ᑯᓚᓯᔭᓇ 3:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐛᔅ ᐅᑎᐸᔨᒋᒐᐤ ᙭ ᐊᐅᒄ ᒋᒋᐛ ᒋᐅᒋᒪᒧᐛᐤ᙮ ᒋᔅᒋᓯᒄ ᒪᒃ ᐅᑎᐸᔨᒋᒐᐤ ᒐ ᒥᔨᑕᒄ ᑎᐸᐊᒪᑯᓯᐅᓂᔪᐤ ᐊᓂᔭ ᑲᓄᐛᔨᑕᐧᒃ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᐊᑐᔅᑲᑯᑦ᙮

ᑯᓚᓯᔭᓇ 3:24 Iomraidhean Croise

ᒐᓂᓯᔅ 15:1

ᓇᓇᒐ ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒋ ᐃᑕᐤ, “ᐊᑲ ᑯᔅᑕᒋ, ᐊᑉᕋᒻ᙮ ᓂᔾ ᐅ ᒋᑦ ᐊᒂᓇᐅᓱᐛᑭᓐ, ᒋᒋᐛ ᒋᑭ ᒥᓴᐤ ᒋᑎᐸᒪᑯᓯᐅᓐ᙮”

ᒪᑎᔪᐤ 10:41

ᐊᓐ ᒪᒃ ᐊᐛᓐ ᑲ ᐱᑎᑲᐊᑦ ᐅᒋᔅᒋᐛᐃᒐᓱᐛ ᐊᓂᔭ ᐅᒋ ᐊ ᐅᒋᔅᒋᐛᐃᒐᓱᔨᒋ, ᐊᓂᔭ ᒐ ᐃᓯ ᑎᐸᐊᒧᐛᑭᓄᔨᒋ ᐅᔭ ᐅᒋᔅᒋᐛᐃᒐᓱᐛ ᐊᐅᑯᓐ ᑭᔭ ᐎᔾ ᒧᔭᒻ ᒐ ᐃᓯ ᑎᐸᐊᒧᐛᑭᓄᐅᑦ᙮ ᑭᔭ ᐊᐛᓐ ᑲ ᐱᑎᑲᐊᑦ ᐊ ᑯᐃᔅᑯᑕᑎᓯᔨᒋ ᐃᔪᐛ, ᐊᓂᔭ ᐅᒋ ᐊ ᑯᐃᔅᑯᑕᑎᓯᔨᒋ, ᐊᓂᔭ ᐊ ᐃᓯ ᑎᐸᐊᒧᐛᑭᓄᔨᒋ ᐊᐅᑯᓐ ᒧᔭᒻ ᑭᔭ ᐎᔾ ᒐ ᐃᓯ ᑎᐸᐊᒧᐛᑭᓄᐅᑦ᙮

ᒪᑎᔪᐤ 5:12

ᒥᔽᔨᑎᒧᒄ ᐛᔅ ᒋᑭ ᒥᓴᐤ ᒋᑎᐸᐊᒪᑯᓯᐅᓄᐛᐤ ᑕᓐ ᐊ ᐃᓯ ᑭᓄᐛᔨᑕᒂᒡ ᐊᓐᑕ ᒋᒋᒋᓯᑯᒡ᙮ ᐛᔅ ᐊᐅᑯᓐ ᒧᔭᒻ ᑲ ᐃᓯ ᓂᓇᐧᑲᒋᐊᑭᓄᐎᒡ ᐊᓐᒡ ᐅᒋᔅᒋᐛᐃᒐᓱᒡ ᐊᓐᑕ ᐅᑕᒡ᙮”

ᒪᑎᔪᐤ 5:46

ᒐᒂᔪᐤ ᒋᐸ ᐅᒋ ᒥᔨᒄ ᒋᓴᒪᓂᑐᐤ ᒋᑲᓂᔪᐅᓂᔪᐤ ᒥᒄ ᓴᒋᐃᑥᐛ ᐊᓐᒡ ᐊᐛᓐᒋ ᑲ ᓴᒋᐃᔅᒡ ? ᐛᔅ ᐊᐅᑯᓐ ᒥᓯᐛ ᐊᑎᒡ ᐊᓐᒡ ᑲ ᒪᒧᓴᒋᓇᒡ ᓱᓇᔭᔪᐤ᙮

ᒪᑎᔪᐤ 6:16

“ᒪᒃ ᐃᔅᐱ ᐊᑲ ᐅᑎᓂᒪᒂ ᒥᒋᒻ ᒥᒄ ᐊ ᐎ ᐊᔭᒥᐊᔭᒄ, ᐊᑲᐎᔾ ᓂᔅᐱᑕᐧᑯᒡ ᑲ ᐊᔭᒥᐊᐧᑲᓱᒡ᙮ ᐊᒪᒋᒂᔨᒡ ᒐᒋ ᐛᐱᒥᑯᒡ ᐃᔪᐛ ᐊ ᐊᑲ ᒥᒋᓱᒡ ᒥᒄ ᐅᓴ ᐊ ᐊᔭᒥᐊᒡ᙮ ᑕᑈ ᒋᑦ ᐃᑎᓇᐛᐤ ᓴᔅ ᒋ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 6:5

“ᑭᔭ ᐊ ᐊᔭᒥᐊᔭᑯ, ᐊᑲᐎᔾ ᒋᑭ ᓂᔅᐱᑐᐛᐛᐅᒡ ᐊᓐᒡ ᑲ ᐊᔭᒥᐊᐧᑲᓱᒡ᙮ ᐛᔅ ᓇᔅᒡ ᒥᔽᔨᑎᒧᒡ ᐊ ᓇᓂᐳᐅᒡ ᐊ ᐊᔭᒥᐊᒡ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᐊᓐᑕ ᓴᓯᑲᓐ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᒋ ᐎᑎᒪᑎᓇᐛᐤ ᓴᔅ ᐅᒡ ᐊᔭᐅᒡ ᐅᑎᐸᐊᒪᑯᓯᐅᓄᐛᐤ᙮

ᓗᒃ 14:14

ᐊᑯ ᒪᒃ ᒐ ᓱᐛᔨᒥᑯᔨᓐ ᐅᒋ ᐊᒋ ᐎᓴᒪᑥᐤ, ᐛᔅ ᑕᐸ ᒋᑭ ᒋ ᒋᐛ ᐃᑐᑕᑯᒡ ᑕᓐ ᐊᓂᔭᔪᐤ ᑲ ᐃᓯ ᐃᑐᑐᐅᑥᐤ᙮ ᒋᓴᒪᓂᑐᐤ ᒋᑭ ᑎᐸᐊᒪᒄ ᐃᔅᐱ ᐅᓂᔅᑲᑥᐛ ᓂᐳᐅᓂᒡ ᐅᒡ ᐊᓐᒡ ᑲ ᒂᔅᑲᑎᓯᒡ᙮”

ᓗᒃ 6:35

ᒪᐅᑕ ᒋᐸ ᐃᑎᓐ, ᒋᐸ ᓴᒋᐊᐅᒡ ᐊᓐᒡ ᑲ ᒥᒐᔨᒥᔅᒡ, ᑭᔭ ᒋᐸ ᒥᔪᑐᑐᐛᐅᒡ, ᒋᐸ ᒥᔭᐅᒡ ᑭᔭ ᒐᒂᔪᐤ ᐊ ᐃᓯ ᓂᑐᐛᔨᑎᒪᔅᒡ᙮ ᓇᒪ ᒋᐸ ᐅᒋ ᐱᑯᓴᔨᑕᓐ ᒥᓐ ᒐᒋ ᒋᐛᒥᔨᑯᔨᓐ, ᒐ ᒥᓴᒡ ᒪᒃ ᒋᑎᐸᐊᒪᑯᓯᐅᓐ᙮ ᑭᔭ ᐅ ᐃᑐᑎᒥᓇ ᒋᑭ ᓄᑯᓐ ᐊ ᐅᑦ ᐊᐛᓯᒥᑐᑕᔅᒃ ᒋᓴᒪᓂᑐᐤ, ᒪᐅᒡ ᑲ ᐃᔅᐸᔨᑕᑯᓯᑦ᙮ ᐛᔅ ᒥᔪᑐᑐᐛᐤ ᒥᓯᐛ ᐊᐛᔪᐛ ᐊᑎ ᐊᓂᔭ ᐊᑲ ᓂᓇᔅᑯᒧᔨᒋ ᑭᔭ ᐊᓂᔭ ᑲ ᒥᒋᑥᔨᒋ᙮

ᒠᓐ 12:26

ᐊᓐ ᒪᒃ ᐊᐛᓐ ᓂᔾ ᑲ ᐊᑐᔅᑯᐅᑦ ᓂᑭ ᐸᒋ ᓇᓴᐅᒄ᙮ ᐊᑯ ᒪᒃ ᒐ ᑕᑦ ᓂᑦ ᐊᐱᒋᐊᑭᓐ ᐊᓐᑕ ᒐ ᐊᑎ ᐃᑕᐅᒡ᙮ ᒋᑭ ᒋᔅᑕᔨᒥᑯᐤ ᓄᑕᐎᔭ ᐊᓐ ᐊᐛᓐ ᒐ ᐊᑐᔅᑯᐅᒂ᙮”

ᐊᑈᔅᑕᓇᒡ 20:32

“ᑭᔭ ᐊᓄᒡ ᒋ ᐊᑎ ᐃᓯ ᐱᔅᑎᓱᐛᑎᑎᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ ᒐ ᒥᔪ ᑭᓄᐛᔨᒥᑕᒄ ᑭᔭ ᐅᑦ ᐃᔨᒧᐅᓐ ᒐ ᓱᐛᔨᒥᑯᐛᒄ᙮ ᐅᓱᐛᔨᒋᒐᐅᓂᒡ ᑭᔭ ᐅᑦ ᐃᔨᒧᐅᓂᒡ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᑯᑕ ᒐ ᐅᒋ ᐊᔭᔭᒄ ᐊᓂᔭ ᑕᓐ ᑲ ᐎ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᐎᔭᔨᒪᑦ ᒐ ᐅᑦ ᐃᔨᒥᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᐱᒋᐊᑭᓇ᙮ ᒋᓴᒪᓂᑐᐤ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᑕᐅᒡ ᑭᔭ ᐎᔾ ᓂᒋ ᑕᑈᑎᒄ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:18

ᐊᓐ ᒪᒃ ᐊᐛᓐ ᑲ ᐊᑐᔅᑯᐛᑦ ᙭ᑕ ᐅᔭ ᐊ ᐃᓯ ᐱᒪᑎᓯᑦ ᒋᓴᒪᓂᑐᐛ ᓇᐊᔨᑎᒥᐊᐤ᙮ ᑭᔭ ᒋᑭ ᒋᔅᑕᔨᒥᑯᐤ ᑯᑎᑲ ᐊᐛᔪᐛ᙮

1 ᑯᕆᓐᑎᔭᓇ 11:23

ᒪᐅᔭᔪᐤ ᑲ ᐃᓯ ᒋᔅᑯᑎᒧᐅᑦ ᐅᑎᐸᔨᒋᒐᐤ, ᐊᐅᒄ ᐅ ᑲ ᐃᓯ ᐊᓱᐤ ᒋᔅᑯᑎᒪᑎᑯᒡ᙮ ᐊᓂᔭ ᑲ ᑎᐱᔅᑲᔨᒡ ᒐ ᐎᔭᓯᐱᔅᑎᓇᑭᓄᐅᑦ ᐅᑎᐸᔨᒋᒐᐤ ᒋᓴᔅ, ᒋ ᐎᒋᒥᒋᓱᒪᐤ ᐅᒋᔅᒋᓄᐊᒧᐛᑭᓇ᙮ ᒋ ᐅᑎᓇᐤ ᒪᒃ ᐸᒂᓯᑭᓇ᙮

1 ᑯᕆᓐᑎᔭᓇ 3:8

ᐊᓐ ᐊᐛᓐ ᑲ ᓂᑕᐅᒋᑕᑦ ᑭᔭ ᐊᓐ ᑲ ᓱᒋᔅᑕᑦ ᐊᓂᔭ ᓂᑕᐅᒋᑕᑭᓂᔪᐤ, ᓂᓱ ᐊᑐᔅᒐᐅᒡ᙮ ᑕᐱᔅᑯᓐ ᐊᑐᔅᒐᔅᑎᒧᒡ ᐊᓂᔭ ᓂᑕᐅᒋᑕᑭᓂᔪᐤ᙮ ᒋᓴᒪᓂᑐᐛ ᒪᒃ ᒋᑭ ᑎᐸᐊᒪᑯᐅᒡ ᑕᓐ ᒐ ᐃᓯ ᐊᑐᔅᒐᔅᑎᒺᒂ᙮

1 ᑯᕆᓐᑎᔭᓇ 7:22

ᐛᔅ ᐊᓐ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐃᔅᐱ ᑲ ᐱᒪᒋᐃᑯᑦ ᐅᑎᐸᔨᒋᒐᐛ, ᑲ ᑎᐸᔨᒥᓱᑦ ᐃᓯ ᑭᓄᐛᐱᒥᑯᐤ ᐅᑎᐸᔨᒋᒐᐛ, ᐊᑯ ᐊᓐ ᐊᐛᓐ ᐎᔾ ᑲ ᑎᐸᔨᒥᓱᑦ ᑲ ᐱᒪᒋᐊᑭᓄᐅᑦ ᐊᐅᑯᓐ ᐊᓐ ᙭ᑕ ᐛᑕᐱᒋᐊᑭᓂᑐᑕᑯᑦ᙮

ᑲᓚᓯᔭᓇ 1:10

ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮

ᐃᐱᓯᔭᓇ 6:6

ᐊᑲᐎᔾ ᒥᒄ ᐊ ᑭᓄᐛᐱᒥᔅᒃ ᒋᐅᒋᒪᒻ ᓱᒃ ᐎᔾ ᐊᑐᔅᒐ ᒧᔭᒻ ᒥᒄ ᓇᐸᐛ ᑲ ᐎ ᓂᓇᐃᑎᒪᐊᑦ ᒐᒋ ᐃᓯᓇᑯᓯᔨᓐ ᐛᔅ ᙭ ᐅᑦ ᐊᐱᒋᐊᑭᓇ ᓂᑐᐛᔨᑕᑯᓯᔪᐛ ᓇᔅᒡ ᐅᑕᐃᒡ ᒐᒋ ᐅᒋ ᐃᑐᑎᒥᔨᒋ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ᙮

ᐃᐱᓯᔭᓇ 6:8

ᐎ ᒋᔅᒐᔨᑎᒧᒄ ᑕᐸ ᐃᔭᒡ ᒋᑭ ᐅᒋ ᐃᓯ ᑎᐸᐊᒧᐛᐤ ᐅᑎᐸᔨᒋᒐᐤ ᐊᐛᔪᐛ ᐊᑎ ᐊᓂᔭ ᑲ ᐅᒋᒪᐎᔨᒋ ᑭᔭ ᒪᒃ ᐊᓂᔭ ᑲ ᑯᐸᓇᐎᔨᒋ᙮ ᒥᒄ ᑕᓐ ᐊ ᐃᓯ ᓄᑯᑕᔨᒋ ᐊᒋ ᐃᓯ ᒥᔪ ᐊᐱᑎᓯᔨᒋ ᐊᐛᔪᐛ ᐊᐅᑯᓐ ᒐ ᐃᓯ ᑎᐸᐊᒧᐛᑦ᙮

ᑯᓚᓯᔭᓇ 2:18

ᐊᑲᐎᔾ ᒋᑭ ᐅᒋ ᓇᐊᔨᒪᐛᐅᒡ ᐊᓐᒡ ᐊᐛᓐᒋ ᐃᔭᒡ ᑲ ᐃᑎᒡ ᐊ ᑎᐱᑕᔨᒥᓱᒡ ᑭᔭ ᐊᓐᒋᓇ ᑲ ᐊᔭᒥᐊᔅᑐᐛᒡ ᒐᒋ ᐎᔭᓯᒥᑕᑯᒡ ᐊ ᐎ ᐊᔭᔭᒄ ᒋᑲᓂᔪᐅᓄᐛᐤ᙮ ᐊᐅᑯᓐᒡ ᐅᒡ ᓇᔅᒡ ᑕᑈ ᐱᒋᔎᐅᐃᑯᒡ ᑕᓐ ᐊ ᐃᓯ ᐛᐸᑕᒡ ᐛᐸᑎᔨᐛᐅᓇ᙮ ᓇᒪ ᒪᒃ ᐊᐱᑕᔨᑕᑯᓂᔪᐤ ᐊᓂᔭ ᑕᓐ ᐊ ᐃᓯ ᐊᔨᒧᑕᒡ, ᐛᔅ ᒥᒄ ᐊ ᐃᓯ ᒪᒥᑐᓇᔨᑕᑭᓄᔨᒋ ᐅᑕ ᐊᔅᒋᒡ ᐊᐅᑯᓐ ᐱᓯᒄ ᐊ ᐃᓯ ᒪᒥᑐᓇᔨᑕᒡ᙮

ᐃᑉᕈᐛ 10:35

ᐊᑲᐎᔾ ᐳᓂᒄ ᐊ ᑕᑈᑎᒪᒄ ᐛᔅ ᐊᑯᑕ ᒐ ᐅᒋ ᐊᔭᔭᒄ ᐊ ᐛᔪᑎᒡ ᑎᐸᐊᒪᑯᓯᐅᓐ᙮

ᐃᑉᕈᐛ 11:6

ᓇᒪ ᐊᐛᓐ ᒋᑭ ᒋ ᓇᐊᔨᑎᒥᐊᐤ ᒋᓴᒪᓂᑐᐛ ᐸᑐᔅ ᑕᑈᔭᔨᒪᒐ᙮ ᐛᔅ ᐊᓐ ᐊᐛᓐ ᑲ ᐎ ᐸᒋ ᓇᑕᑦ ᒋᓴᒪᓂᑐᐛ ᒋᐸ ᑕᑈᑎᒻ ᐊ ᑕᔨᒋ ᒋᓴᒪᓂᑐᐛ ᑭᔭ ᐊ ᒥᔪᑐᑐᐛᔨᒋ ᐊᓂᔭ ᓱᒃ ᑲ ᐎ ᒋᔅᒐᔨᒥᑯᑦ᙮

ᐃᑉᕈᐛ 9:15

ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ᐅᓯᑕᐤ ᐊ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ᐊᔭᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ᒥᒋᑐᑕᒡ ᐊᔅᒄ ᐊᒋ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮

1 ᐱᑕᕐ 1:4

ᑭᔭ ᐸᑯᓴᔨᒧᔭᐧᒄ ᒐᒋ ᐊᔭᔭᐧᒄ ᐊᓐ ᑕᓐ ᐊ ᐃᓯ ᐊᔭᑦ ᒋᓴᒪᓂᑐᐤ ᒐ ᐃᓯ ᒥᔭᑦ ᐅᑦ ᐃᔨᒪ ᒐᒋ ᑎᐱᔨᐛᐅᓯᔨᒋ᙮ ᒋᒋᒋᓯᑯᒡ ᒪᒃ ᔅᒋ ᑭᓄᐛᔨᑎᒪᑯᐛᐤ ᐊᓐᑕ ᒐ ᐊᑲ ᓂᑕ ᐎᓂᐱᔨᒡ, ᑭᔭ ᒐ ᐊᑲ ᓂᑕ ᐅᓂᑎᓂᔨᒡ ᒪᒃ ᒐᒋ ᐸᓯᑯᓇᑯᓂᔨᒡ᙮

2 ᐱᑕᕐ 1:1

ᓂᔾ ᓴᐃᒥᓐ ᐱᑕᕐ, ᒋᓴᔅ ᙭ ᓂᑦ ᐊᑐᔅᑯᐛᐤ, ᐎᔾ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᐊᔭᔭᒄ ᑕᑈᑎᒧᐅᓐ ᒧᔭᒻ ᐊᓐ ᐊ ᐃᑕᔨᑕᒂᒡ ᓂᔭᓐ ᑲ ᐊᔭᔭᒡ᙮ ᐊᔪᐅᒄ ᐅᔭ ᑕᑈᑎᒧᐅᓂᔪᐤ ᒋᐱᒪᒋᐃᐛᒥᓄᐤ ᑭᔭ ᒋᒋᓴᒪᓂᑐᒥᓄᐤ ᒋᓴᔅ ᙭ ᑲ ᒥᔨᑕᐧᒄ᙮ ᐎᔾ ᒋ ᐃᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᒍᑦ 1:1

ᓂᔾ ᒍᑦ, ᒋᒥᔅ ᐎᐧᑲᓂᓴ, ᒋᓴᔅ ᙭ ᓂᑦ ᐊᑐᔅᑯᐛᐤ᙮ ᓂ ᒥᓯᓇᐊᒧᐛᐅᒡ ᐊᓐᒡ ᑲ ᑕᑈᑎᑯᒡ ᑭᔭ ᓇᔅᒡ ᑲ ᓴᒋᐃᑯᒡ ᒋᓴᒪᓂᑐᐛ ᐅᑕᐎᒪᐛ᙮ ᒥᔪ ᑭᓄᐛᔨᒪᑯᐅᒡ ᒋᓴᔅ ᙭ᑕ᙮