ᐃᐱᓯᔭᓇ 3:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

ᐃᐱᓯᔭᓇ 3:8 Iomraidhean Croise

ᑎᐱᑦ ᐅᓂᑭᒧᐅᓇ 31:19

ᐅ, ᑕᑈ ᒥᓴᐤ ᒋᒥᔪᑐᑕᒐᐅᓐ, ᑲᒋ ᐊᔅᑐᐛᑭᓄᒡ ᐊᓐᒡ ᑲ ᓇᓂᒋᔅᑕᔅᒡ; ᑲᒋ ᐃᑐᑎᒧᐅᑥᐤ ᐊᓐᒡ ᑲ ᒪᒥᓯᑐᑕᔅᒡ, ᐅᑎᔅᑯᐤ ᐃᔪᐤ ᐅᑯᓯᓴᓐᒡ !

ᓗᒃ 14:22

“ᐎᐱᒡ ᒪᒃ ᒋ ᑎᑯᓯᓐ ᐊᓐ ᐊᐱᒋᐊᑭᓐ ᐊᑯ ᒂ ᐃᑕᑦ ᐊᓂᔭ ᐅᒋᒪᒪ, ‘ᓴᔅ ᓂᒋ ᐃᑐᑕᓐ ᑕᓐ ᑲ ᐃᓯ ᓂᑐᐛᔨᒥᔨᓐ ᒐᒋ ᐃᑐᑎᒪᓐ ᐊᔅᒄ ᒪᒃ ᒥᔅᑎ ᑐᐛᐤ ᐊᑐᐎᔅ ᑯᑎᑭᒡ ᒐᒋ ᑎᑯᓯᓂᒡ᙮’ ”

ᒠᓐ 1:16

ᐊᓂᔭ ᐊ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᒥᓯᐛ ᐊ ᑎᓯᔭᐧᒄ ᓇᔅᒡ ᑕᑈ ᒋ ᓱᐛᔨᒥᑯᓄᐤ, ᓇᒪ ᒪᒃ ᓂᑕ ᒋᑭ ᐅᒋ ᐳᓂᐱᔪᐤ ᐊ ᓱᐛᔨᒥᑕᐧᒄ᙮

ᐊᑈᔅᑕᓇᒡ 5:41

ᐊᓐᒡ ᒪᒃ ᐊᑈᔅᑕᓇᒡ ᒋ ᔅᑐᑕᐅᒡ ᐊᓐᑕ ᑲ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᓯᒋᔭᓯᒡ ᐊᒋ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮

ᐊᑈᔅᑕᓇᒡ 9:15

ᐊᑯ ᐊᓇᓇᔭᔅ ᒂ ᐃᑎᑯᑦ ᐅᑎᐸᔨᒋᒐᐛ, “ᐃᑐᑕ ᐃᔭᐱᒡ, ᐛᔅ ᓂᒋ ᐅᑎᓇᐤ ᓴᓪ ᒐᒋ ᐸᒋ ᐊᑐᔅᑯᐅᑦ, ᑭᔭ ᒐᒋ ᐸᒋ ᒋᔅᒐᔨᑕᑯᐃᑦ ᐊᓐᑕ ᒍᐤ ᐃᔪᐛ ᐊ ᑕᔨᒋ ᑭᔭ ᐊᓐᑕ ᐊ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ, ᑭᔭ ᒋᓴᐅᒋᒪᐛ ᐊ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:33

ᓇᔅᒡ ᑕᑈ ᒥᔽᔨᑕᑯᓱᐤ ᒋᓴᒪᓂᑐᐤ᙮ ᑕᑈ ᑭᒐᑕᐛᔨᑎᒻ ᑭᔭ ᒥᓯᐛ ᒐᒂᔪᐤ ᒋᔅᒐᔨᑎᒻ᙮ ᐃᔅᐱ ᐎᔭᔨᑕᐧᒃ ᒐᒂᔪᐤ ᓇᒪ ᓇᔅᒡ ᐊᐛᔪᐛ ᒋ ᐎᑎᒥᔪᐛ ᒐᒂᔪᐤ ᐊᓐᑕ ᐛᒋ ᐃᓯ ᐎᔭᔨᑕᐧᒃ ᐊᓂᔭ ᒐᒂᔪᐤ᙮ ᓇᒪ ᐊᐛᔪᐛ ᒋ ᒥᔪ ᒋᔅᒐᔨᑎᒥᔪᐛ ᑕᓐ ᐊ ᐃᑎᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:10

ᓴᒋᐃᑐᒄ ᐛᔅ ᒥᓯᐛ ᒋ ᐎᐧᑲᓂᓯᓂᑐᓇᐛᐤ᙮ ᒋᔅᑕᔨᒥᑐᒄ ᒋᑕᐃᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:4

ᓇᔅᒡ ᑕᑈ ᒋᓴᐛᑎᓯᐤ ᒋᓴᒪᓂᑐᐤ᙮ ᓇᑲᐎᐤ ᒐᒋ ᑎᐸᔅᑯᓂᔅᒃ ᑭᔭ ᓇᔅᒡ ᑕᑈ ᒋ ᓯᐱᔪᐛᓯᔅᑕᒄ᙮ ᒐᒂᔪᐤ ᐛᒋ ᒪᔭᔨᒥᑦ, ᐊᓂᔭ ᒪᒃ ᐊ ᐃᔅᐱᔅ ᒥᔽᔨᑕᑯᓯᑦ᙮ ᓇᒪᐎᔾ ᐊ ᒋ ᒋᔅᒐᔨᑕᓐ ᒐᒂᔪᐤ ᐛᒋ ᒋᓴᐛᑐᑕᔅᒃ ? ᒋ ᓂᑐᐛᔨᒧᒄ ᒐᒋ ᒥᑕᒋᔨᐛᔨᑎᒧᑦ ᑕᓐ ᐊ ᐃᓯ ᒥᒐᑎᓯᔪᐅᑦ ᑭᔭ ᒐᒋ ᒂᔅᑲᑎᓯᔪᐅᑦ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

1 ᑯᕆᓐᑎᔭᓇ 15:9

ᐛᔅ ᓂᔾ ᒪᐅᒡ ᓇᒪ ᒐᒂᓐ ᓂᑦ ᐃᑕᔨᑕᑯᓯᓐ ᐊ ᑕᑎᓯᒡ ᒥᓯᐛ ᐊᓐᒡ ᑲ ᐅᑎᓇᑭᓄᐎᒡ ᐊᑈᔅᑕᓐᒡ ᒐᒋ ᐃᑕᐱᒋᐊᑭᓄᐎᒡ᙮ ᓇᒪ ᐛᐛᒡ ᓂ ᒋᔅᑕᔨᑕᑯᓯᓐ ᐊᑈᔅᑕᓐ ᒐᒋ ᐃᓯᓂᐧᑲᑎᑯᐅᔭᓐ ᐛᔅ ᓂᒋ ᓂᓇᐧᑲᒋᐃᒪᐛ ᒋᓴᒪᓂᑐᐤ ᐅᑦ ᐃᔨᒪ᙮

1 ᑯᕆᓐᑎᔭᓇ 2:9

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᐊᐛᓐ ᐅᒋ ᐛᐸᑎᒻ ᑭᔭ ᓇᒪ ᐊᐛᓐ ᐅᒋ ᐸᑎᒻ ᑭᔭ ᓇᒪ ᐊᐛᓐ ᐅᒋ ᒋᔅᒐᔨᑎᒻ ᑕᓐ ᑲ ᐃᓯ ᐊᔭᔅᑯᔅᑎᒧᐛᑦ ᒋᓴᒪᓂᑐᐤ ᐊᓂᔭᔪᐛ ᑲ ᓴᒋᐃᑯᑦ᙮

ᑲᓚᓯᔭᓇ 1:16

ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮

ᑲᓚᓯᔭᓇ 2:8

ᒋᓴᒪᓂᑐᐤ ᒋ ᒥᔭᐤ ᐱᑕᕋ ᑭᔅᒋᐅᓂᔪᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐᒋ ᐛᐎᑎᒧᐛᔨᒋ ᒥᔽᒋᒧᐅᓂᔪᐤ ᒧᔭᒻ ᑲ ᐃᓯ ᒥᔨᑦ ᑭᔅᒋᐅᓂᔪᐤ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒡ ᒐᒋ ᐛᐎᑎᒪᒥᒋ ᒥᔽᒋᒧᐅᓂᔪᐤ᙮

ᐃᐱᓯᔭᓇ 2:7

ᐊᓐᑕ ᓂᑲᓐ ᒐᒋ ᓄᑯᑕᑦ ᐊᔅᐱᔅ ᓇᔅᒡ ᒥᓴᔨᒡ ᐅᓱᐛᔨᒋᒐᐅᓐ ᐊ ᒥᔪᑐᑎᒪᑕᐧᒄ ᙭ ᒋᓴᓴ ᐅᒋ᙮

ᐃᐱᓯᔭᓇ 3:1

ᓂᔾ ᑈᓪ, ᐊ ᐊᑐᔅᑯᐅᒃ ᒋᓴᔅ ᙭ ᑭᔭ ᐊ ᐛᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᒄ ᐛᒋ ᑕᔭᓐ ᑲᒪᑯᓄᐛᓯᐅᒋᐛᐱᒡ᙮

ᐃᐱᓯᔭᓇ 3:16

ᐊᓂᔭ ᐊ ᐛᔪᐅᒡ ᐊᔭᑦ ᒋᓴᒪᓂᑐᐤ ᐊᓐᑕ ᒋᒋᒋᓯᑯᒡ ᑕᓐ ᒐᒋ ᐃᓯ ᓱᐛᔨᒪᑦ ᐊᐛᔪᐛ ᓇᓂᑐᑎᒧᐛᐤ ᒐᒋ ᒥᔨᑕᒄ ᒥᔅᑯᓯᐅᓂᔪᐤ ᐅᑦ ᐊᒐᒂ ᐊ ᑕᔨᒋ ᐊ ᐅᒋᐱᔨᒡ᙮ ᐛᔅ ᒋᓴᒪᓂᑐᐤ ᐅᑦ ᐊᒐᒂ ᐊᐅᒄ ᒐᒋ ᐃᑐᑕᑕᒄ ᒐᒋ ᓱᒋᑲᐳᐅᐛᒄ᙮

ᐃᐱᓯᔭᓇ 3:19

ᓂ ᓂᑐᑎᒪᓐ ᒐᒋ ᒋᔅᒐᔨᑎᒺᒄ ᐅᓴᒋᐃᐛᐅᓐ, ᐊᑎ ᐊ ᐃᓯᓇᑯᓂᔨᒡ ᐊᑲ ᓂᑕ ᓇᔅᒡ ᒐᒋ ᒋᔅᒐᔨᑕᑯᓂᔨᒡ᙮ ᒋᔅᒐᔨᑎᒧᐛᒂ ᙭ ᐅᓴᒋᐃᐛᐅᓐ ᐊᑯ ᒐ ᓴᑭᔅᒋᓇᔅᑲᑯᐛᒄ ᒋᓴᒪᓂᑐᐤ ᐅᑦ ᐃᑕᔨᑕᑯᓱᐅᓐ᙮

ᐃᐱᓯᔭᓇ 3:2

ᒐᔅᑎᓇᔅ ᔅᒋ ᐸᑕᓇᐛᒐ ᑕᓐ ᑲ ᐃᓯ ᐸᒋ ᒥᔪᑐᑎᒧᐅᑦ ᒋᓴᒪᓂᑐᐤ ᐊᒋ ᐅᑎᓂᑦ ᑕᓐ ᒐᒋ ᐃᓯ ᐊᑐᔅᒐᐅᒡ ᐊᓐᑕ ᒐᒋ ᐅᒋ ᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮

ᐱᓕᐱᔭᓇ 2:3

ᓇᒪ ᒋᐸ ᐅᒋ ᐃᑐᑕᓐ ᒐᒂᓐ ᒥᒄ ᑭᔭ ᐊ ᒪᒥᑐᓇᔨᒥᓱᔨᓐ᙮ ᒪᒃ ᒥᒄ ᒐᒋ ᐅᒋ ᒪᒥᔽᒋᒥᑯᔨᓐ᙮ ᑎᐱᑕᔨᒥᓱᒄ, ᐊᔪᐛᒃ ᑯᑎᑭᒡ ᐊᐛᓐᒋ ᐊ ᐃᑕᔨᒪᑯᒡ᙮

ᐱᓕᐱᔭᓇ 4:19

ᐊᑯ ᒪᒃ ᒋᓴᒪᓂᑐᐤ ᒋᑭ ᐅᑎᓇᒪᑯᐛᐤ ᒥᓯᐛ ᒐᒂᔪᐤ ᐊ ᐃᓯ ᓄᑕᐱᔪᐛᒄ᙮ ᒥᓯᐛ ᒋᑭ ᒥᔨᑯᐛᐤ ᐊ ᐃᓯ ᓄᑕᐱᔪᐛᒄ ᑕᓐ ᐊ ᐃᓯ ᓇᔅᒡ ᐛᔪᐅᒡ ᒥᔪᑐᑎᒪᒐᑦ ᙭ ᒋᓴᓴ ᐅᒡ᙮

ᑯᓚᓯᔭᓇ 1:27

ᒋᓴᒪᓂᑐᐤ ᒪᒃ ᒋ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ᒥᔪ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

1 ᑎᒧᑎ 1:13

ᐊᑎ ᓇᔅᒡ ᐊᒋ ᐊᒂᑕᔨᑕᑯᓱᐅᒡ ᓂᓇᐧᑯᐤ ᐊᒋ ᐃᓯ ᒥᒪᔭᔨᒥᒃ ᑭᔭ ᐊᒋ ᐱᐸᔅᑕᒥᒃ ᑭᔭ ᐊᒋ ᓂᓇᐧᑲᒋᐃᒃ᙮ ᒥᒄ ᒪᒃ ᐃᔭᐱᒡ ᓂᒋ ᒋᔅᑎᒪᒐᔨᒥᒄ ᐛᔅ ᐊᓐ ᑲ ᐃᔅᐱᔅ ᒋ ᐊᓏᑎᒪᓐ ᓇᒪ ᓂ ᐅᒋ ᒋᔅᒐᔨᑕᓐ ᑕᓐ ᐊᓐ ᑲ ᐃᑎᔭᓐ᙮

1 ᑎᒧᑎ 1:15

ᐊᐅᒄ ᒪᒃ ᐅ ᑎᔭᑈᒥᑲᒡ ᐃᔅᒋᔄᐅᓐ, ᙭ ᒋᓴᔅ ᐊᒋ ᐸᒋ ᑎᑯᓯᐧᒃ ᐅᑕ ᐊᔅᒋᒡ ᒐᒋ ᐱᒪᒋᐊᑦ ᐅᒥᒋᑥᐛ᙮ ᒪᐅᒡ ᒪᒃ ᑲ ᒥᒐᑎᓯᑦ ᓂᔾ ᓂᒋ ᐃᑕᔨᑕᑯᓯᓐ᙮

1 ᑎᒧᑎ 2:7

ᐛᔅ ᑕᑈ ᓂᒋ ᐅᑎᓂᑯᐅᓐ ᒐᒋ ᐛᐎᑎᒪᓐ ᒥᔽᒋᒧᐅᓐ ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒧᐅᒂᐤ ᐊᓂᔭ ᑕᑈᐅᓂᔪᐤ ᒋᐸ ᐃᓯ ᑕᑈᑎᒧᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᓇᒪ ᒪᒃ ᓂᑎᒥᒄ ᓂᑦ ᐃᔅᒋᔄᓐ ᐅ ᑲ ᐃᔅᒋᔄᔭᓐ᙮

2 ᑎᒧᑎ 1:11

ᒋᓴᒪᓂᑐᐤ ᓂᒋ ᐅᑎᓂᒄ ᒐᒋ ᐛᐎᑎᒪᓐ ᐅ ᒥᔽᒋᒧᐅᓐ, ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒪᒐᔭᓐ ᐅ ᒥᔽᒋᒧᐅᓐ᙮

ᒋᔅᒐᔨᑕᑯᑕᒐᐅᓐ 3:18

ᐊᐅᒄ ᐅ ᒐ ᐅᒋ ᐎᑎᒪᑎᑯᒡ ᑕᓐ ᒐ ᐃᑎᔭᒄ᙮ ᐊ ᑕᔭᓐ ᐅᑎᓇᒄ ᐎᔄᐅᓱᓇᔭᐱᔅᒄ᙮ ᐅ ᐎᔄᐅᓱᓇᔭᐱᔅᒄ, ᐃᔅᑯᑕᒡ ᒋ ᑎᑕᑭᓄᐤ ᒐᒋ ᐸᔭᒋᑕᑭᓄᐅᒡ᙮ ᐊᔭᐛᒂ ᒪᒃ, ᐊᑯ ᒐ ᐛᔪᑎᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᐅᑎᓂᒧᒄ ᑭᔭ ᐊ ᐛᐸᓯᔨᒋ ᐊᐱᒋᑕᐅᓇ ᒐᒋ ᒋᔅᑭᒪᒄ ᒐ ᐊᑲ ᒋ ᓴᒂᔨᒧᔭᒄ, ᐛᔅ ᓇᒪ ᐊᑯ ᒋᑭ ᐅᒋ ᒧᓴᔅᑭᑕᓇᐛᐤ᙮ ᑭᔭ ᐅᑎᓂᒧᒄ ᓂᑐᐧᑯᐅᓐ ᒐ ᐊᔅᑕᔭᒄ ᒋᔅᒋᓯᑯᐛᒡ ᒐᒋ ᐛᐸᑎᒪᒄ᙮