ᑯᓚᓯᔭᓇ 3:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯ ᒪᒃ ᓇᒪ ᐊᐱᑕᔨᑕᑯᓐ ᑕᓐ ᐊ ᐃᑎᔅᑲᓇᓯᑦ ᐊᐛᓐ, ᒍᐤ ᐃᑎᔅᑲᓇᓯᒂ ᑭᔭ ᒪᒃ ᐊᑲ ᒍᐤ ᐃᑎᔅᑲᓇᓯᒂ᙮ ᑭᔭ ᓇᒪ ᐊᐱᑕᔨᑕᑯᓂᔪᐤ ᑕᓐᑕ ᐛᒋᑦ ᐊᐛᓐ, ᑕᓐ ᑲ ᐃᓯ ᒋᔅᑯᑎᒧᐛᑭᓄᐅᑦ ᑭᔭ ᑕᓐ ᐊ ᐃᓯ ᑭᓄᐛᐱᒥᑯᑦ ᐊᐛᔪᐛ᙮ ᓇᒪ ᐊᐱᑎᓇ ᐅᔭ᙮ ᙭ᑕ ᐊ ᐊᔭᐛᑦ ᐊᐛᓐ ᐅᐱᒪᑎᓯᐅᓂᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮ ᒥᓯᐛ ᐊᐛᔪᐛ ᐊ ᐃᓯᓇᑯᓯᔨᒋ ᐱᒋᔅᑯᐛᐤ᙮

ᑯᓚᓯᔭᓇ 3:11 Iomraidhean Croise

ᑎᐱᑦ ᐅᓂᑭᒧᐅᓇ 117:2

ᐛᔅ ᓇᔅᒡ ᑕᑈ ᒋ ᒋᔅᑎᒪᒐᔨᒪᐤ ᒋᓴᐛᑐᑕᑯᓄᐤ: ᑭᔭ ᐅᑕᑈᐅᓐ ᑎᐸᔨᒋᒐᓱᐤ ᑲᒋᒡ ᐱᒥᐱᔪᐤ᙮ ᒪᒥᒋᒥᐧᒄ ᑎᐸᔨᒋᒐᓱᐤ !

ᒠᓐ 14:23

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᓐ ᐊᐛᓐ ᑲ ᓴᒋᐃᑦ ᒋᑭ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᓄᑕᐎᔭ ᒋᑭ ᓴᒋᐃᑯᐤ᙮ ᑕᐱᔅᑯᓐ ᓄᑕᐎᔾ ᑭᔭ ᓂᔾ ᓂᑭ ᓂᑐᐛᐱᒪᓇᓐ ᑭᔭ ᒐ ᐎᒋᒥᒋᑦ᙮

ᒠᓐ 15:5

“ᓂᔾ ᐊᐅᒄ ᓱᒥᓇᑎᒄ ᐊᑯ ᒋᔨᐛᐤ ᐅᑎᐧᑯᓇ᙮ ᐊᓐ ᐊᐛᓐ ᒧᔅ ᓂᔾ ᐊ ᑕᔭᓐ ᐃᓯ ᐱᒪᑎᓯᒐ ᐊᐅᑯᓐ ᐊᓐ ᒐ ᐱᒋᔅᑯᐅᒃ ᑭᔭ ᐊᐅᑯᓐ ᐊᓐ ᒐ ᒥᔪ ᒥᓂᓱᐅᑦ ᐛᔅ ᑕᐸ ᓇᔅᒡ ᒐᒂᓐ ᒋᑭ ᒋ ᐃᑐᑕᓇᐛᐤ ᐊᑲ ᐱᒋᔅᑯᐅᔭᒂ᙮

ᒠᓐ 17:23

ᓂᔾ ᐊ ᐱᒋᔅᑯᐅᒂᐤ ᑭᔭ ᒋᔾ ᐊ ᐸᒋ ᐱᒋᔅᑯᐎᔨᓐ ᐊᑯᑕ ᒐᒋ ᐅᒋ ᓇᔅᒡ ᐸᐃᑯᒡ᙮ ᐊᑯᑕ ᒪᒃ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᒋᔾ ᑕᑈ ᐊᒋ ᐸᒋ ᐃᑎᓴᐎᔨᓐ ᑭᔭ ᑕᑈ ᐊ ᓴᒋᐃᑥᐤ ᒧᔭᒻ ᓂᔾ ᐊ ᐃᔅᐱᔅ ᓴᒋᐃᔨᓐ᙮”

ᐊᑈᔅᑕᓇᒡ 15:17

ᐊᐅᒄ ᒪᒃ ᐅᔭ ᒐ ᐅᒋ ᓇᓂᑐᐛᔨᒪᒡ ᐅᑎᐸᔨᒋᒐᐛ ᑭᔭ ᒥᓯᐛ ᐊᓐᒡ ᑯᑎᑭᒡ ᐃᔪᒡ, ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ᐅᑎᓇᒂᐤ ᒐ ᐅᑦ ᐃᔨᒥᔭᓐ,

ᐊᑈᔅᑕᓇᒡ 28:2

ᐊᓐᒡ ᒪᒃ ᐃᔪᒡ ᐊᓐᑕ ᑲ ᑕᒡ, ᓇᔅᒡ ᓂᒋ ᒥᔪᑐᑕᑯᓇᓂᒡ᙮ ᒋ ᒋᑐᐅᑕᓂᔪᐤ ᒧᔭᒻ, ᐊᑯ ᒂ ᐎ ᑕᐧᑲᔭᒡ, ᑲ ᑯᑐᐛᓯᔨᒥᒡ ᐊᓐᑕ᙮

ᐊᑈᔅᑕᓇᒡ 28:4

ᐊᑯ ᐊᓐᒡ ᐃᔪᒡ ᐃᔅᐱ ᐎᔭᐱᒪᒡ ᐊᓂᔭ ᒋᓇᐱᒂ ᐊ ᒋᑭᒧᔨᒋ ᐊᓐᑕ ᑈᓚ ᐅᑎᒋᔨᒡ ᒂ ᐃᔅᒋᔄᒡ, “ᒋ ᓂᐸᐃᔨᐛᒐ ᐊᓐ ᐅ ᓇᐸᐤ, ᑭᔭ ᐊᑎ ᐊᒋ ᒋᑎᓯᒧᑦ ᐊᓐᑕ ᐎᓂᐸᑯᒡ ᐅᒋ, ᐃᔭᐱᒡ ᐅᑎᑕᐅᑯᐤ ᒐᒋ ᐛᐛᓯᐊᑭᓄᐅᑦ᙮ ᐊᐅᒄ ᐊᓂᔭ ᐛᒋ ᒪᑯᒥᑯᑦ ᐊᓂᔭ ᒋᓇᐱᒂ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:14

ᐊᐅᑯᐤ ᐅ ᐊ ᐃᓯ ᓂᑐᐛᔨᑕᑯᓯᔭᓐ ᒐᒋ ᐃᑎᔭᓐ᙮ ᓂ ᓂᑐᐛᔨᑕᑯᓯᓐ ᒥᓯᐛ ᐊᐛᓐᒋ ᒐᒋ ᐛᐎᑎᒧᐅᒂᐤ ᐅᔭ ᒥᔽᒋᒧᐅᓂᔪᐤ, ᐊᓐᒡ ᐊᓐᑕ ᐊᑲᔭ ᑲ ᑕᒡ ᑭᔭ ᐊᓐᒡ ᐃᔭᒡ ᐊᔅᒋᒡ ᑲ ᑕᒡ, ᐊᓐᒡ ᐊᒋ ᒋᔅᒋᓄᐊᒧᐛᑭᓄᐎᒡ ᑭᔭ ᐊᓐᒡ ᐊᑲ ᐅᒋ ᒋᔅᒋᓄᐊᒧᐛᑭᓄᐎᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:12

ᒥᓯᐛ ᒪᒃ ᐊᐛᓐ ᐊᔨᒧᒪᑭᓄᐤ ᐅᑕ, ᐛᔅ ᐸᐃᑯᓄᒡ ᐃᓯ ᑭᓄᐛᐱᒪᑭᓄᐎᒡ ᒍᐤ ᑲ ᐃᑎᔅᑲᓇᓯᒡ ᑭᔭ ᐊᑲ ᒍᐤ ᐃᑎᔅᑲᓇᓯᒡ᙮ ᐸᐃᑯᓱᐤ ᐊᓐ ᐅᑎᐸᔨᒋᒐᐤ ᒥᓯᐛ ᐊ ᐃᓯ ᑎᐸᔨᒋᒐᑦ᙮ ᒥᓯᐛ ᒪᒃ ᐊᓂᔭᔪᐛ ᑲ ᓂᑐᑎᒪᑯᑦ ᒐᒋ ᐎᒋᐊᑦ ᒋᑭ ᓱᐛᔨᒪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:22

ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᔅ ᙭ᑕ᙮ ᒥᓯᐛ ᒪᒃ ᐊᐛᔪᐛ, ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑲ ᑕᑈᔭᔨᒪᔨᒋ ᒋᓴᓴ, ᐊᐅᑯᓐ ᐊ ᐃᓯ ᐃᑐᑎᒧᐛᑦ᙮ ᐛᔅ ᒥᓯᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:29

ᒪᒃ ᐊ ᐃᑕᔨᑎᒧᒂ ᐊᐛᓐ, ᐊᑯ ᐊ ᒪᒃ ᒥᒄ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐛᒋᓴᒪᓂᑐᒥᒡ ᒋᓴᒪᓂᑐᐛ᙮ ᓇᒪᐎᔾ ᐊ ᑭᔭ ᐎᔨᐛᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐅᒋᓴᒪᓂᑐᒧᐅᒡ ᒋᓴᒪᓂᑐᐛ ? ᑭᑈ ᑭᔭ ᐎᔨᐛᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐛᒋᓴᒪᓂᑐᒥᒡ ᒋᓴᒪᓂᑐᐛ, ᓇᒪ ᒥᒄ ᐎᔨᐛᐤ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮

1 ᑯᕆᓐᑎᔭᓇ 12:13

ᐸᐃᑯᓱᐤ ᐊᓐ ᐊᒐᐧᒄ ᐊᑎ ᒥᓯᐛ ᐸᐃᒄ ᒥᔪᐤ ᑲ ᐅᒋ ᐃᓯᐃᑯᐅᔭᐧᒄ ᑲ ᓯᑲᐃᑕᑯᐅᔭᐧᒄ᙮ ᓇᒪ ᐎᔭᓯᓐ ᒍᐤ ᐊ ᐃᑎᔅᑲᓇᓯᒂ ᐊᐛᓐ ᒪᒃ ᐊᑲ ᒍᐤ ᐃᑎᔅᑲᓇᓯᒂ, ᑭᔭ ᒪᒃ ᐊᐱᒋᐊᑭᓐ ᐊ ᐃᑕᐱᒋᐊᑭᓄᒂ ᑭᔭ ᒪᒃ ᐊᑲ ᐊᐱᒋᐊᑭᓐ ᐃᑕᐱᒋᐊᑭᓄᒂ᙮ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᐸᐃᒄ ᐊᒐᐧᒄ ᒋᐱᒋᔅᑲᑭᓄᐤ᙮

1 ᑯᕆᓐᑎᔭᓇ 14:11

ᒧᔭᒻ ᒪᒃ ᐊᑲ ᓂᔅᑐᑐᐅᑲ ᐊᐛᓐ ᐊ ᐸᒋ ᐃᔨᒥᐃᑦ, ᑕᐱᔅᑯᓐ ᓂᑭ ᒪᓐᑕᐅᐛᔨᒥᑐᓇᓐ ᐊᑲ ᓂᔅᑐᑕᑐᔭᒡ᙮

1 ᑯᕆᓐᑎᔭᓇ 7:19

ᓇᒪ ᒐᒂᔪᐤ ᐃᑕᔨᑎᒻ ᒋᓴᒪᓂᑐᐤ ᑲ ᒋᔅᒋᓄᐛᒋᔄᑭᓄᐎᒂᓂ ᓇᐸᐛ ᒪᒃ ᐊᑲ ᐅᒋ ᒋᔅᒋᓄᐛᒋᔄᑭᓄᐎᒂᓂ᙮ ᐊᓐ ᒐᒂᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓂᓇᐃᑕᑭᓄᔨᒋ ᒋᓴᒪᓂᑐᐤ ᐅᑦ ᐃᑎᓱᐛᐅᓇ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᐃᐱᓯᔭᓇ 1:23

ᐅᔭ ᒪᒃ ᐅᒪᒧᐊᔭᒥᐊᐛ, ᐊᔪᐅᒄ ᐊᓂᔭ ᙭ ᐎᔪᐤ᙮ ᐊᓐᑕ ᒪᒃ ᐅᐱᒪᑎᓯᐅᓄᐛᒡ ᓇᒪ ᒐᒂᔪᐤ ᓄᑕᐱᔪᐅᒡ ᐛᔅ ᙭ᑕ ᒥᔨᑯᐅᒡ ᒥᓯᐛ ᒐᒂᔪᐤ ᑕᓐ ᐊ ᐃᓯ ᓄᑕᐱᔨᒡ᙮

ᐃᐱᓯᔭᓇ 2:14

ᐛᔅ ᙭ ᔅᒋ ᐸᑥᑯᓄᐤ ᒋᔭᒪᔨᑎᒧᐅᓂᔪᐤ᙮ ᒋ ᐃᑐᑐᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮ ᒋ ᐱᑯᓂᒺᐤ ᐊᓂᔭ ᑕᓐ ᑲᒋ ᐃᓯ ᐛᐧᑲᑎᑐᑐᔨᒋ᙮

ᐃᐱᓯᔭᓇ 2:15

᙭ ᒪᒃ ᒋ ᐃᑐᑎᒻ ᒐ ᐊᑲ ᒋ ᐊᐱᑎᓂᔨᒋ ᑕᓐ ᐊ ᐃᓯ ᓂᓇᐧᑯᐤ ᑎᑯᓂᔨᒋ ᐃᑎᓱᐛᐅᓇ ᐊᓐᑕ ᐎᓱᐛᐅᓂᒡ᙮ ᐊᔪᐅᒄ ᐅᔭ ᑲ ᐃᑎᑦ ᒐᒋ ᒥᔪ ᐎᒐᐅᑐᔨᒋ ᒍᐤ ᐃᔪᐛ ᑭᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᐃᑐᑐᐛᐤ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ ᐊᑎ ᐃᔭᒡ ᐊ ᐃᑎᔅᑲᓇᓯᔨᒋ, ᓇᓴᐅᑯᒐ᙮

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

ᐃᐱᓯᔭᓇ 3:6

ᐊᐅᒄ ᒪᒃ ᐅ ᐊᑲ ᐅᒋ ᒋᔅᒐᔨᑕᑭᓄᐅᒡ ᐊᓐᑕ ᐛᔅᑭᒡ, ᐊᓐ ᒥᔽᒋᒧᐅᓐ ᐅᒋ ᐊᑯᑕ ᐛᒋ ᓇᐃᐱᔨᒡ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐ ᐊᔭᒡ ᑕᓐ ᒐ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮ ᒋᓴᒪᓂᑐᐛ ᒋ ᒥᔨᑯᐅᒡ ᒍᐤ ᐃᔪᒡ ᐊ ᑕᔨᒋ ᒐᒋ ᐃᓯ ᒥᓯᓇᓱᒡ ᑭᔭ ᐊᓂᔭ ᐊ ᓇᓴᐛᒡ ᒋᓴᓴ ᑭᔭ ᐎᔨᐛᐤ ᒐ ᐊᔭᒡ ᑕᓐ ᑲ ᐃᓯ ᐊᓱᑎᒧᐛᑦ ᒋᓴᒪᓂᑐᐤ ᒍᐤ ᐃᔪᐛ᙮

ᐃᐱᓯᔭᓇ 6:8

ᐎ ᒋᔅᒐᔨᑎᒧᒄ ᑕᐸ ᐃᔭᒡ ᒋᑭ ᐅᒋ ᐃᓯ ᑎᐸᐊᒧᐛᐤ ᐅᑎᐸᔨᒋᒐᐤ ᐊᐛᔪᐛ ᐊᑎ ᐊᓂᔭ ᑲ ᐅᒋᒪᐎᔨᒋ ᑭᔭ ᒪᒃ ᐊᓂᔭ ᑲ ᑯᐸᓇᐎᔨᒋ᙮ ᒥᒄ ᑕᓐ ᐊ ᐃᓯ ᓄᑯᑕᔨᒋ ᐊᒋ ᐃᓯ ᒥᔪ ᐊᐱᑎᓯᔨᒋ ᐊᐛᔪᐛ ᐊᐅᑯᓐ ᒐ ᐃᓯ ᑎᐸᐊᒧᐛᑦ᙮

ᑯᓚᓯᔭᓇ 2:10

ᒋᔨᐛᐤ ᒪᒃ ᔅᒋ ᑐᑕᑯᓇᐛᐤ ᒐᒋ ᒥᑐᓄᓯᔭᒄ ᙭ ᐊ ᐎᒐᐛᒄ᙮ ᐎᔾ ᙭ ᒥᓯᐛ ᑎᐸᔨᒐᐅᓂᔪᐤ ᑭᔭ ᐊ ᓂᑲᓇᔨᑕᑯᓂᔨᒡ ᓱᒐᔨᑕᑯᓱᐅᓂᔪᐤ ᐅᑕ ᐊᔅᒋᒡ ᑭᔭ ᒋᓯᑯᒡ ᑎᐸᔨᑎᒻ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

2 ᒠᓐ 1:9

ᐊᓐ ᐊᐛᓐ ᐊᔪᐛᒃ ᑲ ᐃᓯ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ ᑭᔭ ᐊᑲ ᓂᓇᐃᑐᐛᑦ ᑕᓐ ᑲ ᐃᓯ ᒋᔅᑯᑎᒪᒐᔨᒋ, ᓇᒪ ᐊᔭᐛᐤ ᒋᓴᒪᓂᑐᐛ᙮ ᐊᑯ ᐊᓐ ᐊᐛᓐ ᒧᔅ ᐃᔭᒂ ᑲ ᓂᓇᑭᑐᐛᔨᑕᐧᒃ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᑕᐱᔅᑯᓐ ᐅᑕᐎᒪᐤ ᑭᔭ ᐅᑯᓯᓯᒪᐤ ᐎᒐᐛᐤ᙮