ᐃᐱᓯᔭᓇ 4:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐃᔭᐱᒡ ᒪᒃ, ᓴᒋᐃᐛᐅᓐ ᐊ ᓄᑯᑕᔭᐧᒄ ᐊ ᐎᑎᒪᐧᒄ ᑕᑈᐅᓐ, ᓇᔅᒡ ᒋᐸ ᐃᓯ ᒥᔪ ᓂᑕᐅᒋᓇᓄᐤ ᙭ ᐃᔅ ᐊ ᑕᑦ, ᐎᔾ ᐊ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮

ᐃᐱᓯᔭᓇ 4:15 Iomraidhean Croise

ᑎᐱᑦ ᐅᓂᑭᒧᐅᓇ 32:2

ᓱᐛᔨᑕᑯᓱᐤ ᐊᓐ ᐃᔪᐤ ᒥᒐᑎᓯᐅᓂᔪᐤ ᐊᑲ ᒐᒂᓐ ᐃᑎᒋᑎᒪᑯᑦ ᑎᐸᔨᒋᒐᓱᐛ, ᑭᔭ ᐅᑦ ᐊᒐᐧᑯᒡ ᐊᑲ ᐱᒋᔅᑲᑯᑦ ᑭᑭᒋᔭᐅᓂᔪᐤ᙮

ᒠᓐ 1:47

ᐃᔅᐱ ᒪᒃ ᒋᓴᔅ ᐎᔭᐱᒪᑦ ᓇᑕᓂᔭᓚ ᐊ ᐸᑕᔅᑎᒧᑕᔨᒋ ᒋ ᐃᑕᐤ, “ᐊᐅᒄ ᒋᒋᐛ ᐃᔅᕋᐃᓪ ᐃᔪᐤ, ᓇᔅᒡ ᑕᑈ ᑯᐃᔅᑯᑕᑎᓯᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:9

ᒋᒋᐛ ᓴᒋᐊᐧᑯᒡ ᐊᐛᓐᒋ᙮ ᐛᐧᑲᑎᒧᒄ ᐊᓐ ᒐᒂᓐ ᑲ ᒪᔭᑎᒡ᙮ ᒥᒪᒋᑯᓂᒧᒄ ᐊᓐ ᒐᒂᓐ ᒪᔽᓯᒡ᙮

1 ᑯᕆᓐᑎᔭᓇ 11:3

ᒥᒄ ᒪᒃ ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᙭ ᓂᑲᓂᔅᑯᐛᐤ ᒥᓯᐛ ᓇᐸᐛ᙮ ᓇᐸᐤ ᒪᒃ ᐎᐛ ᓂᑲᓂᔅᑯᐛᐤ, ᐊᑯ ᒋᓴᒪᓂᑐᐤ ᙭ᑕ ᓂᑲᓂᔅᑯᐛᐤ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

2 ᑯᕆᓐᑎᔭᓇ 8:8

ᓇᒪ ᒋ ᐎ ᐎᓱᐛᑎᑎᓇᐛᐤ ᐅ ᑲ ᐃᔅᒋᔄᔭᓐ᙮ ᒥᒄ ᒋ ᐎ ᓂᑐ ᒋᔅᒐᔨᒥᑎᓇᐛᐤ ᑕᑈ ᓯᔭᒋᐃᐛᒂ ᐊ ᐛᐎᑎᒪᑎᑯᒡ ᑕᓐ ᐊ ᐃᓯ ᐊᓯᒐᔨᑕᒡ ᐊ ᐱᔅᑎᓂᒐᒡ ᑯᑎᑭᒡ ᐊᐛᓐᒋ᙮

ᐃᐱᓯᔭᓇ 1:22

ᒋᓴᒪᓂᑐᐤ ᒋ ᒥᔭᐤ ᙭ᑕ ᒥᓯᐛ ᒐᒂᔪᐤ ᒐᒋ ᐅᒋᒪᐅᔨᒋ ᑭᔭ ᐊᓐᑕ ᒋ ᐃᓯ ᐱᔅᑎᓇᐤ ᐅᒪᒧᐊᔭᒥᐊᐛ ᐊ ᑕᔨᒋ ᐎᔾ ᒥᓯᐛ ᒐᒂᔪᐤ ᒐᒋ ᓂᑲᓂᔅᑭᒥᔨᒋ᙮

ᐃᐱᓯᔭᓇ 1:4

ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᔅᒋ ᐅᑎᓂᑯᓄᐤ ᒋᓴᒪᓂᑐᐤ ᐎᔾ ᒐ ᐊᔭᐅᑕᐧᒄ ᐊᓂᔭ ᐅᒋ ᙭ᑕ ᐊ ᐎᒐᐅᒪᐧᑯ᙮ ᔅᒋ ᐅᑎᓂᑯᓄᐤ ᒐᒋ ᐸᔭᒋᓯᐛᐧᒄ ᑭᔭ ᐊᑲ ᓇᔅᒡ ᒐᒂᓐ ᒐᒋ ᑎᒂᒡ ᒐ ᐃᓯ ᐊᑕᒪᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᐃᐱᓯᔭᓇ 2:21

ᐛᔅ ᐎᔾ ᐃᑐᑐᐛᐤ ᐊᔭᔅᒃ ᒐᒋ ᐊᑎ ᐊᔨᒋᑲᐳᔨᒋ ᒥᓯᐛ ᐊᓂᔭᔪᐛ ᑲ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᐸᔭᒋᓯᔨᒋ ᐅᑎᐸᔨᒋᒐᐛ ᐃᔅ ᐊ ᑕᔨᒋ, ᒧᔭᒻ ᒋᓴᐊᔭᒥᐊᐅᒋᐛᑉ ᐊ ᐎᔨᑲᐳᐅᑕᑭᓄᐅᒡ ᒐᒋ ᐃᓯᓇᑯᓯᔨᒋ᙮

ᐃᐱᓯᔭᓇ 4:25

ᐊᑯ ᒪᒃ ᒋᐸ ᐳᓂᓇᐛᐤ ᐊ ᑭᑭᒋᔭᔭᒄ ᐃᔭᐱᒡ ᑯᐃᔅᒄ ᒐᒋ ᐃᓯ ᐃᔨᒥᐃᑐᔭᒄ ᐛᔅ ᒧᔭᒻ ᐊ ᐸᐃᑯᑕᐅᓯᔭᐧᒄ ᒋᑦ ᐃᓯᓇᑯᓯᓇᓄᐤ ᐊᓐᑕ ᐃᔅ ᙭ ᐊ ᑕᑦ᙮

ᐃᐱᓯᔭᓇ 5:23

ᐛᔅ ᓇᐸᐤ ᒋ ᒥᔭᑭᓄᐤ ᒐᒋ ᓂᑲᓂᔅᑯᐛᑦ ᐎᐛ ᒧᔭᒻ ᙭ ᐊ ᐃᓯ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮ ᐎᔾ ᙭ ᐅᐱᒪᒋᐃᐛᒥᑐᑕᑯᐤ ᐅᒪᒧᐊᔭᒥᐊᐛ, ᐊᔪᐅᒄ ᒪᒃ ᐅᔭ ᐎᔪᐛ ᐊᓂᔭᔪᐛ ᐅᒪᒧᐊᔭᒥᐊᐛ᙮

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

1 ᐱᑕᕐ 2:2

ᒧᔅ ᐊᑐᐎᔅ ᒋᐸ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᐅᑯᓐ ᒐ ᑭᓄᐛᔨᒥᑯᔭᒄ ᐊ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ᐅᔅᒋᓂᑕᐅᒋᑦ ᒧᔅ ᐊ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ᓂᑕᐅᒋᑦ, ᐊᐅᑯᓐ ᒋᐸ ᐃᓯᓇᑯᓯᓇᐛᐤ ᐊ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮

1 ᒠᓐ 3:18

ᓂᑦ ᐊᐛᓯᒥᑎᒄ, ᓇᒪ ᒥᒄ ᒋᐸ ᐅᒋ ᐃᔅᒋᔄᓇᓄᐤ ᐊ ᓴᒋᐃᐛᔭᐧᒄ᙮ ᒥᒄ ᑕᓐ ᐊ ᐃᑎᔭᐧᒄ ᐊᑯᑕ ᒋᐸ ᓄᑯᓐ ᑕᑈ ᐊ ᓴᒋᐃᐛᔭᐧᒄ᙮