ᐃᐱᓯᔭᓇ 4:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᐅᒄ ᐊᓐᒡ ᒪᒃ ᐅᒡ ᒋᐸ ᒋᔅᑯᑎᒧᐛᐅᒡ ᐊᓂᔭᔪᐛ ᑲ ᑕᑈᑎᒥᔨᒋ ᑕᓐ ᒐᒋ ᐃᓯ ᐊᑐᔅᑯᐛᔨᒋ ᒋᓴᒪᓂᑐᐛ ᑭᔭ ᒪᒧᐤ ᒐᒋ ᐊᑎ ᓱᒋᑲᐳᔨᒋ᙮

ᐃᐱᓯᔭᓇ 4:12 Iomraidhean Croise

ᓗᒃ 22:32

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

ᐊᑈᔅᑕᓇᒡ 1:17

ᔅᒋ ᐎᒋ ᐊᑐᔅᒐᒥᑯᓄᐤ ᒍᑎᔅ, ᐛᔅ ᒋᓴᓴ ᒋ ᐅᑎᓂᑯᐤ ᑭᔭ ᐎᔾ ᐊᑈᔅᑕᓐ ᒐᒋ ᐃᑕᐱᑎᓯᑦ᙮”

ᐊᑈᔅᑕᓇᒡ 1:25

ᒐᒋ ᐅᑎᓇᐧᒃ ᐅᔭ ᐊᑐᔅᒐᐅᓂᔪᐤ ᐊᑈᔅᑕᓐ ᐊ ᐃᑕᐱᑎᓯᑦ, ᐊᓂᔭᔪᐤ ᒍᑎᔅ ᑲ ᓂᑭᑕᐧᒃ ᐃᔅᐱ ᑲ ᐃᑐᑕᑦ ᐊᓐᑕ ᐊᑲ ᐃᓯᓇᑯᓂᔨᒡ ᒐ ᐃᑐᑕᑯᐱᓇ᙮”

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

ᐊᑈᔅᑕᓇᒡ 9:31

ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐎᒋᐃᑯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:5

ᐊᐅᑯᓐ ᒪᒃ ᑕᑈ ᐊ ᐃᓯᓇᑯᓯᔭᐧᒄ᙮ ᒥᓯᐛ ᒋ ᐸᐃᑯᓇᓄᐤ ᒋᓴᔅ ᙭ ᐊ ᑕᑦ᙮ ᐊᑎ ᒪᒃ ᐊ ᒥᒐᑎᔭᐧᒄ ᐃᔭᐱᒡ ᐸᐃᒄ ᒥᔪᐤ ᒋᑦ ᐃᓯᓇᑯᓯᓇᓄᐤ᙮ ᒥᓯᐛ ᒪᒃ ᐊ ᑎᓯᔭᐧᒄ ᐊᑯᑕ ᐊ ᐃᓯ ᐎᒋᐃᐛᔭᐧᒄ ᐅ ᒥᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:7

ᑲ ᒥᔭᑭᓄᐅᒂ ᐊᐛᓐ ᓇᔅᒡ ᒐᒋ ᒥᔪ ᐎᒋᐊᑦ ᐊᐛᔪᐛ ᐊᐅᑯᓐ ᑭᑈ ᐊᓂᔭ ᒋᐸ ᐃᑐᐤ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᒋᔅᑯᑎᒪᒐᑦ ᒋᐸ ᒋᔅᑯᑎᒪᒐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:19

ᓱᒃ ᒪᒃ ᒧᔅ ᐎᓯ ᐱᒪᑎᓯᑕᐤ ᒐᒋ ᐎᒋᐃᐧᑯᒡ ᑯᑎᑭᒡ ᐊᐛᓐᒋ ᒐᒋ ᒥᔪ ᐎᒐᐅᑐᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:14

ᓂᐧᑲᓂᓯᑐᒄ, ᓂ ᒐᔅᑎᓇᐅᓐ ᑕᑈ ᐊ ᓴᑭᔅᒋᓇᔅᑲᑯᔭᒄ ᐊ ᐎ ᒥᔪᑐᑎᒪᒄ, ᒥᓯᐛ ᐊ ᒋᔅᒐᔨᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᒋᔅᒐᔨᑎᒺᒄ ᑭᔭ ᐊ ᑭᔅᒋᐅᔭᒄ ᒐᒋ ᒋᔅᑯᑎᒪᑐᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:2

ᒥᓯᐛ ᐊ ᑎᓯᔭᐧᒄ ᒋᐸ ᓂᓇᑭᑐᐛᔨᒪᓄᐤ ᒋᐧᑲᓂᓯᓄᐤ ᒐᒋ ᒥᔪᑐᑐᐛᐧᒄ᙮ ᓱᒃ ᒋᐸ ᐎ ᐎᒋᐊᓄᐤ ᒐᒋ ᓂᑕᐅᒋᑦ ᑕᑈᑎᒧᐅᓂᒡ ᐃᓯ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:29

ᓂ ᒐᔅᑎᓇᐅᓐ ᒪᒃ ᑎᑯᓯᓂᔭᓇ ᐊᓐᑕ ᐊ ᑕᔭᒄ ᒐ ᐃᑐᑕᑎᑯᒡ ᓇᔅᒡ ᒐᒋ ᓱᐛᔨᒥᑕᒄ ᙭᙮

1 ᑯᕆᓐᑎᔭᓇ 12:27

ᒋᔨᐛᐤ ᒪᒃ ᐊᐅᒄ ᙭ ᐎᔪᐤ᙮ ᒥᓯᐛ ᐸᐸᐃᒄ ᒋ ᐎᒋᐃᐛᓇᐛᐤ ᐊᓐᑕ ᐃᔅ᙮

1 ᑯᕆᓐᑎᔭᓇ 12:7

ᒥᓯᐛ ᐊᐛᓐ ᑲ ᑕᑈᑕᐧᒃ ᑎᑯᓂᔪᐤ ᐊ ᐃᓯ ᒋᔅᒐᔨᑕᑯᐃᓱᔨᒋ ᑲ ᐸᔭᒋᓯᔨᒋ ᐊᒐᒂ ᐊ ᑕᔨᒋ ᐊᓐᑕ ᐊ ᑕᑦ᙮ ᒋ ᐃᑐᑎᒪᑯᓇᓄᐤ ᐅᔭ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᒐᒋ ᐛᐎᒋᐃᑐᔭᐧᒄ᙮

1 ᑯᕆᓐᑎᔭᓇ 14:12

ᐊᓐ ᓇᔅᒡ ᐊ ᓂᑐᐛᔨᑎᒪᒄ ᐊᓂᔭᔪᐛ ᒥᔨᐛᐅᓇ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᐛᑦ ᐊᓂᔭᔪᐛ ᒪᐅᒡ ᒐ ᐎᒋᐃᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᐅᑯᓂ ᐊᓂᔭᔪᐛ ᒪᐅᒡ ᓂᑐᐛᔨᑎᒪᒄ᙮

1 ᑯᕆᓐᑎᔭᓇ 14:14

ᐛᔅ ᐊ ᒂᔅᒋᐃᔨᒥᔭᓐ ᐊ ᐊᔭᒥᐊᔭᓐ, ᓂᑦ ᐊᒐᐧᑯᒡ ᓂ ᐅᒋ ᐊᔭᒥᐊᓐ ᒥᒄ ᒪᒃ ᓇᒪ ᓂᔅᑐᑕᓱᓐ ᑕᓐ ᐊ ᐃᔅᒋᔄᔭᓐ᙮

1 ᑯᕆᓐᑎᔭᓇ 14:26

ᓂᐧᑲᓂᓯᑐᒄ, ᒪᐅ ᒋᐸ ᐃᑎᓇᐛᐤ᙮ ᐊ ᓇᒋ ᐊᔭᒥᐊᔭᒄ, ᐱᔅᒐ ᐊᐛᓐᒋ ᒋᑭ ᓂᑭᒧᐅᒡ, ᐱᔅᒐ ᐊᐛᓐᒋ ᒋᑭ ᒋᔅᑯᑎᒪᒐᐅᒡ, ᐊᑯ ᐱᔅᒐ ᒋᑭ ᐎᑎᒧᒡ ᑕᓐ ᑲ ᐃᓯ ᐛᐸᑎᔨᑯᒡ ᒋᓴᒪᓂᑐᐛ᙮ ᐱᔅᒐ ᒋᑭ ᒂᔅᒋᐃᔨᒧᐅᒡ, ᐊᑯ ᑯᑎᑭᒡ ᒐ ᐸᔭᑭᔅᒡ ᐎᑎᒪᒐᒡ ᐊ ᒂᔅᒋᐃᔨᒥᓇᓄᐎᒡ᙮ ᒥᒄ ᒪᒃ ᑕᓐ ᒥᒄ ᒐ ᐃᑎᓇᓄᒂ ᐊᓐᑕ ᐊ ᐊᔭᒥᐊᓄᐅᒡ ᔭᐃᑕᔾ ᒐᒋ ᐎᒋᐃᑯᒡ ᐊᓐᒡ ᑲ ᑕᑈᑕᒡ ᐊᓐᑕ ᐊ ᑕᒡ ᐊᐅᑯᓐ ᒋᐸ ᐃᑐᑕᑭᓄᐤ᙮

2 ᑯᕆᓐᑎᔭᓇ 12:19

ᑭᔭ ᐊ ᐃᑕᔨᒧᐛᐛᒐ ᐅ ᑲ ᒥᓯᓇᐃᒐᔭᒡ ᒧᔭᒻ ᑲ ᐎ ᓇᑕᒪᓱᒡ ᐊᐛᓐᒋ ? ᓇᒪ᙮ ᒥᒄ ᐊ ᐃᓯ ᓂᑐᐛᔨᒥᔨᒥᑦ ᙭ ᒐᒋ ᐃᓯ ᐃᔨᒧᐅᒋᒡ ᒋᓴᒪᓂᑐᐛ ᐃᔅ ᐊ ᑕᔨᒋ ᐊᑯᓐ ᐊ ᐃᓯ ᐃᔨᒥᔭᒡ᙮ ᑕᓐ ᒥᒄ ᐊ ᐃᑐᐛᐛᒐ ᒥᒄ ᐛᔅ ᐊᓐ ᒋ ᐎ ᐎᒋᐃᑎᓇᓐ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

2 ᑯᕆᓐᑎᔭᓇ 13:9

ᓂ ᒥᔽᔨᑕᓇᓐ ᐊᓐᑕ ᒪᒂᒡ ᐊᑲ ᓯᔭᐱᓯᔭᒡ ᓂᔭᓐ ᐊᑯᑕ ᒋᔨᐛᐤ ᓱᒋᑲᐳᔭᒄ ᐅᑎᐸᔨᒋᒐᐤ ᐊ ᑕᑦ᙮ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᓂᑕᐅᒋᔭᒄ ᐎᔾ ᐃᔅ ᐊ ᑕᑦ᙮

2 ᑯᕆᓐᑎᔭᓇ 3:8

ᓇᒪᐎᔾ ᐊ ᐊᑐᐎᔅ ᒋᔅᑕᔨᑕᑯᓐ ᐊᓐ ᐊᔭᒥᐊᐤ ᐊᑐᔅᒐᐅᓐ ᑲ ᐸᔭᒋᓯᑦ ᐊᒐᐧᒄ ᐊ ᑕᑦ ᑲ ᐅᒋᐱᔨᒡ ?

2 ᑯᕆᓐᑎᔭᓇ 4:1

ᓇᔅᒡ ᑕᑈ ᓂᒋ ᓱᐛᔨᒥᑯᓇᓐ ᒋᓴᒪᓂᑐᐤ ᐅᔭ ᐊᑐᔅᒐᐅᓂᔪᐤ ᐊᒋ ᒥᔨᒥᑦ᙮ ᐊᐅᒄ ᒪᒃ ᐛᒋ ᐊᑲ ᐎ ᐳᓂᔭᒡ᙮

2 ᑯᕆᓐᑎᔭᓇ 5:18

ᐎᔾ ᒋᓴᒪᓂᑐᐤ ᒥᓯᐛ ᐅᔭ ᑲ ᐃᑐᑕᐧᒃ᙮ ᔅᒋ ᐃᑐᑕᑭᓄᐤ ᐎᔾ ᒥᓐ ᑲᐤ ᒐᒋ ᐎᒐᐛᐧᒄ ᙭ᑕ ᐅᒡ᙮ ᐊᑯ ᒪᒃ ᑲ ᒥᔨᑯᐅᔭᒡ ᒐᒋ ᐛᐎᑎᒪᒥᒋᒋ ᐊᐛᔪᐛ ᑕᓐᑕ ᒥᓐ ᑲᐤ ᒐᒋ ᐅᒋ ᐎᒐᐛᔨᒋ ᒋᓴᒪᓂᑐᐛ᙮

2 ᑯᕆᓐᑎᔭᓇ 6:3

ᓇᒪ ᓂᑐᐛᔨᑕᓇᓐ ᓂᑎᒥᒄ ᒐᒋ ᐃᓯ ᐱᔅᑎᓇᑭᓄᐅᒡ ᑕᓐ ᐊ ᐃᓯ ᐊᑐᔅᑯᐅᒋᒡ ᒋᓴᒪᓂᑐᐤ ᑭᔭ ᓱᒃ ᒂᒋᑕᔭᒡ ᒐ ᐊᑲ ᒋ ᐃᓯ ᐱᒪᑎᓯᔭᒡ ᒐᒋ ᒋᐱᔅᑲᑯᑦ ᐊᐛᓐ ᒐᒋ ᐱᒪᒋᐅᑦ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

ᐃᐱᓯᔭᓇ 1:23

ᐅᔭ ᒪᒃ ᐅᒪᒧᐊᔭᒥᐊᐛ, ᐊᔪᐅᒄ ᐊᓂᔭ ᙭ ᐎᔪᐤ᙮ ᐊᓐᑕ ᒪᒃ ᐅᐱᒪᑎᓯᐅᓄᐛᒡ ᓇᒪ ᒐᒂᔪᐤ ᓄᑕᐱᔪᐅᒡ ᐛᔅ ᙭ᑕ ᒥᔨᑯᐅᒡ ᒥᓯᐛ ᒐᒂᔪᐤ ᑕᓐ ᐊ ᐃᓯ ᓄᑕᐱᔨᒡ᙮

ᐃᐱᓯᔭᓇ 4:16

ᐎᔾ ᐃᑐᑐᐛᐤ ᒐᒋ ᒥᔪ ᐎᒐᐅᑐᔨᒋ ᐅᒪᒧᐊᔭᒥᐊᐛ ᑭᔭ ᒥᓯᐛ ᒐᒋ ᐃᓯ ᒥᔪᐱᔨᒋ ᐊᓂᔭ ᐊ ᐊᑎ ᓂᑕᐅᒋᔨᒋ ᑭᔭ ᐊ ᐊᑎ ᓱᒋᑲᐳᔨᒋ ᐊ ᓴᒋᐃᑐᔨᒋ ᐅᒡ᙮

ᐃᐱᓯᔭᓇ 4:29

ᐊᑲᐎᔾ ᓂᑎᒥᒄ ᐃᔨᒧᐅᓐ ᐊᐱᒋᑕᒄ, ᑯᐃᔅᒄ ᐃᓯ ᐃᔨᒧᒄ ᐊᓂᔭ ᒐ ᒥᔪ ᐎᒋᐃᑯᒡ ᐊᓐᒡ ᑲ ᐸᑕᑕᑯᒡ ᐊᐛᓐᒋ ᒥᒄ ᑕᓐ ᐊ ᐃᔅᐱᔪᐛᒂ ᐅᐱᒪᑎᓯᐅᓄᐛᒡ᙮

ᐃᐱᓯᔭᓇ 4:4

ᒥᓯᐛ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᑭᔭ ᒥᒄ ᐸᐃᑯᓱᐤ ᑲ ᐸᔭᒋᓯᑦ ᐊᒐᐧᒄ᙮ ᐸᐃᑯᓐ ᑭᔭ ᐊᔅᐸᔨᒧᐅᓐ, ᐊᓂᔭ ᒋᓴᒪᓂᑐᐤ ᑲ ᒥᔨᑕᒄ ᐃᔅᐱ ᑲ ᐅᑎᓂᑕᒄ᙮

ᑯᓚᓯᔭᓇ 1:24

ᓂ ᒥᔽᔨᑕᓐ ᒪᒃ ᐊ ᓂᓇᐧᑲᑕᔨᒧᐃᑯᐅᔭᓐ ᒋᔨᐛᐤ ᐅᒋ, ᑭᔭ ᓂᔭᓯᒡ ᓄᐅᔅᒋᑕᓐ ᐊᓂᔭ ᑕᓐ ᐊ ᐃᓯ ᓄᑕᐱᔨᒡ ᙭ ᐅᐎᓯᒐᔨᑎᒧᐅᓂᒡ, ᒐᒋ ᐎᒋᐃᒂᐤ ᒪᒧᐤ ᑲ ᐊᔭᒥᐊᐛᑎᓯᒡ, ᙭ ᐎᔪᐤ᙮

ᑯᓚᓯᔭᓇ 1:28

ᐊᑯ ᒪᒃ ᒥᓯᐛ ᐊᐛᓐ ᐊ ᐊᔨᒧᑎᒧᐎᒋᒡ ᙭ᑕ᙮ ᒥᓯᐛ ᒪᒃ ᑭᒐᑕᐛᔨᑎᒧᐅᓐ ᑲ ᐃᓯ ᒥᔨᑯᐅᔭᒡ ᓂᑦ ᐃᔭᒂᒥᒪᓇᓂᒡ ᑕᓐ ᐊᓂᔭᔪᐛ ᒋᐸ ᐅᒋ ᐊᑲ ᐃᑐᐅᒡ ᑭᔭ ᓱᒃ ᓂ ᐎ ᒋᔅᒐᔨᑎᒪᓇᓂᒡ ᑕᓐ ᐊᓂᔭᔪᐛ ᒋᐸ ᐃᑐᐅᒡ᙮ ᐅᔭ ᒪᒃ ᐊ ᐃᑐᑐᐅᒋᒡ ᐊᔪᐅᒄ ᐅᔭ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ ᒐᒋ ᐃᑐᑕᐃᒋᒡ ᓇᔅᒡ ᐊᒋ ᐃᓯ ᓂᑕᐅᒋᒡ ᐊᓐᑕ ᙭ᑕ ᐃᔅ ᐊ ᑕᔨᒋ᙮

ᑯᓚᓯᔭᓇ 4:17

ᑭᔭ ᒐ ᐃᑕᒄ ᐊᕐᑭᐸᔅ ᒐᒋ ᒋᔅᑕᑦ ᐊᓂᔭ ᑲ ᒥᔭᑭᓄᐅᑦ ᒐ ᐃᓯ ᐊᑐᔅᑯᐛᑦ ᐅᑎᐸᔨᒋᒐᐛ᙮

1 ᑎᒧᑎ 1:12

ᓂᓇᔅᑯᒪᐤ ᒋᑎᐸᔨᒋᒐᓯᒥᓄᐤ ᙭ ᒋᓴᔅ ᑕᓐ ᑲ ᐃᓯ ᑕᑈᐅᒐᔨᒥᑦ ᑭᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᒐᒋ ᐊᑐᔅᑯᐅᒃ ᐊᓂᔭ ᑕᓐ ᑲ ᐃᓯ ᐅᑎᓂᑦ,

2 ᑎᒧᑎ 4:11

ᒥᒄ ᓗᒃ ᐊᐅᒄ ᐊ ᑕᑦ ᐅᑕ ᐊ ᑕᔭᓐ᙮ ᔭᐃᑕᔾ ᒐ ᐎ ᐸᒋ ᐎᒐᐅᑦ ᒪᕐᒃ ᑎᑯᓯᓂᔨᓇ᙮ ᓂᑐᐛᔨᒪᐤ ᒐᒋ ᐸᒋ ᐎᒋᐃᑦ ᐅᑕ ᐊ ᐊᔭᒥᐊᐤ ᐊᑐᔅᒐᐅᒡ᙮

2 ᑎᒧᑎ 4:5

ᒥᒄ ᒪᒃ ᓱᐧᒃ ᓂᓇᑭᑐᐛᔨᒥᓱᐤ ᒋᔾ, ᑯᐃᔅᒄ ᒐᒋ ᐃᓯ ᒪᒥᑐᓇᔨᑎᒥᓐ ᑕᓐ ᒥᒄ ᒐ ᐃᔅᐱᔪᐅᓇ᙮ ᓯᐱᔪᐛᓯᔅᑕ ᑕᓐ ᒐ ᐃᓯ ᓂᓇᐧᑲᒋᐃᑯᐎᔨᓐ᙮ ᓱᐧᒃ ᐎᒋᐃᒡ ᑯᑎᑭᒡ ᐊ ᐛᐎᑎᒧᐅᑥᐤ ᒥᔽᒋᒧᐅᓂᔪᐤ᙮ ᑭᔭ ᓇᔅᒡ ᐃᑐᑕ ᒥᓯᐛ ᐊᓂᔭ ᑕᓐ ᑲ ᐎ ᐃᑕᐱᒋᐃᔅᒃ ᒋᓴᒪᓂᑐᐤ᙮

ᐃᑉᕈᐛ 13:17

ᓂᓇᐃᑐᐛᐧᑯᒡ ᐊᓐᒡ ᑲ ᓂᑲᓂᔅᑲᑕᑯᒡ ᐊᔭᒥᐊᐅᒋᐛᐱᒡ᙮ ᐛᔅ ᒋᐛᐎᒋᐃᑯᐛᐅᒡ ᒋᑕᑈᑎᒧᐅᓄᐛᒡ᙮ ᐊᐅᒄ ᐅᔭ ᐅᑦ ᐊᑐᔅᒐᐅᓄᐛᐤ᙮ ᐛᔅ ᒋᑭ ᓂᑐᐛᔨᑕᑯᓱᐅᒡ ᒐᒋ ᐎᑎᒧᐛᒡ ᒋᓴᒪᓂᑐᐛ ᑕᓐ ᑲ ᐃᑐᐛᒄ᙮ ᒋᑭ ᒥᔽᔨᑎᒧᒡ ᒪᒃ ᒐᒋ ᐃᑐᑕᒡ ᐅᔭ ᐅᑦ ᐊᑐᔅᒐᐅᓄᐛᐤ ᒧᔭᒻ ᒋᔨᐛᐤ ᓂᓇᐃᑐᐛᒂᐛ ᑭᔭ ᒋᔅᑕᔨᑎᒧᐛᒂ ᑕᓐ ᑲ ᐃᓯ ᒥᔭᑭᓄᐎᒡ ᒐᒋ ᓂᑲᓂᔅᑲᑕᑯᒡ᙮ ᐊᑲ ᒪᒃ ᐅ ᑎᔭᒂ ᒋᑭ ᒥᒐᔨᑎᒧᒡ ᑭᔭ ᓇᒪ ᒋᑭ ᒋ ᒥᔪ ᐎᒋᐃᑯᐛᐅᒡ᙮

ᐃᑉᕈᐛ 6:1

ᓂᑲᓄᒡ ᐊᑯ ᐃᓯ ᐊᒋᑕᐤ᙮ ᒋᔅᑯᑎᒪᓱᑕᐤ ᐊᓂᔭᔪᐛ ᐊᑐᐎᔅ ᐊ ᐊᑎ ᐊᔨᒥᓂᔨᒋ ᒐᒂᔪᐛ ᐛᔅ ᐊᐅᑯᓂ ᒐ ᐎᒋᐃᑯᔭᐧᒄ ᐊᑐᐎᔅ ᒐᒋ ᓂᑕᐅᒋᔭᐧᒄ ᒋᑕᑈᑎᒧᐅᓇᒡ᙮ ᓇᒪ ᒧᓯᓇᐤ ᒋᐸ ᐅᒋ ᐃᑎᓇᓄᐤ ᒥᒄ ᐊᓐ ᐅᔅᑭᒡ ᑲ ᐃᓯ ᐸᑎᒪᐧᒄ ᙭ ᐊ ᐃᓯ ᐊᔨᒧᒪᑭᓄᐅᑦ ᒐᒋ ᒋᔅᑯᑎᒪᑯᐅᔭᐧᒄ, ᐛᔅ ᓴᔅ ᒋ ᒋᔅᒐᔨᑕᓇᓄᐤ ᐊᓐ᙮ ᓇᒪ ᓂᑐᐛᔨᑕᑯᓐ ᒥᓐ ᒐᒋ ᒋᔅᑯᑎᒪᑯᐅᔭᐧᒄ ᒐ ᐊᑲ ᒋ ᐱᒪᒋᐊᑭᓄᐅᑦ ᐊᐛᓐ ᒥᒄ ᐊᓂᔭ ᐊ ᒥᔪᑐᑕᐧᒄ᙮ ᓇᒪ ᑭᔭ ᓂᑐᐛᔨᑕᑯᓐ ᒥᓐ ᒐᒋ ᐊᔨᒧᑎᒪᑯᐅᔭᐧᒄ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ,