ᐃᐱᓯᔭᓇ 3:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

ᐃᐱᓯᔭᓇ 3:17 Iomraidhean Croise

ᒪᑎᔪᐤ 13:6

ᐃᔅᐱ ᒪᒃ ᓯᔭᑲᔅᑐᐛᒋ ᐱᓯᒻ ᒋ ᐃᔎᑕᔪᐛ ᐊᓂᔭᔪᐛ ᓂᑕᐅᒋᑕᑭᓇ᙮ ᒐᒃ ᒋ ᐊᑎ ᓂᐱᒥᑭᓇ ᐛᔅ ᑕᐸ ᐅᒋ ᐅᑎᐱᒥᑭᓇ᙮

ᓗᒃ 6:48

ᒧᔭᒻ ᐊᐛᓐ ᐊ ᐎ ᐎᔨᑲᐳᐅᑕᑦ ᒥᒋᐛᐱᔪᐤ, ᓂᔅᑎᒻ ᑕᒥᒡ ᐃᓯ ᒧᓇᐃᒐᐤ, ᐸᑎᒪ ᐛᑎᑕᐛᑦ ᐊᓯᓂᔭ᙮ ᐊᑯᑕ ᒪᒃ ᐊᓐᑕ ᐊ ᐸᐸᒋᐱᔅᑲᔨᒡ ᐛᔨᑲᐳᐅᑕᑦ ᐊᓂᔭ ᒥᒋᐛᐱᔪᐤ᙮ ᐃᔅᐱ ᐃᔅᒋᐳᑕᔨᒐ ᐊᓐᑕ ᐛᔅᑲ ᐊᓂᔭ ᐎᒡ, ᓇᒪ ᐛᐛᒡ ᒋᑭ ᐅᒋ ᐊᒋᑲᐳᐅᔪᐤ, ᐛᔅ ᓇᔅᒡ ᑕᑈ ᒋ ᒥᔪ ᐊᔨᒋᑲᐳᐅᑕᐤ᙮ ᐊᐅᑯᓐ ᐊ ᐃᓯᓇᑯᓯᑦ ᐊᐛᓐ ᑲ ᑎᓯᐧᑲᒺᑦ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᒠᓐ 14:17

ᐊᐅᒄ ᒪᒃ ᐊᓐ ᑲ ᐸᔭᒋᓯᑦ ᐊᒐᐧᒄ, ᐊᓐ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ᙮ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᐅᑕᐎᒪᐛ ᓇᒪ ᒋᑭ ᒋ ᐱᑎᑲᐊᐅᒡ ᐅᐱᒪᑎᓯᐅᓄᐛᒡ ᑲ ᐸᔭᒋᓯᔨᒋ ᐊᒐᒂ, ᐛᔅ ᓇᒪ ᐛᐱᒪᐅᒡ ᑭᔭ ᓇᒪ ᒋᔅᒐᔨᒪᐅᒡ᙮ ᒥᒄ ᒪᒃ ᒋᔨᐛᐤ ᒋ ᒋᔅᒐᔨᒪᐛᐤ ᐛᔅ ᒋ ᐎᒐᐅᑯᐛᐤ ᑭᔭ ᒋᑭ ᐱᒋᔅᑲᑯᐛᐤ᙮”

ᒠᓐ 14:23

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᓐ ᐊᐛᓐ ᑲ ᓴᒋᐃᑦ ᒋᑭ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᓄᑕᐎᔭ ᒋᑭ ᓴᒋᐃᑯᐤ᙮ ᑕᐱᔅᑯᓐ ᓄᑕᐎᔾ ᑭᔭ ᓂᔾ ᓂᑭ ᓂᑐᐛᐱᒪᓇᓐ ᑭᔭ ᒐ ᐎᒋᒥᒋᑦ᙮

ᒠᓐ 17:23

ᓂᔾ ᐊ ᐱᒋᔅᑯᐅᒂᐤ ᑭᔭ ᒋᔾ ᐊ ᐸᒋ ᐱᒋᔅᑯᐎᔨᓐ ᐊᑯᑕ ᒐᒋ ᐅᒋ ᓇᔅᒡ ᐸᐃᑯᒡ᙮ ᐊᑯᑕ ᒪᒃ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᒋᔾ ᑕᑈ ᐊᒋ ᐸᒋ ᐃᑎᓴᐎᔨᓐ ᑭᔭ ᑕᑈ ᐊ ᓴᒋᐃᑥᐤ ᒧᔭᒻ ᓂᔾ ᐊ ᐃᔅᐱᔅ ᓴᒋᐃᔨᓐ᙮”

ᒠᓐ 6:56

“ᐊᓐ ᒪᒃ ᐊᐛᓐ ᒐ ᒥᒋᒂ ᓂᔭᓯᔪᐤ ᑭᔭ ᒐ ᒥᓂᒂ ᓂᒥᐧᑯᔪᐤ, ᓂ ᐱᒋᔅᑲᒄ ᑭᔭ ᓂᔾ ᒪᒃ ᓂ ᐱᒋᔅᑯᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

1 ᑯᕆᓐᑎᔭᓇ 3:6

ᒧᔭᒻ ᑲᓂᑕᐅᒋᒋᑭᓂᒐᑦ ᐊ ᒋᒋᐱᔨᑕᑦ ᐊ ᓂᑕᐅᒋᑕᑦ, ᐊᐅᑯᓐ ᐊ ᐃᓯᓇᑯᓯᔭᓐ ᓂᔾ, ᐛᔅ ᓂᔾ ᓂᔅᑎᒻ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊᐳᓚᔅ ᒧᔭᒻ ᐊᓐ ᑲ ᓂᑕᐅᒋᑕᑦ ᒧᔅ ᑲ ᓱᒋᔅᑕᑦ ᐊᓂᔭᔪᐛ ᑲ ᓂᑕᐅᒋᑕᐅᒡ ᐃᓯᓇᑯᓱᐤ᙮ ᐊᑐᐎᔅ ᔅᒋ ᐎᑎᒪᑯᐛᐤ ᑕᓐ ᒋᐸ ᐃᓯ ᐱᒪᑎᓯᐛᓇᐛᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑐᑕᑕᒄ ᒐᒋ ᒥᔪ ᓂᑕᐅᒍᐛᒄ ᒋᑕᑈᑎᒧᐅᓄᐛᒡ᙮

1 ᑯᕆᓐᑎᔭᓇ 8:1

ᐊᑯ ᒪᒃ ᒐ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᑭᓄᐛᐸᑕᑭᓄᐤ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᐃᓇᓄᐤ ᒥᓯᐛ ᐊᐛᓐ ᐊ ᐊᔭᑦ ᒋᔅᒐᔨᑎᒧᐅᓂᔪᐤ᙮ ᐃᑐᑕᑯᐤ ᒪᒃ ᐊᐛᓐ ᒋᔅᒐᔨᑎᒧᐅᓂᔪᐤ ᒋᒋᐛ ᒐᒋ ᐃᑕᔨᒥᓱᑦ᙮ ᒥᒄ ᒪᒃ ᐊᐛᓐ ᑲ ᐊᔭᑦ ᓴᒋᐃᐛᐅᓂᔪᐤ ᐃᑐᑐᐛᐤ ᑯᑎᑲ ᐊᐛᔪᐛ ᒐᒋ ᓱᒋᑲᐳᔨᒋ᙮

2 ᑯᕆᓐᑎᔭᓇ 13:5

ᐃᔭᒂ ᓂᑐ ᒋᔅᒐᔨᒥᓱᒄ᙮ ᓂᑐ ᒋᔅᒐᔨᒥᓱᒄ ᐊᔅᒄ ᑕᑈ ᑎᔭᑈᑎᒧᐛᒂ᙮ ᒋ ᓂᔅᑐᑕᓇᐛᐤ ᐊ ᒋᓴᔅ ᙭ ᐊ ᐱᒋᔅᑲᑎᑕᒄ ? ᐊᑲ ᑎᔭᑈᑎᒧᐛᒂ ᓇᒪᐎᔾ ᑭᑈ ᑕᑈ ᒋᐱᒋᔅᑲᑯᐛᐤ᙮

2 ᑯᕆᓐᑎᔭᓇ 6:16

ᓇᒪ ᒋᑭ ᒋ ᑎᔭᑭᓄᐎᒡ ᒥᓂᑐᐧᑲᓐᒡ ᐊᓐᑕ ᒋᓴᒪᓂᑐᐤ ᐅᑦ ᐊᔭᒥᐊᐅᒋᐛᐱᒡ᙮ ᒋᔭᓄᐤ ᐛᔅ ᒋᓴᒪᓂᑐᐤ ᑲ ᐱᒪᑎᓯᑦ ᐅᑦ ᐊᔭᒥᐊᐅᒋᐛᑉ᙮ ᒧᔭᒻ ᒋᓴᒪᓂᑐᐤ ᑲ ᐃᔅᒋᔄᑦ, “ᓂᑭ ᐱᒋᔅᑯᐛᐅᒡ ᑭᔭ ᒧᔅ ᓂᑭ ᐎᒐᐛᐅᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ᙮ ᐎᔨᐛᐤ ᓂᑭ ᐅᑦ ᐃᔨᒥᑐᑐᐛᐅᒡ᙮”

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮

ᑯᓚᓯᔭᓇ 1:27

ᒋᓴᒪᓂᑐᐤ ᒪᒃ ᒋ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ᒥᔪ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

ᑯᓚᓯᔭᓇ 2:7

ᐱᔅᑎᓇᐧᒄ ᒐᒋ ᐃᑐᑕᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᐛᒄ ᑭᔭ ᒐᒋ ᒥᔨᑕᒄ ᒥᔅᑯᓯᐅᓂᔪᐤ, ᒧᔭᒻ ᒥᔅᑎᒄ ᑕᒥᒡ ᐊᔅᒋᒡ ᐊ ᐃᓯ ᑯᑕᐅᐱᔨᒋ ᐅᑎᐱᔭ ᒐᒋ ᓱᒋᑲᐳᐅᑦ ᐊᐅᑯᓐ ᒋᐸ ᐃᓯᓇᑯᓯᓇᐛᐤ᙮ ᐊᐅᑯᓐ ᒋᐸ ᐎ ᐃᓯ ᓱᒋᑲᐳᐅᓇᐛᐤ ᑕᓐ ᐊ ᐃᓯ ᑕᑈᑎᒪᒄ᙮ ᐊᑯ ᒪᒃ ᐊᔭᔅᒃ ᒧᔅ ᒐ ᑕᑈᔭᔨᒪᒄ ᒧᔭᒻ ᑲ ᐃᓯ ᒋᔅᑯᑎᒪᑯᐅᔭᒄ ᒐᒋ ᐃᑎᔭᒄ᙮ ᑭᔭ ᒧᔅ ᒋᐸ ᓂᓇᔅᑯᒪᐛᐤ᙮

1 ᒠᓐ 4:16

ᐊᑯ ᒪᒃ ᒋᔅᒐᔨᑕᓇᓄᐤ ᑭᔭ ᒋ ᑕᑈᑕᓇᓄᐤ ᑕᑈ ᐊ ᓴᒋᐃᑕᐧᒄ ᒋᓴᒪᓂᑐᐤ᙮ ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮ ᐊᓐ ᒪᒃ ᑲ ᑕᑦ ᓴᒋᐃᐛᐅᓂᒡ, ᐱᒋᔅᑯᐛᐤ ᒋᓴᒪᓂᑐᐛ ᑭᔭ ᐱᒋᔅᑲᑯᐤ ᒋᓴᒪᓂᑐᐛ᙮

1 ᒠᓐ 4:4

ᓂᑦ ᐊᐛᓯᒥᑎᒄ, ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ᙮ ᓇᒪ ᒪᒃ ᒋ ᐅᒋ ᓴᐧᑯᒋᐃᑯᐛᐅᒡ ᐊᓐᒡ ᐊᑲ ᑯᐃᔅᒄ ᐊᓯ ᒋᔅᑯᑎᒪᒐᒡ ᒐᒋ ᑕᑈᑐᐛᑯᒡ᙮ ᐛᔅ ᐃᐛᒃ ᓱᒐᔨᑕᑯᓯᔪᐛ ᐊᓂᔭ ᑲ ᐱᒋᔅᑲᑎᔨᑕᑯ ᐃᔅᐱᔅ ᐊᓂᔭᔪᐛ ᐊᓐᒡ ᐊᔅᒋᒡ ᑲ ᐃᓯ ᐱᒪᑎᓯᒡ ᑲ ᐱᒋᔅᑲᑯᒡ᙮

ᒋᔅᒐᔨᑕᑯᑕᒐᐅᓐ 3:20

ᓂᑐᑎᒧᒄ᙮ ᓂ ᓂᐳᐅᓐ ᒋᐱᔎᒡ ᐊ ᑎᑥᐛᐃᒐᔭᓐ᙮ ᐊᓐ ᐊᐛᓐ ᒐ ᐸᑐᐅᒂ ᐱᑎᑲᐃᒐ ᒪᒃ, ᓂᑭ ᐱᒐᐛᓐ ᐊᓐᑕ ᐊ ᑕᑦ ᑭᔭ ᒐ ᐎᒋᒥᒋᓱᒥᑐᔭᒡ᙮