ᐃᐱᓯᔭᓇ 4:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᐊᑲᐎᔾ ᓂᑎᒥᒄ ᐃᔨᒧᐅᓐ ᐊᐱᒋᑕᒄ, ᑯᐃᔅᒄ ᐃᓯ ᐃᔨᒧᒄ ᐊᓂᔭ ᒐ ᒥᔪ ᐎᒋᐃᑯᒡ ᐊᓐᒡ ᑲ ᐸᑕᑕᑯᒡ ᐊᐛᓐᒋ ᒥᒄ ᑕᓐ ᐊ ᐃᔅᐱᔪᐛᒂ ᐅᐱᒪᑎᓯᐅᓄᐛᒡ᙮

ᐃᐱᓯᔭᓇ 4:29 Iomraidhean Croise

ᑎᐱᑦ ᐅᓂᑭᒧᐅᓇ 45:2

ᐊᐛᓯᑕ ᒋ ᒥᔪᓇᑯᓯᓐ ᐃᔅᐱᔅ ᐅᑦ ᐊᐛᓯᒥᓱᐛᐛ ᐃᔪᒡ: ᓱᐛᔨᒋᒐᐅᓐ ᓯᒋᓂᑲᓄᐅ ᒋᑐᓂᒡ: ᐊᐅᒄ ᐅᒋ ᒋᓴᒪᓂᑐᐤ ᑲᒋᒡ ᒋ ᒥᔽᒋᒥᒄ᙮

ᑎᐱᑦ ᐅᓂᑭᒧᐅᓇ 5:9

ᐛᔅ ᓇᒪ ᑎᒂᓂᔪᐤ ᑯᐃᔅᑯᑐᐅᓂᔪᐤ ᐅᑐᓄᐛᒡ; ᐅᐱᒋᔭᐛᐛ ᓇᔅᒡ ᒥᒐᑎᓯᒪᑭᓂᔪᐤ; ᐅᑯᑕᑭᓄᐛᐛ ᑲ ᔪᑕᑯᑕᔨᒡ ᒋᐱᐃᒋᐛᐱᔪᐤ; ᑲ ᒥᒐᒋᒧᐊᓯᒡ ᐅᑕᔨᐛᐛ ᐅᒡ᙮

ᑎᐱᑦ ᐅᓂᑭᒧᐅᓇ 52:2

ᒋᑕᔨᔾ ᒥᒐᑎᓯᐎᑎᒥᑭᓐ; ᒧᔭᒻ ᐊᒋᓇᒡ ᑲᔅᑲᔨᔅᑐᐛᓐ, ᐊᐅᔭᓯᐃᐛᐤ ᐊᑐᔅᒐᒥᑲᒡ᙮

ᑎᐱᑦ ᐅᓂᑭᒧᐅᓇ 71:24

ᓂᑕᔨᔾ ᑭᔭ ᒋᑭ ᐊᔨᒧᑎᒧᒥᑭᓐ ᒋᑯᐃᔅᑯᑕᑎᓯᐅᓐ ᒥᓯᐛ ᐃᔅᑭᓐ ᒋᓯᑲᐛ: ᐛᔅ ᐛᐛᓇᔨᑕᒪᐊᑭᓄᐅᒡ, ᐛᔅ ᓴᒂᔨᒧᐊᑭᓄᐅᒡ, ᐊᓐᒡ ᑲ ᐎ ᒥᒋᑐᑐᐅᒡ᙮

ᒪᑎᔪᐤ 5:16

ᐊᐅᑯᓐ ᒪᒃ ᒧᔭᒻ ᒋᐸ ᐃᓯ ᐛᔅᑕᓂᒪᑯᐅᒡ ᐊᐛᓐᒋ ᒋᐛᔅᑕᐅᓄᐛᐅᔪᐤ ᐊᓐᑕ ᒋᐱᒪᑎᓯᐅᓄᐛᒡ ᑲ ᑎᒂᒡ, ᒐᒋ ᐛᐸᑕᒡ ᐊᓂᔭ ᐊ ᐃᓯ ᒥᔪᑐᑎᒪᒄ ᐊᑯ ᒪᒃ ᒐ ᒪᒥᒋᒪᒡ ᒍᑕᐎᐛᐛ ᒋᒋᒋᓯᑯᒡ ᐊ ᑕᔨᒋ᙮”

ᓗᒃ 4:22

ᒥᓯᐛ ᐊᐛᓐᒋ ᒋ ᒥᔪᑎᒧᒡ ᑕᓐ ᑲ ᐃᓯ ᐃᔨᒥᔨᒋ ᒋᓴᓴ᙮ ᐊᑯ ᒋ ᒥᔅᑲᑕᔨᑎᒧᒡ ᐊ ᐃᔅᐱᔅ ᑭᔅᒋᐅᑕᑯᓯᔨᒋ, ᐊᑯ ᒂ ᐃᔅᒋᔄᒡ, ᑕᓐᑕ ᐛᑎᓇᐧᒃ ᐅᔭ ᑲ ᐃᑎᑕᑯᓯᑦ, “ᓇᒪᔭᔪᐛ ᐊ ᐅᔭ ᒍᓯᑉ ᐅᑯᓴ ?”

ᒠᓐ 1:37

ᐊᓂᔭᔪᐛ ᒪᒃ ᓂᓱ ᐅᒋᔅᒋᓄᐊᒧᐛᑭᓇ ᐱᔭᑕᑯᑦ ᐅᔭ ᐊ ᐃᔅᒋᔄᑦ, ᒋ ᐊᑎ ᐎᒐᐛᐅᒡ ᒋᓴᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:19

ᓱᒃ ᒪᒃ ᒧᔅ ᐎᓯ ᐱᒪᑎᓯᑕᐤ ᒐᒋ ᐎᒋᐃᐧᑯᒡ ᑯᑎᑭᒡ ᐊᐛᓐᒋ ᒐᒋ ᒥᔪ ᐎᒐᐅᑐᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:2

ᒥᓯᐛ ᐊ ᑎᓯᔭᐧᒄ ᒋᐸ ᓂᓇᑭᑐᐛᔨᒪᓄᐤ ᒋᐧᑲᓂᓯᓄᐤ ᒐᒋ ᒥᔪᑐᑐᐛᐧᒄ᙮ ᓱᒃ ᒋᐸ ᐎ ᐎᒋᐊᓄᐤ ᒐᒋ ᓂᑕᐅᒋᑦ ᑕᑈᑎᒧᐅᓂᒡ ᐃᓯ᙮

1 ᑯᕆᓐᑎᔭᓇ 14:19

ᒥᒄ ᒪᒃ ᐃᔅᐱᔅ ᐊ ᑕᔭᓐ ᐊᓐᑕ ᐊ ᐊᔭᒥᐊᒡ ᒪᒧᐤ ᑲ ᐊᔭᒥᐊᐛᑎᓯᒡ ᐃᐛᒃ ᓂᐸ ᒥᔽᔨᑕᓐ ᐊᑎ ᒥᒄ ᐊᐱᓯᔅ ᐃᔨᒥᔭᓐ ᒥᓯᐛ ᒐᒋ ᓂᔅᑐᑐᐅᒡ ᐊᓐᒡ ᑲ ᐃᔨᒥᐃᒂᐤ ᐃᔅᐱᔅ ᐎ ᒐᒋ ᒥᔅᑎ ᒂᔅᒋᐃᔨᒥᔭᓐ ᐊᑲ ᓂᔅᑐᑕᐅᒡ᙮

ᐃᐱᓯᔭᓇ 4:12

ᐊᐅᒄ ᐊᓐᒡ ᒪᒃ ᐅᒡ ᒋᐸ ᒋᔅᑯᑎᒧᐛᐅᒡ ᐊᓂᔭᔪᐛ ᑲ ᑕᑈᑎᒥᔨᒋ ᑕᓐ ᒐᒋ ᐃᓯ ᐊᑐᔅᑯᐛᔨᒋ ᒋᓴᒪᓂᑐᐛ ᑭᔭ ᒪᒧᐤ ᒐᒋ ᐊᑎ ᓱᒋᑲᐳᔨᒋ᙮

ᐃᐱᓯᔭᓇ 4:16

ᐎᔾ ᐃᑐᑐᐛᐤ ᒐᒋ ᒥᔪ ᐎᒐᐅᑐᔨᒋ ᐅᒪᒧᐊᔭᒥᐊᐛ ᑭᔭ ᒥᓯᐛ ᒐᒋ ᐃᓯ ᒥᔪᐱᔨᒋ ᐊᓂᔭ ᐊ ᐊᑎ ᓂᑕᐅᒋᔨᒋ ᑭᔭ ᐊ ᐊᑎ ᓱᒋᑲᐳᔨᒋ ᐊ ᓴᒋᐃᑐᔨᒋ ᐅᒡ᙮

ᑯᓚᓯᔭᓇ 4:6

ᒧᔅ ᒋᐸ ᒥᔪᑕᑯᓯᓇᐛᐤ ᑭᔭ ᒋᐸ ᐃᑈᐧᑲᑕᑯᓯᓇᐛᐤ ᐊ ᐃᔨᒥᔭᒄ ᑭᔭ ᒐ ᒋᔅᒐᔨᑎᒪᒄ ᑕᓐ ᒐ ᐃᓯ ᐎᑎᒧᐛᐧᒄ ᐊᐛᓐ ᐊ ᐎ ᓇᓂᑐ ᑭᒐᔅᒐᔨᑕᐧᒄ ᑕᓐ ᐊ ᐃᓯ ᑕᑈᑎᒪᒄ᙮

1 ᑕᓴᓗᓂᔭᓇ 5:11

ᐊᐅᒄ ᒪᒃ ᐅ ᒐ ᐅᒋ ᓯᒋᒥᑐᔭᒄ ᑭᔭ ᒐ ᐅᒋ ᒥᔽᔨᒧᐃᑐᔭᒄ ᒧᔭᒻ ᑕᓐ ᐊ ᐃᑎᔭᒄ ᐊᓄᒡ᙮

1 ᐱᑕᕐ 2:12

ᓱᒃ ᐎ ᑯᐃᔅᑯᐱᒪᑎᓯᒄ ᒪᒂᒡ ᐊᓐᒡ ᐊᑲ ᑕᑈᑕᒡ ᐊ ᑕᒡ᙮ ᐊᑯᑕ ᒐᒋ ᓂᔅᑐᓇᒡ ᒋᒥᔪᑐᑎᒧᐅᓄᐛᐛ ᑭᔭ ᒐ ᒪᒥᒋᒪᒡ ᒋᓴᒪᓂᑐᐛ ᐃᔅᐱ ᑎᑯᓯᓂᔨᒐᓂ᙮ ᐊᐅᑯᓐ ᒐ ᐃᑎᒡ ᐊᑎ ᐊᓄᒡ ᓂᑎᒥᒄ ᐊ ᐃᓯ ᒪᒥᓯᒥᑕᑯᒡ ᒧᔭᒻ ᐊ ᒥᒋᑐᑎᒺᒄ᙮

1 ᐱᑕᕐ 3:1

ᒧᔭᒻ ᒪᒃ ᑭᔭ ᒋᔨᐛᐤ ᐃᔎᑐᒄ ᑲ ᓂᐳᔭᒄ ᒋᐸ ᓂᓇᐃᑐᐛᐛᐅᒡ ᒋᓇᐸᒧᐛᐅᒡ᙮ ᐛᔅ ᐅ ᑎᔭᒂ ᒋᑭ ᒋ ᐃᓯᓇᑯᓂᔪᐤ ᐱᔅᒐ ᒐᒋ ᐊᑎ ᑕᑈᑕᒡ ᐛᐱᒥᑕᒂᐛ ᑕᓐ ᐊ ᐃᓯ ᑯᐃᔅᑯᐱᒪᑎᓯᐛᒄ, ᐊᑎ ᐊᑲ ᒋᔅᑐᑕᒂᐛ ᒐᒋ ᑕᑈᑕᒡ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮