ᑯᓚᓯᔭᓇ 3:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᒪᐅ ᓇᔅᒡ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᒄ᙮ ᓴᒋᐃᑐᔭᒂ ᒥᓯᐛ ᒋᑭ ᒥᔪ ᐎᒐᐅᑐᓇᐛᐤ᙮

ᑯᓚᓯᔭᓇ 3:14 Iomraidhean Croise

ᒠᓐ 13:34

“ᐊ ᐅᔅᑲᒡ ᐃᑎᓱᐛᐅᓐ ᒋ ᒥᔨᑎᓇᐛᐤ ᐊᐅᒄ ᐅ ᒐᒋ ᓴᒋᐃᑐᔭᒄ᙮ ᒧᔭᒻ ᑕᓐ ᐊᔅᐱᔅ ᓴᒋᐃᑎᑯᒡ ᐊᐅᑯᓐ ᒋᐸ ᐃᔅᐱᔅ ᓴᒋᐃᑐᓇᐛᐤ᙮

ᒠᓐ 15:12

ᒋᑦ ᐃᑎᓱᒥᑎᓇᐛᐤ ᒪᒃ ᒐᒋ ᓴᒋᐃᑐᔭᒄ ᒧᔭᒻ ᓂᔾ ᐊ ᐃᔅᐱᔅ ᓴᒋᐃᑎᑯᒡ᙮

ᒠᓐ 17:23

ᓂᔾ ᐊ ᐱᒋᔅᑯᐅᒂᐤ ᑭᔭ ᒋᔾ ᐊ ᐸᒋ ᐱᒋᔅᑯᐎᔨᓐ ᐊᑯᑕ ᒐᒋ ᐅᒋ ᓇᔅᒡ ᐸᐃᑯᒡ᙮ ᐊᑯᑕ ᒪᒃ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᒋᔾ ᑕᑈ ᐊᒋ ᐸᒋ ᐃᑎᓴᐎᔨᓐ ᑭᔭ ᑕᑈ ᐊ ᓴᒋᐃᑥᐤ ᒧᔭᒻ ᓂᔾ ᐊ ᐃᔅᐱᔅ ᓴᒋᐃᔨᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:8

ᐊᑲᐎᔾ ᒋᑭ ᒥᓯᓇᐊᒧᐛᐤ ᐊᐛᓐ ᒐᒂᔪᐤ᙮ ᒥᒄ ᑕᓐ ᒧᔅ ᐊ ᐃᓯ ᐎᑕᑭᓄᐅᒡ ᒋᐸ ᐃᓯ ᓴᒋᐃᑐᓇᐛᐤ ᐊᐅᑯᓐ ᐊᓐ ᒋᐸ ᒥᓯᓇᐊᒪᑐᓇᐛᐤ᙮ ᒥᓯᐛ ᐛᐎᑐᒧᐛᐤ ᐊᐛᓐ ᒋᓴᒪᓂᑐᐛ ᐅᐎᓱᐛᐅᓂᔪᐤ ᐎᐧᑲᓂᓴ ᐊ ᓴᒋᐊᑦ᙮

ᐃᐱᓯᔭᓇ 1:4

ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᔅᒋ ᐅᑎᓂᑯᓄᐤ ᒋᓴᒪᓂᑐᐤ ᐎᔾ ᒐ ᐊᔭᐅᑕᐧᒄ ᐊᓂᔭ ᐅᒋ ᙭ᑕ ᐊ ᐎᒐᐅᒪᐧᑯ᙮ ᔅᒋ ᐅᑎᓂᑯᓄᐤ ᒐᒋ ᐸᔭᒋᓯᐛᐧᒄ ᑭᔭ ᐊᑲ ᓇᔅᒡ ᒐᒂᓐ ᒐᒋ ᑎᒂᒡ ᒐ ᐃᓯ ᐊᑕᒪᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᐃᐱᓯᔭᓇ 4:3

ᓱᒃ ᒧᔅ ᐎ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐅᑦ ᐊᒐᒂ ᒋ ᐎᒋᐃᑯᐛᐤ ᒐᒋ ᒥᔪ ᐎᒐᐅᑐᔭᒄ ᒋᔭᒪᔨᑎᒧᐅᓂᔪᐤ ᐊ ᒥᔨᑕᒄ᙮

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᑯᓚᓯᔭᓇ 2:2

ᐊᐅᒄ ᐊ ᐃᑎᔭᓐ ᐊ ᐱᑯᓴᔨᒧᔭᓐ ᒐᒋ ᓱᒋᑕᐊᔭᒄ ᑭᔭ ᒐᒋ ᒪᒧᐱᔪᐅᔭᒄ ᐊ ᓴᒋᐃᑐᔭᒄ᙮ ᒋ ᓂᑐᐛᔨᒥᑎᓇᐛᐤ ᓇᔅᒡ ᒐᒋ ᓂᔅᑐᑎᒪᒄ ᒥᔽᒋᒧᐅᓐ ᒐᒋ ᓱᐛᔨᒥᑯᐅᔭᒄ ᐊ ᒋᔅᒐᔨᑎᒪᒄ ᐊ ᑕᑈᒥᑲᒡ᙮ ᓇᔅᒡ ᓂᔅᑐᑎᒪᒂ ᐊᑯᑕ ᒐ ᐅᒋ ᒋᔅᒐᔨᒪᒄ ᒋᓴᔅ ᙭, ᐊᓐ ᐊᑲ ᓂᑕ ᐅᒋ ᒋᔅᒐᔨᒪᑭᓄᐅᑦ ᐊᓐᑕ ᐅᑕᒡ᙮ ᒋ ᐃᑐᑎᒻ ᒪᒃ ᐊᑯ ᒋᓴᒪᓂᑐᐤ ᒐᒋ ᒋᔅᒐᔨᒪᑯ ᙭ᑕ᙮

1 ᑕᓴᓗᓂᔭᓇ 4:9

ᓇᒪ ᓂᑐᐛᔨᑕᑯᓐ ᒐᒋ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᒪᒧᐤ ᓴᒋᐃᑐᓇᐛᐤ ᐊ ᐎᐧᑲᓂᓯᑕᑐᔭᒄ ᒋᔨᐛᐤ ᑲ ᑕᑈᔭᔨᒪᒄ ᒋᓴᔅ ᐛᔅ ᐎᔾ ᒋᓴᒪᓂᑐᐤ ᔅᒋ ᒋᔅᒐᔨᑎᒥᐃᑯᐛᐤ ᑕᓐ ᒋᐸ ᐃᓯ ᓴᒋᐃᑐᓇᐛᐤ᙮

1 ᑎᒧᑎ 1:5

ᐛᔅ ᐅᔭ ᐃᑎᓱᒥᑥᐛ ᐊᑯᑕ ᒐᒋ ᐅᒋ ᓴᒋᐊᒡ ᐊᐛᔪᐛ ᐊ ᐸᔭᐧᑭᓂᔨᒋ ᐅᑕᐃᐛᐛ ᑭᔭ ᐊ ᒋᔅᒐᔨᑕᒡ ᑯᐃᔅᒄ ᐊᒋ ᐃᑎᒡ ᑭᔭ ᐊ ᓱᒐᔨᑕᑯᓂᔨᒡ ᐅᑕᑈᑎᒧᐅᓄᐛᐤ᙮ ᐛᔅ ᐅ ᐃᓯ ᓂᓇᑭᑐᐛᔨᑎᒥᐃᑯᔨᓇ ᒐᒋ ᐃᓯ ᐎᑎᒧᐅᑥᐤ ᐊᑯᑕ ᒐᒋ ᐅᒋ ᓇᔅᒡ ᓴᒋᐊᒡ ᐊᐛᔪᐛ ᐅᑕᐃᐛᒡ᙮

ᐃᑉᕈᐛ 6:1

ᓂᑲᓄᒡ ᐊᑯ ᐃᓯ ᐊᒋᑕᐤ᙮ ᒋᔅᑯᑎᒪᓱᑕᐤ ᐊᓂᔭᔪᐛ ᐊᑐᐎᔅ ᐊ ᐊᑎ ᐊᔨᒥᓂᔨᒋ ᒐᒂᔪᐛ ᐛᔅ ᐊᐅᑯᓂ ᒐ ᐎᒋᐃᑯᔭᐧᒄ ᐊᑐᐎᔅ ᒐᒋ ᓂᑕᐅᒋᔭᐧᒄ ᒋᑕᑈᑎᒧᐅᓇᒡ᙮ ᓇᒪ ᒧᓯᓇᐤ ᒋᐸ ᐅᒋ ᐃᑎᓇᓄᐤ ᒥᒄ ᐊᓐ ᐅᔅᑭᒡ ᑲ ᐃᓯ ᐸᑎᒪᐧᒄ ᙭ ᐊ ᐃᓯ ᐊᔨᒧᒪᑭᓄᐅᑦ ᒐᒋ ᒋᔅᑯᑎᒪᑯᐅᔭᐧᒄ, ᐛᔅ ᓴᔅ ᒋ ᒋᔅᒐᔨᑕᓇᓄᐤ ᐊᓐ᙮ ᓇᒪ ᓂᑐᐛᔨᑕᑯᓐ ᒥᓐ ᒐᒋ ᒋᔅᑯᑎᒪᑯᐅᔭᐧᒄ ᒐ ᐊᑲ ᒋ ᐱᒪᒋᐊᑭᓄᐅᑦ ᐊᐛᓐ ᒥᒄ ᐊᓂᔭ ᐊ ᒥᔪᑐᑕᐧᒄ᙮ ᓇᒪ ᑭᔭ ᓂᑐᐛᔨᑕᑯᓐ ᒥᓐ ᒐᒋ ᐊᔨᒧᑎᒪᑯᐅᔭᐧᒄ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ,

1 ᐱᑕᕐ 4:8

ᒪᐅᒡ ᒪᒃ ᐊ ᐃᑕᔨᑕᒂᒡ ᐊᐅᒄ ᐅ ᒋᒋᐛ ᒐᒋ ᓴᒋᐃᑐᔭᒄ ᒥᓯᐛ ᐊ ᑎᓯᔭᒄ, ᐛᔅ ᓴᒋᐃᐛᐅᓐ ᐛᐸᔨᑎᒧᒥᑭᓐ ᒥᒐᑦ ᒥᒋᑥᐅᓇ᙮

2 ᐱᑕᕐ 1:7

ᐊᓐ ᒪᒃ ᐊ ᐊᑎ ᒪᓂᑐᐛᑎᓯᔭᒂ, ᐊᑯ ᒐ ᐊᑎ ᒋᓴᐛᑐᑎᐛᑯᒡ ᒋᐧᑲᓂᓱᐛᐅᒡ᙮ ᐃᔅᐱ ᒪᒃ ᐊ ᐊᑎ ᒋᓴᐛᑐᑎᐛᒂᐛ ᒋᐧᑲᓂᓱᐛᐅᒡ ᐊᑯ ᒐ ᐊᑎ ᐊᔭᔭᒄ ᓴᒋᐃᐛᐅᓐ᙮

1 ᒠᓐ 3:10

ᐊᐛᓐ ᐊᑲ ᑯᐃᔅᑯᑕᑎᓯᑦ ᒪᒃ ᐊᑲ ᓴᒋᐊᑦ ᐎᐧᑲᓂᓴ, ᓇᒪ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᑯᑕ ᐛᒋ ᒋᔅᒐᔨᒪᑭᓄᐅᑦ ᐊᐛᓐ ᐊᐛᔪᐛ ᐊ ᐅᑦ ᐊᐛᓯᒥᑐᑕᑯᑦ, ᒋᓴᒪᓂᑐᐛ ᑭᔭ ᒪᒃ ᒥᒋᒥᓂᑐᐛ᙮

1 ᒠᓐ 3:23

ᒪᐅᔭᔪᐤ ᒪᒃ ᐊ ᐃᑎᓱᒥᑕᐧᒄ ᒐᒋ ᐃᑐᐛᐧᒄ, ᒐᒋ ᑕᑈᔭᔨᒪᐧᑯ ᐅᑯᓴ ᒋᓴᔅ ᙭ᑕ ᑭᔭ ᒐᒋ ᓴᒋᐃᑐᐛᐧᒄ ᒧᔭᒻ ᙭ ᑲ ᐃᑎᓱᒥᑕᐧᒄ ᒐᒋ ᐃᓯ ᓴᒋᐃᐛᐛᐧᒄ᙮

1 ᒠᓐ 4:21

ᐊᐅᒄ ᐅᔭ ᑲ ᐃᑎᓱᒥᑕᐧᒄ ᒋᓴᒪᓂᑐᐤ, “ᐊᓐ ᑲ ᓴᒋᐊᑦ ᒋᓴᒪᓂᑐᐛ, ᐎᐧᑲᓂᓴ ᐊᓯᒡ ᒋᑭ ᓴᒋᐊᐤ᙮”