ᑯᓚᓯᔭᓇ 3:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐱᔅᑎᓂᒧᒄ ᐊᓐ ᒋᔭᒪᔨᑎᒧᐅᓐ ᙭ ᑲ ᒥᔨᑕᒄ ᒐᒋ ᐃᑐᑕᑯᔭᒄ ᒐᒋ ᐎᔭᔨᑎᒪᒄ ᑕᓐ ᒋᐸ ᐊᑎ ᐃᑎᓇᐛᐤ᙮ ᐛᔅ ᒋᓴᒪᓂᑐᐤ ᒪᒧᐤ ᔅᒋ ᐎᔭᔨᒥᑯᐛᐤ ᐸᐃᒄ ᒥᔪᐤ ᒐᒋ ᐃᓯᓇᑯᓯᔭᒄ ᒋᔭᒪᔨᑎᒧᐅᓂᒡ ᐊ ᐃᓯ ᐱᒪᑎᓯᔭᒄ᙮ ᓂᓇᔅᑯᒪᐧᒄ ᒪᒃ ᒋᓴᒪᓂᑐᐤ᙮

ᑯᓚᓯᔭᓇ 3:15 Iomraidhean Croise

ᑎᐱᑦ ᐅᓂᑭᒧᐅᓇ 100:4

ᐅᒋᒋᐃᔎᑕᒥᒡ ᐸᒋ ᐱᒐᐛᐧᒄ ᐊ ᓂᓇᔅᑯᒪᒄ, ᑭᔭ ᐅᒪᐅᒋᐃᑐᐅᒋᐛᐱᒡ ᐊ ᒪᒥᒋᒪᒄ: ᓂᓇᔅᑯᒪᐧᒄ, ᑭᔭ ᒥᔪᑐᑎᒺᐧᒄ ᐅᑦ ᐃᓯᓂᐧᑲᓱᐅᓐ᙮

ᑎᐱᑦ ᐅᓂᑭᒧᐅᓇ 107:22

ᐊᑯᔅ ᒪᒃ ᒋᑭ ᐱᔅᑎᓂᒐᐅᒡ ᓂᓇᔅᑯᒧᐅ ᐱᔅᑎᓂᒐᐅᓇ, ᑭᔭ ᒋᑭ ᐎᑎᒺᐅᒡ ᐅᑦ ᐊᑐᔅᒐᐅᓂᔪᐤ ᐊ ᒧᒐᔨᑕᒡ᙮

ᑎᐱᑦ ᐅᓂᑭᒧᐅᓇ 116:17

ᒋᑭ ᐸᒋᑎᓇᒪᑎᓐ ᓂᓇᔅᑯᒧᐅ ᐱᔅᑎᓂᒐᐅᓇ, ᑭᔭ ᓂᑭ ᓂᑐᑎᒺᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 29:11

ᑎᐸᔨᒋᒐᓱᐤ ᒋᑭ ᒥᔭᐤ ᒥᔅᑯᐅᓯᐅᓂᔪᐤ ᐅᑦ ᐃᔨᒪ; ᑎᐸᔨᒋᒐᓱᐤ ᒋᑭ ᓱᐛᔨᒪᐤ ᐅᑦ ᐃᔨᒪ ᐊ ᒥᔭᑦ ᒋᔭᒪᔨᑎᒧᐅᓂᔪᐤ᙮

ᒠᓐ 14:27

“ᒋ ᓂᑭᑎᒪᑎᓇᐛᐤ ᒋᔭᒪᔨᑎᒧᐅᓐ᙮ ᓂᔾ ᓂᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᓇᒪ ᐅᑕ ᐊᔅᒋᒡ ᐊ ᐃᑕᔨᑕᒂᒡ ᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᐊᑲᐎᔾ ᒪᒃ ᒥᑯᔅᑲᑕᔨᑎᒧᒄ ᑭᔭ ᐊᑲᐎᔾ ᑯᔅᑕᒋᒄ᙮”

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:21

ᐛᔅ ᒪᐅ ᑲ ᐃᓯᓇᒂᒡ᙮ ᒋ ᒋᔅᒐᔨᑎᒧᒡ ᑕᑈ ᐊ ᑕᔨᒋ ᒋᓴᒪᓂᑐᐛ, ᒥᒄ ᓇᒪ ᐅᒋ ᐎ ᒋᔅᑕᔨᒪᐅᒡ ᑕᓐ ᒋᐸ ᐃᓯ ᒋᔅᑕᔨᒪᐅᒡ ᑭᔭ ᓇᒪ ᐅᒋ ᐎ ᓂᓇᔅᑯᒪᐅᒡ᙮ ᐅᔭ ᐊ ᐃᑎᒡ ᓇᒪ ᐱᐸᔅᐱᓇ ᐅᒋ ᐃᑕᔨᑕᑯᓂᔪᐤ ᑕᓐ ᑲ ᐃᑕᔨᑕᒡ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᑯᐃᔅᒄ ᐅᒋ ᐃᓯ ᑭᓄᐛᐸᑎᒧᒡ ᒐᒂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:17

ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ᐎᒐᐛᐧᑯᒡ ᐊᐛᓐᒋ ᑭᔭ ᐊ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ᐱᒪᑎᓯᓇᓄᐎᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:1

ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑯᕆᓐᑎᔭᓇ 10:17

ᒥᒄ ᐸᐃᑯᓱᐤ ᐊᓐ ᐸᒂᓯᑭᓐ ᒥᓯᐛ ᐊ ᒧᐛᐧᒄ, ᐊᑎ ᐊ ᒥᒐᑎᔭᐧᒄ ᓂᓇᐧᑯᐤ ᐊ ᐃᑕᔨᑕᑯᓯᔭᐧᒄ᙮ ᐃᔅᐱ ᒪᒃ ᐊ ᒧᐛᐧᒄ ᐊᓐ ᐸᐃᒄ ᐸᒂᓯᑭᓐ ᐸᐃᒄ ᒥᔪᐤ ᒋᑦ ᐃᓯᓇᑯᓯᓇᓄᐤ᙮

1 ᑯᕆᓐᑎᔭᓇ 7:15

ᐛ ᐛᐱᓇᒂ ᒪᒃ ᐎᒋᒪᑭᓇ ᐊᓐ ᐊᐛᓐ ᐊᑲ ᑕᑈᑕᐧᒃ ᐊᐅᑯᓐ ᑭᑈ ᒐ ᐃᓯᓇᑯᓂᔨᒡ᙮ ᐅ ᒪᒃ ᐃᔅᐱᔨᒐ, ᐊᓐ ᒋᐧᑲᓂᓯᓄᐤ ᑲ ᑕᑈᑕᐧᒃ ᒋᑭ ᒋ ᐱᔅᑎᓇᐤ ᒐᒋ ᓂᑭᑎᑯᑦ ᐊᓂᔭᔪᐛ ᐎᒋᒪᑭᓇ᙮ ᐛᔅ ᒋᓴᒪᓂᑐᐤ ᒋ ᓂᑐᐛᔨᒥᑯᓄᐤ ᒋᔭᒪᔨᑎᒧᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮

2 ᑯᕆᓐᑎᔭᓇ 4:15

ᒋᔨᐛᐤ ᒪᒃ ᐊᐅᒄ ᐛᒋ ᐃᑐᑎᒪᒡ ᐅ᙮ ᐛᔅ ᐊᔭᔅᒃ ᐊ ᒋᔅᒐᔨᑎᒥᐊᑭᓄᐎᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᐊᑯ ᐊᔭᔅᒃ ᒐ ᑎᑯᓂᔨᒡ ᐊ ᓂᓇᔅᑯᒪᑭᓄᐅᑦ ᒋᓴᒪᓂᑐᐤ ᑭᔭ ᐊ ᒋᔅᑕᒋᒪᑭᓄᐅᑦ᙮

2 ᑯᕆᓐᑎᔭᓇ 9:11

ᑭᔭ ᒋᔨᐛᐤ ᒪᒃ ᓇᔅᒡ ᑕᑈ ᓂᓇᐧᑯᐤ ᒋᑭ ᐃᓯ ᐛᔪᐅᒡ ᒥᔨᑯᐛᐤ ᒋᓴᒪᓂᑐᐤ ᑭᔭ ᓂᓇᐧᑯᐤ ᒐᒋ ᐃᓯ ᒥᔭᑯᒡ ᑯᑎᑭᒡ᙮ ᐊᑯ ᒪᒃ ᒐ ᒥᒐᑎᒡ ᐊᓐᒡ ᒐ ᓂᓇᔅᑯᒪᒡ ᒋᓴᒪᓂᑐᐛ ᐃᔅᐱ ᒥᔅᑲᒂᐛ ᐊᓂᔭ ᒋᐱᔅᑎᓂᒐᐅᓄᐛᐅᔪᐤ᙮

ᐃᐱᓯᔭᓇ 4:16

ᐎᔾ ᐃᑐᑐᐛᐤ ᒐᒋ ᒥᔪ ᐎᒐᐅᑐᔨᒋ ᐅᒪᒧᐊᔭᒥᐊᐛ ᑭᔭ ᒥᓯᐛ ᒐᒋ ᐃᓯ ᒥᔪᐱᔨᒋ ᐊᓂᔭ ᐊ ᐊᑎ ᓂᑕᐅᒋᔨᒋ ᑭᔭ ᐊ ᐊᑎ ᓱᒋᑲᐳᔨᒋ ᐊ ᓴᒋᐃᑐᔨᒋ ᐅᒡ᙮

ᐃᐱᓯᔭᓇ 4:4

ᒥᓯᐛ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᑭᔭ ᒥᒄ ᐸᐃᑯᓱᐤ ᑲ ᐸᔭᒋᓯᑦ ᐊᒐᐧᒄ᙮ ᐸᐃᑯᓐ ᑭᔭ ᐊᔅᐸᔨᒧᐅᓐ, ᐊᓂᔭ ᒋᓴᒪᓂᑐᐤ ᑲ ᒥᔨᑕᒄ ᐃᔅᐱ ᑲ ᐅᑎᓂᑕᒄ᙮

ᐃᐱᓯᔭᓇ 5:1

ᓱᒃ ᐎ ᓂᔅᐱᑐᐛᐧᒄ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ, ᐛᔅ ᐊᐅᒄ ᒋᔨᐛᐤ ᐅᑦ ᐊᐛᓯᒪ ᑲ ᓴᒋᐊᑦ᙮

ᐃᐱᓯᔭᓇ 5:20

ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮

ᑯᓚᓯᔭᓇ 1:12

ᑭᔭ ᐊ ᒧᒋᒐᔨᑎᒪᒄ ᒐ ᓂᓇᔅᑯᒪᒄ ᐅᑕᐎᒪᐤ ᐊᓐ ᑲ ᐃᑐᑕᑕᒄ ᒐᒋ ᒋᔅᑕᔨᑕᑯᓱᐛᒄ ᒐᒋ ᐊᔭᐛᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᑕᑈᑎᒥᔨᒋ ᐛᔅᑕᐅᓂᒡ ᐊ ᑕᔨᒋ᙮

ᑯᓚᓯᔭᓇ 2:7

ᐱᔅᑎᓇᐧᒄ ᒐᒋ ᐃᑐᑕᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᐛᒄ ᑭᔭ ᒐᒋ ᒥᔨᑕᒄ ᒥᔅᑯᓯᐅᓂᔪᐤ, ᒧᔭᒻ ᒥᔅᑎᒄ ᑕᒥᒡ ᐊᔅᒋᒡ ᐊ ᐃᓯ ᑯᑕᐅᐱᔨᒋ ᐅᑎᐱᔭ ᒐᒋ ᓱᒋᑲᐳᐅᑦ ᐊᐅᑯᓐ ᒋᐸ ᐃᓯᓇᑯᓯᓇᐛᐤ᙮ ᐊᐅᑯᓐ ᒋᐸ ᐎ ᐃᓯ ᓱᒋᑲᐳᐅᓇᐛᐤ ᑕᓐ ᐊ ᐃᓯ ᑕᑈᑎᒪᒄ᙮ ᐊᑯ ᒪᒃ ᐊᔭᔅᒃ ᒧᔅ ᒐ ᑕᑈᔭᔨᒪᒄ ᒧᔭᒻ ᑲ ᐃᓯ ᒋᔅᑯᑎᒪᑯᐅᔭᒄ ᒐᒋ ᐃᑎᔭᒄ᙮ ᑭᔭ ᒧᔅ ᒋᐸ ᓂᓇᔅᑯᒪᐛᐤ᙮

ᑯᓚᓯᔭᓇ 3:17

ᒥᓯᐛ ᒐᒂᓐ ᐊ ᐃᑐᑎᒪᒄ ᑭᔭ ᑕᓐ ᐊ ᐃᔅᒋᔄᔭᒄ, ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓂᒡ ᒋᐸ ᐃᓯ ᐃᑐᑕᓇᐛᐤ ᐊ ᓂᓇᔅᑯᒪᒄ ᒋᓴᒪᓂᑐᐤ ᒍᑕᐎᓄᐤ ᐎᔾ ᒋᓴᓴ ᐅᒡ᙮

1 ᑕᓴᓗᓂᔭᓇ 5:18

ᒥᒄ ᑕᓐ ᒐ ᐃᔅᐱᔪᐛᒂ ᒧᔅ ᓂᓇᔅᑯᒧᒄ᙮ ᐛᔅ ᐊᔪᐅᒄ ᐅᔭ ᐊ ᐃᓯ ᐱᑯᓴᔨᒥᑕᒄ ᒋᓴᒪᓂᑐᐤ ᒐᒋ ᐃᑐᐛᒄ ᐊ ᐎᒐᐅᒪᑯ ᙭ ᒋᓴᓴ᙮

1 ᑎᒧᑎ 2:1

ᒪᐅᒡ ᒪᒃ ᓂᔅᑎᒻ ᐊ ᐃᓯ ᐱᑯᓴᔨᒧᔭᓐ ᐊᐅᒄ ᐅ ᒧᔅ ᓂᓇᐧᑯᐤ ᒐᒋ ᐃᓯ ᐊᔭᒥᐊᔅᑎᒧᐛᑯᒡ ᒥᓯᐛ ᐊᐛᓐᒋ᙮ ᒐ ᓂᑐᑎᒪᔭᒄ ᒐᒋ ᒥᔭᑭᓄᐅᒡ ᑕᓐ ᐊ ᐃᓯ ᓂᑐᐛᔨᑕᒡ ᑭᔭ ᒧᔅ ᒐᒋ ᓂᓇᔅᑯᒪᒄ ᒋᓴᒪᓂᑐᐤ ᐎᔨᐛᐤ ᐅᒡ᙮

1 ᑎᒧᑎ 6:12

ᓱᐧᒃ ᐊᔨᒋᑲᐳᔅᑕ ᐊᓐ ᐊ ᐃᓯ ᑕᑈᑎᒥᓐ ᐊᓐᑕ ᒐᒋ ᐅᒋ ᐅᑎᓯᔨᓐ ᑲᒋᒡ ᐱᒪᑎᓯᐅᓐ᙮ ᐊᐅᒄ ᐛᔅ ᑭᑈ ᐊᓐ ᑲ ᐃᓯ ᐃᑕᔨᒥᑯᔨᓐ ᒐᒋ ᐃᓯ ᐊᔭᔨᓐ ᐃᔅᐱ ᓇᔅᒡ ᑲ ᒋᔅᒐᔨᑕᑯᓯᔨᓐ ᒐ ᐊᑐᔅᑯᐅᑦ ᒋᓴᒪᓂᑐᐤ, ᑲ ᐎᑎᒥᓐ ᑕᑈ ᐊ ᑕᑈᑎᒥᓐ ᐅᑎᔅᑯᐤ ᒥᒐᑦ ᐊᐛᓐᒋ ᐊ ᑕᒡ᙮

ᐃᑉᕈᐛ 13:15

ᒧᔅ ᐱᔅᑕᔨᒥᓱᑕᐤ ᒐᒋ ᒪᒥᒋᒪᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᓯ ᐃᑐᑎᒪᑕᐧᒄ ᒋᓴᔅ, ᒋᑐᓇᒡ ᐊ ᐅᒋ ᐛᐎᑎᒺᐧᑯᒡ ᐊᐛᓐᒋ ᐊ ᑕᑈᔭᔨᒪᐧᒄ ᒋᓴᔅ᙮

ᒋᔅᒐᔨᑕᑯᑕᒐᐅᓐ 7:12

ᐊ ᐃᔅᒋᔄᒡ, “ᑕᑈ ᐊᐅᑯᓐ ᐊ ᐃᓯᓇᒂᒡ᙮ ᐊᔭᐤ ᒋᓴᒪᓂᑐᐤ ᓱᐛᔨᒋᒐᐅᓂᔪᐤ, ᑭᒐᑕᐛᔨᑎᒧᐅᓂᔪᐤ, ᒋᔅᑕᔨᑕᑯᓱᐅᓂᔪᐤ ᑭᔭ ᒥᔅᑯᓯᐅᓂᔪᐤ᙮ ᐊᐅᒄ ᒪᒃ ᐛᒋ ᒪᒥᒋᒥᑯᑦ ᐊᐛᔪᐛ, ᑭᔭ ᐊᐅᒄ ᐅᔭ ᐛᒋ ᓂᓇᔅᑯᒥᑯᑦ ᑭᔭ ᒋᔅᑕᒋᒥᑯᑦ ᑲᒋᒡ ᑭᔭ ᑲᒋᒡ᙮ ᐊᒥᓐ᙮”