

ᒧᔭᒻ ᐸᒋᔅᑲᑎᔨᑕᑯ ᐅ ᐸᔭᒋᓯᔪᐤ ᐊᒐᒂ ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ, ᒐᔅᑎᓇᔅ ᒋᑭ ᐅᓂᔅᑲᓂᑯᐛᐤ ᑭᔭ ᒋᔨᐛᐤ ᓂᐳᐅᓂᒡ ᐅᒡ ᐊᓂᔭᔪᐛ ᐅ ᑲ ᐸᔭᒋᓯᔪᐤ ᐊᒐᒂ ᐅᒋ᙮ ᐊᑯᑕ ᒪᒃ ᒐᒋ ᐅᒋ ᐱᒪᒋᑕᑭᓄᐅᒋ ᐊᓂᔭᔪᐛ ᒋᔪᐛᐛ ᑲ ᐃᓯᓇᒂᒋ ᒐ ᓂᐱᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:23

ᓇᒪ ᒪᒃ ᒥᒄ ᐅᔭ ᒐᒂᔪᐛ ᓂᓇᐧᑲᑕᔨᒧᒥᑭᓇ᙮ ᒋᔭᓄᐤ ᑭᔭ ᒋᓴᒪᓂᑐᐤ ᑲ ᐅᑦ ᐊᐛᓯᒥᑐᑕᑕᐧᒄ ᒋ ᓂᓇᐧᑲᑕᔨᒧᓇᓄᐤ ᒋᑕᐃᓇᒡ ᒪᒂᒡ ᐊ ᐊᓱᐛᐸᑎᒪᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ᓄᑯᐃᑯᐅᔭᐧᒄ ᑭᔭ ᒐᒋ ᐃᓯᐃᑯᐅᔭᐧᒄ ᐊᑲ ᓂᑕ ᒥᓐ ᒐᒋ ᓂᓇᐧᑲᑕᔨᒧᔭᐧᒄ, ᑲᒋᒡ ᒐᒋ ᐱᒪᑎᓯᔭᐧᒄ᙮ ᓴᔅ ᒪᒃ ᔅᒋ ᒥᔨᑯᓄᐤ ᒋᓴᒪᓂᑐᐤ ᐅᑦ ᐊᒐᒂ ᒐᒋ ᐅᒋ ᒋᔅᒐᔨᑎᒪᐧᒄ ᒥᓯᐛ ᑕᑈ ᒐ ᐃᔅᐱᔨᒡ ᐅᔭ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

1 ᑯᕆᓐᑎᔭᓇ 15:54

ᐃᔅᐱ ᒪᒃ ᐊᓐᒡ ᐊᐛᓐᒋ ᑲ ᓂᐱᒡ ᐅᓂᒥᑭᓂᒂᐛ ᐎᔪᐛᐛ ᐅᓂᔅᑲᓇᑭᓄᑥᐛ ᑲᒋᒡ ᐱᒪᑎᓯᐅᓂᒡ ᐃᔅ ᐊᑯ ᒐ ᐃᔅᐱᔨᒡ ᐊᓐ ᑲ ᐃᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ, “ᓴᔅ ᓇᒪ ᑎᑯᓐ ᓂᐳᐅᓐ, ᓴᔅ ᓇᔅᒡ ᒋ ᓴᐧᑯᒋᑕᑭᓄᐤ᙮”

1 ᑕᓴᓗᓂᔭᓇ 5:19

ᐊᑲᐎᔾ ᓂᑲᓇᐧᒄ ᑲ ᐸᔭᒋᓯᑦ ᐊᒐᐧᒄ ᑕᓐ ᐛ ᐃᓯ ᐊᑐᔅᒐᑦ᙮

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

ᐃᑉᕈᐛ 3:10

ᐊᑯᑕ ᒪᒃ ᐛᒋ ᒋᔄᐃᒡ ᐊᓐᒡ ᐃᔪᒡ ᐊᑯ ᑲ ᐃᔅᒋᔄᐅᒡ ᐊ ᐊᔨᒧᒥᒂᐤ, ᐅᑕᐃᐛᐛ ᒧᔅ ᐅᓄᑕᐃᑯᐅᒡ ᑭᔭ ᓇᒪ ᓂ ᐎ ᓂᓇᐃᑕᑯᒡ ᑕᓐ ᐊ ᐃᑎᒂᐤ᙮

ᐃᑉᕈᐛ 3:17

ᒋᓴᒪᓂᑐᐤ ᒋ ᒋᔄᐃᑯᐤ ᐊᓂᔭᔪᐛ ᐃᔪᐛ ᒪᒂᒡ ᐊᓂᔭ ᓇᐎᔪᐛ ᐱᐳᓇ ᑲ ᐃᔅᐱᔅ ᑕᔨᒋ ᐊᓐᑕ ᐸᐧᑯᑎᔅᑭᒥᑲᒡ᙮ ᒋ ᒥᒐᑎᓯᐅᒡ ᐅᒡ ᐃᔪᒡ ᐊᑯᑕ ᒪᒃ ᐊᓐᑕ ᓄᑎᒻ ᐸᐧᑯᑎᔅᑭᒥᑲᒡ ᑲ ᓂᐱᒡ᙮