ᑯᓚᓯᔭᓇ 2:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑲᐎᔾ ᒪᒃ ᐊᐛᓐ ᒋᑭ ᐅᒋ ᐎᔭᓯᒥᑯᐛᐤ ᐊᓂᔭ ᐅᒋ ᑕᓐ ᐊ ᐃᓯ ᓂᑎᒥᒄ ᒋᔅᑯᑎᒪᒐᑦ, ᐛᔅ ᐊᓂᔭ ᑕᓐ ᐊ ᐃᓯ ᑕᑈᑕᐧᒃ ᓇᐸᐛ ᒋ ᐊᓱᐤ ᒋᔅᑯᑎᒪᒐᔪᐛ᙮ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ ᐎᔨᐛᐤ ᐊ ᑕᒡ ᐅᒋᐱᔪᐤ᙮ ᓇᒪ ᙭ᑕ ᐊ ᑕᔨᒋ ᐅᒋᐱᔨᔪᐤ᙮

ᑯᓚᓯᔭᓇ 2:8 Iomraidhean Croise

ᒪᑎᔪᐤ 10:17

ᐃᔭᒂᒥᒄ ᒪᒃ, ᐛᔅ ᒋᑭ ᑕᐅᒡ ᐊᐛᓐᒋ ᒐ ᒪᑯᓂᑕᑯᒡ ᐊᑯ ᐊᓐᑕ ᑲ ᓂᑲᓂᔅᑲᒐᔨᒋ ᐊ ᑕᔨᒋ ᒐ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᑯᑕ ᒐ ᐸᐱᓯᔅᑕᐅᑕᑯᒡ ᐅᑦ ᐊᔭᒥᐊᐅᒋᐛᐳᐛᒡ᙮

ᒪᑎᔪᐤ 16:6

ᐊᑯ ᒋᓴᔅ ᒂ ᐃᑕᑦ, “ᐃᔭᒂ, ᐃᔭᒂᒥᔅᑐᒪᐧᑯᐤ ᐅᐱᓯᑭᓄᐛᐛ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᔨᒡ᙮”

ᒪᑎᔪᐤ 7:15

“ᐃᔭᒂᒥᔅᑐᐛᐧᑯᒡ ᒥᒋ ᐅᒋᔅᒋᐛᐃᒐᓱᒡ᙮ ᒧᔭᒻ ᒪᔭᑕᓂᓯᒡ ᐃᓯᓇᑯᓱᐅᒡ ᐅᑕ ᐅᔅᒡ, ᒥᒄ ᒪᒃ ᐱᒡ ᐊᓐᑕ ᐅᐱᒪᑎᓯᐅᓄᐛᒡ ᒧᔭᒻ ᒥᐃᐧᑭᓂᒡ ᐃᑕᔨᑕᑯᓱᐅᒡ᙮”

ᐊᑈᔅᑕᓇᒡ 17:18

ᐸᐃᒂᐤ ᒋ ᓂᒋᐊᐅᒡ ᒋᔅᑯᑎᒪᒐᓱᐛ ᓇᔅᒡ ᐊᒋ ᐃᑈᐧᑲᔨᒋ ᐊᐱᑯᕆᔭᓐ ᑭᔭ ᔅᑐᐃᒃ ᑲ ᐃᓯᓂᐧᑲᑕᑭᓄᔨᒋ᙮ ᐅᒡ ᒪᒃ ᒋᔅᑯᑎᒪᒐᓱᐅᒡ ᒋ ᐊᔭᒥᐊᐅᒡ ᐊᓂᔭ ᑈᓚ ᐊᑯ ᑲ ᒪᔭᔨᒪᒡ ᐊ ᐃᑕᒡ, “ᑕᓐ ᐊ ᐃᔅᒋᔄᑦ ᐅ ᒋᔎᐧᑲᓐ ?” ᐊᑯ ᑯᑎᑭᒡ ᑲ ᐃᔅᒋᔄᒡ, “ᒐᔅᑲ ᐊᔨᒧᒪᐤ ᐊᓂᔭ ᐎᔾ ᐊ ᐊᔭᒥᐊᔅᑐᐛᑦ ᐊᐛᔪᐛ, ᓇᒪ ᒪᒃ ᒋ ᒋᔅᒐᔨᒪᓄᐤ ᒋᔭᓄᐤ ᐊᐛᔪᐛ ᐊᓂᔭ᙮” ᐊᐅᒄ ᐅᔭ ᑲ ᐃᔅᒋᔄᒡ ᐛᔅ ᑈᓚ ᒋ ᐊᔨᒧᒪᔪᐛ ᒋᓴᓴ, ᑲ ᐅᓂᔅᑲᔨᒋ ᓂᐳᐅᓂᒡ ᐅᒡ᙮

ᐊᑈᔅᑕᓇᒡ 17:32

ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ᐊᔨᒧᑎᒥᔨᒋ ᐊᓂᔭ ᑲᐤ ᐊ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ᒪᔭᔨᒪᐅᒡ ᐊ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ᐃᑕᐅᒡ, “ᒥᓐ ᒋ ᐎ ᐸᑕᑎᓇᓐ ᐊ ᐊᔨᒧᑎᒥᓐ ᐅ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:17

ᓂᐧᑲᓂᓯᑐᒄ, ᒋ ᐎ ᐃᔭᒂᒥᑎᓇᐛᐤ᙮ ᐃᔭᒂᒥᔅᑐᐛᐧᑯᒡ ᐊᓐᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᑕᑎᐸᓂᐱᔨᒋ ᑭᔭ ᐃᔭᒡ ᒐᒋ ᐃᑕᔨᒥᑐᔨᒋ ᑭᔭ ᑲ ᓂᓱᐅᓇᒋᑕᐛᒡ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔭᒡ ᐃᓯ ᒋᔅᑯᑎᒪᒐᐅᒡ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐛᒄ᙮ ᐊᑲᐎᔾ ᐊᐱᑕᔨᒪᐧᑯᒡ ᐅᒡ᙮

1 ᑯᕆᓐᑎᔭᓇ 10:12

ᐃᔭᒂᒥ ᒋᔾ ᑲ ᐃᑕᔨᑎᒥᓐ ᒧᔅ ᐊ ᓱᒋᑲᐳᔨᓐ ᒐ ᐊᑲ ᒋ ᐸᒋᓯᓂᔨᓐ ᒥᒋᑥᐅᓂᒡ ᐃᔅ᙮

1 ᑯᕆᓐᑎᔭᓇ 8:9

ᐃᔭᒂᒥ ᒪᒃ᙮ ᐊᓐ ᐊ ᐃᓯᓇᒂᒡ ᒐᒋ ᐎᔭᔨᑎᒪᓱᔨᓐ ᒋᔾ ᑕᓐ ᒐ ᐃᑎᔨᓐ ᐊᑲᐎᔾ ᒋᑭ ᐅᒋ ᐃᑐᑕᑯᐤ ᑯᑎᒃ ᐊᐛᓐ ᐊᔅᒄ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᒐᒋ ᒥᒋᑐᑕᐧᒃ᙮

2 ᑯᕆᓐᑎᔭᓇ 10:5

ᒥᒄ ᓂᑦ ᐃᑎᓇᓐ ᒐᒋ ᓂᒋᐛᐸᐊᒪᒡ ᑕᓐ ᐊ ᐃᓯ ᐎᔭᓯᒧᐛᐤ ᑭᒐᑕᐛᑕᑯᐃᓯᒡ ᐊᓐᒡ ᐊᑲ ᒧᔭᒻ ᑲ ᐃᓯ ᐊᔨᒧᒪᒡ ᒋᓴᒪᓂᑐᐛ ᑭᔭ ᑲ ᓂᑲᐅᐛᒡ ᒐᒋ ᒋᔅᒐᔨᒪᑭᓄᔨᒋ ᒋᓴᒪᓂᑐᐛ᙮ ᓂ ᐎ ᐃᑐᑐᐛᓇᓂᒡ ᒐᒋ ᐱᔅᑕᔨᒥᑎᓱᔅᑎᒧᐛᒡ ᙭ᑕ ᐅᒥᑐᓇᔨᒋᑭᓄᐛᐛ ᒐᒋ ᐅᒋ ᓂᓇᐃᑐᐛᒡ᙮

ᑲᓚᓯᔭᓇ 1:14

ᐅᔅᑕ ᓂᔾ ᒥᒄ ᓂᒋ ᐃᑎᓐ ᒐᒋ ᒥᔪᑐᑎᒪᓐ ᑕᓐ ᑲ ᐃᑎᓱᒥᑯᔭᒡ ᒍᐤ ᐃᔪᒡ ᐅᑦ ᐊᔭᒥᐊᐅᓄᐛᐤ ᐃᔅᐱ ᒥᒐᑦ ᓂᒡ ᒍᐤ ᐃᔪᒡ ᐊ ᐎᒋ ᐃᔅᐱᑕᑎᓯᒥᒂᐤ᙮ ᒥᒄ ᐊᔅᐱᔅ ᒋ ᐃᑐᑎᒪᓐ ᓂᒋ ᐎ ᓂᓇᐃᑎᒺᓐ ᐅᒋᔅᑯᑎᒪᒐᐅᓄᐛᐤ ᐊᓂᔭᐧᑲ ᒋᑦ ᐊᓂᔅᑯᑕᐸᓄᐎᒡ᙮

ᑲᓚᓯᔭᓇ 4:3

ᐊᐅᑯᓐ ᒪᒃ ᒧᔭᒻ ᒋᔭᓄᐤ, ᐊᔅᒄ ᐊᑲ ᐅᒋ ᒋᔅᒐᔨᑎᒪᐧᒄ ᑕᑈᐅᓐ ᒧᔭᒻ ᐊᐛᓯᒡ ᔅᒋ ᐃᑕᔨᑕᑯᓯᓇᓄᐤ᙮ ᐎᓱᐛᐅᓇ ᑭᔭ ᐃᑐᐅᓇ ᐅᑕ ᐊᔅᒋᒡ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᔭᐧᒄ ᔅᒋ ᒪᒋᒂᐱᐧᑲᑎᑯᓇᓄᐤ᙮

ᑲᓚᓯᔭᓇ 4:9

ᐊᑯ ᒪᒃ ᒐᔅᒐᔨᒪᒄ ᐊᑯ ᒋᓴᒪᓂᑐᐤ᙮ ᑎᔭᐧᑯᓐ ᐃᔭᐱᒡ ᒋᐸ ᒥᔽᐤ ᐃᔅᒋᔄᔭᒄ ᐎᔾ ᐊᐅᒄ ᒋᓴᒪᓂᑐᐤ ᐊ ᒋᔅᒐᔨᒥᑕᒄ᙮ ᑕᓐᑕ ᐛᒋ ᐃᑎᔭᒄ ᒥᓐ ᒐᒋ ᓇᑕᑯᒡ ᐊᓐᒡ ᐊᒐᐧᑯᒡ ᐊᑲ ᓴᐱᓯᒡ ᑭᔭ ᐊᑲ ᐅᔭᔅ ᐃᑕᐱᑎᓯᒡ, ᒥᓐ ᒐᒋ ᒪᒋᒂᐱᐧᑲᑎᑕᑯᒡ᙮

ᑲᓚᓯᔭᓇ 5:15

ᐎ ᐃᔭᒂᒥᒄ ᒪᒃ᙮ ᒧᔅ ᒥᒋᐱᔨᐃᑐᔭᒂ ᑭᔭ ᒋᐧᑲᒥᑐᔭᒂ ᐃᔭᒂ ᒋᒋᐛ ᓂᓱᐅᓇᒋᐃᑐᔭᒂ᙮

ᐃᐱᓯᔭᓇ 2:2

ᐊᐅᑯᓐ ᑲ ᐃᓯ ᐱᒪᑎᓯᔭᒄ ᐊᔅᒄ ᐊᒋ ᓇᓴᐊᒪᒄ ᑕᓐ ᐊ ᐃᑎᓇᓄᐅᒡ ᐅᑕ ᐊᔅᒋᒡ ᑭᔭ ᐊᔅᒄ ᐊᒋ ᓇᓴᐛᒄ ᐊᓐ ᑲ ᐅᒋᒪᐧᑲᑕᐧᒃ ᒋᓯᑯᔪᐤ, ᐊᓐ ᐊᒐᐧᒄ ᑲ ᐃᓯ ᐊᑐᔅᒐᑦ ᐊ ᐱᒋᔅᑯᐛᑦ ᐊᓂᔭᔪᐛ ᐊᐛᔪᐛ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮

ᐃᐱᓯᔭᓇ 4:20

ᓇᒪᔭᐤ ᒪᒃ ᐅ ᑲ ᐃᓯ ᒋᔅᑯᑎᒪᑯᐅᔭᒄ ᒋᓴᔅ ᙭ ᑲ ᐊᔨᒧᑎᒪᑯᐅᔭᒄ᙮

ᐃᐱᓯᔭᓇ 5:6

ᐃᔭᒂᒥᔅᑐᐛᐧᑯᒡ ᒪᒃ ᒐ ᐊᑲ ᒋ ᐎᔭᓯᒥᑕᑯᒡ ᐊᓐᒡ ᑲ ᒥᔽᔨᑕᒡ ᐅᔭᔪᐤ ᐃᑕᑎᓯᐅᓂᔪᐤ ᐛᔅ ᓂᑎᒥᒄ ᒋᑭ ᐃᓯ ᒋᔅᒋᓄᑕᐃᑯᐛᐅᒡ᙮ ᐅᔭ ᐊ ᐃᑕᑎᓯᒡ ᐊᓐᒡ ᐊᑲ ᓂᓇᐃᑐᐛᒡ ᒋᓴᒪᓂᑐᐛ ᐊᔪᐅᒄ ᐅᔭ ᐛᒋ ᐅᑎᑕᐅᑯᐛᒡ ᐅᑦ ᐊᐧᑯᔪᐛᓱᐅᓂᔪᐤ᙮

ᐱᓕᐱᔭᓇ 3:2

ᐃᔭᒂ ᓇᑭᑐᐛᔨᒪᐧᑯᒡ ᐊᓐᒡ ᑲ ᐎᔭᓯᐃᐛᒡ, ᓂᑎᒥᒄ ᑲ ᐃᑎᒡ᙮ ᐊᓐᒡ ᑲ ᐃᔅᒋᔄᒡ ᐸᑐᔅ ᒋᔅᒋᓄᐛᒋᔄᑭᓄᔨᒋ ᐊᐛᔪᐛ ᐃᔭᒄ ᒐᒋ ᐅᑦ ᐃᔨᒥᑐᑕᑯᔨᒋ ᒋᓴᒪᓂᑐᐛ᙮

ᑯᓚᓯᔭᓇ 2:18

ᐊᑲᐎᔾ ᒋᑭ ᐅᒋ ᓇᐊᔨᒪᐛᐅᒡ ᐊᓐᒡ ᐊᐛᓐᒋ ᐃᔭᒡ ᑲ ᐃᑎᒡ ᐊ ᑎᐱᑕᔨᒥᓱᒡ ᑭᔭ ᐊᓐᒋᓇ ᑲ ᐊᔭᒥᐊᔅᑐᐛᒡ ᒐᒋ ᐎᔭᓯᒥᑕᑯᒡ ᐊ ᐎ ᐊᔭᔭᒄ ᒋᑲᓂᔪᐅᓄᐛᐤ᙮ ᐊᐅᑯᓐᒡ ᐅᒡ ᓇᔅᒡ ᑕᑈ ᐱᒋᔎᐅᐃᑯᒡ ᑕᓐ ᐊ ᐃᓯ ᐛᐸᑕᒡ ᐛᐸᑎᔨᐛᐅᓇ᙮ ᓇᒪ ᒪᒃ ᐊᐱᑕᔨᑕᑯᓂᔪᐤ ᐊᓂᔭ ᑕᓐ ᐊ ᐃᓯ ᐊᔨᒧᑕᒡ, ᐛᔅ ᒥᒄ ᐊ ᐃᓯ ᒪᒥᑐᓇᔨᑕᑭᓄᔨᒋ ᐅᑕ ᐊᔅᒋᒡ ᐊᐅᑯᓐ ᐱᓯᒄ ᐊ ᐃᓯ ᒪᒥᑐᓇᔨᑕᒡ᙮

ᑯᓚᓯᔭᓇ 2:20

᙭ ᑲ ᓂᐱᑦ ᒧᔭᒻ ᑭᔭ ᒋᔨᐛᐤ ᐊᒋ ᓂᐱᔭᒄ ᐃᓯᓇᑯᓐ᙮ ᓇᒪ ᒪᒃ ᐊᑯ ᒋᑎᐸᔨᒥᑯᐛᐅᒡ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ᙮ ᒐᒂᓐ ᒪᒃ ᐛᒋ ᐃᓯ ᐱᒪᑎᓯᔭᒄ ᒧᔭᒻ ᐊᔅᒄ ᐊ ᑎᐸᔨᒥᑯᔭᒄ ᐅ ᐊᔅᒋᔾ᙮

ᑯᓚᓯᔭᓇ 2:22

ᔅᒋ ᒥᔨᑯᓇᐛᐤ ᒥᒋᒻ ᒐᒋ ᒥᒋᓇᓄᐅᒡ᙮ ᓇᒪ ᒪᒃ ᓇᐅᔅ ᒥᔽᐤ ᒥᒋᒻ᙮ ᒥᓯᐛ ᐅᔭ ᒋᑕᐊᒪᒐᐅᓇ ᓇᐸᐤ ᐅᔭ ᑲ ᐃᓯ ᒋᑕᐊᒪᒐᑦ ᑭᔭ ᐊᐅᑯᓐ ᐊ ᐃᓯ ᒋᔅᑯᑎᒪᒐᑦ᙮

ᑯᓚᓯᔭᓇ 2:23

ᒧᔭᒻ ᒋᐸ ᑭᒐᑕᐛᔨᑕᑯᓇ ᐊᐅᑯᓐ ᐊ ᐃᑕᔨᑕᒂᒋ ᐅᔭ ᒋᔅᑯᑎᒪᒐᐅᓇ᙮ ᐊᑯᑕ ᐊᓐᑕ ᐛᑎᒪᑯᔭᒄ ᑕᓐ ᒋᐸ ᐃᑎᓇᐛᐤ ᐊ ᐊᔭᒥᐊᔅᑐᒄ ᐊᐛᓐ᙮ ᑭᔭ ᒋ ᐎᑎᒪᑯᓇᐛᐤ ᑕᓐ ᒐ ᐃᑎᔭᒄ ᒐᒋ ᐃᑕᔨᒥᑕᑯᒡ ᐊᐛᓐᒋ ᐊ ᑎᐱᑕᔨᒥᓱᔭᒄ᙮ ᑭᔭ ᒋ ᐎᑎᒪᑯᓇᐛᐤ ᒐ ᐊᑲ ᒋ ᒥᓇᒋᑕᔭᒄ ᒋᔪᐛᐛ᙮ ᒥᒄ ᒪᒃ ᓇᒪ ᓇᔅᒡ ᒋ ᐎᒋᐃᑯᓇᐛᐤ ᐅᔭ ᒋᔅᑯᑎᒪᒐᐅᓇ ᒐᒋ ᓇᑲᐅᑯᔭᒄ ᐊ ᐎ ᒥᒋᑐᑎᒪᒄ᙮

1 ᑎᒧᑎ 6:20

ᒋᔾ ᑎᒧᑎ ᓂᓇᑭᑐᐛᔨᑕ ᑕᓐ ᑲ ᐃᓯ ᒥᔨᔅᒃ ᒋᓴᒪᓂᑐᐤ ᒐᒋ ᐃᑕᐱᑎᓯᐅᑦ᙮ ᐊᑲᐎᔾ ᐎᒋᐃᔨᒡ ᐊᓐᒡ ᑲ ᐊᔭᔨᒺᐛᐃᑯᒡ ᒐᒂᔪᐛ ᐊᑲ ᐎᒋᐃᐛᒥᑭᓂᔨᒋ ᐊᓐᑕ ᐃᔅ ᐊ ᒋᓴᒪᓂᑐᐛᑎᓯᓇᓄᐎᒡ᙮ ᐊᑲᐎᔾ ᐊᐱᓯᑐᐅᒡ ᐊᓐᒡ ᑲ ᐃᑎᑕᑯᓯᒡ ᒧᔭᒻ ᓇᔅᒡ ᒥᔅᑎ ᐊ ᒋᔅᒐᔨᑕᒡ ᒐᒂᔪᐤ ᐊᑲ ᒪᒃ ᐊᓐ ᒧᔭᒻ ᐃᓯ ᑭᒐᔅᒐᔨᑕᒡ᙮

2 ᑎᒧᑎ 3:13

ᐊᑯ ᐊᓐᒡ ᑲ ᒥᒐᑎᓯᒡ ᑭᔭ ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᐊᔭᔅᒃ ᐊᑐᐎᔅ ᒋᑭ ᐃᑕᔨᑕᑯᓱᐅᒡ, ᐊ ᐎᔭᓯᒪᒡ ᐊᐛᔪᐛ ᑭᔭ ᐎᔨᐛᐤ ᐊ ᐎᔭᓯᒪᑭᓄᐎᒡ᙮

ᐃᑉᕈᐛ 13:9

ᐃᔭᒂᒥᒄ ᒐ ᐊᑲ ᒋ ᐎᔭᓯᐃᑯᐅᔭᒄ ᒐᒋ ᐊᑎ ᑕᑈᑎᒪᒄ ᓂᓇᐧᑯᐤ ᓂᑎᒥᒄ ᒋᔅᑯᑎᒪᒐᐅᓇ᙮ ᐛᔅ ᒥᔽᓱᐤ ᒥᑕᐃ ᒐᒋ ᐊᔨᒋᑲᐳᐅᒡ ᓱᐛᔨᒋᒐᐅᓂᒡ, ᓇᒪ ᐎ ᒥᒋᒥᒡ᙮ ᐛᔅ ᓇᒪ ᐎᒋᐃᑯᐤ ᐊᐛᓐ ᒥᒋᒥᔪᐤ ᒐᒋ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐃᔅ᙮

ᐃᑉᕈᐛ 3:12

ᓂᐧᑲᓂᓯᑐᒄ, ᐃᔭᒂᒥᒄ ᒐ ᐊᑲ ᒋ ᑕᑦ ᐊᐛᓐ ᐊᓐᑕ ᐊ ᑎᓯᔭᒄ ᐊ ᒥᒋᑕᐊᑦ ᐊ ᐊᔭᑦ ᐊᓏᑎᒧᐅᓂᔪᐤ ᐛᔅ ᒐᒃ ᒋᑭ ᒋ ᐃᓯᓇᑯᓂᔪᐤ ᒐᒋ ᐊᑎ ᓂᑭᑕᑦ ᒋᓴᒪᓂᑐᐛ ᐊᓂᔭᔪᐛ ᐸᒪᑎᓯᔨᒋ᙮

1 ᐱᑕᕐ 1:18

ᐛᔅ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐎᐧᑯᒋᐃᑯᔭᒄ ᐊᓐᑕ ᐅᒋ ᐸᑯᓂᑐᐤ ᐊ ᐃᑕᔨᑕᑯᓂᔨᒡ ᐊ ᐃᓯ ᐱᒪᑎᓯᓇᓄᐎᒡ ᐊᓂᔭ ᑕᓐ ᑲ ᐃᓯ ᐸᒋ ᐊᓂᔅᒐ ᒥᔨᑕᑯᒡ ᐊᓂᔭᐧᑲ ᒋᐧᑲᓂᓱᐛᐅᒡ᙮ ᓇᒪ ᒪᒃ ᐎ ᑲ ᐛᐸᐱᔅᒋᓯᑦ ᓱᓇᔭᐱᔅᒄ ᑭᔭ ᒪᒃ ᐎᔄᐅᓱᓇᔭᐱᔅᒄ ᐅᒋ ᐊᐱᑎᓱᐤ ᑲ ᐎᐧᑯᒋᐃᑯᔭᒄ,

2 ᐱᑕᕐ 3:17

ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓴᔅ ᒋ ᒋᔅᒐᔨᑕᓇᐛᐤ ᒥᓯᐛ ᐅ᙮ ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑐᑕᔨᑕᑯᒡ ᐊᓐᒡ ᐊᑲ ᐊᔭᐱᑕᔨᑕᒡ ᑕᓐ ᐊ ᐃᓯ ᐎᓱᐛᓄᐎᒡ᙮ ᐛᔅ ᒧᔭᒻ ᐅ ᐃᔅᐱᔨᒐ ᒋᑭ ᐅᓂᑐᑕᔨᑕᑯᓇᐛᐤ ᐊᓐᑕ ᐊᓐ ᐊ ᑕᔭᒄ ᒪᒂᒡ, ᐊᓐ ᐊᒋ ᒐᔅᑎᓇᑕᔨᑕᑯᑕᑭᓄᐅᒡ ᐊᓐᑕ ᓇᐳᐅᔭᒄ᙮

2 ᒠᓐ 1:8

ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑕᔭᒄ ᐊᓐ ᑎᐸᐊᒪᑯᓯᐅᓐ ᑲ ᐊᑐᔅᒐᔅᑎᒪᒄ ᒐᒋ ᐊᔭᔭᒄ, ᑕᑈ ᒐᒋ ᒥᔅᑭᒪᒄ ᒥᓯᐛ ᑕᓐ ᐊ ᐃᓯ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮