ᑯᓚᓯᔭᓇ 3:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᑭᔭ ᓇᔅᒡ ᐃᔭᒡ ᐊᑯ ᒋ ᐊᑎ ᐃᓯ ᐱᒪᑎᓯᓇᐛᐤ᙮ ᐊᔭᔅᒃ ᐊᑎ ᐅᔅᒋᓇᑯᓇ ᒋᒥᑐᓇᔨᒋᑭᓄᐛᐛ ᒐᒋ ᓂᔅᐱᑐᐛᒄ ᒋᓴᒪᓂᑐᐤ ᐊᓐ ᑲ ᐅᓯᐃᑕᒄ᙮

ᑯᓚᓯᔭᓇ 3:10 Iomraidhean Croise

ᒐᓂᓯᔅ 5:1

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᐊᑕᒻ ᐅᑦ ᐊᓂᔅᑯᑕᐸᓇ, ᓇᐸᐤ ᒧᔭᒻ ᒋᓴᒪᓂᑐᐛ ᑲ ᐃᓯᓇᑯᔅᑦ ᐅᔅᑭᒡ ᑲ ᐅᓯᐊᑭᓄᐅᑦ᙮

ᑎᐱᑦ ᐅᓂᑭᒧᐅᓇ 51:10

ᐅᓯᑕᒧᐎ ᐱᒋᔪᐤ ᐸᔭᒋ ᒥᑕᐃ; ᑭᓄᐛᐃᑎᒧᐎ ᒪᒃ ᑯᐃᔅᒄ ᐊᒐᐧᒄ ᒐᒋ ᐱᒋᔅᑯᐎᑦ᙮

ᒠᓐ 17:3

ᒪᐅᑕ ᒪᒃ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ, ᒋᔅᒐᔨᒥᔅᒐ ᒋᔾ ᒥᒄ ᐊ ᐸᐃᑯᓯᔨᓐ ᐊ ᒋᓴᒪᓂᑐᐎᔨᓐ, ᑭᔭ ᒋᔅᒐᔨᒪᒐ ᒋᓴᔅ ᙭ᑕ, ᐊᓂᔭ ᑲ ᐸᒋ ᐃᑎᓴᐅᒥᑎ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:2

ᐊᑲᐎᔾ ᓂᔅᐱᑐᐛᐧᑯᒡ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ᙮ ᐃᔭᐱᒡ ᓂᑐᐛᔨᒥᐧᒄ ᒋᓴᒪᓂᑐᐤ ᐃᔭᒡ ᒐᒋ ᐃᑕᔨᑕᑯᐃᑕᒄ ᐊ ᐅᔅᒋᑕᑦ ᑕᓐ ᐊ ᐃᓯ ᒪᒥᑐᓇᔨᑎᒺᒄ᙮ ᐊᑯ ᒪᒃ ᒐ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᒋᑭ ᒋᔅᒐᔨᑕᓇᐛᐤ ᒐᒂᔪᐤ ᒪᔽᓯᔨᒡ ᑭᔭ ᒐᒂᔪᐤ ᓇᐊᔨᑎᒥᐃᑯᑦ ᒋᓴᒪᓂᑐᐤ, ᑭᔭ ᐊᓂᔭᔪᐛ ᒐᒂᔪᐛ ᓇᔅᒡ ᐊ ᑯᐃᔅᑯᓇᒂᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12

ᓴᔅ ᒐᑲᑦ ᐎᒪᐱᔪᐤ ᐊ ᑎᐱᔅᑲᒡ᙮ ᓴᔅ ᒋᑭ ᐅᑎᒋᐱᔪᐤ ᐊ ᒋᓯᑲᒡ᙮ ᐳᓂᑕᐤ ᐊ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ᑕᔭᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:4

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑲ ᓯᑲᐃᑐᐛᑯᐅᔭᐧᒄ ᒧᔭᒻ ᑭᔭ ᒋᔭᓄᐤ ᐊᒋ ᓇᐃᐧᑲᑯᐅᔭᐧᒄ ᑲ ᓇᐃᐧᑯᐛᑭᓄᐅᑦ ᑭᔭ ᑲ ᓂᐸᐊᑭᓄᐅᑦ ᒋᔭᓄᐤ ᑭᔭ ᔅᒋ ᓂᐸᐃᑯᐅᓇᓄᐤ᙮ ᐅ ᒪᒃ ᐛᒋ ᐃᓯᓇᒂᒡ ᐊᐅᒄ ᓇᔅᒡ ᒐᒋ ᐅᔅᒐᔨᑕᒂᒡ ᑕᓐ ᐊ ᐃᓯ ᐱᒪᑎᓯᔭᐧᒄ ᒧᔭᒻ ᑲ ᐃᔅᐱᔅ ᓇᔅᒡ ᐅᔅᒐᔨᑕᑯᓂᔨᒡ ᙭ ᐅᐱᒪᑎᓯᐅᓐ ᑲ ᐅᓂᔅᑲᓂᑯᑦ ᐅᑕᐎᒪᐛ ᐅᒋᔅᑕᔨᑕᑯᓱᐤ ᓱᐧᑲᑎᓯᐅᓂᔨᒡ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:29

ᐛᔅ ᓂᑲᓐ ᒋ ᒋᔅᒐᔨᒪᐤ ᒋᓴᒪᓂᑐᐤ ᐊᐛᔪᐛ ᒐ ᐅᑦ ᐃᔨᒥᑦ, ᐊᐅᑯᓐ ᒪᒃ ᐅᔭ ᑲ ᐅᑎᓇᑦ ᒐ ᓂᔅᐱᑐᐛᔨᒋ ᐅᑯᓴ᙮ ᐊᐅᒄ ᐅᔭ ᑲ ᐃᑎᑦ ᒋᓴᒪᓂᑐᐤ ᓂᔅᑎᒧᓴᓐ ᒐᒋ ᑕᔨᒋ ᐅᑯᓴ ᐊᓐᑕ ᒪᒂᒡ ᐊ ᒥᒐᑎᔨᒋ ᐎᐧᑲᓂᓯᒪᐛ᙮

2 ᑯᕆᓐᑎᔭᓇ 3:18

ᒋᔭᓄᐤ ᒪᒃ ᐎ ᓇᒪ ᓂᑐᐛᔨᑕᑯᓐ ᒐᒋ ᐊᑯᒂᐅᓱᔭᐧᒄ ᒐᒋ ᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ᙮ ᐊ ᑭᓄᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ ᐊᔭᔅᒃ ᒋᒂᔅᒋᓇᑯᐃᑯᓇᓄᐤ ᐎᔾ ᒐᒋ ᓂᔅᐱᑐᐛᐧᒄ᙮ ᐊᔭᔅᒃ ᒋ ᐃᑐᑕᑯᓇᓄᐤ ᑭᔭ ᒋᔭᓄᐤ ᐊᑐᐎᔅ ᒐᒋ ᒋᔅᑕᔨᑕᑯᓯᔭᐧᒄ᙮ ᐎᔾ ᒪᒃ ᐅᑎᐸᔨᒋᒐᐤ ᐅᔭ ᒋᑦ ᐃᓯᐃᑯᓄᐤ ᐅᑦ ᐊᒐᒂ ᐅᒡ᙮

2 ᑯᕆᓐᑎᔭᓇ 4:16

ᐊᐅᑯᓐ ᒪᒃ ᐛᒋ ᐊᑲ ᓂᑕ ᐎ ᐳᓂᔭᒡ᙮ ᐊ ᐊᑎ ᐅᑕ ᐅᔅᒡ ᒋᔪᓇᒡ ᐊᔭᔅᒃ ᐊ ᐊᑎ ᓂᓱᐅᓇᑎᓯᔭᐧᒄ, ᐊᓯᑯᒻ ᒋᓯᑲᐛ ᒥᔅᑯᐊᑭᓄᐅᒡ ᒋᑦ ᐊᒐᐧᑯᓄᐅᒡ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

ᑲᓚᓯᔭᓇ 3:27

ᑲ ᓯᑲᐃᑕᑯᔭᒄ ᐎᔾ ᙭ ᐊ ᑕᑦ ᔅᒋ ᐃᓯ ᓯᑲᐃᑕᑯᓇᐛᐤ᙮ ᐊᑯ ᒪᒃ ᐎᔾ ᐊ ᑕᑦ ᐊ ᐃᓯ ᑎᐸᔨᑕᑯᓯᔭᒄ ᑭᔭ ᒋᑦ ᐊᑎ ᓂᔅᐱᑐᐛᐛᐤ᙮

ᑲᓚᓯᔭᓇ 6:15

ᒐᔅᒋᓄᐛᒋᐊᑭᓄᐅᒂ ᐊᐛᓐ ᒪᒃ ᐊᑲ ᒐᔅᒋᓄᐛᒋᐊᑭᓄᐅᒂ, ᓇᒪ ᒐᒂᓐ ᐊᓐ᙮ ᒋᓴᒪᓂᑐᐤ ᐊᒋ ᒥᔨᑕᐧᒄ ᐅᔅᒋ ᐱᒪᑎᓯᐅᓂᔪᐤ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮

ᐃᐱᓯᔭᓇ 2:10

ᐛᔅ ᐎᔾ ᒋᓴᒪᓂᑐᐤ ᔅᒋ ᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᐊᓂᔭ ᐅᒋ ᑕᓐ ᑲ ᐃᑐᑎᒥᔨᒋ ᙭ ᒋᓴᓴ᙮ ᙭ᑕ ᒪᒃ ᐊ ᐎᒐᐅᒪᐧᑯ, ᒋᓴᒪᓂᑐᐤ ᔅᒋ ᐃᑕᔨᑕᑯᐃᑯᓄᐤ ᒐᒋ ᒪᒥᔪᑐᑎᒪᐧᑯ ᐊᐛᔪᐛ, ᐛᔅ ᐊᔪᐅᒄ ᐅᔭ ᓴᔅ ᐊᓐᑕ ᐛᔅᑭᒡ ᓂᑲᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᐛᐧᒄ᙮

ᐃᐱᓯᔭᓇ 2:15

᙭ ᒪᒃ ᒋ ᐃᑐᑎᒻ ᒐ ᐊᑲ ᒋ ᐊᐱᑎᓂᔨᒋ ᑕᓐ ᐊ ᐃᓯ ᓂᓇᐧᑯᐤ ᑎᑯᓂᔨᒋ ᐃᑎᓱᐛᐅᓇ ᐊᓐᑕ ᐎᓱᐛᐅᓂᒡ᙮ ᐊᔪᐅᒄ ᐅᔭ ᑲ ᐃᑎᑦ ᒐᒋ ᒥᔪ ᐎᒐᐅᑐᔨᒋ ᒍᐤ ᐃᔪᐛ ᑭᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᐃᑐᑐᐛᐤ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ ᐊᑎ ᐃᔭᒡ ᐊ ᐃᑎᔅᑲᓇᓯᔨᒋ, ᓇᓴᐅᑯᒐ᙮

ᑯᓚᓯᔭᓇ 3:12

ᒋᔨᐛᐤ ᒋᓴᒪᓂᑐᐤ ᑲ ᐅᑎᓂᑕᒄ ᑲ ᐸᔭᒋᓯᔨᒋ ᐅᑦ ᐃᔨᒪ ᑭᔭ ᑲ ᓴᒋᐊᑦ, ᒋᓴᐛᑎᓯᒄ, ᒋᔅᑎᒪᒐᔨᒪᐧᑯᒡ ᐊᐛᓐᒋ, ᑎᐱᑕᔨᒥᓱᒄ, ᔪᔅᐸᑎᓯᒄ ᑭᔭ ᓯᐱᔨᐛᓯᒄ᙮

ᑯᓚᓯᔭᓇ 3:14

ᒪᐅ ᓇᔅᒡ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᒄ᙮ ᓴᒋᐃᑐᔭᒂ ᒥᓯᐛ ᒋᑭ ᒥᔪ ᐎᒐᐅᑐᓇᐛᐤ᙮

ᐸᐃᓕᒪᓐ 1:6

ᓂ ᓂᑐᑎᒪᓐ ᐊᓂᔭ ᐊ ᐊᑎ ᐊᔨᒧᑎᒧᒡ ᐊᐛᓐᒋ ᑕᓐ ᐊ ᐃᓯ ᑕᑈᑎᒥᓐ ᒐᒋ ᐎᒋᐃᐛᒥᑲᒡ ᐊᑐᐎᔅ ᒐᒋ ᐊᑎ ᒋᔅᒐᔨᑎᒥᓐ ᑕᓐ ᒐᒋ ᐃᓯ ᒥᔪᑐᑎᒪᑕᐧᒄ ᙭ ᒋᓴᔅ᙮

ᐃᑉᕈᐛ 6:6

ᒐ ᒋᐛᑲᐳᔅᑎᒧᐛᒂ ᒪᒃ ᐅᒡ ᐃᔪᒡ ᒥᓯᐛ ᑲ ᐃᓯ ᒋᔅᒐᔨᑎᒥᐊᑭᓄᐎᒡ ᒋᐸ ᐃᓯ ᑕᑈᑎᒧᒡ ᓇᒪ ᒥᓐ ᒋᑭ ᒋ ᐃᑐᑐᐛᑭᓄᐎᒡ ᒐᒋ ᒥᑕᒋᔨᐛᔨᑕᒡ ᐅᒥᒋᑥᐅᓄᐛᐛ᙮ ᐊᑐᐛᔨᒪᐅᒡ ᒋᓴᒪᓂᑐᐛ ᐅᑯᓯᔪᐛ᙮ ᒧᓯᓇᐤ ᒧᓴ ᒪᔭᔨᒪᐅᒡ ᒋᓴᓴ ᑭᔭ ᒧᔭᒻ ᒥᓐ ᐊ ᒋᔅᑕᔎᑕᒡ ᒋᐱᔭᑎᑯᒡ ᐃᓯᓇᑯᓂᔪᐤ ᐊᓂᔭ ᐊ ᐃᑕᑎᓯᒡ᙮

1 ᒠᓐ 2:3

ᐃᑐᑎᒪᒂ ᐊ ᐃᑎᓱᒥᑕᐧᒄ ᒋᓴᒪᓂᑐᐤ ᐊᑯᑕ ᒐ ᐅᒋ ᓄᒂᒡ ᑕᑈ ᐊ ᒋᔅᒐᔨᒪᐧᒄ᙮

1 ᒠᓐ 2:5

ᐊᑯ ᒪᒃ ᐊᐛᓐ ᐊ ᓂᓇᐃᑐᐛᑦ ᑕᓐ ᐊ ᐃᑎᓱᒥᑯᑦ ᒋᓴᒪᓂᑐᐛ, ᓄᑯᑕᐤ ᑕᑈ ᓇᔅᒡ ᐊ ᓴᒋᐊᑦ᙮ ᐅ ᑎᔭᒂ ᒋᑭ ᒋᔅᒐᔨᑕᑯᓯᓇᓄᐤ ᑕᑈ ᐊ ᐎᒐᐛᐧᒄ ᒋᓴᒪᓂᑐᐤ᙮

ᒋᔅᒐᔨᑕᑯᑕᒐᐅᓐ 21:5

ᐊᑯ ᐊᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ᐃᔅᒋᔄᑦ, “ᒥᓯᐛ ᒐᒂᓐ ᓄᐅᔅᒋᑕᓐ᙮” ᐊᑯ ᒂ ᐃᓯᑦ, “ᒥᓯᓇᑕᐊ ᐅ᙮ ᐛᔅ ᒋᑭ ᒋ ᑕᑈᑕᑭᓄᐤ ᑭᔭ ᑕᑈᒥᑭᓐ ᐅ ᐊ ᐃᔅᒋᔄᔭᓐ᙮”