ᐃᐱᓯᔭᓇ 4:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᓱᒃ ᒧᔅ ᐎ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐅᑦ ᐊᒐᒂ ᒋ ᐎᒋᐃᑯᐛᐤ ᒐᒋ ᒥᔪ ᐎᒐᐅᑐᔭᒄ ᒋᔭᒪᔨᑎᒧᐅᓂᔪᐤ ᐊ ᒥᔨᑕᒄ᙮

ᐃᐱᓯᔭᓇ 4:3 Iomraidhean Croise

ᐊᒃᓱᑕᔅ 28:32

ᒋᑭ ᐱᑯᓇᑕᐅᒡ ᐊᓐᑕ ᐃᔅᐱᒥᒡ ᐅᔅᑎᒂᓂᔨᒡ ᒐᒋ ᐅᒋ ᐳᔅᑭᒥᔨᒋ ᑭᔭ ᒋᑭ ᓱᒋᓇᑯᑕᐅᒡ ᐊᓐᑕ ᐛᔅᑲ ᒐ ᐊᑲ ᐱᑯᐱᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:24

ᐛᔅ ᒧᔭᒻ ᐊᐛᓐᒋ ᐸᐃᒄ ᐊᔅᒋᔪᐤ ᑲ ᐅᒋᒡ ᒥᒋᐱᔨᑐᑥᐛ ᓇᒪ ᓇᔅᒡ ᒋᑭ ᐅᒋ ᒥᔪᐱᔪᐅᒡ ᐊᓐᑕ ᐅᑦ ᐊᔅᒋᐛᒡ᙮

ᒠᓐ 13:34

“ᐊ ᐅᔅᑲᒡ ᐃᑎᓱᐛᐅᓐ ᒋ ᒥᔨᑎᓇᐛᐤ ᐊᐅᒄ ᐅ ᒐᒋ ᓴᒋᐃᑐᔭᒄ᙮ ᒧᔭᒻ ᑕᓐ ᐊᔅᐱᔅ ᓴᒋᐃᑎᑯᒡ ᐊᐅᑯᓐ ᒋᐸ ᐃᔅᐱᔅ ᓴᒋᐃᑐᓇᐛᐤ᙮

1 ᑯᕆᓐᑎᔭᓇ 1:10

ᓂᐧᑲᓂᓯᑐᒄ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ, ᒋ ᓯᒋᒥᑎᓇᐛᐤ ᒪᒧᐤ ᒐᒋ ᓂᔅᑯᒧᔭᒄ ᒐᒂᓐ ᐊ ᐃᔅᒋᔄᔭᒄ ᒐ ᐊᑲ ᒋ ᑕᑎᐸᓂᐱᔨᔭᒄ ᐊᓐᑕ ᒪᒂᒡ ᐊ ᑕᔭᒄ᙮ ᓱᒃ ᐎ ᒪᒧᐱᔪᐅᒄ ᐸᐃᑯᓄᒡ ᐊ ᐃᓯ ᒪᒥᑐᓇᔨᑎᒪᒄ ᑭᔭ ᐸᐃᑯᓄᒡ ᐊ ᐃᓯ ᓂᔅᑐᑎᒪᒄ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

ᐃᐱᓯᔭᓇ 4:13

ᐊᐅᒄ ᒪᒃ ᐅ ᒐ ᐃᓯ ᐎᒋᐃᑯᔭᐧᒄ ᐸᑐᔅ ᒥᓯᐛ ᒪᒧᐤ ᐸᐃᑯᓄᒡ ᐃᓯ ᑕᑈᑎᒪᒂ ᑭᔭ ᓇᔅᒡ ᒥᓯᐛ ᒋᔅᒐᔨᒪᒂ ᒋᓴᒪᓂᑐᐤ ᐅᑯᓴ ᑕᓐ ᐊ ᐃᑕᔨᑕᑯᓯᔨᒋ᙮ ᑭᔭ ᐸᑐᔅ ᓇᔅᒡ ᒋ ᐃᓯ ᓂᑕᐅᒋᔭᒂ, ᐊᓐ ᐊ ᐃᑕᔨᑕᑯᓯᑦ ᙭ ᐃᑕᔨᑕᑯᓯᔭᒂ᙮

ᐃᐱᓯᔭᓇ 4:4

ᒥᓯᐛ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᑭᔭ ᒥᒄ ᐸᐃᑯᓱᐤ ᑲ ᐸᔭᒋᓯᑦ ᐊᒐᐧᒄ᙮ ᐸᐃᑯᓐ ᑭᔭ ᐊᔅᐸᔨᒧᐅᓐ, ᐊᓂᔭ ᒋᓴᒪᓂᑐᐤ ᑲ ᒥᔨᑕᒄ ᐃᔅᐱ ᑲ ᐅᑎᓂᑕᒄ᙮

1 ᑕᓴᓗᓂᔭᓇ 5:13

ᓇᔅᒡ ᒋᐸ ᒋᔅᑕᔨᒪᐛᐅᒡ ᑭᔭ ᒋᐸ ᓴᒋᐊᐛᐅᒡ ᐊᓂᔭ ᐅᑦ ᐊᑐᔅᒐᐅᓄᐛᐤ ᐅᒡ᙮ ᐊᑲᐎᔾ ᒪᒥᒋᐱᔨᑐᒄ᙮

ᐃᑉᕈᐛ 12:14

ᓱᒃ ᑯᒋᑕᒄ ᒐᒋ ᐃᓯ ᐱᒪᑎᓯᔭᒄ ᒐᒋ ᒥᔪ ᐎᒐᐛᑯᒡ ᑯᑎᑭᒡ ᐊᐛᓐᒋ᙮ ᓱᒃ ᑯᒋᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᑕᐸ ᒋᑭ ᒋ ᓇᑕᐤ ᐊᐛᓐ ᒋᓴᒪᓂᑐᐛ ᐊᑲ ᑯᐃᔅᑯᑕᑎᓯᒐ᙮