ᐃᐱᓯᔭᓇ 3:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᒋᓴᒪᓂᑐᐤ, ᐊᓐ ᐅᒥᔅᑯᓯᐅᓐ ᐊ ᐊᑐᔅᒐᒥᑭᓂᔨᒡ ᒋᐱᒪᑎᓯᐅᓇᒡ ᐅᔅᑕ ᐃᔭᐱᒡ ᒋᑭ ᒋ ᐃᑐᑎᒪᑯᓄᐤ ᑕᓐ ᐊᔅᐱᔅ ᓂᑐᑎᒧᐛᐧᒄ ᑭᔭ ᐅᔅᑕ ᐃᔭᐱᒡ ᒋᑭ ᒋ ᐃᑐᑎᒪᑯᓄᐤ ᑕᓐ ᐊ ᐃᑕᔨᒪᐧᒄ ᒐᒋ ᐃᑐᑎᒪᑕᐧᒄ᙮

ᐃᐱᓯᔭᓇ 3:20 Iomraidhean Croise

ᒐᓂᓯᔅ 17:1

ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ᐃᑕᑐᐳᓇᓱᐤ ᐊᑉᕋᒻ ᒥᓐ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊ ᐃᓯ ᓱᐧᑲᑎᓯᑦ᙮ ᓂᑐᑐᐎᓇ ᑭᔭ ᓇᓂᑎᒻ ᑯᐃᔅᒄ ᐃᑐᑎᒥᓇ,

ᒐᓂᓯᔅ 18:4

ᓂᑭ ᓂᑐᐛᔨᑕᓐ ᓂᐱᔾ ᒐ ᐸᑥᑯᐅᔭᒄ ᒐᒋ ᒋᔅᑕᐸᐅᑕᔭᒄ ᒋᓯᑐᐛᐛ, ᐊᐱᒄ ᑭᔭ ᐊ ᐊᔅᑕᔭᔅᑯᐃᑎᓱᒄ ᐊ ᐊᒋᑲᔅᑕᓯᒧᔭᒄ ᐅᑕ ᒥᔅᑎᑯᒡ᙮

ᐊᒃᓱᑕᔅ 34:6

ᐊᑯ ᑎᐸᔨᒋᒐᓱᐤ ᓂᑲᓐ ᐊᓐᑕ ᒂ ᐃᓯ ᐎᒪᔅᑯᐛᑦ ᒧᓱᓴ ᑭᔭ ᒂ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᒋᔅᑎᒪᒐᔨᒋᒐᐅᓂᔪᐤ, ᐊᑲ ᐎᐱᒡ ᒋᔄᓯᑦ ᑭᔭ ᑲ ᐛᔪᑎᓯᑦ ᓱᐛᔨᒋᒐᐅᓂᔪᐤ ᑭᔭ ᑕᑈᐅᒐᔨᑕᑯᓱᐅᓂᔪᐤ᙮

ᒪᑎᔪᐤ 3:9

ᑭᔭ ᐊᑲᐎᔾ ᐃᑕᔨᑎᒧᒄ ᒐ ᐊᑲ ᐅᒋ ᐛᐛᓯᐃᑕᒄ ᒋᓴᒪᓂᑐᐤ ᐊ ᐅᓂᑐᑎᒪᒄ ᒥᒄ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᐛᔪᐛ ᐊᑉᕋᐊᒪ ᒐ ᐅᑦ ᐊᐛᓯᒥᔨᒋ᙮

ᒠᓐ 10:10

ᑲᒋᒧᑎᑦ ᑎᑯᓯᓄᐤ ᒥᒄ ᒐᒋ ᒋᒧᑎᑦ ᒪᒃ ᒐᒋ ᓂᐸᐃᐛᑦ ᒪᒃ ᒐᒋ ᓂᓱᐅᓇᒋᐃᐛᑦ᙮ ᓂᔾ ᒪᒃ ᐎ ᓂᒋ ᑎᑯᓯᓐ ᒐᒋ ᒥᔨᐛᔭᓐ ᐊᓐ ᐱᒪᑎᓯᐅᓐ ᐊᓐᑕ ᐊᑲ ᓂᑕ ᓄᑕᐱᔨᒡ ᒐᒂᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:25

ᒪᒥᒋᒪᑕᐤ ᒋᓴᒪᓂᑐᐤ᙮ ᐛᔅ ᐎᔾ ᐊᐅᒄ ᑲᔅᒋᐅᑦ ᒐᒋ ᐊᔨᒋᑲᐳᐃᑕᒄ ᒋᐱᒪᑎᓯᐅᓄᐛᒡ ᐊᓐᑕ ᐅᒋ ᑕᓐ ᑲ ᐃᓯ ᐛᐎᑎᒪᑎᑯᒡ ᒥᔽᒋᒧᐅᓐ᙮ ᐊᑯᑕ ᐊ ᐊᔨᒧᒪᑭᓄᐅᑦ ᐅ ᒋᓴᔅ ᙭ ᑲ ᑎᐸᒋᒥᒃ᙮ ᐊᐅᒄ ᒪᒃ ᐅᔭ ᒥᔽᒋᒧᐅᓂᔪᐤ ᓇᒪ ᐅᒋ ᐱᔅᑎᓂᒻ ᒋᓴᒪᓂᑐᐤ ᒐᒋ ᒋᔅᒐᔨᑕᑭᓄᐎᒡ ᐊᓐᑕ ᐸᒋ ᐛᔅᑭᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:21

ᓇᔅᒡ ᒋ ᒐᔅᑎᓇᑕᔨᒪᐤ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒥᔨᒋ ᑕᓐ ᐊᓂᔭᔪᐤ ᑲ ᐃᔅᒋᔄᔨᒋ ᒐ ᐃᑐᑎᒪᑯᑦ᙮

1 ᑯᕆᓐᑎᔭᓇ 2:9

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᐊᐛᓐ ᐅᒋ ᐛᐸᑎᒻ ᑭᔭ ᓇᒪ ᐊᐛᓐ ᐅᒋ ᐸᑎᒻ ᑭᔭ ᓇᒪ ᐊᐛᓐ ᐅᒋ ᒋᔅᒐᔨᑎᒻ ᑕᓐ ᑲ ᐃᓯ ᐊᔭᔅᑯᔅᑎᒧᐛᑦ ᒋᓴᒪᓂᑐᐤ ᐊᓂᔭᔪᐛ ᑲ ᓴᒋᐃᑯᑦ᙮

2 ᑯᕆᓐᑎᔭᓇ 9:8

ᒋᑭ ᒋ ᐃᑐᑎᒻ ᒋᓴᒪᓂᑐᐤ ᐊᑐᐎᔅ ᒐᒋ ᐃᔅᐱᔅ ᒥᔨᑕᒄ ᑕᑥᐤ ᐊ ᓱᐛᔨᒥᑕᒄ, ᑭᔭ ᒧᔅ ᒐ ᐊᔭᔭᒄ ᑕᓐ ᒐ ᐃᓯ ᓂᑐᐛᔨᑎᒧᐛᐛᒂ᙮ ᐊᑐᐎᔅ ᒋᑭ ᐃᔅᐱᔅ ᒥᔨᑯᐛᐤ ᑯᑎᑭᒡ ᐊᐛᓐᒋ ᒐᒋ ᐎᒋᐊᑯᒡ᙮

ᐃᐱᓯᔭᓇ 1:19

ᓂᑐᑎᒧᐛᐤ ᑭᔭ ᒐᒋ ᓂᔅᑐᑎᒪᒄ ᐊᔅᐱᔅ ᓱᒐᔨᑕᑯᓂᔨᒡ ᐊᓂᔭ ᐅᒥᔅᑯᓯᐅᓐ ᒋᓴᒪᓂᑐᐤ ᑲ ᐊᑐᔅᒐᒥᑭᓂᔨᒡ ᐱᒡ ᐊ ᐃᑕᐛᐧᒄ, ᒋᔭᓄᐤ ᑲ ᑕᑈᑎᒪᐧᒄ᙮

ᐃᐱᓯᔭᓇ 3:7

ᒋᓴᒪᓂᑐᐤ ᓂᒋ ᓱᐛᔨᒥᒄ, ᓂᔾ ᓂᒋ ᐅᑎᓂᒄ ᒐᒋ ᐱᐸᒧᑕᐅᒡ ᐅᒥᔽᒋᒧᐅᓐ, ᓂᒋ ᒥᔨᒄ ᐅᒥᔅᑯᓯᐅᓐ ᑭᔭ ᓂᒋ ᒥᔨᒄ ᑭᔅᒋᐅᓂᔪᐤ ᑯᐃᔅᒄ ᒐᒋ ᐃᑐᑎᒧᒡ ᐅᔭ ᐊᑐᔅᒐᐅᓂᔪᐤ᙮

ᑯᓚᓯᔭᓇ 1:29

ᒐᒋ ᐃᑐᑎᒪᓐ ᒪᒃ ᐅ ᓂ ᐅᔅᑯᐎᓐ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ᙮ ᐊᓂᔭ ᓱᒐᔨᑕᑯᓱᐅᓂᔪᐤ ᐊ ᐃᓯ ᒥᔨᑦ ᙭ ᓄᑕᐱᒋᐅᓐ᙮ ᓇᔅᒡ ᒪᒃ ᐛᔅ ᓄᑯᓂᔪᐤ ᐊᓂᔭ ᓱᒐᔨᑕᑯᓱᐅᓂᔪᐤ ᒪᒂᒡ ᐊᓐᑕ ᐊ ᐊᑐᔅᒐᐅᒡ᙮

1 ᑎᒧᑎ 1:14

ᓇᔅᒡ ᓂᒋ ᐛᔪᐅᒡ ᓄᑯᑥᒄ ᐅᑎᐸᔨᒋᒐᐤ ᑕᓐ ᐊᔅᐱᔅ ᒋᓴᐛᑐᑐᐅᑦ ᒐᒋ ᐅᒋ ᐊᑎ ᑕᑈᔭᔨᒥᒃ ᑭᔭ ᒐᒋ ᐅᒋ ᐊᑎ ᓴᒋᐃᒃ ᙭᙮

ᐃᑉᕈᐛ 11:19

ᐊᑉᕋᐊᒻ ᒋ ᒋᔅᒐᔨᑎᒻ ᒋᓴᒪᓂᑐᐛ ᒐᒋ ᐅᓂᔅᑲᓇᔨᒋ ᐊᐛᔪᐛ ᓂᐳᐅᓂᒡ ᐅᒡ᙮ ᐊᓂᔭ ᒪᒃ ᑲᐤ ᐊᒋ ᒥᔭᑭᓄᐅᑦ ᐊᑉᕋᐊᒻ ᐅᑯᓴ ᐊᐃᓯᑲ, ᒧᔭᒻ ᓂᐳᐅᓂᒡ ᐊᒋ ᐅᒋ ᐅᓂᔅᑲᓇᑭᓄᔨᒋ ᒋ ᐃᓯᓇᑯᓂᔪᐤ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

ᒋᒥᔅ ᐅᒥᓯᓇᐊᒪᒐᐅᓐ 4:12

ᒥᒄ ᐸᐃᒄ ᐊᐛᓐ ᒋ ᒥᔨᐛᐤ ᐎᓱᐛᐅᓂᔪᐤ᙮ ᐊᐅᒄ ᒪᒃ ᒥᒄ ᒐᒋ ᑎᐸᔅᑯᓂᒐᑦ᙮ ᐎᔾ ᒥᒄ ᒋᑭ ᒋ ᐱᒪᒋᐃᐛᐤ ᑭᔭ ᐎᔾ ᒥᒄ ᒋᑭ ᒋ ᓂᓱᐅᓇᒋᐃᐛᐤ᙮ ᐊᐛᓐ ᒪᒃ ᒋᔾ ᒐᒋ ᑎᐸᔅᑯᓂᑦ ᑯᑎᒃ ᐊᐛᓐ ?

2 ᐱᑕᕐ 1:11

ᐊᑯᑕ ᑭᔭ ᒐᒋ ᐅᒋ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ᑎᑯᓂᔨᒡ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,