ᐃᐱᓯᔭᓇ 1:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᑎᐸᐱᔨᒡ ᐊᓂᔭ ᑲ ᐎ ᐃᑐᑕᐧᒃ ᒋᓴᒪᓂᑐᐤ ᒋᑭ ᒪᒧᐅᓂᒻ ᒥᓯᐛ ᒐᒂᔪᐤ ᙭ᑕ ᒐ ᓂᑲᓂᔅᑭᒥᔨᒋ, ᒥᓯᐛ ᑕᓐ ᐊ ᐃᓯ ᑎᑯᓂᔨᒡ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ᙮

ᐃᐱᓯᔭᓇ 1:10 Iomraidhean Croise

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᒪᑎᔪᐤ 25:32

ᐊᑯ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐ ᒪᒧᔨᒋ ᐊᓐᑕ ᐊ ᑕᑦ᙮ ᐊᑯ ᒐ ᑎᐸᓇᐊᑦ ᐅᔭ, ᒧᔭᒻ ᒪᔭᑕᓂᓯᐅ-ᐃᔪᐤ ᑲᒋ ᐃᑐᑐᐛᑦ ᒪᔭᑕᓂᓴ ᑭᔭ ᐊᓂᔭ ᑲ ᐊᐱᓯᓯᔨᒋ ᐊᐛᓯᓴ ᑲ ᐅᑦ ᐊᔅᑭᓂᓯᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:15

ᐊ ᐃᔅᒋᔄᑦ, “ᐊᐅᑯᐤ ᐛᑎᒋᐱᔨᒡ ᐊᓐ ᐊ ᒋᓯᑲᒡ ᐊ ᐸᓱᓇᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ, ᑕᑈᑎᒧᒄ ᒥᔽᒋᒧᐅᓐ᙮”

1 ᑯᕆᓐᑎᔭᓇ 10:11

ᐊᐅᒄ ᐅᔭ ᒥᓯᐛ ᑲ ᐃᔅᐱᔨᒡ ᐊᓐᒡ ᐃᔪᒡ ᒐᒋ ᐅᒋ ᐃᔭᒂᒥᒥᑯᐅᔭᐧᒄ ᒐ ᐊᑲ ᒋ ᒥᒋᑐᑐᐛᐧᒄ ᒋᓴᒪᓂᑐᐤ᙮ ᒋ ᒥᓯᓇᐃᑭᓄᐛ ᒪᒃ ᐅᔭ ᐊᓐᑕ ᒐᒋ ᐅᒋ ᒋᔅᒐᔨᑎᒥᐃᑯᐅᔭᐧᒄ ᒐ ᐊᑲ ᒋ ᐃᓯ ᐱᒪᑎᓯᔭᐧᒄ ᑕᓐ ᑲ ᐃᓯ ᐱᒪᑎᓯᒡ᙮ ᐛᔅ ᓴᔅ ᒪᔅᑕᔾ ᑲ ᒋᓯᑲᒋ ᒋ ᐱᒪᑎᓯᓇᓄᐤ᙮

1 ᑯᕆᓐᑎᔭᓇ 11:3

ᒥᒄ ᒪᒃ ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᙭ ᓂᑲᓂᔅᑯᐛᐤ ᒥᓯᐛ ᓇᐸᐛ᙮ ᓇᐸᐤ ᒪᒃ ᐎᐛ ᓂᑲᓂᔅᑯᐛᐤ, ᐊᑯ ᒋᓴᒪᓂᑐᐤ ᙭ᑕ ᓂᑲᓂᔅᑯᐛᐤ᙮

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

ᐃᐱᓯᔭᓇ 1:22

ᒋᓴᒪᓂᑐᐤ ᒋ ᒥᔭᐤ ᙭ᑕ ᒥᓯᐛ ᒐᒂᔪᐤ ᒐᒋ ᐅᒋᒪᐅᔨᒋ ᑭᔭ ᐊᓐᑕ ᒋ ᐃᓯ ᐱᔅᑎᓇᐤ ᐅᒪᒧᐊᔭᒥᐊᐛ ᐊ ᑕᔨᒋ ᐎᔾ ᒥᓯᐛ ᒐᒂᔪᐤ ᒐᒋ ᓂᑲᓂᔅᑭᒥᔨᒋ᙮

ᐃᐱᓯᔭᓇ 2:15

᙭ ᒪᒃ ᒋ ᐃᑐᑎᒻ ᒐ ᐊᑲ ᒋ ᐊᐱᑎᓂᔨᒋ ᑕᓐ ᐊ ᐃᓯ ᓂᓇᐧᑯᐤ ᑎᑯᓂᔨᒋ ᐃᑎᓱᐛᐅᓇ ᐊᓐᑕ ᐎᓱᐛᐅᓂᒡ᙮ ᐊᔪᐅᒄ ᐅᔭ ᑲ ᐃᑎᑦ ᒐᒋ ᒥᔪ ᐎᒐᐅᑐᔨᒋ ᒍᐤ ᐃᔪᐛ ᑭᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᐃᑐᑐᐛᐤ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ ᐊᑎ ᐃᔭᒡ ᐊ ᐃᑎᔅᑲᓇᓯᔨᒋ, ᓇᓴᐅᑯᒐ᙮

ᐃᐱᓯᔭᓇ 3:15

ᐎᔾ ᐊ ᑕᑦ ᐊᒋ ᐅᒋ ᐎᐊᑭᓄᐎᒡ ᒥᓯᐛ ᑲ ᐸᐃᑯᑕᐅᓯᒡ ᐊᓐᑕ ᒋᒋᒋᓯᑯᒡ ᑭᔭ ᐊᔅᒋᒡ ᐊ ᑕᒡ᙮

ᐃᐱᓯᔭᓇ 3:2

ᒐᔅᑎᓇᔅ ᔅᒋ ᐸᑕᓇᐛᒐ ᑕᓐ ᑲ ᐃᓯ ᐸᒋ ᒥᔪᑐᑎᒧᐅᑦ ᒋᓴᒪᓂᑐᐤ ᐊᒋ ᐅᑎᓂᑦ ᑕᓐ ᒐᒋ ᐃᓯ ᐊᑐᔅᒐᐅᒡ ᐊᓐᑕ ᒐᒋ ᐅᒋ ᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮

ᑯᓚᓯᔭᓇ 1:16

ᐛᔅ ᙭ ᐅᒋ, ᒋᓴᒪᓂᑐᐤ ᒥᓯᐛ ᒐᒂᔪᐛ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ ᐊ ᑎᑯᓂᔨᒋ ᒋ ᐅᓯᑕᐤ, ᐊᓂᔭᔪᐛ ᒐᒂᔪᐛ ᐊ ᓄᑯᓂᔨᒋ ᑭᔭ ᐊᓂᔭᔪᐛ ᐊᑲ ᓄᑯᓂᔨᒋ᙮ ᒋ ᐅᓯᐊᐤ ᑭᔭ ᒥᓯᐛ ᑲ ᐅᒋᒪᐎᔨᒋ ᐊᒐᒂ, ᑭᔭ ᐊᓂᔭᔪᐛ ᐊᐛᔪᐛ ᑲ ᐅᒋᒪᐎᔨᒋ, ᑭᔭ ᒥᓯᐛ ᑲ ᑎᐸᔨᒋᒐᔨᒋ᙮ ᒥᓯᐛ ᒐᒂᔪᐛ ᙭ ᐊ ᑕᑦ ᒋ ᐅᒋ ᐅᓯᑕᑭᓄᐅᔪᐛ ᑭᔭ ᐎᔾ ᒋ ᐅᓯᑎᒧᐛᑭᓄᐤ᙮

ᑯᓚᓯᔭᓇ 1:20

ᑭᔭ ᒋ ᐃᑕᔨᑎᒻ ᐊᓂᔭ ᐅᑯᓴ ᐅᒋ ᒐᒋ ᐃᑐᑕᐧᒃ ᑲᐤ ᐎᔾ ᐊ ᑕᑦ ᒐᒋ ᑎᑯᓂᔨᒋ ᒥᓯᐛ ᒐᒂᔪᐛ ᑭᔭ ᑲᐤ ᐎᔾ ᐊ ᑕᑦ ᒐᒋ ᑕᔨᒋ ᒥᓯᐛ ᐊᐛᔪᐛ, ᐛᔅ ᒥᓯᐛ ᒐᒂᓐ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ ᒋ ᑎᐸᓂᐃᓱᒥᑭᓐ ᒋᓴᒪᓂᑐᐤ ᐅᒋ ᐊ ᑕᑦ᙮ ᐊᓂᔭ ᒪᒃ ᐊᒋ ᐱᔅᑎᓂᓱᔨᒋ ᐅᑯᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᐊᑯᑕ ᑲ ᐅᒋ ᐃᑐᑕᐧᒃ ᒋᓴᒪᓂᑐᐤ ᑲᐤ ᒐᒋ ᒥᔪ ᐎᒐᐅᑐᓇᓄᐎᒡ ᐎᔾ ᐃᔅ ᐊ ᑕᑦ, ᑲᐤ ᐎᔾ ᐊ ᑕᑦ ᒐᒋ ᑎᑯᓂᔨᒡ ᒥᓯᐛ ᒐᒂᔪᐤ ᑭᔭ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ᙮

ᑯᓚᓯᔭᓇ 3:11

ᐊᑯ ᒪᒃ ᓇᒪ ᐊᐱᑕᔨᑕᑯᓐ ᑕᓐ ᐊ ᐃᑎᔅᑲᓇᓯᑦ ᐊᐛᓐ, ᒍᐤ ᐃᑎᔅᑲᓇᓯᒂ ᑭᔭ ᒪᒃ ᐊᑲ ᒍᐤ ᐃᑎᔅᑲᓇᓯᒂ᙮ ᑭᔭ ᓇᒪ ᐊᐱᑕᔨᑕᑯᓂᔪᐤ ᑕᓐᑕ ᐛᒋᑦ ᐊᐛᓐ, ᑕᓐ ᑲ ᐃᓯ ᒋᔅᑯᑎᒧᐛᑭᓄᐅᑦ ᑭᔭ ᑕᓐ ᐊ ᐃᓯ ᑭᓄᐛᐱᒥᑯᑦ ᐊᐛᔪᐛ᙮ ᓇᒪ ᐊᐱᑎᓇ ᐅᔭ᙮ ᙭ᑕ ᐊ ᐊᔭᐛᑦ ᐊᐛᓐ ᐅᐱᒪᑎᓯᐅᓂᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮ ᒥᓯᐛ ᐊᐛᔪᐛ ᐊ ᐃᓯᓇᑯᓯᔨᒋ ᐱᒋᔅᑯᐛᐤ᙮

ᐃᑉᕈᐛ 1:2

ᐊᓄᒡ ᒪᒃ, ᐅᔭ ᒪᔅᑕᔾ ᐊ ᒋᓯᑲᔨᒋ ᐅᑯᓴ ᐅᒋ ᐊᑯᑕ ᐛᒋ ᐃᔨᒥᐃᑕᐧᒄ᙮ ᐊᐅᒄ ᐅᔭ ᐅᑯᓴ ᒋᓴᒪᓂᑐᐤ ᑲ ᐊᐱᒋᐊᑦ ᒥᓯᐛ ᒐᒂᔪᐤ ᑲ ᐅᓯᑕᑦ ᑭᔭ ᐊᐅᒄ ᐅᔭ ᑲ ᐅᑎᓇᑦ ᒥᓯᐛ ᒐᒂᔪᐤ ᒐ ᐃᓯ ᒥᔭᑦ᙮

ᐃᑉᕈᐛ 11:40

ᐛᔅ ᒋ ᑎᑯᓂᔪᐤ ᑕᓐ ᑲ ᐃᓯ ᐎᔭᔨᑎᒪᑕᐧᒄ ᒋᓴᒪᓂᑐᐤ ᐊᑐᐎᔅ ᐊ ᒥᔽᔨᒡ᙮ ᓇᒪ ᐅᒋ ᐎ ᒥᔨᑯᐅᒡ ᒪᒂᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᑎᑯᒡ ᒐ ᐃᓯ ᒥᔨᑯᒡ ᐛᔅ ᒪᒧᐤ ᔅᒋ ᐎ ᒥᔪᓇᑯᐃᑯᓄᐤ᙮

ᐃᑉᕈᐛ 9:10

ᐅ ᐊ ᐃᑎᓇᓄᐅᒡ ᐊ ᒥᔨᐛᓄᒋ ᒥᔨᐛᐅᓇ ᑭᔭ ᒥᑐᔅᑕᐊᒪᒐᐅᓇ ᐊᑯᓐ ᐊᑎᔅᑕᒡ ᓂᔅᑯᒧᐅ ᒥᓯᓇᐃᑭᓂᒡ ᒐᒋ ᐃᑎᓇᓄᐅᒡ᙮ ᒥᒄ ᐎᑎᒧᐛᑭᓄᐎᒡ ᐊᓐᑕ ᐊᐛᓐᒋ ᒐᒂᔪᐤ ᒐᒋ ᒥᒋᒡ ᑭᔭ ᒐᒂᔪᐤ ᒐᒋ ᒥᓂᒡ ᑭᔭ ᑕᓐ ᒐ ᐃᓯ ᓂᓇᐧᑯᐤ ᐃᑎᒡ ᐊᓐᑕ ᒐᒋ ᐅᒋ ᐃᓯᓇᑯᓯᒡ ᐊ ᐸᔭᒋᓯᒡ᙮ ᐅᔭ ᒐᒂᔪᐛ ᓇᒪ ᒋ ᐎᒋᐃᑯᓇᓄᐤ ᒐᒋ ᒋᔅᒐᔨᑎᒪᐧᒄ ᑕᑈ ᒐᒋ ᐛᐸᔨᑎᒪᑯᐛᒂ᙮ ᐊᐅᒄ ᐅᔭ ᒪᒂᒡ ᒐ ᐎᒋᐃᑯᔭᐧᒄ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᐃᑐᑕᑕᐧᒄ ᒋᓴᒪᓂᑐᐤ ᓇᔅᒡ ᒐᒋ ᑯᐃᔅᑯᓇᑯᐃᑕᐧᒄ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐅᒡ᙮

1 ᐱᑕᕐ 1:20

ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᒋᓴᒪᓂᑐᐛ ᒋ ᐅᑎᓂᑯᐤ ᙭ ᐅᔭ ᒐ ᐃᑐᑕᐧᒃ᙮ ᐊᐅᑯᐤ ᒪᒃ ᐅᔭ ᐊ ᐊᑎ ᒪᔅᑕᔾ ᒋᓯᑲᔨᒋ ᒋᔨᐛᐤ ᐅᒋ ᐛᒋ ᓄᑯᐊᑭᓄᐅᑦ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮