ᐃᐱᓯᔭᓇ 3:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒐᔅᑎᓇᔅ ᔅᒋ ᐸᑕᓇᐛᒐ ᑕᓐ ᑲ ᐃᓯ ᐸᒋ ᒥᔪᑐᑎᒧᐅᑦ ᒋᓴᒪᓂᑐᐤ ᐊᒋ ᐅᑎᓂᑦ ᑕᓐ ᒐᒋ ᐃᓯ ᐊᑐᔅᒐᐅᒡ ᐊᓐᑕ ᒐᒋ ᐅᒋ ᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮

ᐃᐱᓯᔭᓇ 3:2 Iomraidhean Croise

ᐊᑈᔅᑕᓇᒡ 13:2

ᒪᒂᒡ ᒪᒃ ᐊᓐᑕ ᐊ ᐊᑲ ᒥᒋᓱᒡ ᒥᒄ ᐊ ᒪᒧᐤ ᐊᔭᒥᐊᔅᑐᐛᒡ ᒋᓴᒪᓂᑐᐛ, ᐊᑯᑕ ᑲ ᐃᔨᒥᐃᑯᒡ ᑲ ᐸᔭᒋᓯᔨᒋ ᐊᒐᒂ ᐊ ᐃᑎᑯᒡ, “ᐸᒋ ᑎᐸᓇᐊᐧᑯᒡ ᐸᕐᓇᐸᔅ ᑭᔭ ᓴᓪ ᐛᔅ ᓂᒋ ᐎᔭᔨᒪᐅᒡ ᒐᒋ ᐃᑐᑎᒧᐅᒡ ᐊᑐᔅᒐᐅᓂᔪᐤ᙮”

ᐊᑈᔅᑕᓇᒡ 13:46

ᒥᒄ ᒪᒃ ᑈᓪ ᑭᔭ ᐸᕐᓇᐸᔅ ᒋ ᓱᒐᔨᒧᐅᒡ ᐊ ᐃᔅᒋᔄᒡ, “ᒋᓴᒪᓂᑐᐤ ᓂᒋ ᓂᑐᐛᔨᒥᑯᓇᓐ ᒋᔨᐛᐤ ᒍᐤ ᐃᔪᒡ ᓂᔅᑎᒻ ᒐᒋ ᐎᑎᒪᑕᒡ ᐅᑦ ᐃᔨᒧᐅᓐ᙮ ᒥᒄ ᒪᒃ ᐊ ᐊᓏᑎᒪᒄ ᐊᑯᑕ ᐛᒋ ᓄᒂᒡ ᐊᑲ ᒋᔅᑕᔨᑕᑯᓯᔭᒄ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᐊᑯ ᒪᒃ ᒐ ᓂᑭᑎᑕᒡ, ᒐ ᐎᑎᒧᐅᒋᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᐊᑈᔅᑕᓇᒡ 22:21

“ᐊᑯ ᒂ ᐃᓯᑦ ᐅᑎᐸᔨᒋᒐᐤ, ‘ᒪᒋ ᐃᔭᐱᒡ ᐛᔅ ᐛᔪᐤ ᒋᑭ ᐃᑎᓴᐅᑎᓐ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ᙮’ ”

ᐊᑈᔅᑕᓇᒡ 9:15

ᐊᑯ ᐊᓇᓇᔭᔅ ᒂ ᐃᑎᑯᑦ ᐅᑎᐸᔨᒋᒐᐛ, “ᐃᑐᑕ ᐃᔭᐱᒡ, ᐛᔅ ᓂᒋ ᐅᑎᓇᐤ ᓴᓪ ᒐᒋ ᐸᒋ ᐊᑐᔅᑯᐅᑦ, ᑭᔭ ᒐᒋ ᐸᒋ ᒋᔅᒐᔨᑕᑯᐃᑦ ᐊᓐᑕ ᒍᐤ ᐃᔪᐛ ᐊ ᑕᔨᒋ ᑭᔭ ᐊᓐᑕ ᐊ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ, ᑭᔭ ᒋᓴᐅᒋᒪᐛ ᐊ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:5

᙭ ᐅᒋ ᒋᓴᒪᓂᑐᐤ ᓂᒋ ᐅᑎᓂᑯᓇᓐ ᐊ ᒥᔽᔨᑕᑯᓂᔨᒡ ᒐᒋ ᐃᓯ ᐊᑐᔅᑯᐅᒋᒡ, ᐊᐅᒄ ᐅᔭ ᐊᑈᔅᑕᓐ ᒐᒋ ᐃᑕᐱᑎᓯᐅᒋᒡ, ᒐᒋ ᐎᒋᐃᒥᒋᒋ ᒥᓯᐛ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐊᑎ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᓂᓇᐃᑕᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:13

ᐊᑯ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᒐ ᐃᔨᒥᐃᑎᑯᒡ᙮ ᐊᐅᒄ ᓂᔾ ᒋᑦ ᐊᑈᔅᑕᓂᒧᐛᐤ᙮ ᒧᔅ ᒪᒃ ᒋᒋᐛ ᓂᑭ ᐃᑕᔨᑎᒥᐃᑯᓐ ᐅ ᐊᑐᔅᒐᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:3

ᒋᓴᒪᓂᑐᐤ ᓂᒋ ᒋᓴᐛᑐᑕᒄ ᐊᒋ ᒥᔨᑦ ᒐᒋ ᐊᑐᔅᑯᐅᒄ᙮ ᐊᐅᒄ ᒪᒃ ᐛᒋ ᐃᑎᑎᑯᒡ ᒥᓯᐛ ᐊ ᑎᓯᔭᒄ ᐊᑲ ᐅᔅᑕ ᒐᒋ ᐃᑕᔨᒥᓱᔭᒄ ᑕᓐ ᒋᐸ ᐃᑕᔨᒥᓱᓇᐛᐤ᙮ ᑯᐃᔅᒄ ᐎᓯ ᒪᒥᑐᓇᔨᒥᓱᒄ᙮ ᒥᓯᐛ ᐊ ᑎᓯᔭᒄ ᒋᑭ ᐎᔭᔨᑕᓇᐛᐤ ᑕᓐ ᑕᑈ ᒐᒋ ᐃᑐᑎᒪᒄ᙮ ᐅ ᒪᒃ ᐊ ᐛᑕᔨᑎᒪᒄ ᒋᑭ ᐎ ᓂᓇᑭᑐᐛᔨᑕᓇᐛᐤ ᑕᓐ ᑲ ᐃᔅᐱᔅ ᒥᔨᑕᒄ ᒋᓴᒪᓂᑐᐤ ᑕᑈᑎᒧᐅᓂᔪᐤ᙮

1 ᑯᕆᓐᑎᔭᓇ 4:1

᙭ ᐅᑦ ᐊᐱᒋᐊᑭᓇ ᒋᐸ ᐃᓯ ᑭᓄᐛᐱᒥᓇᓐ, ᐊᓐᒡ ᑲ ᒥᔭᑭᓄᐎᒡ ᒐ ᐊᓱᐤ ᒋᔅᑯᑎᒪᒐᒡ ᐊᓂᔭ ᒐᒂᔪᐛ ᐊᔅᒄ ᐊᑲ ᐅᒋ ᐎᑕᑭᓄᔨᒋ, ᐊᓂᔭᔪᐛ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒋ᙮

ᑲᓚᓯᔭᓇ 1:13

ᒐᔅᑎᓇᔅ ᔅᒋ ᐸᑕᓇᐛᒐ ᑕᓐ ᑲ ᐃᑕᑎᓯᔭᓐ ᐅᑕᒡ ᐊᔅᒄ ᒍᐤ ᐃᔪᒡ ᐊ ᐃᓯ ᐊᔭᒥᐊᒡ ᐊᒋ ᐃᓯ ᓇᓴᐊᒪᓐ᙮ ᐊᔪᐛᒃ ᓂᒋ ᓂᓇᐧᑲᑕᔨᒧᐃᒪᐛ ᒋᓴᒪᓂᑐᐤ ᐅᑦ ᐃᔨᒪ ᒋᓴᓴ ᑲ ᑕᑈᔭᔨᒪᔨᒋ᙮ ᒥᒄ ᐊ ᐎ ᐃᑐᐅᒡ ᓂᒋ ᐃᑐᐛᓐ ᐊ ᐎ ᓂᓱᐅᓇᒋᐃᒥᒋ᙮

ᐃᐱᓯᔭᓇ 1:10

ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᑎᐸᐱᔨᒡ ᐊᓂᔭ ᑲ ᐎ ᐃᑐᑕᐧᒃ ᒋᓴᒪᓂᑐᐤ ᒋᑭ ᒪᒧᐅᓂᒻ ᒥᓯᐛ ᒐᒂᔪᐤ ᙭ᑕ ᒐ ᓂᑲᓂᔅᑭᒥᔨᒋ, ᒥᓯᐛ ᑕᓐ ᐊ ᐃᓯ ᑎᑯᓂᔨᒡ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ᙮

ᐃᐱᓯᔭᓇ 3:7

ᒋᓴᒪᓂᑐᐤ ᓂᒋ ᓱᐛᔨᒥᒄ, ᓂᔾ ᓂᒋ ᐅᑎᓂᒄ ᒐᒋ ᐱᐸᒧᑕᐅᒡ ᐅᒥᔽᒋᒧᐅᓐ, ᓂᒋ ᒥᔨᒄ ᐅᒥᔅᑯᓯᐅᓐ ᑭᔭ ᓂᒋ ᒥᔨᒄ ᑭᔅᒋᐅᓂᔪᐤ ᑯᐃᔅᒄ ᒐᒋ ᐃᑐᑎᒧᒡ ᐅᔭ ᐊᑐᔅᒐᐅᓂᔪᐤ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

ᐃᐱᓯᔭᓇ 3:9

ᑭᔭ ᓂᔾ ᓂᒋ ᒥᔨᒄ ᒥᓯᐛ ᐊᐛᔪᐛ ᒐᒋ ᒋᔅᒐᔨᑎᒥᐃᒥᒋ ᐊᓂᔭ ᒐᒂᔪᐤ ᐊᑲ ᐅᒋ ᒋᔅᒐᔨᑕᑯᓂᔨᒡ ᑲ ᐃᓯ ᐎᔭᔨᑎᒥᑯᐱᓇ ᒋᓴᒪᓂᑐᐤ ᒐ ᐃᑐᑕᐧᒃ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ ᒋ ᑭᓄᐛᔨᑎᒧᑯᐱᓇ ᒥᒄ ᐅᔭ ᑕᓐ ᑲ ᐃᓯ ᐎᔭᔨᑎᒥᑯᐱᓇ ᒐ ᐃᑐᑕᐧᒃ ᐊᓐᑕ ᓂᔅᑕᒥᒡ᙮

ᐃᐱᓯᔭᓇ 4:21

ᔅᒋ ᐸᑕᓇᐛᐤ ᑕᓐ ᑲ ᐃᓯ ᐊᔨᒧᒪᑭᓄᐅᑦ, ᐊ ᓇᓴᐛᒄ ᒪᒃ ᒋᓴᔅ ᔅᒋ ᒋᔅᑯᑎᒪᑯᓇᐛᐤ ᐎᔾ ᐊ ᑕᑦ ᐊᑯᑕ ᐊ ᑎᒂᒡ ᑕᑈᐅᓐ᙮

ᐃᐱᓯᔭᓇ 4:7

ᐛᔅ ᙭ ᐸᐸᐃᒄ ᔅᒋ ᒥᔨᑯᓄᐤ ᒥᔨᐛᐅᓇ ᐊ ᓱᐛᔨᒥᑕᐧᒄ᙮

ᑯᓚᓯᔭᓇ 1:4

ᐛᔅ ᓂᒋ ᐸᑕᓇᓐ ᑕᓐ ᐊ ᐃᓯ ᑕᑈᔭᔨᒪᒄ ᙭ ᒋᓴᔅ ᑭᔭ ᓂᒋ ᐸᑕᓇᓐ ᑕᓐ ᐊᔅᐱᔅ ᓴᒋᐊᑯᒡ ᒥᓯᐛ ᐊᓐᒡ ᑲ ᑕᑈᑕᒡ᙮

ᑯᓚᓯᔭᓇ 1:6

ᐅ ᒥᔽᒋᒧᐅᓐ ᒧᓯᓇᐤ ᐱᒥᐱᔪᐤ ᓱᐛᔨᒋᒐᐅᓐ ᐊᓐᑕ ᐅᒋ ᑭᔭ ᒧᓯᓇᐤ ᒥᓯᑕᐱᔪᐤ ᐊ ᐛᐎᑕᑭᓄᐅᒡ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅᑕ ᐊᔅᒋᒡ᙮ ᐊᐅᑯᓐ ᒪᒃ ᐊ ᐃᓯᓇᒂᒡ ᒥᔽᒋᒧᐅᓐ ᐊᓐᑕ ᒪᒂᒡ ᐊ ᑕᔭᒄ ᐃᔅᐱ ᑲ ᐸᑎᒪᒄ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐤ ᐅᒋᓴᐛᑎᓯᐅᓐ ᑭᔭ ᑲ ᓂᔅᑐᑎᒪᒄ ᑕᓐ ᐊᓐ ᐊ ᐃᑕᔨᑕᑯᓂᔨᒡ᙮

1 ᑎᒧᑎ 1:11

ᐅ ᒥᔪ ᒋᔅᑯᑎᒪᒐᐅᓐ ᐊᓐᑕ ᒥᔽᒋᒧᐅᓂᒡ ᐅᒋᐱᔪᐤ᙮ ᐊᐅᒄ ᒥᔽᒋᒧᐅᓐ ᑲ ᒥᔨᑯᔭᓐ ᒐᒋ ᐛᐎᑎᒪᓐ᙮ ᐊᓐᑕ ᒪᒃ ᐊᓐ ᑲ ᒋᔅᑕᔨᑕᑯᓯᑦ ᑭᔭ ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐊ ᑕᑦ ᐊᑯᑕ ᐛᒋᐱᔨᒡ᙮

1 ᑎᒧᑎ 1:4

ᐎᑎᒧᐅᒡ ᒐ ᐊᑲ ᒋ ᐊᐱᑕᔨᑕᒡ ᐛᔅᑭᒡ ᑎᐸᒋᒧᐅᓇ ᑭᔭ ᐊᓂᔭ ᑕᓐ ᑲ ᐃᓯ ᐸᒋ ᐃᑎᔅᑲᑐᔨᒋ ᐅᐛᐧᑯᒪᑭᓄᐛᐛ ᐊᓐᑕ ᐛᔅᑭᒡ ᒧᔭᒻ ᒐᒋ ᐃᑕᔨᑕᒡ ᐅᑦ ᐊᒐᐧᑯ ᐱᒪᑎᓯᐅᓄᐛᒡ ᒐᒋ ᐎᒋᐃᑯᒡ ᐅᔭ ᒐᒂᔪᐤ᙮ ᐛᔅ ᒧᔭᒻ ᐅᔭ ᒐ ᑐᐛᒂ ᐊᑯᑕ ᒐᒋ ᐅᒋ ᒋᒋᐱᔨᒡ ᐊ ᒋᐧᑲᓇᑯᐃᑐᒡ᙮ ᑭᔭ ᐅᔭ ᐊ ᐃᑎᒡ ᓇᒪ ᓇᔅᒡ ᐎᒋᑕᐅᒡ ᑕᓐ ᒐᒋ ᐃᓯ ᐊᑐᔅᑯᐛᑭᓄᔨᒋ ᒋᓴᒪᓂᑐᐛ᙮ ᑕᑈᔭᔨᑎᒧᐅᓂᒡ ᒪᒃ ᐊᑯᑕ ᐊ ᐃᓯ ᐊᑐᔅᑯᐛᑭᓄᐅᑦ ᒋᓴᒪᓂᑐᐤ᙮

1 ᑎᒧᑎ 2:7

ᐛᔅ ᑕᑈ ᓂᒋ ᐅᑎᓂᑯᐅᓐ ᒐᒋ ᐛᐎᑎᒪᓐ ᒥᔽᒋᒧᐅᓐ ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒧᐅᒂᐤ ᐊᓂᔭ ᑕᑈᐅᓂᔪᐤ ᒋᐸ ᐃᓯ ᑕᑈᑎᒧᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᓇᒪ ᒪᒃ ᓂᑎᒥᒄ ᓂᑦ ᐃᔅᒋᔄᓐ ᐅ ᑲ ᐃᔅᒋᔄᔭᓐ᙮

2 ᑎᒧᑎ 1:11

ᒋᓴᒪᓂᑐᐤ ᓂᒋ ᐅᑎᓂᒄ ᒐᒋ ᐛᐎᑎᒪᓐ ᐅ ᒥᔽᒋᒧᐅᓐ, ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒪᒐᔭᓐ ᐅ ᒥᔽᒋᒧᐅᓐ᙮