ᐃᐱᓯᔭᓇ 1:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐃᑕᔨᑕᑯᓂᔪᐤ ᒪᒃ ᒐᒋ ᒪᒥᒋᒪᑭᓄᐅᑦ ᐊ ᒋᔅᑕᔨᑕᑯᓂᔨᒡ ᑕᓐ ᐊᔅᐱᔅ ᓱᐛᔨᒥᑕᐧᒄ᙮ ᒪᒥᒋᒪᑕᐤ ᓴᒐᔾ ᐊᒋ ᒥᔨᑕᐧᒄ ᐅᑯᓴ ᓇᔅᒡ ᑲ ᓴᒋᐊᑦ᙮

ᐃᐱᓯᔭᓇ 1:6 Iomraidhean Croise

ᑎᐱᑦ ᐅᓂᑭᒧᐅᓇ 22:20

ᐱᒪᒋ ᓂᑦ ᐊᒐᐧᒄ ᓂᑐᐱᔪᐅ-ᒧᐧᑯᒪᓂᔪᐤ ᐅᒋ: ᓂᓴᒋᐊᑭᓐ ᐅᑭᔅᒋᐅᓂᔨᒡ ᐊᑎᒺ ᐅᒋ᙮

ᑎᐱᑦ ᐅᓂᑭᒧᐅᓇ 60:5

ᒋᓴᒋᐊᑭᓐ ᒐᒋ ᐱᒪᒋᐊᑭᓄᐅᑦ; ᐱᒪᒋᐃ ᒋᒥᔪᐅᓂᒡ ᐅᒡ, ᓂᑐᑐᐎ ᒪᒃ᙮

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᒪᑎᔪᐤ 20:9

ᐊᓐᒡ ᒪᒃ ᓇᐸᐅᒡ ᐱᑕᑕᒡ ᑲ ᐃᔅᐱᔨᒋ ᑲ ᐅᑎᓇᑭᓄᐅᒡ ᐊᐅᑯᓐᒡ ᓂᔅᑎᒻ ᑲ ᒋᓯᐧᑯᐛᑭᓄᐅᐅᒡ᙮ ᐸᐃᒄ ᓱᓇᔭᐱᔎ ᒋ ᒥᔭᑭᓄᐎᒡ᙮ ᐊᐅᑯᓐ ᒪᒃ ᑲ ᐃᔅᐱᔅ ᒋᓯᐧᑯᐛᑭᓄᐅᒡ ᒥᓯᐛ ᐊᓐᒡ ᑲ ᐅᑎᓇᑭᓄᐅᒡ ᐊᓂᔭ ᒐᓯᑲᔨᒡ, ᑭᔭ ᐊᓐᒡ ᓂᔅᑎᒻ ᑲ ᐅᑎᓇᑭᓄᐅᒡ᙮

ᒪᑎᔪᐤ 3:17

ᐊᑯ ᒂ ᐸᑐᐛᒡ ᐊᐛᔪᐛ ᐊᓐᑕ ᒋᒋᒋᓯᑯᒡ ᐅᒡ ᐊ ᐃᔅᒋᔄᔨᒋ, “ᐊᐅᑯᐤ ᓂᑯᔅ ᑲ ᓴᒋᐃᒃ ᑭᔭ ᓇᔅᒡ ᑕᑈ ᑲ ᓂᓇᐊᔨᑎᒥᐃᑦ᙮”

ᓗᒃ 2:14

“ᒋᔅᑕᔨᒪᐧᒄ ᒋᓴᒪᓂᑐᐤ ᒪᐅᒡ ᐃᔅᐱᒥᒡ ᐊ ᑕᑦ᙮ ᒋᑭ ᒥᔭᑭᓄᐎᒡ ᒋᔭᒪᔨᑎᒧᐅᓂᔪᐤ ᐊᓐᒡ ᑲ ᓂᓇᐊᔨᑎᒥᐊᒡ ᒋᓴᒪᓂᑐᐛ ᐅᑕ ᐊᔅᒋᒡ᙮”

ᒠᓐ 10:17

“ᐊᐅᒄ ᐅᔭ ᐛᒋ ᓇᔅᒡ ᓴᒋᐃᑦ ᐅᑕᐎᒪᐤ ᓇᔅᒡ ᐊ ᐱᔅᑎᓂᓱᐅᒡ ᒐᒋ ᓂᐸᐃᑯᐅᒡ ᒐᒋ ᐅᒋ ᒥᓐ ᐱᒪᑎᓯᐅᒡ᙮

ᒠᓐ 3:35

ᐅᑕᐎᒪᐤ ᓴᒋᐊᐤ ᐅᑯᓯᓯᒪᐛ᙮ ᒋ ᒥᔭᐤ ᒥᓯᐛ ᒐᒂᔪᐤ ᒐᒋ ᐎᓱᑎᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:1

ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮

2 ᑯᕆᓐᑎᔭᓇ 4:15

ᒋᔨᐛᐤ ᒪᒃ ᐊᐅᒄ ᐛᒋ ᐃᑐᑎᒪᒡ ᐅ᙮ ᐛᔅ ᐊᔭᔅᒃ ᐊ ᒋᔅᒐᔨᑎᒥᐊᑭᓄᐎᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᐊᑯ ᐊᔭᔅᒃ ᒐ ᑎᑯᓂᔨᒡ ᐊ ᓂᓇᔅᑯᒪᑭᓄᐅᑦ ᒋᓴᒪᓂᑐᐤ ᑭᔭ ᐊ ᒋᔅᑕᒋᒪᑭᓄᐅᑦ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᐃᐱᓯᔭᓇ 1:12

ᒋᔭᓄᐤ ᒪᒃ ᓂᔅᑎᒻ ᑲ ᐊᔅᐸᔨᒧᑐᑐᐛᐧᒄ ᙭, ᒪᒥᒋᒪᑕᐤ ᒋᓴᒪᓂᑐᐤ ᐊ ᒋᔅᑕᔨᑕᑯᓯᑦ᙮

ᐃᐱᓯᔭᓇ 1:14

ᐅ ᒪᒃ ᑲ ᐸᔭᒋᓯᑦ ᐊᒐᐧᒄ ᐊᒋ ᒥᔨᑯᐅᔭᐧᒄ ᐊᑯᑕ ᐛᒋ ᒐᔅᑎᓇᐅᔭᐧᒄ ᒋᓴᒪᓂᑐᐤ ᑕᑈ ᒐ ᒥᔭᑦ ᐅᑦ ᐃᔨᒪ ᐊᓂᔭ ᑕᓐ ᑲ ᐃᑕᑦ ᒐ ᒥᔭᑦ᙮ ᒋ ᒐᔅᑎᓇᐅᓇᓄᐤ ᓇᔅᒡ ᒐ ᐊᐱᐧᑯᓇᑦ ᒋᓴᒪᓂᑐᐤ ᒥᓯᐛ ᐊᓂᔭ ᑲ ᐅᑦ ᐃᔨᒥᑦ᙮ ᐊᔪᐅᒄ ᐅᔭ ᒐ ᐃᓯ ᐃᑐᑎᒧᐛᑦ ᒐᒋ ᐅᒋ ᒪᒥᒋᒪᑭᓄᐅᑦ ᐊ ᒋᔅᑕᔨᑕᑯᓯᑦ᙮

ᐃᐱᓯᔭᓇ 1:18

ᓂ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ᒋᔅᑕᔨᑕᑯᓂᔨᒋ ᒥᔪ ᒥᔨᐛᐅᓇ ᑕᓐ ᐊ ᐃᓯ ᐊᔭᔅᑯᔅᑎᒧᐛᑦ ᑲ ᑕᑈᑎᒥᔨᒋ ᒐ ᒥᔭᑦ᙮

ᐃᐱᓯᔭᓇ 2:7

ᐊᓐᑕ ᓂᑲᓐ ᒐᒋ ᓄᑯᑕᑦ ᐊᔅᐱᔅ ᓇᔅᒡ ᒥᓴᔨᒡ ᐅᓱᐛᔨᒋᒐᐅᓐ ᐊ ᒥᔪᑐᑎᒪᑕᐧᒄ ᙭ ᒋᓴᓴ ᐅᒋ᙮

ᐱᓕᐱᔭᓇ 1:11

ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮

ᐱᓕᐱᔭᓇ 3:9

ᑭᔭ ᑕᑈ ᐎᔾ ᐊ ᑕᑦ ᒐᒋ ᐃᓯ ᑎᐸᔨᑕᑯᓯᔭᓐ᙮ ᓇᒪ ᐊᔅᒄ ᓂᑦ ᐃᑕᔨᑕᓐ ᐊ ᑯᐃᔅᑯᑕᑎᓯᔭᓐ ᒥᒄ ᐊᓐ ᐊ ᓂᓇᐃᑎᒪᓐ ᐎᓱᐛᐅᓐ᙮ ᐛᔅ ᐊ ᑕᑈᔭᔨᒥᒃ ᙭ ᐊᐅᑯᓐ ᐊᓐ ᐊ ᑯᐃᔅᑯᑕᑎᓯᐃᑯᔭᓐ᙮ ᐊᐅᑯᐤ ᑯᐃᔅᑯᑕᑎᓯᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᒥᒄ ᑕᑈᑎᒧᐅᓂᒡ ᐅᒋ ᐊᔭᐤ ᐊᐛᓐ ᐅᔭ ᑯᐃᔅᑯᑕᑎᓯᐅᓂᔪᐤ᙮

ᐱᓕᐱᔭᓇ 4:19

ᐊᑯ ᒪᒃ ᒋᓴᒪᓂᑐᐤ ᒋᑭ ᐅᑎᓇᒪᑯᐛᐤ ᒥᓯᐛ ᒐᒂᔪᐤ ᐊ ᐃᓯ ᓄᑕᐱᔪᐛᒄ᙮ ᒥᓯᐛ ᒋᑭ ᒥᔨᑯᐛᐤ ᐊ ᐃᓯ ᓄᑕᐱᔪᐛᒄ ᑕᓐ ᐊ ᐃᓯ ᓇᔅᒡ ᐛᔪᐅᒡ ᒥᔪᑐᑎᒪᒐᑦ ᙭ ᒋᓴᓴ ᐅᒡ᙮

ᑯᓚᓯᔭᓇ 1:13

ᔅᒋ ᐎᐧᑯᒋᐃᑯᓄᐤ ᑕᓐ ᐊᓂᔭᔪᐛ ᑲ ᐃᓯ ᑎᐸᔨᒥᑯᐛᐧᒄ ᐅᓂᑎᐱᔅᒋᓯᐅᓂᔪᐤ ᒥᔅᑯᒡ ᐊᓂᔭ ᓇᔅᒡ ᑲ ᓴᒋᐊᑦ ᐅᑯᓯᓴ ᐅᒋᒪᐅᓂᔪᐤ ᐊᑯ ᒐᒋ ᑎᐸᔨᒥᑯᐛᐧᒄ᙮

1 ᐱᑕᕐ 2:5

ᒧᔭᒻ ᐊ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ᐱᒪᑎᓯᒡ ᐊ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ᑕᑦ, ᒋᑭ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮

1 ᐱᑕᕐ 4:11

ᐊᐛᓐ ᐊᒋ ᒥᔨᑯᑦ ᒋᓴᒪᓂᑐᐛ ᒐᒋ ᐃᔨᒪᐊᑦ, ᒋᐸ ᐃᔨᒧᐤ ᑕᓐ ᐊᓂᔭᔪᐛ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᓯ ᐃᔨᒥᑦ᙮ ᐊᓐ ᐊᐛᓐ ᑲ ᒥᔭᑭᓄᐅᑦ ᑭᔅᒋᐅᓂᔪᐤ ᒐᒋ ᐎᒋᐊᑦ ᑯᑎᑲ ᐊᐛᔪᐛ, ᑭᑈ ᒋᐸ ᐎᒋᐊᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᑯ ᒪᒃ ᐎᔾ ᒋᓴᒪᓂᑐᐤ ᒐ ᒋᔅᑕᔨᑕᑯᐊᑭᓄᐅᑦ ᒥᓯᐛ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ ᐊᓐᑕ ᒋᓴᔅ ᙭ᑕ ᐊ ᑕᔨᒋ ᐃᔅ, ᐎᔾ ᒋᓴᒪᓂᑐᐤ ᒐ ᐊᑲ ᓂᑕ ᐃᔎᐱᔨᒡ ᐅᒋᔅᑕᔨᑕᑯᓱᐅᓐ ᑭᔭ ᐅᒥᔅᑯᓯᐅᓐ᙮ ᐊᒥᓐ᙮