ᐃᐱᓯᔭᓇ 2:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑎ ᐊᔅᒄ ᒪᒂᒡ ᐊ ᓂᐱᔭᐧᒄ ᐊᒋ ᐃᓯᓇᑯᓯᔭᐧᒄ ᐊᑲ ᐅᒋ ᓂᓇᐃᑐᐛᐧᒄ, ᔅᒋ ᑐᑕᑯᓄᐤ ᒐᒋ ᐎᒋ ᐱᒪᑎᓯᒪᐧᑯ ᙭ᑕ᙮ ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ ᐊᒋ ᐎ ᓱᐛᔨᒥᑕᒄ ᐊᑎ ᐊᑲ ᐅᒋ ᒋᔅᑕᔨᑕᑯᓯᔭᒄ᙮

ᐃᐱᓯᔭᓇ 2:5 Iomraidhean Croise

ᓗᒃ 15:24

ᐛᔅ ᐅ ᓂᑯᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᐊᑯ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᒄ ᐊ ᐃᓯᓇᑯᓯᑦ, ᒧᔭᒻ ᐊᒋ ᐅᓂᓯᓂᑦ ᑭᔭ ᒥᓐ ᐊ ᒥᔅᑯᐛᑭᓄᐅᑦ᙮’ ᑭᔭ ᒂ ᒧᒋᒐᔨᑕᒡ᙮

ᒠᓐ 5:21

ᐅᑕᐎᒪᐤ ᐅᓂᔅᑲᓇᐤ ᐊᐛᔪᐛ ᓂᐳᐅᓂᒡ ᐅᒡ ᑭᔭ ᒪᔭᑦ ᐱᒪᑎᓯᐅᓂᔪᐤ, ᐊᐅᑯᓐ ᑭᔭ ᐊᓐ ᐊ ᐃᑎᑦ ᐅᑯᓯᓯᒪᐤ, ᒥᔭᐤ ᐊᐛᔪᐛ ᐱᒪᑎᓯᐅᓂᔪᐤ ᐊᓂᔭ ᐛ ᒥᔭᑦ᙮

ᒠᓐ 6:63

ᒥᒄ ᑲ ᐸᔭᒋᓯᑦ ᐊᒐᐧᒄ ᒥᔨᐛᐤ ᑲᒋᒡ ᐱᒪᑎᓯᐅᓂᔪᐤ, ᓇᒪ ᐎ ᓇᐸᐤ ᒋᑭ ᒋ ᐃᑐᑎᒻ ᐅᔭ᙮ ᔅᒋ ᐎᑎᒪᑎᓇᐛᐤ ᒪᒃ ᑕᓐᑕ ᒐᒋ ᐅᒋ ᐊᔭᔭᒄ ᐅ ᐊᒐᐧᒄ ᐱᒪᑎᓯᐅᓐ᙮

ᐊᑈᔅᑕᓇᒡ 15:11

ᒋ ᑕᑈᑕᓇᓄᐤ ᐊ ᐱᒪᒋᐃᑕᒄ ᐅᑎᐸᔨᒋᒐᐤ ᒋᓴᔅ ᐅᓱᐛᔨᒋᒐᐅᓂᒡ ᐅᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᐅᒡ ᐃᔪᒡ ᐊᑲ ᒍᐤ ᑲ ᐃᑎᔅᑲᓇᓯᒡ ᑲ ᐃᓯ ᑭᓄᐛᐱᒥᑯᒡ ᐃᔅᐱ ᒐ ᐱᒪᒋᐃᑯᒡ ᐅᑎᐸᔨᒋᒐᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:20

ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ᒥᔨᑕᒄ ᒋᔭᒪᔨᑎᒧᐅᓂᔪᐤ ᓴᔅ ᐎᐱᒡ ᓇᔅᒡ ᒋᑭ ᐱᑯᔅᑯᐛᐤ ᒥᒋᒥᓂᑐᐛ ᑭᔭ ᒋᑭ ᐃᑐᑕᑯᐛᐤ ᒐᒋ ᓴᐧᑯᒋᐃᒪᑯᐤ᙮ ᓂ ᓂᑐᑎᒪᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒧᔅ ᒐᒋ ᒥᔪᑐᑎᒪᑕᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:24

ᐊᓂᔭ ᓴᒐᔾ ᐊ ᐃᓯ ᒥᔭᑦ ᐊ ᒋᓴᐛᑐᑐᐛᑦ ᐊᐛᔪᐛ ᒋᓴᒪᓂᑐᐤ ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒪᐤ ᐊᓂᔭ ᑲ ᑕᑈᔭᔨᒪᔨᒋ ᙭ ᒋᓴᓴ᙮ ᙭ ᒋᓴᔅ ᒋ ᐃᒐᓂᒧᐛᐤ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒥᑯᑦ ᑕᓐ ᑲ ᐃᓯ ᐃᑕᔨᑕᑯᓂᔨᒡ ᒐᒋ ᑎᐸᔅᑯᓂᑯᔨᒋ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:16

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑕᑈᑎᒧᐅᓂᒡ ᒥᒄ ᒐᒋ ᐅᒋ ᐊᔭᑭᓄᐎᒡ ᐊᓂᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑎᒪᒐᑦ᙮ ᐊᑯ ᒪᒃ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊᑯᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᐊᓐᒡ ᑲ ᐃᓯ ᐊᓂᔅᒐ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᑲ ᐃᓯ ᑕᑈᔭᔨᒪᔨᒋ ᐊᑉᕋᐊᒪ ᑭᔭ ᐎᔨᐛᐤ ᒐᒋ ᐊᔭᒡ ᐊᓂᔭᔪᐛ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᒐᔨᒋ᙮ ᓇᒪ ᒪᒃ ᒥᒄ ᐊᓐᒡ ᑲ ᒥᔭᑭᓄᐎᒡ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᐊᔭᐅᒡ ᐅᔭ᙮ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑉᕋᐊᒪ ᑲ ᐃᓯ ᑕᑈᔭᔨᒪᔨᒋ ᐊᐅᑯᓐᒡ ᑭᔭ ᐎᔨᐛᐤ ᒐ ᐊᔭᒡ ᐅᔭ᙮ ᐛᔅ ᒥᓯᐛ ᐊ ᑎᓯᔭᐧᒄ ᐊᑉᕋᐊᒻ ᒍᑕᐎᑐᐛᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:10

ᐊᔅᒄ ᒪᒃ ᒪᒂᒡ ᐊᑲ ᓇᔅᒡ ᐅᒋ ᐊᐱᑕᔨᒪᐧᒄ ᒋᓴᒪᓂᑐᐤ ᐃᔭᐱᒡ ᒋ ᐅᑎᓂᒻ ᑕᓐᑕ ᒐᒋ ᐅᒋ ᐃᓯᓇᑯᓂᔨᒡ ᒐᒋ ᐊᑎ ᒥᔪ ᐎᒐᐛᐧᒄ᙮ ᑲ ᓂᐱᔅᑎᒪᑎᔨᑕᐧᑯ ᙭ᑕ ᐊᑯᑕ ᑲ ᐅᒋ ᓇᐃᐱᔨᑕᑦ ᐅᔭ ᒐᒋ ᐃᓯᓇᑯᓂᔨᒡ᙮ ᐊᑯ ᒪᒃ ᐊᓄᒡ ᐊ ᒥᔪᐎᒐᐛᐧᒄ ᒋᓴᒪᓂᑐᐤ ᒐᔅᑎᓇᑕᔨᑕᑯᓐ ᒐ ᐱᒪᒋᐃᑕᐧᒄ ᒋᓴᔅ ᐅᐱᒪᑎᓯᐅᓂᒡ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:6

ᐛᔅ ᐊᓐᑕ ᒪᒂᒡ ᑲ ᐃᓯᓇᑯᓯᔭᐧᒄ ᐊᑲ ᓇᔅᒡ ᒐᒋ ᐱᒪᒋᐃᓱᔭᐧᒄ, ᙭ ᒋ ᓂᐱᔅᑎᒧᐛᐤ ᒋᐱᔭᑎᑯᒡ ᐅᒥᒋᑥᐛ᙮ ᐊᓐᑕ ᒪᒃ ᒋᓴᒪᓂᑐᐛ ᑲ ᐎᔭᔨᑎᒥᔨᒋ ᐅᔭ ᒐᒋ ᐃᑐᑎᒪᑕᐧᒄ ᐊᑯᑕ ᑲ ᓂᐱᔅᑎᒪᑕᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:8

ᒋᓴᒪᓂᑐᐤ ᒪᒃ ᐎᔾ ᓇᔅᒡ ᔅᒋ ᐛᐸᑎᔨᑯᓄᐤ ᑕᓐ ᐊᔅᐱᔅ ᓴᒋᐃᑕᐧᒄ, ᒋ ᐱᔅᑎᓇᐤ ᙭ᑕ ᒐᒋ ᓂᐱᔅᑎᒪᑎᔨᑕᐧᑯ ᐊᔅᒄ ᒪᒂᒡ ᒥᒋᑥᐅᓂᒡ ᐊᒋ ᐃᑕᐛᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:2

ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮

2 ᑯᕆᓐᑎᔭᓇ 13:14

ᐅᒥᔪᐧᑲᒐᐅᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᑭᔭ ᐅᓴᒋᐃᐛᐅᓐ ᒋᓴᒪᓂᑐᐤ, ᑭᔭ ᐅᐎᒋᐃᐛᐅᓐ ᑲ ᐸᔭᒋᓯᑦ ᐊᒐᐧᒄ, ᒧᔅ ᑲᒋᒡ ᒋᑭ ᑎᑯᓂᔪᐤ ᒥᓯᐛ ᐊ ᑕᐛᒄ᙮ ᐊᒥᓐ᙮

ᐃᐱᓯᔭᓇ 2:1

ᒋᔨᐛᐤ ᒪᒃ ᐊ ᓂᐱᔭᒄ ᔅᒋ ᐃᓯᓇᑯᓯᓇᐛᐤ ᐊᔅᒄ ᐊᑲ ᐅᒋ ᐱᒪᒋᐃᑕᒄ ᒋᓴᒪᓂᑐᐤ᙮ ᔅᒋ ᒥᒐᑎᓯᓇᐛᐤ ᑭᔭ ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ᙮

ᐃᐱᓯᔭᓇ 2:8

ᒋᓴᒪᓂᑐᐤ ᓴᒐᔾ ᔅᒋ ᓱᐛᔨᒥᑯᐛᐤ ᑲ ᐱᒪᒋᐃᑕᒄ ᐊᓐ ᐊ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᑯᓚᓯᔭᓇ 2:13

ᒋᒥᒋᑥᐅᓄᐛᐛ ᔅᒋ ᐃᑐᑕᑯᓇᐛᐤ ᒧᔭᒻ ᐊ ᓂᐱᔭᒄ ᒐᒋ ᐃᓯᓇᑯᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ, ᑭᔭ ᐊᔅᒄ ᓇᒪ ᒋ ᐅᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑐᑕᑕᒄ ᑕᓐ ᑲ ᐃᑐᑎᒪᑕᒄ ᙭ ᐅᒡ᙮ ᐊᓄᒡ ᒪᒃ ᔅᒋ ᒥᔨᑯᐛᐤ ᒋᓴᒪᓂᑐᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᒧᔭᒻ ᑲ ᐃᓯ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᓴᒪᓂᑐᐤ ᒋᒥᒋᑥᐅᓄᐛ᙮

ᑕᐃᑕᔅ 2:11

ᐛᔅ ᒋᓴᒪᓂᑐᐤ ᒋ ᐛᐸᑎᔨᐛᐤ ᐅᒋᓴᐛᑎᓯᐅᓐ ᒐᒋ ᐅᒋ ᐱᒪᒋᐅᑦ ᒥᓯᐛ ᐊᐛᓐ᙮

ᑕᐃᑕᔅ 3:5

ᔅᒋ ᐱᒪᒋᐃᑯᓄᐤ᙮ ᓇᒪ ᐎ ᑕᓐ ᑲ ᐃᓯ ᒋᒥᔪᑐᑎᒪᐧᒄ ᒋ ᐅᒋ ᐱᒪᒋᐃᑯᓄᐤ ᒥᒄ ᐊᓂᔭ ᒋᓴᒪᓂᑐᐤ ᐊᒋ ᒋᔅᑎᒪᒐᔨᒥᑕᐧᒄ ᐊᑯᑕ ᑲ ᐅᒋ ᐱᒪᒋᐃᑕᐧᒄ᙮ ᑲ ᐸᔭᒋᓯᑦ ᐊᒐᐧᒄ ᔅᒋ ᐸᔭᒋᐃᑯᓄᐤ ᑭᔭ ᒥᓐ ᔅᒋ ᐅᔅᒋᐃᑯᓄᐤ᙮

ᒋᔅᒐᔨᑕᑯᑕᒐᐅᓐ 22:21

ᒋᑭ ᐎ ᑭᓄᐛᔨᑕᓇᐛᐤ ᐅᑎᐸᔨᒋᒐᐤ ᒋᓴᔅ ᒥᓯᐛ ᑕᓐ ᐊ ᐃᓯ ᓱᐛᔨᒋᒐᑦ, ᒋᔨᐛᐤ ᑲ ᑕᑈᑎᒪᒄ᙮ ᐊᒥᓐ᙮