ᑯᓚᓯᔭᓇ 3:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋ ᒋᔅᒐᔨᑕᓇᐛᐤ ᑲ ᐅᓂᔅᑲᓇᑦ ᒋᓴᒪᓂᑐᐤ ᙭ᑕ ᓂᐳᐅᓂᒡ ᐅᒡ ᒧᔭᒻ ᑭᔭ ᒋᔨᐛᐤ ᐊᒋ ᐅᓂᔅᑲᓂᑯᐅᔭᒄ ᐊᐅᑯᓐ ᐊ ᐃᓯᓇᒂᒡ᙮ ᐊᑯ ᒪᒃ ᒧᔅ ᒋᐸ ᓇᓂᑐᐛᔨᑕᓇᐛᐤ ᐊᓂᔭᔪᐛ ᒐᒂᔪᐛ ᐃᔅᐱᒥᒡ ᐊ ᑎᒂᒋ, ᐊᓐᑕ ᐊ ᐊᐱᑦ ᙭ ᒋᓴᒪᓂᑐᐛ ᐅᒥᔪᓂᔨᒡ᙮

ᑯᓚᓯᔭᓇ 3:1 Iomraidhean Croise

ᑎᐱᑦ ᐅᓂᑭᒧᐅᓇ 110:1

ᑎᐸᔨᒋᒐᓱᐤ ᒋ ᐃᑕᐤ ᓂᑎᐸᔨᒋᒐᓯᒪ, “ᐊᐱ ᓂᒥᔪᐅᓂᒡ, ᐸᑎᒪ ᐃᓯᐃᒂᐛ ᑲ ᐛᐧᑲᑎᔅᒡ ᒐᒋ ᐅᑕᑯᔅᑲᒋᑭᓂᔨᓐ᙮”

ᑎᐱᑦ ᐅᓂᑭᒧᐅᓇ 16:11

ᒋᑭ ᐛᐸᑎᔨᓐ ᐱᒪᑎᓱᐅ-ᒪᔅᑭᓄᐤ: ᐊ ᐸᑕᔅᑎᒥᐱᔨᓐ ᓴᑭᔅᒋᓇᐤ ᒥᔽᔨᑎᒧᐅᓐ; ᒋᒥᔪᐅᓂᒡ ᑎᒂᓇ ᒥᔽᑎᑯᓯᐅᓇ ᑲᒋᒡ᙮

ᒪᑎᔪᐤ 22:44

ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ ᐸᑐᔅ ᒋ ᓴᐧᑯᒋᐃᒂᐛ ᐊᓐᒡ ᑲ ᐅᐧᑲᑎᔅᒡ᙮

ᒪᑎᔪᐤ 26:64

ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”

ᒪᑎᔪᐤ 6:20

ᒪᒃ ᒪᐅᒋᑎᒪᓱᒄ ᐛᔪᑎᓯᐅᓐ ᐊᓐᑕ ᒋᒋᒋᓯᑯᒡ, ᐊᓐᑕ ᒐ ᐊᑲ ᒋ ᓂᓱᐅᓇᒋᑕᒡ ᒥᓐᑐᓯᒡ ᑭᔭ ᒐ ᐊᑲ ᒋ ᐊᒂᒂᐱᔅᑲᒋ ᑭᔭ ᒐ ᐊᑲ ᒋ ᒋᒧᑎᒡ ᑲᓂᑕᐅᒋᒧᑎᒡ᙮

ᒪᑎᔪᐤ 6:33

ᐅᔅᑕ ᐃᑕᔨᑕᑯᓐ ᓂᔅᑎᒻ ᓱᒃ ᒐᒋ ᓇᓂᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐃᑐᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒐ ᐃᑐᐛᒄ, ᐊᑯ ᒐ ᒥᔨᑕᒄ ᒥᓯᐛ ᑕᓐ ᐊ ᐃᓯ ᓄᑕᐱᔨᐛᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:36

ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᐊᓂᔭ ᑎᐱᑦ ᒐᒋ ᐃᔅᒋᔄᑦ, ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ ᐸᑐᔅ ᒋ ᓴᐧᑯᒋᐃᒂᐛ ᐊᓐᒡ ᑲ ᐛᐧᑲᑎᔅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:62

ᒋᓴᔅ ᒪᒃ ᒋ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ᐊᐱᑦ ᐅᒥᔪᓂᔨᒡ ᐃᑕᒐ ᑲ ᓱᐧᑲᑎᓯᔨᒋ ᑭᔭ ᒋᑭ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ᑎᑯᓯᓐᒐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:19

ᐸᑎᒪ ᒪᒃ ᒋᓴᔅ ᑲᒋ ᐃᓯ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ᐛᐛᔨᐱᑦ᙮

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 20:42

ᑎᐱᑦ ᒪᒃ ᐅᔭ ᐊᒋ ᐃᓯ ᒥᓯᓇᐊᒧᒂ ᐊᓐᑕ ᐅᓂᑭᒧᐅᓂᒡ, ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ,

ᓗᒃ 22:69

ᒥᒄ ᒪᒃ ᐊᑯ ᐛᑎᒋᐱᔨᒡ ᐃᔪᐤ ᐅᑯᓯᓴᓐ ᒐ ᐊᐱᑦ ᒋᓴᒪᓂᑐᐛ ᒪᐅᒡ ᑲ ᒋᔅᑕᔨᑕᑯᓯᔨᒋ ᐅᒥᔪᓂᔨᒡ ᐃᑕᒐ᙮”

ᐊᑈᔅᑕᓇᒡ 2:34

ᐛᔅ ᐊᓂᔭ ᑎᐱᑦ ᓇᒪ ᐅᒋ ᐅᐱᐱᔪᐤ ᐎᔾ ᐊᓐᑕ ᒋᒋᒋᓯᑯᒡ ᐃᔭᐱᒡ ᒪᒃ ᒋ ᐃᔅᒋᔄᐤ, ᐅᑎᐸᔨᒋᒐᐤ ᒋᓴᒪᓂᑐᐤ ᒋ ᐃᑕᐤ ᐊᓂᔭᔪᐛ ᓂᑎᐸᔨᒋᒐᓯᒪ ᙭ᑕ, ᐅᑕ ᓂᒥᔪᐅᓂᒡ ᐸᒋ ᐊᐱᔾ,

ᐊᑈᔅᑕᓇᒡ 7:55

ᒥᒄ ᒪᒃ ᔅᑎᐱᓐ ᐊ ᓴᑭᔅᒋᓇᔅᑲᑯᑦ ᑲ ᐸᔭᒋᓯᔨᒋ ᐊᒐᒂ ᒋ ᑎᔅᑎᓴᐳᐤ ᐊᓐᑕ ᒋᒋᒋᓯᑯᒡ ᐃᔅ, ᐊᑯ ᒂ ᐛᐸᑎᒺᑦ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔪᐤ ᑭᔭ ᒂ ᐛᐱᒪᑦ ᒋᓴᓴ ᐊ ᓂᐳᔨᒋ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:34

ᓇᒪ ᒪᒃ ᐊᐛᓐ ᒋᑭ ᒋ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ᓂᐱᔅᑎᒪᑭᓄᐤ ᙭ ᐊᔪᐤ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ᐊᔭᒥᐊᔅᑎᒪᑕᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:6

ᒥᒄ ᓂᑎᒥᒄ ᐎᓯ ᓂᓇᐊᔨᑎᒥᐃᓱᒐ ᐊᐛᓐ, ᒋᑭ ᓂᐸᐃᑯᐤ ᐅᔭ ᐊ ᐃᑎᑦ᙮ ᐱᓯᒄ ᑲ ᐸᔭᒋᓯᔨᒋ ᐊᒐᒂ ᒐᒋ ᓂᓇᐊᔨᑎᒥᐊᑦ ᐊ ᐃᓯ ᒪᒥᑐᓇᔨᑕᐧᒃ ᐊᐛᓐ ᐱᒪᑎᓯᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ ᐊᔭᐤ᙮

2 ᑯᕆᓐᑎᔭᓇ 4:18

ᐛᔅ ᑕᐸ ᐊᓂᔭᔪᐛ ᐊᓄᒡ ᑲ ᓄᐧᑯᒂᒋ ᒐᒂᔪᐛ ᒋ ᑭᓄᐛᐸᑕᓇᓄᐤ᙮ ᐊᓂᔭ ᐊᑲ ᓄᐧᑯᒂᒋ ᐊᐅᑯᓂ ᐊᓂᔭᔪᐛ ᑲᓄᐛᐸᑎᒪᐧᒄ᙮ ᐊᓐ ᐊᓄᒡ ᑲ ᓄᒂᒡ ᐛᐃᐱᔅᒋᔅ ᒥᒄ ᑎᑯᓐ᙮ ᐊᑯ ᐊᓐ ᐊᑲ ᓄᒂᒡ ᐊᐅᒄ ᑲᒋᒡ ᐊ ᑎᒂᒡ᙮

ᐃᐱᓯᔭᓇ 4:10

ᐊᓐ ᑲ ᐸᒋ ᑎᑯᓯᐧᒃ ᐅᑕ ᐊᔅᒋᒡ ᐊᐅᒄ ᐊᓐ ᑭᔭ ᑲ ᐅᐱᔨᑦ ᐊᓐᑕ ᒋᒋᒋᓯᑯᒡ ᐃᔅ ᒥᓯᑕ ᒐᒋ ᑕᑦ᙮

ᐃᐱᓯᔭᓇ 5:22

ᒋᔨᐛᐤ ᐃᔎᑐᒄ ᐱᔅᑕᔨᒥᑎᓱᔅᑐᐛᐧᑯᒡ ᒋᓇᐸᒧᐛᐅᒡ ᒧᔭᒻ ᐊ ᐃᓯ ᐱᔅᑕᔨᒥᑎᓱᔅᑐᐛᒄ ᐅᑎᐸᔨᒋᒐᐤ᙮

ᑯᓚᓯᔭᓇ 2:20

᙭ ᑲ ᓂᐱᑦ ᒧᔭᒻ ᑭᔭ ᒋᔨᐛᐤ ᐊᒋ ᓂᐱᔭᒄ ᐃᓯᓇᑯᓐ᙮ ᓇᒪ ᒪᒃ ᐊᑯ ᒋᑎᐸᔨᒥᑯᐛᐅᒡ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ᙮ ᒐᒂᓐ ᒪᒃ ᐛᒋ ᐃᓯ ᐱᒪᑎᓯᔭᒄ ᒧᔭᒻ ᐊᔅᒄ ᐊ ᑎᐸᔨᒥᑯᔭᒄ ᐅ ᐊᔅᒋᔾ᙮

ᑯᓚᓯᔭᓇ 3:2

ᒧᔅ ᒪᒥᑐᓇᔨᑎᒥᐃᑯᒄ ᐊᓂᔭ ᒐᒂᔪᐛ ᐃᔅᐱᒥᒡ ᐊ ᑎᒂᒋ ᓇᒪ ᐎ ᐊᓂᔭᔪᐛ ᒐᒂᔪᐛ ᐅᑕ ᐊᔅᒋᒡ ᐊ ᑎᒂᒋ᙮

ᐃᑉᕈᐛ 1:13

ᓇᒪ ᒪᒃ ᓂᑕ ᐅᒋ ᐃᑕᐤ ᒋᓴᒪᓂᑐᐤ ᐊᓐᒋᓇ ᑕᓐ ᑲ ᐃᑕᑦ ᐅᑯᓴ᙮ ᒋ ᐃᑕᐤ ᐅᑯᓴ, “ᐊᔅᑎᒻ ᐸᒋ ᐊᐱᔾ ᐅᑕ ᓂᒥᔪᐅᓂᒡ᙮ ᓂᑭ ᓴᐧᑯᒋᐊᐅᒡ ᐊᓐᒡ ᑲ ᐛᐧᑲᑎᔅᒡ᙮ ᓂᑭ ᐃᑐᑐᐛᐅᒡ ᒐᒋ ᐱᔅᑕᔨᒧᑎᓱᔅᑕᔅᒡ᙮”

ᐃᑉᕈᐛ 1:3

ᐊᓐ ᐅᑯᓯᓯᒪᐤ ᐊ ᑕᑦ ᐊᑯᑕ ᐛᒋ ᒋᔅᒐᔨᑕᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐅᑯᓯᓯᒪᐤ ᓇᔅᒡ ᓂᔅᐱᑐᐛᐤ ᑕᓐ ᐊ ᐃᑕᔨᑕᑯᓯᔨᒋ᙮ ᐎᔾ ᐅᑯᓯᓯᒪᐤ ᐅᒋᒪᐧᑲᑎᒻ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᐃᔅᐱᒥᒡ ᐊ ᑎᑯᓂᔨᒡ᙮ ᐅᑦ ᐃᔨᒧᐅᓐ ᑲ ᓱᒐᔨᑕᑯᓂᔨᒡ ᐅᒋ ᐅᒋᒪᐧᑲᑎᒻ ᒥᓯᐛ ᐅᔭ᙮ ᒋ ᐱᔅᑕᔨᒥᑎᓱᐤ ᒐᒋ ᓂᐸᐊᑭᓄᐅᑦ ᒐᒋ ᐅᒋ ᐸᔭᒋᐊᑭᓄᔨᒋ ᐊᐛᔪᐛ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᐃᔅᐱ ᑲ ᒋᔅᑕᑦ ᐅᔭ ᑲ ᐃᓯ ᐱᔅᑕᔨᒥᑎᓱᑦ ᐊᑯ ᒂ ᐅᑎᓇᑭᓄᐅᑦ ᐊᓐᑕ ᐅᒥᔪᓂᔨᒡ ᒋᓴᒪᓂᑐᐛ ᐊ ᑕᔨᒋ ᐊᓂᔭ ᒪᐅᒡ ᐊ ᐃᔅᐸᔨᑕᑯᓯᔨᒋ ᒋᒋᒋᓯᑯᒡ᙮

ᐃᑉᕈᐛ 10:12

ᒥᒄ ᒪᒃ ᐃᔅᐱᔅ ᒋᓴᔅ ᑲ ᐱᔅᑎᓇᐧᒃ ᐅᐱᒪᑎᓯᐅᓐ, ᐊᐅᒄ ᒥᒄ ᐅ ᐱᔅᑎᓂᒐᐅᓐ ᑲ ᓂᑐᐛᔨᑕᒂᒡ ᐊᓐᑕ ᒐᒋ ᐅᒋ ᑲᒋᒡ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ᙮ ᓇᒪ ᒥᓐ ᑯᑎᒡ ᐱᔅᑎᓂᒐᐅᓐ ᐅᒋ ᓂᑐᐛᔨᑕᑯᓐ᙮ ᐊᓐᑕ ᒪᒃ ᒋᓴᒪᓂᑐᐤ ᐅᒥᔪᐅᓂᒡ ᐊᑯᑕ ᑲ ᐃᓯ ᐅᑎᓇᑭᓄᐅᑦ ᑲᒋᒡ ᒐᒋ ᐊᐱᑦ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 8:1

ᒪᐅ ᐛ ᐃᑎᑎᑯᒡ᙮ ᒋ ᑭᓄᐛᔨᒪᓄᐤ ᒋᓴᐊᔭᒥᐊᐅᒋᒪᐤ᙮ ᒧᔭᒻ ᒪᒃ ᐅ ᑲ ᐃᓯ ᐸᒋ ᐊᔨᒧᑎᒪᑎᑯᒡ ᑕᓐ ᑲ ᐃᓯ ᓂᑐᐛᔨᑕᑯᓯᑯᐱᓇ ᒐᒋ ᐃᑕᔨᑕᑯᓯᑦ ᐊᔭᒥᐊᐅᒋᒪᐤ ᓇᔅᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ, ᐊᐅᑯᓐ ᐊᓐ ᐊ ᐃᑕᔨᑕᑯᓯᑦ ᐅ ᒋᒋᓴᐊᔭᒥᐊᐅᒋᒪᒥᓄᐤ᙮ ᐊᓐᑕ ᒋᓴᒪᓂᑐᐛ ᒪᐅᒡ ᑲ ᓱᒐᔨᑕᑯᓯᔨᒋ ᐅᒥᔪᓂᔨᒡ ᐊᑯᑕ ᐛᑎᐱᑦ, ᐊᓐᑕ ᒋᒋᒋᓯᑯᒡ᙮

1 ᐱᑕᕐ 3:22

ᐊᐅᒄ ᐅ ᙭ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᑭᔭ ᑲ ᐊᔨᑯᑦ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᓐᑕ ᒪᐅᒡ ᐊ ᒋᔅᑕᔨᑕᑯᓂᔨᒡ ᒐᒋ ᐊᐱᑦ ᐊᐛᓐ᙮ ᐊᑯᑕ ᒪᒃ ᑲ ᒥᔭᑭᓄᐅᑦ ᒐᒋ ᐅᒋᒪᒥᑕᑯᑦ ᒥᓯᐛ ᐊᓐᒋᓇ ᑭᔭ ᒐᒋ ᑎᐸᔨᑕᐧᒃ ᒥᓯᐛ ᒋᒋᒋᓯᒄ ᑎᐸᔨᒐᐅᓂᔪᐤ ᑭᔭ ᒥᓯᐛ ᓱᐧᑲᑎᓯᐅᓂᔪᐤ᙮