ᑯᓚᓯᔭᓇ 4:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒧᓯᓇᐤ ᐊᔭᒥᐊᒄ᙮ ᐊ ᐊᔭᒥᐊᔭᒄ ᒪᒃ ᓱᒃ ᐎ ᐱᔭᑭᔅᒐᔨᑎᒧᒄ ᑭᔭ ᓂᓇᔅᑯᒪᐧᒄ ᒋᓴᒪᓂᑐᐤ᙮

ᑯᓚᓯᔭᓇ 4:2 Iomraidhean Croise

ᑎᐱᑦ ᐅᓂᑭᒧᐅᓇ 109:4

ᐊᒋ ᓴᒋᐃᒂᐤ ᓂᒋ ᐅᒋ ᐛᐧᑲᑎᑯᒡ: ᒪᒃ ᓂ ᐱᔅᑎᓂᑎᓱᓐ ᒐᒋ ᐊᔭᒥᐊᔭᓐ᙮

ᒪᑎᔪᐤ 26:41

ᐃᔭᒂᒥᒄ ᑭᔭ ᐊᔭᒥᐊᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮ ᐛᔅ ᒋᑦ ᐊᒐᐧᑯᐛᒡ ᓇᔅᒡ ᑕᑈ ᑯᐃᔅᒄ ᒋ ᐎ ᐃᑎᓇᐛᐤ ᒥᒄ ᒪᒃ ᒋᔭᓱᐛᒡ ᓇᒪ ᓇᔅᒡ ᒋᓴᐱᓯᓇᐛᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:33

ᐃᔭᒂᒥᒄ, ᒧᔅ ᐸᒋ ᐊᔭᔅᑯᐎᔅᑐᐛᐧᒄ᙮ ᐛᔅ ᑕᐸ ᒋ ᒋᔅᒐᔨᑕᓇᐛᐤ ᑕᐃᔅᐱ ᐅ ᒐ ᐃᔅᐱᔨᒡ᙮

ᓗᒃ 18:1

ᒋᓴᔅ ᒋ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᔨᒋ ᒧᔅ ᒐᒋ ᐊᔭᒥᐊᔨᒋ, ᑭᔭ ᒐ ᐊᑲ ᒋ ᑕᔅᑎᑲᒋᔨᒋ᙮

ᓗᒃ 21:36

ᐃᔭᒂᒥᒄ᙮ ᐊᑲᐎᔾ ᐳᓂᒄ ᐊ ᐊᔭᒥᐊᔭᒄ ᐊ ᓂᑐᑎᒪᔭᒄ ᒐᒋ ᐊᔨᒋᑲᐳᐅᔭᒄ ᑭᔭ ᒐᒋ ᓴᐳᔅᑭᒪᒄ ᒥᓯᐛ ᑕᓐ ᒐ ᐃᔅᐱᔨᒡ᙮ ᑭᔭ ᒐ ᐊᑲ ᒋ ᐊᑐᐛᔨᒥᑕᒄ ᐃᔪᐤ ᐅᑯᓯᓴᓐ ᐃᔅᐱ ᐸᑕᔅᑎᒥᑲᐳᔅᑐᐛᒂ᙮” ᐊᐅᒄ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ᙮

ᐊᑈᔅᑕᓇᒡ 1:14

ᒥᓯᐛ ᒪᒃ ᒋ ᓇᐊᔨᑎᒧᒡ ᒧᔅ ᒐᒋ ᐸᐃᑯᒪᒧᐎᒡ ᐊ ᒪᒧᐤ ᐊᔭᒥᐊᒡ᙮ ᐊᑯᑕ ᑲᒋ ᑕᒡ ᑭᔭ ᐊᓐᒡ ᐃᔎᐅᒡ, ᑭᔭ ᒪᕆ ᒋᓴᔅ ᐅᑲᐎᔭ, ᑭᔭ ᒋᓴᔅ ᐎᐧᑲᓂᓴ ᑲ ᓇᐸᐎᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:12

ᒋᑦ ᐊᔅᐸᔨᒧᑐᑐᐛᐛᐤ ᒋᓴᒪᓂᑐᐤ ᒧᔅ ᒪᒃ ᒥᔽᔨᑎᒧᒄ᙮ ᓱᒃ ᐎ ᓱᒐᔨᒧᒄ ᓂᓇᐧᑲᑕᔨᒧᔭᑯ᙮ ᒧᔅ ᑭᔭ ᐊᔭᒥᐊᒄ᙮

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮

ᐱᓕᐱᔭᓇ 4:6

ᐊᑲᐎᔾ ᒐᒂᓐ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ᙮ ᐃᔭᐱᒡ ᒥᓯᐛ ᑕᓐ ᒐ ᐊᑎ ᐃᔅᐱᔪᐛᒂ ᐊᔭᒥᐊᒄ, ᐊ ᐛᐎᑎᒧᐛᒄ ᒋᓴᒪᓂᑐᐤ ᒐᒂᔪᐤ ᐊ ᐃᓯ ᓂᑐᐛᔨᑎᒧᐛᒄ᙮ ᑭᔭ ᒋᐸ ᓂᓇᔅᑯᒪᐛᐤ᙮

ᑯᓚᓯᔭᓇ 1:9

ᐃᔅᐱ ᒪᒃ ᑲ ᐸᒋ ᐃᑕᒋᒧᔅᑕᑯᐅᔭᒡ ᐊᐸᑉᕋᔅ ᒥᓯᐛ ᐅᔭ ᑕᓐ ᑲ ᐃᓯ ᒋᔅᒐᔨᑎᒥᐃᑕᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᒧᔅ ᒋᑦ ᐊᔭᒥᐊᔅᑎᒪᑎᓇᓐ᙮ ᓇᒪ ᓂ ᐳᓂᓇᓐ ᐊ ᐊᔭᒥᐊᔅᑎᒪᑕᒡ᙮ ᒧᔅ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᓇᔅᒡ ᒐᒋ ᒋᔅᒐᔨᑎᒺᒄ ᐅᑦ ᐃᑕᔨᑎᒧᐅᓐ᙮ ᓇᔅᒡ ᒐᒋ ᐊᔭᔭᒄ ᑭᒐᑕᐛᔨᑎᒧᐅᓐ ᑭᔭ ᓂᔅᑐᑎᒧᐅᓐ ᑕᓐ ᐊᓂᔭᔪᐛ ᐊ ᐃᓯ ᒥᔨᐛᑦ ᐸᔭᒋ ᐊᒐᐧᒄ ᒐᒋ ᒋᔅᒐᔨᑎᒪᒄ ᐅ᙮

ᑯᓚᓯᔭᓇ 2:7

ᐱᔅᑎᓇᐧᒄ ᒐᒋ ᐃᑐᑕᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᐛᒄ ᑭᔭ ᒐᒋ ᒥᔨᑕᒄ ᒥᔅᑯᓯᐅᓂᔪᐤ, ᒧᔭᒻ ᒥᔅᑎᒄ ᑕᒥᒡ ᐊᔅᒋᒡ ᐊ ᐃᓯ ᑯᑕᐅᐱᔨᒋ ᐅᑎᐱᔭ ᒐᒋ ᓱᒋᑲᐳᐅᑦ ᐊᐅᑯᓐ ᒋᐸ ᐃᓯᓇᑯᓯᓇᐛᐤ᙮ ᐊᐅᑯᓐ ᒋᐸ ᐎ ᐃᓯ ᓱᒋᑲᐳᐅᓇᐛᐤ ᑕᓐ ᐊ ᐃᓯ ᑕᑈᑎᒪᒄ᙮ ᐊᑯ ᒪᒃ ᐊᔭᔅᒃ ᒧᔅ ᒐ ᑕᑈᔭᔨᒪᒄ ᒧᔭᒻ ᑲ ᐃᓯ ᒋᔅᑯᑎᒪᑯᐅᔭᒄ ᒐᒋ ᐃᑎᔭᒄ᙮ ᑭᔭ ᒧᔅ ᒋᐸ ᓂᓇᔅᑯᒪᐛᐤ᙮

ᑯᓚᓯᔭᓇ 3:15

ᐱᔅᑎᓂᒧᒄ ᐊᓐ ᒋᔭᒪᔨᑎᒧᐅᓐ ᙭ ᑲ ᒥᔨᑕᒄ ᒐᒋ ᐃᑐᑕᑯᔭᒄ ᒐᒋ ᐎᔭᔨᑎᒪᒄ ᑕᓐ ᒋᐸ ᐊᑎ ᐃᑎᓇᐛᐤ᙮ ᐛᔅ ᒋᓴᒪᓂᑐᐤ ᒪᒧᐤ ᔅᒋ ᐎᔭᔨᒥᑯᐛᐤ ᐸᐃᒄ ᒥᔪᐤ ᒐᒋ ᐃᓯᓇᑯᓯᔭᒄ ᒋᔭᒪᔨᑎᒧᐅᓂᒡ ᐊ ᐃᓯ ᐱᒪᑎᓯᔭᒄ᙮ ᓂᓇᔅᑯᒪᐧᒄ ᒪᒃ ᒋᓴᒪᓂᑐᐤ᙮

ᑯᓚᓯᔭᓇ 3:17

ᒥᓯᐛ ᒐᒂᓐ ᐊ ᐃᑐᑎᒪᒄ ᑭᔭ ᑕᓐ ᐊ ᐃᔅᒋᔄᔭᒄ, ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓂᒡ ᒋᐸ ᐃᓯ ᐃᑐᑕᓇᐛᐤ ᐊ ᓂᓇᔅᑯᒪᒄ ᒋᓴᒪᓂᑐᐤ ᒍᑕᐎᓄᐤ ᐎᔾ ᒋᓴᓴ ᐅᒡ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮