ᑯᓚᓯᔭᓇ 3:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᙭ ᐊ ᐎᒐᐛᒄ ᒋᒋᐛ ᐱᒪᑎᓯᐅᓐ ᒋ ᑭᓄᐛᔨᑕᓇᐛᐤ᙮ ᑲᐤ ᒪᒃ ᑎᑯᓯᒐ ᐅᑕ ᐊᔅᒋᒡ ᐊᑯᑕ ᑭᔭ ᒋᔨᐛᐤ ᒐ ᐊᓯᒡ ᓄᑯᐃᑯᐅᔭᒄ ᑭᔭ ᒐ ᐊᓯᒡ ᒋᔅᑕᔨᑕᑯᐃᑯᐅᔭᒄ ᒋᔅᑕᔨᑕᑯᐊᑭᓄᐅᒐ᙮

ᑯᓚᓯᔭᓇ 3:4 Iomraidhean Croise

ᑎᐱᑦ ᐅᓂᑭᒧᐅᓇ 17:15

ᓂᔾ ᒪᒃ, ᓂᑭ ᑭᓄᐛᐸᑕᓐ ᒋᑕᔅᑎᒥᐧᒄ ᑯᐃᔅᑯᑕᑎᓯᐅᓂᒡ: ᓂᑭ ᑕᐱᒐᔨᑕᓐ ᐸᑯᐱᔭᓇ ᒐᒋ ᐃᓯᓇᑯᓯᔭᓐ ᐊ ᐃᓯᓇᑯᓯᔨᓐ᙮

ᑎᐱᑦ ᐅᓂᑭᒧᐅᓇ 73:24

ᒋᑭ ᒋᔅᒋᓄᑕᔨᓐ ᐊ ᑭᒐᔅᒋᒥᔨᓐ, ᐸᑎᒪ ᒪᒃ ᒋᑭ ᐅᑎᓐ ᒋᔅᑕᔨᑕᑯᓱᐅᓂᒡ ᐃᓯ᙮

ᒪᑎᔪᐤ 13:43

ᐊᑯ ᒪᒃ ᒋᓴᒪᓂᑐᐤ ᐅᑦ ᐃᔨᒪ ᒐ ᒋᐧᑲᔭᔅᑐᐛᔨᒋ ᐊᓐᑕ ᐅᑕᐎᒪᐛ ᐅᒋᓴᐅᒋᒪᐅᓂᔨᒡ ᒧᔭᒻ ᐱᓯᒻ ᐊ ᐃᓯ ᒋᐧᑲᔭᔅᑐᐛᑦ᙮ ᐊᓐ ᐊᐛᓐ ᑲ ᐸᑕᐧᒃ ᓱᒃ ᐎ ᓂᔅᑐᑎᒻ ᐅᔭ᙮”

ᓗᒃ 17:30

ᐊᑯ ᒋᓴᔅ ᒂ ᐃᔅᒋᔄᑦ, “ᐊᐅᑯᓐ ᒧᔭᒻ ᒐ ᐃᑕᑎᓯᓇᓄᐅᒡ ᐊᓐ ᐊ ᒋᓯᑲᒡ ᐸᒋ ᓄᑯᓯᒐ ᐃᔪᐤ ᐅᑯᓯᓴᓐ᙮”

ᒠᓐ 11:25

ᒋᓴᔅ ᒂ ᐃᑕᑦ, “ᐊᐅᒄ ᓂᔾ ᑲ ᐅᓂᔅᑲᓇᑦ ᐊᐛᔪᐛ ᐊᒋ ᓂᐱᔨᒋ ᑭᔭ ᑲ ᒥᔨᐛᑦ ᐱᒪᑎᓯᐅᓂᔪᐤ᙮ ᐊᐛᓐ ᒐ ᐸᒋ ᑕᑈᔭᔨᒧᒂ ᒋᑭ ᐱᒪᑎᓯᐤ ᐊᑎ ᐊᒋ ᓂᐱᑦ᙮

ᒠᓐ 14:3

ᒋᔅᑕᔭᓇ ᒪᒃ ᐊᓐᑕ ᒐ ᑕᔭᒄ, ᐊᑯ ᒐ ᐸᒋ ᓂᑐᐛᐱᒥᑎᑯᒡ ᐊᑯ ᒐ ᔅᑐᑕᐃᑎᑯᒡ ᐛᔅ ᒋ ᓂᑐᐛᔨᒥᑎᓇᐛᐤ ᒐᒋ ᑕᔭᒄ ᐊᓐᑕ ᐊ ᑕᔭᓐ᙮

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒠᓐ 17:24

“ᓄᑕ, ᒋᔾ ᔅᒋ ᐸᒋ ᒥᔨᓐ ᐅᒡ, ᒋ ᓂᑐᑎᒪᑎᓐ ᒪᒃ ᑭᔭ ᐎᔨᐛᐤ ᐊᔅᒄ ᒐᒋ ᑕᒡ ᐊᓐᑕ ᒐ ᑕᐅᒡ᙮ ᐊᑯ ᒪᒃ ᒐ ᐛᐸᑕᒡ ᓂᒋᔅᑕᔨᑕᑯᓱᐅᓂᔪᐤ, ᐊᓂᔭ ᒋᔅᑕᔨᑕᑯᓱᐅᓂᔪᐤ ᑲ ᐸᒋ ᒥᔨᓐ ᐛᔅ ᔅᒋ ᓴᒋᐃᓐ ᐊᔅᒄ ᐊᑲ ᐅᒋ ᐅᓯᑕᔨᓐ ᐅ ᐊᔅᒋᔾ᙮”

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᐊᑈᔅᑕᓇᒡ 3:15

ᑭᔭ ᔅᒋ ᐃᑐᑐᐛᐛᐤ ᒋᓴᔅ ᒐᒋ ᓂᐸᐊᑭᓄᐅᑦ ᐊᓐ ᑲ ᒥᔭᑦ ᐊᐛᔪᐤ ᐱᒪᑎᓯᐅᓂᔪᐤ᙮ ᒥᒄ ᒪᒃ ᒋᓴᒪᓂᑐᐤ ᒋ ᐃᑐᑐᐛᐤ ᒥᓐ ᑲᐤ ᒐᒋ ᐱᒪᑎᓯᔨᒋ᙮ ᐛᔅ ᓂᒋ ᐛᐱᒥᓇᓐ ᒥᓐ ᑲᐤ ᑲ ᐅᓂᔅᑲᑦ ᒋᓴᔅ᙮ ᓂ ᒋᔅᒐᔨᑕᓇᓐ ᒪᒃ ᐊ ᑕᑈᒥᑲᒡ ᐅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:18

ᓂᔾ ᐊ ᐃᑕᔨᑎᒪᓐ ᑕᓐ ᐊ ᐃᓯ ᓂᓇᐧᑲᑕᔨᒧᔭᐧᒄ ᐊᓄᒡ ᓇᒪ ᓇᔅᒡ ᒐᒂᓐ ᒋᑭ ᐅᒋ ᐃᑕᔨᑕᑯᓐ ᒐ ᐃᑕᔨᑕᒂᒡ ᐃᔅᐱ ᐅᑎᒋᐱᔨᒐ ᐊᓐᑕ ᒐ ᒋᔅᑕᔨᑕᑯᐃᑕᐧᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:19

ᒥᓯᐛ ᒐᒂᔪᐤ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᓇᔅᒡ ᐱᒂᔨᑎᒧᒥᑭᓂᔪᐤ ᐊ ᐊᓱᐛᐸᑎᒧᒥᑭᓂᔨᒡ ᒐ ᐃᔅᐱᔅ ᒧᓴ ᓄᑯᐊᑦ ᐅᑦ ᐊᐛᓯᒪ᙮

1 ᑯᕆᓐᑎᔭᓇ 1:7

ᐊᑯ ᒪᒃ ᓇᒪ ᓇᔅᒡ ᒋ ᓄᑕᐱᔨᓇᐛᐤ ᐊᒐᐧᒄ ᒥᔨᐛᐅᓇ ᒪᒂᒡ ᐊ ᐊᓱᐛᐱᒪᒄ ᒐ ᐃᔅᐱᔅ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑯᕆᓐᑎᔭᓇ 15:43

ᐊᓐ ᑲ ᓇᐃᐧᑲᑭᓄᐅᒡ ᒥᔪᐤ ᓇᒪ ᐱᒪᑎᓯᒥᑭᓐ ᑭᔭ ᐎᓇᑯᓐ᙮ ᐃᔅᐱ ᒪᒃ ᐅᓂᔅᑲᓂᑭᓄᐅᒐ ᓂᐳᐅᓂᒡ ᐅᒡ ᐊᔪᐛᒃ ᒋᑭ ᓱᒋᓯᒥᑭᓐ ᑭᔭ ᒋᑭ ᒥᔽᓱᐤ᙮

2 ᑯᕆᓐᑎᔭᓇ 4:17

ᓇᒪ ᓇᔅᒡ ᒐᒂᓐ ᐃᑕᔨᑕᑯᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᑭᔭ ᐊᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᓇᒪ ᓇᐅᔅ ᒋᑭ ᐅᒋ ᐱᒥᐱᔪᐤ᙮ ᐛᔅ ᒋ ᐎᒋᐃᑯᓇᓄᐤ ᒐᒋ ᐊᔭᔭᐧᒄ ᑲᒋᒡ ᒋᔅᑕᔨᑕᑯᓱᐅᓐ᙮ ᐊᑐᐎᔅ ᒪᒃ ᒥᔅᑎ ᐃᑕᔨᑕᑯᓐ ᐅ ᐃᔅᐱᔅ ᑕᓐ ᐊ ᐃᓯ ᓂᒋᔅᑭᒪᐧᒄ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᐱᓕᐱᔭᓇ 3:21

ᐊᔪᐛᒃ ᐊ ᐃᑕᔨᑕᑯᓂᔨᒋ ᒥᔪᐛ ᒋᑭ ᒥᔨᑯᓄᐤ᙮ ᓇᒪ ᓴᐱᓯᒥᑭᓇ ᐅᔭ ᒋᔪᓄᐛ ᑭᔭ ᒋᑭ ᓂᐱᒥᑭᓇ᙮ ᒪᒃ ᐊᓂᔭᔪᐤ ᒥᔅᑯᓯᐅᓂᔪᐤ ᑲ ᐊᔭᑦ ᒥᓯᐛ ᒐᒂᔪᐤ ᒐᒋ ᑎᐸᔨᑕᐧᒃ ᐅᔭ ᒐ ᐊᐱᒋᑕᑦ ᒐᒋ ᒂᔅᒋᓇᑯᑕᑦ ᒋᔪᓄᐛ᙮ ᒧᔭᒻ ᐎᔾ ᐎᔪᐤ ᑲ ᐃᔅᐱᔅ ᒥᔪᓇᑯᓂᔨᒡ ᐃᔅᐱ ᑲ ᐅᓂᔅᑲᑦ ᓂᐳᐅᓂᒡ ᐅᒋ ᐊᐅᑯᓐ ᒐ ᐃᓯᓇᑯᑕᑦ ᐅᔭ ᒋᔪᓄᐛ᙮

1 ᑕᓴᓗᓂᔭᓇ 4:17

ᐊᑯ ᒪᒃ ᒋᔭᓄᐤ ᐊᔅᒄ ᒐ ᐱᒪᑎᓯᔭᐧᒄ ᐅᑕ ᐊᔅᒋᒡ ᒐ ᐅᐱᔭᐧᒄ ᒐᒋ ᓂᒋᐊᐧᑯᒡ ᐊᓐᑕ ᑭᔅᑯᐅᓂᔅᑯᒡ ᐅᒡ ᓂᔅᑎᒻ ᑲ ᐅᐱᔨᒡ᙮ ᐊᑯ ᒪᒃ ᐅᑎᐸᔨᒋᒐᐤ ᒪᒧᐤ ᒐ ᐃᓯ ᓂᒋᐊᐧᒄ ᐊᓐᑕ ᒧᓴ ᒋᓯᑯᒡ᙮ ᐅᑎᐸᔨᒋᒐᐤ ᒪᒃ ᐊ ᑕᑦ ᐊᑯᑕ ᑲᒋᒡ ᒐ ᑕᔭᐧᒄ᙮

1 ᑎᒧᑎ 6:14

ᐃᔭᒂ ᐃᓯ ᓂᓇᐃᑕ ᑕᓐ ᑲ ᐃᑎᓱᒥᔅᒃ ᒋᓴᒪᓂᑐᐤ, ᑯᐃᔅᒄ ᐎ ᐃᑐᑕ ᑭᔭ ᓇᒪ ᓂᑐᐎᔾ ᒋᑭ ᐅᒋ ᐃᓯ ᐊᑕᒪᔨᑕᑯᓯᓐ ᒐ ᐃᔅᐱᔅ ᐊᑲ ᒥᓐ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

2 ᑎᒧᑎ 1:1

ᓂᔾ ᑈᓪ, ᑲ ᒥᓯᓇᐊᒪᑕᓐ᙮ ᒋᓴᔅ ᙭ ᐅᑦ ᐊᑈᔅᑕᓂᒪ ᓂᔾ, ᐛᔅ ᐊᐅᒄ ᐅᔭ ᑲ ᐃᓯ ᐅᑎᓂᑦ ᒋᓴᒪᓂᑐᐤ᙮ ᐎᔾ ᒋᓴᒪᓂᑐᐤ ᓂᒋ ᐃᑎᓴᐅᒄ ᒐᒋ ᐊᔨᒧᑎᒧᒡ ᐊᓂᔭ ᐱᒪᑎᓯᐅᓂᔪᐤ ᑕᓐ ᑲ ᐃᓯ ᒐᔅᑎᓇᑎᔅᑕᑦ ᒐ ᐊᔭᔨᒋ ᐊᐛᔪᐛ ᑕᑈᔭᔨᒪᔨᒐ ᒋᓴᔅ ᙭ᑕ᙮

2 ᑎᒧᑎ 4:8

ᓴᔅ ᐊᔭᔅᑯᔅᑕᐤ ᐊᓐ ᒋᓴᐅᒋᒪᐅᑯᓂᔎᐅᓐ ᐊᓂᔭ ᒐ ᒥᔭᑭᓄᐅᒡ ᐊᓐᒡ ᒐ ᑯᐃᔅᑯᑕᑎᓯᒡ᙮ ᐊᐅᒄ ᒪᒃ ᐅᔭ ᒐ ᐸᒋ ᒥᔨᑦ ᐅᑎᐸᔨᒋᒐᐤ ᐊᓐ ᑯᐃᔅᒄ ᑲ ᐃᓯ ᑎᐸᔅᑯᓂᒐᑦ ᒥᓐ ᐸᒋ ᑎᑯᓯᒐ᙮ ᓇᒪ ᒪᒃ ᒥᒄ ᓂᔾ ᓂᑭ ᐅᒋ ᒥᔨᑯᐅᓐ ᐅ ᐊ ᐃᓯᓇᒂᒡ ᐊᑯᓂᔎᐅᓐ, ᒥᓯᐛ ᐊᓐᒡ ᓴᒋᐃᐛᐅᓂᒡ ᑲ ᐃᓯ ᐱᑯᓴᔨᒧᒡ ᐅᑎᐸᔨᒋᒐᐛ ᒥᓐ ᒐ ᑎᑯᓯᓂᔨᒋ ᑭᔭ ᐎᔨᐛᐤ ᒋᑭ ᒥᔭᑭᓄᐅᒡ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

1 ᐱᑕᕐ 1:13

ᓱᒃ ᒪᒃ ᒧᔅ ᐎ ᐊᔭᔅᑯᐛᔨᑎᒧᒄ ᑕᓐ ᒥᒄ ᒐ ᐊᑎ ᐃᔅᐱᔨᒂ ᒐᒂᓐ ᑭᔭ ᓱᒃ ᓂᓇᑭᑐᐛᔨᒥᓱᒄ ᑕᓐ ᐊ ᐃᑎᔭᒄ᙮ ᓇᔅᒡ ᐊᔅᐸᔨᒧᑐᑎᒧᒄ ᐊᓐ ᒋᓴᐛᑎᓯᐅᓐ ᒐ ᒥᔨᑯᐅᔭᒄ ᐃᔅᐱᔅ ᒥᓐ ᑎᑯᓯᒐ ᒋᓴᔅ ᙭᙮

1 ᐱᑕᕐ 5:4

ᐊᑯ ᒪᒃ ᐃᔅᐱᔅ ᐸᒋ ᓄᑯᓯᒐ ᐊᓐ ᒪᐅᒡ ᑲ ᓂᑲᓇᔨᑕᑯᓯᑦ ᒪᔭᑕᓂᓯᐅ-ᐃᔪᐤ, ᒐ ᒥᔨᑯᐅᔭᒄ ᐊᓐ ᒪᐅᒡ ᐊ ᒋᔅᑕᔨᑕᒂᒡ ᑲᓂᔪᐅᓐ ᐊᓐ ᒐ ᐊᑲ ᓂᑕ ᐅᒋ ᐸᓯᑯᓇᒂᒡ᙮

1 ᒠᓐ 2:28

ᐊᐛᓯᑐᒄ, ᒧᔅ ᐎᒐᐛᐧᒄ ᒋᓴᔅ᙮ ᐊᑯ ᒪᒃ ᒐ ᒐᔅᑎᓇᑕᔨᒧᔭᒄ ᐸᒋ ᓄᑯᓯᒐ ᑭᔭ ᓇᒪ ᒋᑭ ᐅᒋ ᓴᒂᔨᒧᓇᐛᐤ ᑎᑯᓯᒐ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᒠᓐ 5:12

ᐊᓐ ᐊᐛᓐ ᑲ ᐊᔭᐛᑦ ᐅᑯᓯᓯᒪᐛ, ᐊᔭᐤ ᐱᒪᑎᓯᐅᓂᔪᐤ᙮ ᐊᑯ ᐊᓐ ᐊᐛᓐ ᐊᑲ ᐊᔭᐛᑦ ᒋᓴᒪᓂᑐᐤ ᐅᑯᓯᔪᐛ, ᓇᒪ ᐊᔭᐤ ᐱᒪᑎᓯᐅᓂᔪᐤ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,

ᒋᔅᒐᔨᑕᑯᑕᒐᐅᓐ 2:7

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”

ᒋᔅᒐᔨᑕᑯᑕᒐᐅᓐ 22:1

ᐊᑯ ᐅ ᐊᓐᒋᓐ ᒂ ᐸᒋ ᐛᐸᑎᔨᑦ ᓯᐱᔪᐤ᙮ ᐊᓐ ᒪᒃ ᓂᐱᔾ ᐊᓐᑕ ᐊᓐ ᓯᐱᔾ, ᐊᑯᑕ ᐛᒋ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ᙮ ᓇᔅᒡ ᒋ ᐛᓴᔭᑭᒥᓱᐤ ᐊᓐ ᓂᐱᔾ ᒧᔭᒻ ᐊᓯᓂᔅ ᓯᐳᐛᔅᑕᔨᑕᑭᓇᐱᔅᒄ ᐊ ᐃᔅᐱᔅ ᓴᑈᐤ ᐛᔄᐛᐱᔅᒋᓯᑦ, ᐊᐅᑯᓐ ᑲ ᐃᑕᑭᒥᒡ ᐊᓐ ᓂᐱᔾ᙮ ᓯᐸ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓂᐛᒡ, ᐊᑯᑕ ᑲ ᐅᑕᒍᐅᒡ ᐅ ᓯᐱᔾ᙮

ᒋᔅᒐᔨᑕᑯᑕᒐᐅᓐ 22:14

ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮