ᑯᓚᓯᔭᓇ 3:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐛᔅ ᑕᐸ ᐊᑯ ᑎᑯᓐ ᐊᓂᔭ ᑲᒋ ᐃᓯ ᐱᒪᑎᓯᔭᒄ᙮ ᑲᒋᔅᑕᐛ ᒋᒋᐛ ᒋᐱᒪᑎᓯᐅᓄᐛᐛ ᐊᓐᑕ ᒋᓴᒪᓂᑐᐤ ᐊ ᑕᑦ ᐊ ᐎᒐᐛᒄ ᙭᙮

ᑯᓚᓯᔭᓇ 3:3 Iomraidhean Croise

ᒪᑎᔪᐤ 11:25

ᐊᑯᑕ ᒪᒃ ᒋᓴᔅ ᑲ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒋ ᓂᓇᔅᑯᒥᑎᓐ ᐊᒋ ᐛᐸᑎᔨᑥᐤ ᐊᓐᒡ ᐊᐛᓐᒋ ᐊᑲ ᐅᒋ ᒋᔅᑯᑎᒧᐛᑭᓄᐎᒡ ᐊᓂᔭᔪᐛ ᒐᒂᔪᐛ ᑲ ᑲᑐᐅᑥᐤ ᑲ ᑭᒐᑕᐛᔨᑕᒡ᙮

ᒠᓐ 14:19

ᓇᒪ ᓇᔅᒡ ᓇᐅᔅ ᓂᑭ ᐅᒋ ᐛᐱᒥᑯᒡ ᐃᔪᒡ ᐅᑕ ᐊᔅᒋᒡ, ᒥᒄ ᒋᔨᐛᐤ ᒋᑭ ᐛᐱᒥᓇᐛᐤ᙮ ᒋᑭ ᐱᒪᑎᓯᓇᐛᐤ ᑭᔭ ᒋᔨᐛᐤ, ᐛᔅ ᓂᔾ ᓂ ᐱᒪᑎᓯᓐ᙮

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᒠᓐ 4:14

ᐊᐛᓐ ᒪᒃ ᒐ ᒥᓐᑦ ᐊᓂᔭ ᓂᐱᔪᐤ ᒐ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ᒥᔨᒃ ᒋᑭ ᐱᒋᔅᑲᑯᐤ ᒧᔭᒻ ᐊ ᐅᒋ ᒧᔅᒋᒍᐅᓂᔨᒡ ᒋᑭ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”

ᒠᓐ 5:21

ᐅᑕᐎᒪᐤ ᐅᓂᔅᑲᓇᐤ ᐊᐛᔪᐛ ᓂᐳᐅᓂᒡ ᐅᒡ ᑭᔭ ᒪᔭᑦ ᐱᒪᑎᓯᐅᓂᔪᐤ, ᐊᐅᑯᓐ ᑭᔭ ᐊᓐ ᐊ ᐃᑎᑦ ᐅᑯᓯᓯᒪᐤ, ᒥᔭᐤ ᐊᐛᔪᐛ ᐱᒪᑎᓯᐅᓂᔪᐤ ᐊᓂᔭ ᐛ ᒥᔭᑦ᙮

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᒠᓐ 5:40

ᒥᒄ ᒪᒃ ᓇᒪ ᒋ ᐎ ᐸᒋ ᓇᓯᓇᐛᐤ ᒐᒋ ᐅᒋ ᐊᔭᔭᒄ ᐱᒪᑎᓯᐅᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:10

ᐊᔅᒄ ᒪᒃ ᒪᒂᒡ ᐊᑲ ᓇᔅᒡ ᐅᒋ ᐊᐱᑕᔨᒪᐧᒄ ᒋᓴᒪᓂᑐᐤ ᐃᔭᐱᒡ ᒋ ᐅᑎᓂᒻ ᑕᓐᑕ ᒐᒋ ᐅᒋ ᐃᓯᓇᑯᓂᔨᒡ ᒐᒋ ᐊᑎ ᒥᔪ ᐎᒐᐛᐧᒄ᙮ ᑲ ᓂᐱᔅᑎᒪᑎᔨᑕᐧᑯ ᙭ᑕ ᐊᑯᑕ ᑲ ᐅᒋ ᓇᐃᐱᔨᑕᑦ ᐅᔭ ᒐᒋ ᐃᓯᓇᑯᓂᔨᒡ᙮ ᐊᑯ ᒪᒃ ᐊᓄᒡ ᐊ ᒥᔪᐎᒐᐛᐧᒄ ᒋᓴᒪᓂᑐᐤ ᒐᔅᑎᓇᑕᔨᑕᑯᓐ ᒐ ᐱᒪᒋᐃᑕᐧᒄ ᒋᓴᔅ ᐅᐱᒪᑎᓯᐅᓂᒡ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:21

ᑕᑈ ᑭᑈ ᓱᒋᐱᔪᐤ ᒥᒋᑥᐅᓐ᙮ ᐛᔅ ᓇᔅᒡ ᑎᐸᔨᒥᑯᐅᒡ ᐊᐛᓐᒋ ᐊᐅᒄ ᒪᒃ ᐛᒋ ᐃᑕᔨᑕᑯᓂᔨᒡ ᒐᒋ ᓂᐱᒡ᙮ ᐊᑐᐎᔅ ᒪᒃ ᒋᓴᒪᓂᑐᐤ ᐅᒋᓴᐛᑎᓯᐅᓐ ᓱᒐᔨᑕᑯᓂᔪᐤ᙮ ᐅᑯᐃᔅᑯᑕᑎᓯᐅᒡ ᒋ ᐊᑎ ᐃᓯ ᑭᓄᐛᐱᒥᑯᓄᐤ ᐊᓂᔭ ᐅᒋ ᑕᓐ ᑲ ᐃᓯ ᐃᑐᑎᒪᑎᔨᐧᑯ ᒋᓴᓴ ᒋᑎᐸᔨᒋᒐᓯᒥᓄᐛ᙮ ᐊᑯᑕ ᒪᒃ ᒐᒋ ᐅᒋ ᐊᔭᐛᐧᒄ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:11

ᒧᔭᒻ ᐊᐛᓐᒋ ᐊ ᓂᐱᒡ ᐊᑲ ᑎᐸᔨᒥᑯᒡ ᒥᒐᑎᓯᐅᓂᔪᐤ ᐊᑯᓐ ᒋᐸ ᐃᓯ ᑭᓄᐛᐱᒥᓱᓇᐛᐤ᙮ ᒋ ᐱᒪᑎᓯᓇᐛᐤ ᐊᑯ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ ᐊ ᐎᒐᐅᒪᑯ ᒋᓴᔅ ᙭ᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:2

ᓇᒪ ᒋᑭ ᒋ ᐃᓯᓇᑯᓐ ᐅ᙮ ᓇᒪ ᐛᐛᒡ ᒋᐸ ᐅᒋ ᐃᓯ ᒪᒥᑐᓇᔨᑎᒻ ᐊᐛᓐ᙮ ᒋᐸ ᐃᓯ ᑭᓄᐛᐱᒥᓱᓇᓄᐤ ᒧᔭᒻ ᐊᒋ ᓂᐱᔅᑎᒪᐧᒄ ᑕᓐ ᑲ ᐃᓯ ᑎᐸᔨᒥᑯᔭᐧᒄ ᒥᒋᑥᐅᓐ᙮ ᓇᒪ ᐊᑯ ᒥᒋᑥᐅᓂᒡ ᒋᐸ ᐅᒋ ᐃᓯ ᐱᒪᑎᓯᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:2

ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮

1 ᑯᕆᓐᑎᔭᓇ 15:45

ᒥᓯᓇᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑎᔅᑕᒡ, “ᐊᓐ ᓂᔅᑎᒻ ᓇᐸᐤ, ᐊᑕᒻ, ᒋ ᐅᓯᐊᑭᓄᐤ ᒐᒋ ᐱᒪᑎᓯᑦ᙮” ᐊᓐ ᒪᒃ ᒪᔅᑕᔾ ᐊᑕᒻ ᐊᐅᒄ ᙭, ᐊᒐᐧᑯᐤ ᐎᔾ, ᐎᔾ ᒥᔨᐛᐤ ᐱᒪᑎᓯᐅᓂᔪᐤ᙮

1 ᑯᕆᓐᑎᔭᓇ 2:14

ᐊᓐ ᐊᐛᓐ ᐊᑲ ᐊᔭᐛᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ, ᓇᒪ ᒋᑭ ᒋ ᐅᑎᓂᒻ ᐊᓂᔭᔪᐛ ᒥᔨᐛᐅᓇ ᑕᓐ ᐊ ᐃᓯ ᒥᔨᐛᔨᒋ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮ ᐅ ᐊᐛᓐ ᓇᒪ ᑕᑈ ᓂᔅᑐᑎᒻ ᒐᒂᔪᐛ ᐅᔭ, ᓇᒪ ᐎᔭᔅ ᐃᑕᐱᑎᓇ ᐃᑕᔨᑎᒻ᙮ ᐛᔅ ᒥᒄ ᐊᓐᒡ ᐸᔭᒋ ᐊᒐᒂ ᑲ ᐊᔭᐛᒡ ᒋᑭ ᒋ ᓂᔅᑐᑎᒧᒡ ᑕᓐ ᐊ ᐃᓯ ᒋᒋᐛ ᐃᑕᔨᑕᑯᓂᔨᒋ ᐅᔭ ᒥᔨᐛᐅᓇ᙮

2 ᑯᕆᓐᑎᔭᓇ 5:14

ᐊ ᒋᔅᒐᔨᑎᒪᒡ ᑕᓐ ᐊᔅᐱᔅ ᓴᒋᐃᒥᑦ ᒋᓴᔅ ᙭ ᐊᐅᒄ ᐅ ᐊ ᓯᒋᒥᑯᔭᒡ ᐅ ᒐᒋ ᐃᑕᐱᑎᓯᔭᒡ᙮ ᐛᔅ ᒋ ᒋᔅᒐᔨᒪᓄᐤ ᐎᔾ ᐊᒋ ᓂᐱᔅᑎᒧᐛᑦ ᒥᓯᐛ ᐊᐛᔪᐛ ᑭᔭ ᒐᒋ ᐃᓯ ᑭᓄᐛᐸᑕᑭᓄᐅᒡ ᒥᓯᐛ ᐊᐛᓐ ᐊᒋ ᓂᐱᑦ᙮

2 ᑯᕆᓐᑎᔭᓇ 5:7

ᐛᔅ ᐅᑕ ᐊ ᐱᒪᑎᓯᔭᐧᒄ ᐊᓐ ᑕᓐ ᐊ ᐃᓯ ᑕᑈᑎᒪᐧᒄ ᒋᑦ ᐊᔅᐸᔨᒧᑐᑕᓇᓄᐤ ᐊᑎ ᐊᔅᒄ ᐊᑲ ᐛᐸᑎᒪᐧᒄ ᑕᓐ ᒐ ᐃᓯ ᒥᔨᑕᐧᒄ ᒋᓴᒪᓂᑐᐤ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᐃᐱᓯᔭᓇ 3:9

ᑭᔭ ᓂᔾ ᓂᒋ ᒥᔨᒄ ᒥᓯᐛ ᐊᐛᔪᐛ ᒐᒋ ᒋᔅᒐᔨᑎᒥᐃᒥᒋ ᐊᓂᔭ ᒐᒂᔪᐤ ᐊᑲ ᐅᒋ ᒋᔅᒐᔨᑕᑯᓂᔨᒡ ᑲ ᐃᓯ ᐎᔭᔨᑎᒥᑯᐱᓇ ᒋᓴᒪᓂᑐᐤ ᒐ ᐃᑐᑕᐧᒃ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ ᒋ ᑭᓄᐛᔨᑎᒧᑯᐱᓇ ᒥᒄ ᐅᔭ ᑕᓐ ᑲ ᐃᓯ ᐎᔭᔨᑎᒥᑯᐱᓇ ᒐ ᐃᑐᑕᐧᒃ ᐊᓐᑕ ᓂᔅᑕᒥᒡ᙮

ᐱᓕᐱᔭᓇ 4:7

ᐊᑯ ᒪᒃ ᒋᓴᒪᓂᑐᐤ ᒐ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒐ ᐊᑲ ᒋ ᐊᔨᒪᔨᑎᒥᔅᑲᑯᐛᒄ ᒐᒂᔪᐤ ᒋᒥᑐᓇᔨᒋᑭᓄᐛᐛᒡ ᒪᒃ ᒋᑕᐃᐛᐛᒡ ᐊᓂᔭᔪᐤ ᐊ ᑕᑈᔭᔨᒪᒄ ᙭ ᒋᓴᔅ᙮ ᐊᐅᒄ ᐅ ᒋᔭᒪᔨᑎᒧᐅᓐ ᑲ ᐊᔨᒧᑕᒡ ᓇᒪ ᓇᔅᒡ ᒋ ᓂᔅᑐᑕᑭᓄᐤ ᑕᓐ ᐊᔅᐱᔅ ᒥᔽᔨᑕᒂᒡ᙮

ᑯᓚᓯᔭᓇ 1:5

ᐊᓐᑕ ᐅᔅᑭᒡ ᑲ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ᐃᓯᓂᐧᑲᑕᒡ, ᐊᑯᑕ ᑲ ᐸᑎᒪᒄ ᑕᓐ ᐊ ᐃᓯ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮

ᑯᓚᓯᔭᓇ 2:20

᙭ ᑲ ᓂᐱᑦ ᒧᔭᒻ ᑭᔭ ᒋᔨᐛᐤ ᐊᒋ ᓂᐱᔭᒄ ᐃᓯᓇᑯᓐ᙮ ᓇᒪ ᒪᒃ ᐊᑯ ᒋᑎᐸᔨᒥᑯᐛᐅᒡ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ᙮ ᒐᒂᓐ ᒪᒃ ᐛᒋ ᐃᓯ ᐱᒪᑎᓯᔭᒄ ᒧᔭᒻ ᐊᔅᒄ ᐊ ᑎᐸᔨᒥᑯᔭᒄ ᐅ ᐊᔅᒋᔾ᙮

ᑯᓚᓯᔭᓇ 2:3

ᒥᒄ ᙭ ᒋ ᒥᔨᑯᓄᐤ ᑕᑈ ᒐᒋ ᓂᔅᑐᑎᒪᒄ ᒋᓴᒪᓂᑐᐤ ᐅᐛᔪᐅᒡ ᑭᒐᑕᐛᔨᑎᒧᐅᓐ ᑭᔭ ᐅᐛᔪᐅᒡ ᒋᔅᒐᔨᑎᒧᐅᓐ᙮

ᑯᓚᓯᔭᓇ 3:4

᙭ ᐊ ᐎᒐᐛᒄ ᒋᒋᐛ ᐱᒪᑎᓯᐅᓐ ᒋ ᑭᓄᐛᔨᑕᓇᐛᐤ᙮ ᑲᐤ ᒪᒃ ᑎᑯᓯᒐ ᐅᑕ ᐊᔅᒋᒡ ᐊᑯᑕ ᑭᔭ ᒋᔨᐛᐤ ᒐ ᐊᓯᒡ ᓄᑯᐃᑯᐅᔭᒄ ᑭᔭ ᒐ ᐊᓯᒡ ᒋᔅᑕᔨᑕᑯᐃᑯᐅᔭᒄ ᒋᔅᑕᔨᑕᑯᐊᑭᓄᐅᒐ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

1 ᐱᑕᕐ 3:4

ᐃᐛᒃ ᐃᑕᔨᑕᑯᓐ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ ᑭᔭ ᒐᒋ ᒋᔭᒪᑎᓯᔭᒄ ᒐᒋ ᐅᒋ ᒥᔪᓇᑯᓯᔭᒄ᙮ ᐊᔪᐅᒄ ᐅᔭ ᓇᔅᒡ ᒪᔪᓇᑯᓯᑦ ᐃᔎᐤ ᐊ ᐃᓯ ᐱᒪᑎᓯᑦ ᑭᔭ ᐊᔪᐅᒄ ᐅᔭ ᐊ ᐃᑐᑕᑯᑦ ᒧᔅ ᒐᒋ ᒥᔪᓇᑯᓯᑦ᙮ ᐊᔪᐅᒄ ᐅᔭ ᒪᐅᒡ ᒪᔪᓇᐧᒃ ᒋᓴᒪᓂᑐᐤ ᐃᔎᐛ ᒐᒋ ᐃᓯ ᐱᒪᑎᓯᔨᒋ᙮

1 ᐱᑕᕐ 4:2

ᐊᑯ ᒪᒃ ᑕᓐ ᐊᔅᒄ ᒐ ᐃᔅᐱᔅ ᐱᒪᑎᓯᒂ ᐅᑕ ᐊᔅᒋᒡ ᓇᒪ ᐊᑯ ᒋᐸ ᐅᒋ ᑎᐸᔨᒥᑯᐤ ᐎᔾ ᑕᓐ ᐊ ᐃᓯ ᒧᔅᑕᓇᔨᑕᐧᒃ ᑎᐱᔨᐛ ᒐᒋ ᐃᑕᑎᓯᑦ ᒪᒃ ᐃᐛᒃ ᒋᓴᒪᓂᑐᐛ ᑕᓐ ᐊ ᐃᓯ ᓂᑐᐛᔨᒥᑯᑦ ᐊᔪᐅᒄ ᐊᓂᔭ ᒋᐸ ᐎ ᓂᓇᑭᑐᐛᔨᑎᒥᐃᑯᐤ ᒐᒋ ᐃᑐᑕᐧᒃ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

ᒋᔅᒐᔨᑕᑯᑕᒐᐅᓐ 2:17

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐊᓯᒪᐅᒡ ᐊᓂᔭ ᒋᒋᒋᓯᒄ ᐸᒂᓯᑭᓇ ᑲ ᑲᔭᑭᓄᔨᒋ᙮ ᓂᑭ ᒥᔭᐅᒡ ᐊᓯᓂᔭ ᐊ ᐛᐸᐱᔅᒋᓯᔨᒋ ᐊᓐᑕ ᒪᓯᓇᑕᔨᒡ ᐊ ᐅᔅᑲᔨᒡ ᐃᓯᓂᐧᑲᓱᐅᓂᔪᐤ᙮ ᓇᒪ ᒪᒃ ᐊᐛᓐ ᒋᔅᒐᔨᑎᒻ ᐅᔭ ᐃᓯᓂᐧᑲᓱᐅᓂᔪᐤ, ᒥᒄ ᐊᓐ ᐊᐛᓐ ᒐ ᒥᔭᑭᓄᐅᒂ, ᐊᐅᑯᓐ ᒐ ᒋᔅᒐᔨᑕᐧᒃ᙮”