ᐃᐱᓯᔭᓇ 4:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᑯ ᒪᒃ ᐊ ᐅᔅᒋᓯᔭᒄ ᒐ ᐃᓯᓇᑯᓯᔭᒄ᙮ ᒋᓴᒪᓂᑐᐤ ᔅᒋ ᐃᓯᐃᑯᐛᐤ ᐎᔾ ᒐᒋ ᓂᔅᐱᑐᐛᒄ ᑭᔭ ᒋᐸ ᑯᐃᔅᑯᑕᑎᓯᓇᐛᐤ ᑭᔭ ᒋᐸ ᐸᔭᒋ ᐱᒪᑎᓯᓇᐛᐤ᙮

ᐃᐱᓯᔭᓇ 4:24 Iomraidhean Croise

ᒐᓂᓯᔅ 5:1

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᐊᑕᒻ ᐅᑦ ᐊᓂᔅᑯᑕᐸᓇ, ᓇᐸᐤ ᒧᔭᒻ ᒋᓴᒪᓂᑐᐛ ᑲ ᐃᓯᓇᑯᔅᑦ ᐅᔅᑭᒡ ᑲ ᐅᓯᐊᑭᓄᐅᑦ᙮

ᓗᒃ 1:75

ᐸᔭᒋᓯᐅᓂᒡ ᑭᔭ ᑯᐃᔅᑯᑕᑎᓯᐅᓂᒡ ᒥᓯᐛ ᑕᑐᐤ ᒋᓯᑲᐛ ᒐ ᐃᔅᐱᔅ ᐱᒪᑎᓯᔭᐧᒄ᙮

ᒠᓐ 17:17

ᐸᔭᒋᐃᒡ ᒋᑕᑈᐅᓂᒡ ᐃᔅ᙮ ᒋᑦ ᐃᔨᒧᐅᓐ ᐊᐅᒄ ᑕᑈᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:2

ᐊᑲᐎᔾ ᓂᔅᐱᑐᐛᐧᑯᒡ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ᙮ ᐃᔭᐱᒡ ᓂᑐᐛᔨᒥᐧᒄ ᒋᓴᒪᓂᑐᐤ ᐃᔭᒡ ᒐᒋ ᐃᑕᔨᑕᑯᐃᑕᒄ ᐊ ᐅᔅᒋᑕᑦ ᑕᓐ ᐊ ᐃᓯ ᒪᒥᑐᓇᔨᑎᒺᒄ᙮ ᐊᑯ ᒪᒃ ᒐ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᒋᑭ ᒋᔅᒐᔨᑕᓇᐛᐤ ᒐᒂᔪᐤ ᒪᔽᓯᔨᒡ ᑭᔭ ᒐᒂᔪᐤ ᓇᐊᔨᑎᒥᐃᑯᑦ ᒋᓴᒪᓂᑐᐤ, ᑭᔭ ᐊᓂᔭᔪᐛ ᒐᒂᔪᐛ ᓇᔅᒡ ᐊ ᑯᐃᔅᑯᓇᒂᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12

ᓴᔅ ᒐᑲᑦ ᐎᒪᐱᔪᐤ ᐊ ᑎᐱᔅᑲᒡ᙮ ᓴᔅ ᒋᑭ ᐅᑎᒋᐱᔪᐤ ᐊ ᒋᓯᑲᒡ᙮ ᐳᓂᑕᐤ ᐊ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ᑕᔭᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:4

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑲ ᓯᑲᐃᑐᐛᑯᐅᔭᐧᒄ ᒧᔭᒻ ᑭᔭ ᒋᔭᓄᐤ ᐊᒋ ᓇᐃᐧᑲᑯᐅᔭᐧᒄ ᑲ ᓇᐃᐧᑯᐛᑭᓄᐅᑦ ᑭᔭ ᑲ ᓂᐸᐊᑭᓄᐅᑦ ᒋᔭᓄᐤ ᑭᔭ ᔅᒋ ᓂᐸᐃᑯᐅᓇᓄᐤ᙮ ᐅ ᒪᒃ ᐛᒋ ᐃᓯᓇᒂᒡ ᐊᐅᒄ ᓇᔅᒡ ᒐᒋ ᐅᔅᒐᔨᑕᒂᒡ ᑕᓐ ᐊ ᐃᓯ ᐱᒪᑎᓯᔭᐧᒄ ᒧᔭᒻ ᑲ ᐃᔅᐱᔅ ᓇᔅᒡ ᐅᔅᒐᔨᑕᑯᓂᔨᒡ ᙭ ᐅᐱᒪᑎᓯᐅᓐ ᑲ ᐅᓂᔅᑲᓂᑯᑦ ᐅᑕᐎᒪᐛ ᐅᒋᔅᑕᔨᑕᑯᓱᐤ ᓱᐧᑲᑎᓯᐅᓂᔨᒡ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:6

ᐊᓄᒡ ᒪᒃ ᓴᔅ ᔅᒋ ᐎᐧᑯᒋᐃᑯᓇᓄᐤ ᑕᓐ ᑲ ᐃᓯ ᒪᒋᒂᐱᐧᑲᑎᑯᔭᐧᒄ ᐎᓱᐛᐅᓐ, ᐛᔅ ᒋᒋᐛ ᔅᒋ ᓂᑭᑕᓇᓄᐤ ᐊᓐ ᐃᑕᑎᓯᐅᓐ ᓇᔅᒡ ᑲᒋ ᑎᐸᔨᒥᑯᔭᐧᒄ᙮ ᓇᒪ ᐊᑯ ᐊᓐ ᐛᔅᑭᒡ ᐎᓱᐛᐅᓐ ᒋ ᓂᓇᐃᑕᓇᓄᐤ᙮ ᒋᓴᒪᓂᑐᐤ ᐊᐅᒄ ᓂᓇᐃᑐᐛᐧᒄ ᐊᑯ, ᑲ ᐸᔭᒋᓯᑦ ᐊᒐᐧᒄ ᐊ ᐎᒋᐃᑕᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:29

ᐛᔅ ᓂᑲᓐ ᒋ ᒋᔅᒐᔨᒪᐤ ᒋᓴᒪᓂᑐᐤ ᐊᐛᔪᐛ ᒐ ᐅᑦ ᐃᔨᒥᑦ, ᐊᐅᑯᓐ ᒪᒃ ᐅᔭ ᑲ ᐅᑎᓇᑦ ᒐ ᓂᔅᐱᑐᐛᔨᒋ ᐅᑯᓴ᙮ ᐊᐅᒄ ᐅᔭ ᑲ ᐃᑎᑦ ᒋᓴᒪᓂᑐᐤ ᓂᔅᑎᒧᓴᓐ ᒐᒋ ᑕᔨᒋ ᐅᑯᓴ ᐊᓐᑕ ᒪᒂᒡ ᐊ ᒥᒐᑎᔨᒋ ᐎᐧᑲᓂᓯᒪᐛ᙮

1 ᑯᕆᓐᑎᔭᓇ 15:53

ᐛᔅ ᒥᔪᐛ ᑲ ᔭᔪᓂᔨᒋ ᒋᑭ ᒂᔅᒋᓇᑯᑕᑭᓄᐛ ᒐ ᐊᑲ ᒋ ᔭᔪᓂᔨᒋ᙮ ᑭᔭ ᒋᑭ ᒂᔅᒋᓇᑯᑕᑭᓄᐛ ᐊᑲ ᓂᑕ ᒥᓐ ᒐ ᓂᐱᒥᑲᒋ᙮

2 ᑯᕆᓐᑎᔭᓇ 3:18

ᒋᔭᓄᐤ ᒪᒃ ᐎ ᓇᒪ ᓂᑐᐛᔨᑕᑯᓐ ᒐᒋ ᐊᑯᒂᐅᓱᔭᐧᒄ ᒐᒋ ᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ᙮ ᐊ ᑭᓄᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ ᐊᔭᔅᒃ ᒋᒂᔅᒋᓇᑯᐃᑯᓇᓄᐤ ᐎᔾ ᒐᒋ ᓂᔅᐱᑐᐛᐧᒄ᙮ ᐊᔭᔅᒃ ᒋ ᐃᑐᑕᑯᓇᓄᐤ ᑭᔭ ᒋᔭᓄᐤ ᐊᑐᐎᔅ ᒐᒋ ᒋᔅᑕᔨᑕᑯᓯᔭᐧᒄ᙮ ᐎᔾ ᒪᒃ ᐅᑎᐸᔨᒋᒐᐤ ᐅᔭ ᒋᑦ ᐃᓯᐃᑯᓄᐤ ᐅᑦ ᐊᒐᒂ ᐅᒡ᙮

2 ᑯᕆᓐᑎᔭᓇ 4:16

ᐊᐅᑯᓐ ᒪᒃ ᐛᒋ ᐊᑲ ᓂᑕ ᐎ ᐳᓂᔭᒡ᙮ ᐊ ᐊᑎ ᐅᑕ ᐅᔅᒡ ᒋᔪᓇᒡ ᐊᔭᔅᒃ ᐊ ᐊᑎ ᓂᓱᐅᓇᑎᓯᔭᐧᒄ, ᐊᓯᑯᒻ ᒋᓯᑲᐛ ᒥᔅᑯᐊᑭᓄᐅᒡ ᒋᑦ ᐊᒐᐧᑯᓄᐅᒡ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

ᑲᓚᓯᔭᓇ 3:27

ᑲ ᓯᑲᐃᑕᑯᔭᒄ ᐎᔾ ᙭ ᐊ ᑕᑦ ᔅᒋ ᐃᓯ ᓯᑲᐃᑕᑯᓇᐛᐤ᙮ ᐊᑯ ᒪᒃ ᐎᔾ ᐊ ᑕᑦ ᐊ ᐃᓯ ᑎᐸᔨᑕᑯᓯᔭᒄ ᑭᔭ ᒋᑦ ᐊᑎ ᓂᔅᐱᑐᐛᐛᐤ᙮

ᑲᓚᓯᔭᓇ 6:15

ᒐᔅᒋᓄᐛᒋᐊᑭᓄᐅᒂ ᐊᐛᓐ ᒪᒃ ᐊᑲ ᒐᔅᒋᓄᐛᒋᐊᑭᓄᐅᒂ, ᓇᒪ ᒐᒂᓐ ᐊᓐ᙮ ᒋᓴᒪᓂᑐᐤ ᐊᒋ ᒥᔨᑕᐧᒄ ᐅᔅᒋ ᐱᒪᑎᓯᐅᓂᔪᐤ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮

ᐃᐱᓯᔭᓇ 2:10

ᐛᔅ ᐎᔾ ᒋᓴᒪᓂᑐᐤ ᔅᒋ ᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᐊᓂᔭ ᐅᒋ ᑕᓐ ᑲ ᐃᑐᑎᒥᔨᒋ ᙭ ᒋᓴᓴ᙮ ᙭ᑕ ᒪᒃ ᐊ ᐎᒐᐅᒪᐧᑯ, ᒋᓴᒪᓂᑐᐤ ᔅᒋ ᐃᑕᔨᑕᑯᐃᑯᓄᐤ ᒐᒋ ᒪᒥᔪᑐᑎᒪᐧᑯ ᐊᐛᔪᐛ, ᐛᔅ ᐊᔪᐅᒄ ᐅᔭ ᓴᔅ ᐊᓐᑕ ᐛᔅᑭᒡ ᓂᑲᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᐛᐧᒄ᙮

ᐃᐱᓯᔭᓇ 2:15

᙭ ᒪᒃ ᒋ ᐃᑐᑎᒻ ᒐ ᐊᑲ ᒋ ᐊᐱᑎᓂᔨᒋ ᑕᓐ ᐊ ᐃᓯ ᓂᓇᐧᑯᐤ ᑎᑯᓂᔨᒋ ᐃᑎᓱᐛᐅᓇ ᐊᓐᑕ ᐎᓱᐛᐅᓂᒡ᙮ ᐊᔪᐅᒄ ᐅᔭ ᑲ ᐃᑎᑦ ᒐᒋ ᒥᔪ ᐎᒐᐅᑐᔨᒋ ᒍᐤ ᐃᔪᐛ ᑭᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᐃᑐᑐᐛᐤ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ ᐊᑎ ᐃᔭᒡ ᐊ ᐃᑎᔅᑲᓇᓯᔨᒋ, ᓇᓴᐅᑯᒐ᙮

ᐃᐱᓯᔭᓇ 6:11

ᒥᓯᐛ ᒪᒃ ᐊᐱᒋᑕᑕᐤ ᑕᓐ ᑲ ᐃᓯ ᒥᔨᑕᐧᒄ ᒋᓴᒪᓂᑐᐤ ᒐᒋ ᐃᓯ ᒪᓯᒐᐛᒐᐛᐧᒄ ᐊᐅᒄ ᒪᒃ ᒐᒋ ᓇᓂᑲᐊᒪᓱᔭᐧᒄ ᑕᓐ ᐊ ᐃᓯ ᑯᒂᒋᐃᑕᐧᒄ ᒥᒋᒥᓂᑐᐤ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᐃᑉᕈᐛ 1:8

ᐅᑯᓯᓯᒪᐛ ᒪᒃ ᐊ ᐊᔨᒧᒪᑦ ᒋ ᐃᔅᒋᔄᐤ, “ᒋᔾ ᒋᓴᒪᓂᑐᐤ, ᒋᐅᒋᒪᐅᓐ ᑲᒋᒡ ᒋᑭ ᑎᑯᓐ, ᑯᐃᔅᒄ ᒋᑦ ᐃᑎᓐ ᐊ ᐅᒋᒪᐎᔨᓐ ᐊᓐᑕ ᒋᐅᒋᒪᐅᓂᒡ᙮

ᐃᑉᕈᐛ 12:14

ᓱᒃ ᑯᒋᑕᒄ ᒐᒋ ᐃᓯ ᐱᒪᑎᓯᔭᒄ ᒐᒋ ᒥᔪ ᐎᒐᐛᑯᒡ ᑯᑎᑭᒡ ᐊᐛᓐᒋ᙮ ᓱᒃ ᑯᒋᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᑕᐸ ᒋᑭ ᒋ ᓇᑕᐤ ᐊᐛᓐ ᒋᓴᒪᓂᑐᐛ ᐊᑲ ᑯᐃᔅᑯᑕᑎᓯᒐ᙮

1 ᐱᑕᕐ 2:2

ᒧᔅ ᐊᑐᐎᔅ ᒋᐸ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᐅᑯᓐ ᒐ ᑭᓄᐛᔨᒥᑯᔭᒄ ᐊ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ᐅᔅᒋᓂᑕᐅᒋᑦ ᒧᔅ ᐊ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ᓂᑕᐅᒋᑦ, ᐊᐅᑯᓐ ᒋᐸ ᐃᓯᓇᑯᓯᓇᐛᐤ ᐊ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮

2 ᐱᑕᕐ 1:4

ᐊᑯᑕ ᒪᒃ ᑭᔭ ᐅᔭᔪᐤ ᐅᒋ, ᐅᔭ ᑕᓐ ᓴᔅ ᑲ ᐃᓯ ᒥᔨᑕᐧᒄ ᒋᐱᒪᑎᓯᐅᓇᒡ, ᐊᑯᑕ ᑲ ᐅᒋ ᒥᔨᑕᐧᒄ ᐊᓂᔭ ᒥᔨᐛᐅᓇ ᓇᔅᒡ ᑲ ᒋᔅᑕᔨᑕᑯᓂᔨᒋ ᑭᔭ ᓇᔅᒡ ᑲ ᒥᔽᓯᔨᒋ᙮ ᐊᐅᑯᓐ ᐛᔅ ᑭᑈ ᐊᓂᔭᔪᐛ ᒥᔨᐛᐅᓇ ᑲ ᐊᓱᑎᒧᐛᑦ ᒥᓯᐛ ᐊᓂᔭ ᒐ ᑕᑈᔭᔨᒥᑯᑦ᙮ ᐅᔭ ᒪᒃ ᒥᔨᐛᐅᓇ ᑲ ᐊᓱᑎᒪᑕᐧᒄ, ᐊᐅᑯᓐ ᐅᔭ ᒐ ᐎᒋᐃᑯᔭᐧᒄ ᒐ ᐊᑲ ᒋ ᓴᐧᑯᒋᐱᑎᑯᔭᐧᒄ ᑲ ᓂᓱᐅᓇᒋᐃᐛᒥᑲᒋ ᒥᒋ ᓂᑐᐛᔨᑎᒧᐅᓇ ᐅᑕ ᐊᔅᒋᒡ ᐊ ᑎᒂᒋ᙮ ᐊᑯᑕ ᑭᔭ ᒐᒋ ᐅᒋ ᐊᔭᔅᒃ ᐃᑕᔨᑕᑯᓯᔭᐧᒄ ᑕᓐ ᐊ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮