ᐃᐱᓯᔭᓇ 2:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒋᓴᒪᓂᑐᐤ ᓴᒐᔾ ᔅᒋ ᓱᐛᔨᒥᑯᐛᐤ ᑲ ᐱᒪᒋᐃᑕᒄ ᐊᓐ ᐊ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮

ᐃᐱᓯᔭᓇ 2:8 Iomraidhean Croise

ᒪᑎᔪᐤ 16:17

ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑯᑕ ᑲ ᐅᒋ ᒥᔨᑯᔨᓐ ᐅ ᒐᒋ ᐃᓯ ᒋᔅᒐᔨᒥᔨᓐ᙮

ᒪᑎᔪᐤ 20:9

ᐊᓐᒡ ᒪᒃ ᓇᐸᐅᒡ ᐱᑕᑕᒡ ᑲ ᐃᔅᐱᔨᒋ ᑲ ᐅᑎᓇᑭᓄᐅᒡ ᐊᐅᑯᓐᒡ ᓂᔅᑎᒻ ᑲ ᒋᓯᐧᑯᐛᑭᓄᐅᐅᒡ᙮ ᐸᐃᒄ ᓱᓇᔭᐱᔎ ᒋ ᒥᔭᑭᓄᐎᒡ᙮ ᐊᐅᑯᓐ ᒪᒃ ᑲ ᐃᔅᐱᔅ ᒋᓯᐧᑯᐛᑭᓄᐅᒡ ᒥᓯᐛ ᐊᓐᒡ ᑲ ᐅᑎᓇᑭᓄᐅᒡ ᐊᓂᔭ ᒐᓯᑲᔨᒡ, ᑭᔭ ᐊᓐᒡ ᓂᔅᑎᒻ ᑲ ᐅᑎᓇᑭᓄᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:16

ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᓯᑲᐃᑐᐛᑭᓄᒐ ᒋᑭ ᐱᒪᒋᐊᑭᓄᐤ, ᐊᑯ ᐊᓐ ᐊᐛᓐ ᒐ ᐊᑲ ᑕᑈᑎᒧᒂ ᒋᑭ ᓂᓱᐅᓇᒋᒪᑭᓄᐤ᙮

ᓗᒃ 7:50

ᒋᓴᔅ ᒪᒃ ᒋ ᐃᑕᐤ ᐊᓂᔭ ᐃᔎᐛ, “ᒋᑕᑈᑎᒧᐅᓇ ᒋ ᐱᒪᒋᐃᑯᓐ᙮ ᒪᒋ ᒪᒃ ᒋᔭᒪᔨᑎᒧᐅᓐ ᒐ ᐊᔭᔨᓐ᙮”

ᒠᓐ 3:36

ᐊᓐ ᒪᒃ ᐊᐛᓐ ᑲ ᑕᑈᔭᔨᒪᑦ ᐅᑯᓯᓯᒪᐛ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᐊᑯ ᐊᓐ ᐊᐛᓐ ᐊᑲ ᓂᓇᐃᑐᐛᑦ ᐅᑯᓯᓯᒪᐛ ᓇᒪ ᒋᑭ ᐅᒋ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐅᓂᔪᐤ ᒋᑭ ᒪᑎᑯᔅᑲᑯᐤ᙮

ᒠᓐ 4:10

ᒋ ᐃᑕᐤ ᒪᒃ ᒋᓴᔅ ᐊᓂᔭᔪᐛ ᐃᔎᐛ, “ᒋᔅᒐᔨᑎᒧᐱᓇ ᒐᒂᔪᐤ ᐊ ᐎ ᒥᔨᐛᑦ ᒋᓴᒪᓂᑐᐤ ᑭᔭ ᒋᔅᒐᔨᒥᔨᓐ ᐊᐛᓐ ᐊ ᐊᐎᔭᓐ, ᒋᔾ ᒋᐸ ᑯᒂᒋᒥᓐ ᒐᒋ ᒥᓇᐃᑕᓐ᙮ ᐊᓐ ᒪᒃ ᑲ ᐱᒪᒋᐃᐛᒥᑲᒡ ᓂᐱᔾ ᐊᐅᑯᓐ ᐊᓐ ᒋᐸ ᒥᓇᐃᑎᓐ᙮”

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᒠᓐ 6:35

ᒋᓴᔅ ᒪᒃ ᒋ ᐃᑕᐤ, “ᓂᔾ ᐊᐅᒄ ᐊᓐ ᐸᒂᓯᑭᓐ ᐊᓐᑕ ᒐᒋ ᐅᒋ ᐱᒪᑎᓯᑦ ᐊᐛᓐ᙮ ᐊᐛᓐ ᒪᒃ ᒐ ᐸᒋ ᓇᓯᒂ ᑭᔭ ᒐ ᐸᒋ ᑕᑈᔭᔨᒥᒂ, ᓇᒪ ᓂᑕ ᒥᓐ ᒋᑭ ᐅᒋ ᓯᐛᔪᐤ ᑭᔭ ᓇᒪ ᓂᑕ ᒥᓐ ᒋᑭ ᐅᒋ ᓄᑕᔭᐸᒂᐤ᙮

ᒠᓐ 6:37

ᒥᓯᐛ ᐊᓂᔭ ᐊᐛᔪᐛ ᐅᑕᐎᒪᐤ ᑲ ᐸᒋ ᒥᔨᑦ ᓂᑭ ᐸᒋ ᓇᑎᑯᒡ᙮ ᐊᓐ ᒪᒃ ᐊᐛᓐ ᒐ ᐸᒋ ᓇᓯᑦ ᓇᒪ ᓂᑕ ᓂᑭ ᐅᒋ ᐃᒐᓇᐤ᙮

ᒠᓐ 6:40

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

ᒠᓐ 6:44

ᓇᒪ ᓂᑭ ᒋ ᐸᒋ ᓇᑎᒄ ᐊᐛᓐ ᐊᑲ ᓄᑕᐎᔭ ᐃᑐᑕᑯᒐ ᒐᒋ ᐸᒋ ᓇᓯᑦ᙮ ᒪᔅᑕᔾ ᒋᓯᑲᒐ ᒥᓯᐛ ᐊᐛᓐ ᐊᒋ ᐸᒋ ᓇᓯᑦ ᓂᑭ ᐅᓂᔅᑲᓇᐤ᙮

ᒠᓐ 6:65

ᐊᑯ ᒂ ᐃᔅᒋᔄᑦ, “ᐊᐅᒄ ᒪᒃ ᐛᒋ ᐃᑎᑎᑯᒡ ᓇᒪ ᐊᐛᓐ ᓂᑭ ᒋ ᐸᒋ ᓇᑎᒄ ᐸᑐᔅ ᐅᑕᐎᒪᐛ ᒥᔨᑯᒐ ᒐᒋ ᓇᓯᑦ᙮”

ᐊᑈᔅᑕᓇᒡ 13:39

ᒥᓯᐛ ᐊᐛᓐ ᑲ ᑕᑈᔭᔨᒪᑦ ᒋᓴᓴ ᑕᑈ ᒋ ᐛᐸᔨᑎᒧᐛᑭᓄᐤ ᒥᓯᐛ ᐅᒥᒋᑥᐅᓇ, ᓇᒪ ᐎ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᑯᐃᔅᑯᓇᑯᐃᑯᐤ ᐊᐛᓐ᙮

ᐊᑈᔅᑕᓇᒡ 14:27

ᐃᔅᐱ ᒪᒃ ᑲᐤ ᒪᓯᑲᒡ ᐊᓐᒡ ᐊᑈᔅᑕᓇᒡ ᐊᓐᑕ ᐊᓐᑎᔭᑭᒡ, ᒋ ᓂᔅᑐᓇᐅᒡ ᐊᓂᔭ ᒥᓯᐛ ᐅᒪᒧᐊᔭᒥᐊᐛ ᐊ ᐛᐎᑎᒧᐛᒡ ᑕᓐ ᑲ ᐃᑐᑎᒥᔨᒋ ᒋᓴᒪᓂᑐᐛ ᐎᔨᐛᐤ ᐊᒋ ᐊᐱᒋᐃᑯᒡ᙮ ᐊᑯ ᒪᒃ ᐊᓐᒡ ᐃᔪᒡ ᒋ ᐎᑎᒪᑯᐅᒡ ᐊᓂᔭ ᐊᑈᔅᑕᓇ, ᐊᓂᔭ ᐃᔪᐛ ᐊᑲ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐎᔨᐛᐤ ᐊ ᑕᑈᔭᔨᒪᒡ ᒋᓴᓴ᙮

ᐊᑈᔅᑕᓇᒡ 15:11

ᒋ ᑕᑈᑕᓇᓄᐤ ᐊ ᐱᒪᒋᐃᑕᒄ ᐅᑎᐸᔨᒋᒐᐤ ᒋᓴᔅ ᐅᓱᐛᔨᒋᒐᐅᓂᒡ ᐅᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᐅᒡ ᐃᔪᒡ ᐊᑲ ᒍᐤ ᑲ ᐃᑎᔅᑲᓇᓯᒡ ᑲ ᐃᓯ ᑭᓄᐛᐱᒥᑯᒡ ᐃᔅᐱ ᒐ ᐱᒪᒋᐃᑯᒡ ᐅᑎᐸᔨᒋᒐᐛ᙮”

ᐊᑈᔅᑕᓇᒡ 16:14

ᐊᑯ ᐸᐃᒄ ᐃᔎᐤ ᐊᓐᑕ ᑲ ᑕᑦ ᐊ ᓂᑐᑕᑯᔭᒡ ᓕᑎᔭ ᒋ ᐃᓯᓂᐧᑲᓱᐤ, ᑕᔭᑕᐃᕋ ᐊ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᒋᔪᐤ᙮ ᐊᐅᑯᓐ ᑲ ᐃᑕᐱᑎᓯᑦ ᐊᒋ ᐊᑕᐛᑦ ᒪᓐ ᐊ ᓱᓇᔭᐎᔨᒋ ᐊᐱᒋᑕᐅᓇ᙮ ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒋ ᑕᑈᔭᔨᒪᐤ ᒋᓴᒪᓂᑐᐛ ᒧᔭᒻ ᒍᐤ ᐃᔪᒡ ᑲ ᐃᑎᒡ᙮ ᓇᔅᒡ ᒋ ᓂᑐᑎᒻ ᑕᓐ ᑲ ᐃᔅᒋᔄᔨᒋ ᑈᓚ, ᐊᑯ ᒂ ᒥᔨᑯᑦ ᐅᑎᐸᔨᒋᒐᐛ ᒐᒋ ᓂᔅᑐᑕᐧᒃ ᑭᔭ ᒐᒋ ᑕᑈᑕᐧᒃ᙮

ᐊᑈᔅᑕᓇᒡ 16:31

ᐊᑯ ᑈᓪ ᒂ ᐃᑕᑦ ᐅᔭ ᓇᐸᐛ, “ᑕᑈᔭᔨᒻ ᐅᑎᐸᔨᒋᒐᐤ ᒋᓴᔅ, ᑭᔭ ᒐ ᐱᒪᒋᐅᔨᓐ ᑭᔭ ᒥᓯᐛ ᐊᓐᒡ ᐊᓐᑕ ᐊ ᐸᐃᑯᑕᐅᓯᔨᓐ ᐊ ᑕᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:14

ᑕᓐᑕ ᒪᒃ ᒐᒋ ᐅᒋ ᑕᑈᑕᒡ ᐊᑲ ᐅᒋ ᑕᑈᔭᔨᒪᒡ᙮ ᑕᓐᑕ ᒐᒋ ᐅᒋ ᑕᑈᔭᔨᒪᒡ ᐊᑲ ᐅᒋ ᐸᑕᒡ ᒐᒋ ᐊᔨᒧᒪᑭᓄᔨᒋ ᐊᓐᑕ ᐊ ᑕᒡ᙮ ᑕᓐᑕ ᒐᒋ ᐅᒋ ᐊᔨᒧᑎᒧᐛᑭᓄᐎᒡ ᐊᑲ ᐃᑎᓴᐊᒧᐛᑭᓄᑥᐛ ᐊᐛᔪᐛ ᒐᒋ ᐊᔨᒧᑎᒪᑯᒡ ᐊᐛᔪᐛ ᐅᔭ ᐅᑎᐸᔨᒋᒐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:17

ᐊ ᐸᑕᒡ ᐊᐛᓐᒋ ᙭ᑕ ᐊ ᐊᔨᒧᒪᑭᓄᔨᒋ ᐊᑯᑕ ᐛᒋ ᑕᑈᑕᒡ᙮ ᐊ ᑭᒐᔅᒋᒧᓇᓄᐅᒡ ᒪᒃ ᐊᑯᑕ ᐊ ᐊᔨᒧᒪᑭᓄᐅᑦ ᙭᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:16

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑕᑈᑎᒧᐅᓂᒡ ᒥᒄ ᒐᒋ ᐅᒋ ᐊᔭᑭᓄᐎᒡ ᐊᓂᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑎᒪᒐᑦ᙮ ᐊᑯ ᒪᒃ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊᑯᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᐊᓐᒡ ᑲ ᐃᓯ ᐊᓂᔅᒐ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᑲ ᐃᓯ ᑕᑈᔭᔨᒪᔨᒋ ᐊᑉᕋᐊᒪ ᑭᔭ ᐎᔨᐛᐤ ᒐᒋ ᐊᔭᒡ ᐊᓂᔭᔪᐛ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᒐᔨᒋ᙮ ᓇᒪ ᒪᒃ ᒥᒄ ᐊᓐᒡ ᑲ ᒥᔭᑭᓄᐎᒡ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᐊᔭᐅᒡ ᐅᔭ᙮ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑉᕋᐊᒪ ᑲ ᐃᓯ ᑕᑈᔭᔨᒪᔨᒋ ᐊᐅᑯᓐᒡ ᑭᔭ ᐎᔨᐛᐤ ᒐ ᐊᔭᒡ ᐅᔭ᙮ ᐛᔅ ᒥᓯᐛ ᐊ ᑎᓯᔭᐧᒄ ᐊᑉᕋᐊᒻ ᒍᑕᐎᑐᐛᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:5

ᒪᒥᑐᓇᔨᒪᑕᐤ ᒪ ᐊᐛᓐ ᑲ ᒥᒐᑎᓯᑦ᙮ ᐊᓂᔭ ᐊ ᒥᔪᑐᑕᐧᒃ ᐊᑯᑕ ᐛᒋ ᑯᐃᔅᑯᑕᑎᓯᑦ᙮ ᐛᔅ ᐊ ᑕᑈᔭᔨᒪᑦ ᒋᓴᒪᓂᑐᐛ ᐊᑯᑕ ᒥᒄ ᒐᒋ ᐅᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:16

ᒋᓴᒪᓂᑐᐤ ᒋᔅᑎᒪᒐᔨᒪᐤ ᑕᓐ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ᙮ ᓇᒪᔭᔪᐤ ᐎ ᐊᓂᔭ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐅᔭ ᒪᒃ ᐊ ᐃᓯ ᒥᔪᑐᑎᒥᔨᒋ ᐛᒋ ᒋᔅᑎᒪᒐᔨᒪᑦ᙮

ᑲᓚᓯᔭᓇ 3:14

᙭ ᒋ ᐱᔅᑎᓂᓱᐤ ᐅᔭ ᒐᒋ ᐃᑐᑐᐛᑭᓄᐅᑦ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐᒋ ᒥᔅᑲᒡ ᐊᓂᔭ ᓱᐛᔨᒋᒐᐅᓂᔪᐤ ᐊᑉᕋᐊᒪ ᑲ ᐃᑕᑭᓄᔨᒋ ᒐᔅᑎᓇᔅ ᒐ ᒥᔭᑭᓄᔨᒋ᙮ ᐊᐅᒄ ᑲ ᐃᔅᐱᔨᒡ ᒐᒋ ᐊᔭᐛᐧᒄ ᐸᔭᒋ ᐊᒐᐧᒄ ᑕᑈᑎᒪᒂ᙮

ᑲᓚᓯᔭᓇ 3:22

ᓇᒪ ᒪᒃ ᑎᑯᓐ ᐎᓱᐛᐅᓐ ᐊᓐ ᐊ ᐃᑕᔨᑕᒂᒡ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒥᓯᐛ ᐊᐛᓐ ᐅᑕ ᐊᔅᒋᒡ ᑲ ᐱᒪᑎᓯᑦ ᓇᔅᒡ ᑎᐸᔨᒥᑯᐤ ᒥᒐᑎᓯᐅᓂᔪᐤ᙮ ᐊᑯ ᒪᒃ ᒋᓴᔅ ᙭ ᐅᒋ ᐊᑯᑕ ᒐ ᐅᒋ ᒥᔨᐛᑦ ᒋᓴᒪᓂᑐᐤ ᑕᓐ ᐊᓂᔭᔪᐛ ᒐᔅᑎᓇᔅ ᑲ ᐃᔅᒋᔄᑦ ᒐ ᒥᔨᐛᑦ᙮ ᒥᓯᐛ ᒪᒃ ᐊᓐᒡ ᒐ ᑕᑈᔭᔨᒪᒡ ᒋᓴᓴ ᐊᐅᑯᓐᒡ ᒐ ᒥᔨᑯᒡ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐ ᒥᔨᐛᔨᒋ᙮

ᐃᐱᓯᔭᓇ 1:19

ᓂᑐᑎᒧᐛᐤ ᑭᔭ ᒐᒋ ᓂᔅᑐᑎᒪᒄ ᐊᔅᐱᔅ ᓱᒐᔨᑕᑯᓂᔨᒡ ᐊᓂᔭ ᐅᒥᔅᑯᓯᐅᓐ ᒋᓴᒪᓂᑐᐤ ᑲ ᐊᑐᔅᒐᒥᑭᓂᔨᒡ ᐱᒡ ᐊ ᐃᑕᐛᐧᒄ, ᒋᔭᓄᐤ ᑲ ᑕᑈᑎᒪᐧᒄ᙮

ᐃᐱᓯᔭᓇ 2:10

ᐛᔅ ᐎᔾ ᒋᓴᒪᓂᑐᐤ ᔅᒋ ᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᐊᓂᔭ ᐅᒋ ᑕᓐ ᑲ ᐃᑐᑎᒥᔨᒋ ᙭ ᒋᓴᓴ᙮ ᙭ᑕ ᒪᒃ ᐊ ᐎᒐᐅᒪᐧᑯ, ᒋᓴᒪᓂᑐᐤ ᔅᒋ ᐃᑕᔨᑕᑯᐃᑯᓄᐤ ᒐᒋ ᒪᒥᔪᑐᑎᒪᐧᑯ ᐊᐛᔪᐛ, ᐛᔅ ᐊᔪᐅᒄ ᐅᔭ ᓴᔅ ᐊᓐᑕ ᐛᔅᑭᒡ ᓂᑲᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᐛᐧᒄ᙮

ᐃᐱᓯᔭᓇ 2:5

ᐊᑎ ᐊᔅᒄ ᒪᒂᒡ ᐊ ᓂᐱᔭᐧᒄ ᐊᒋ ᐃᓯᓇᑯᓯᔭᐧᒄ ᐊᑲ ᐅᒋ ᓂᓇᐃᑐᐛᐧᒄ, ᔅᒋ ᑐᑕᑯᓄᐤ ᒐᒋ ᐎᒋ ᐱᒪᑎᓯᒪᐧᑯ ᙭ᑕ᙮ ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ ᐊᒋ ᐎ ᓱᐛᔨᒥᑕᒄ ᐊᑎ ᐊᑲ ᐅᒋ ᒋᔅᑕᔨᑕᑯᓯᔭᒄ᙮

ᐱᓕᐱᔭᓇ 1:29

ᒋᓴᒪᓂᑐᐤ ᒪᒃ ᔅᒋ ᐎᔭᔨᒧᑯᐛᐤ ᓇᒪᔭᐤ ᒥᒄ ᒐᒋ ᑕᑈᔭᔨᒪᒄ ᙭, ᔅᒋ ᐎᔭᔨᒥᑯᐛᐤ ᑭᔭ ᒐᒋ ᓂᓇᐧᑲᒋᐃᑯᐅᔭᒄ ᙭ ᐅᒡ᙮

ᑯᓚᓯᔭᓇ 2:12

ᑭᔭ ᑲ ᓯᑲᐃᑕᑯᐅᔭᒄ ᒧᔭᒻ ᐊᒋ ᐊᓯᒡ ᓇᐃᐧᑲᑯᐅᔭᒄ ᙭ ᑲ ᓇᐃᐧᑯᐛᑭᓄᐅᑦ ᐃᓯᓇᑯᓐ᙮ ᐊᑯ ᒪᒃ ᐊᓐ ᐊ ᑕᑈᑎᒪᒄ ᒋᓴᒪᓂᑐᐤ ᐅᒥᔅᑯᓯᐅᓐ ᒧᔭᒻ ᑭᔭ ᒋᔨᐛᐤ ᐊᒋ ᐅᓂᔅᑲᓂᑯᐅᔭᒄ ᑲ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐃᓯᓇᑯᓐ᙮ ᐊᐅᒄ ᐊᓂᔭ ᒥᔅᑯᓯᐅᓂᔪᐤ ᒋᓴᒪᓂᑐᐤ ᑲ ᐊᐱᒋᑕᑦ ᑲ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮

2 ᑕᓴᓗᓂᔭᓇ 1:9

ᒋᑭ ᐛᐛᓯᐊᑭᓄᐅᒡ ᑲᒋᒡ ᒐᒋ ᓂᓱᐅᓇᑎᓯᒡ᙮ ᒋᑭ ᐃᒐᓇᑭᓄᐎᒡ ᐅᑎᐸᔨᒋᒐᐛ ᐊ ᑕᔨᒋ ᐅᒋ ᑭᔭ ᓇᒪ ᓂᑕ ᒋᑭ ᐅᒋ ᐛᐸᑎᒧᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᒥᔅᑯᓯᐅᓂᔪᐤ᙮

ᐃᑉᕈᐛ 6:4

ᑕᐅᒡ ᐊᐛᓐᒋ ᐊ ᓂᔅᑐᑕᒡ ᑕᓐ ᑲ ᐃᓯ ᒋᔅᑯᑎᒧᐛᑭᓄᐎᒡ ᒋᓴᓴ ᐊ ᐊᔨᒧᒪᑭᓄᔨᒋ᙮ ᒋ ᒥᔨᑯᐅᒡ ᒋᓴᒪᓂᑐᐛ ᐊᓂᔭᔪᐛ ᒪᐅᒡ ᑲ ᒋᔅᑕᔨᑕᑯᓂᔨᒋ ᒥᔨᐛᐅᓇ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐅᒡ᙮ ᐃᔭᐱᒡ ᒪᒃ ᒋᒋᐛ ᒋ ᐊᑎ ᒋᐛᑲᐳᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᒪᒃ ᒋᑭ ᒋ ᐎᒋᐊᑭᓄᐎᒡ ᐅᒡ ᒥᓐ ᒐᒋ ᒂᔅᑲᑎᓯᒡ᙮

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮