ᑯᓚᓯᔭᓇ 2:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐱᔅᑎᓇᐧᒄ ᒐᒋ ᐃᑐᑕᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᐛᒄ ᑭᔭ ᒐᒋ ᒥᔨᑕᒄ ᒥᔅᑯᓯᐅᓂᔪᐤ, ᒧᔭᒻ ᒥᔅᑎᒄ ᑕᒥᒡ ᐊᔅᒋᒡ ᐊ ᐃᓯ ᑯᑕᐅᐱᔨᒋ ᐅᑎᐱᔭ ᒐᒋ ᓱᒋᑲᐳᐅᑦ ᐊᐅᑯᓐ ᒋᐸ ᐃᓯᓇᑯᓯᓇᐛᐤ᙮ ᐊᐅᑯᓐ ᒋᐸ ᐎ ᐃᓯ ᓱᒋᑲᐳᐅᓇᐛᐤ ᑕᓐ ᐊ ᐃᓯ ᑕᑈᑎᒪᒄ᙮ ᐊᑯ ᒪᒃ ᐊᔭᔅᒃ ᒧᔅ ᒐ ᑕᑈᔭᔨᒪᒄ ᒧᔭᒻ ᑲ ᐃᓯ ᒋᔅᑯᑎᒪᑯᐅᔭᒄ ᒐᒋ ᐃᑎᔭᒄ᙮ ᑭᔭ ᒧᔅ ᒋᐸ ᓂᓇᔅᑯᒪᐛᐤ᙮

ᑯᓚᓯᔭᓇ 2:7 Iomraidhean Croise

ᑎᐱᑦ ᐅᓂᑭᒧᐅᓇ 1:3

ᒧᔭᒻ ᒪᒃ ᒥᔅᑎᒄ ᑲ ᓂᑕᐅᒋᑦ ᒋᒡ ᓯᐱᒡ ᒋᑭ ᐃᓯᓇᑯᓱᐤ: ᑲ ᒥᓂᓱᐅᑦ ᐛᑎᒋᐱᔨᒋ ᒐ ᒥᓂᓱᐅᑦ: ᐅᓂᐱᓯᒻ ᓇᒪᐎᔾ ᒋᑭ ᓂᓱᐅᓇᑎᓂᔪᐤ; ᑭᔭ ᒥᒄ ᒐᒂᔪᐤ ᒐ ᐃᑐᑕᐧᒃ ᒋᑭ ᒥᔪᐱᔪᐤ᙮

ᑎᐱᑦ ᐅᓂᑭᒧᐅᓇ 92:13

ᐊᓐᒡ ᑲ ᐊᔨᒋᑲᐳᐊᑭᓄᐅᒡ ᐅᒥᒋᐛᐱᒥᔨᒡ ᑎᐸᔨᒋᒐᓱᐛ, ᒋᑭ ᐛᔪᒋ ᓂᑕᐅᒋᐅᒡ ᐅᒪᐛᒋᐃᑐᐅᒋᐛᐱᒡ ᒋᒋᓴᒪᓂᑐᒥᓄᐛ᙮

ᓗᒃ 6:48

ᒧᔭᒻ ᐊᐛᓐ ᐊ ᐎ ᐎᔨᑲᐳᐅᑕᑦ ᒥᒋᐛᐱᔪᐤ, ᓂᔅᑎᒻ ᑕᒥᒡ ᐃᓯ ᒧᓇᐃᒐᐤ, ᐸᑎᒪ ᐛᑎᑕᐛᑦ ᐊᓯᓂᔭ᙮ ᐊᑯᑕ ᒪᒃ ᐊᓐᑕ ᐊ ᐸᐸᒋᐱᔅᑲᔨᒡ ᐛᔨᑲᐳᐅᑕᑦ ᐊᓂᔭ ᒥᒋᐛᐱᔪᐤ᙮ ᐃᔅᐱ ᐃᔅᒋᐳᑕᔨᒐ ᐊᓐᑕ ᐛᔅᑲ ᐊᓂᔭ ᐎᒡ, ᓇᒪ ᐛᐛᒡ ᒋᑭ ᐅᒋ ᐊᒋᑲᐳᐅᔪᐤ, ᐛᔅ ᓇᔅᒡ ᑕᑈ ᒋ ᒥᔪ ᐊᔨᒋᑲᐳᐅᑕᐤ᙮ ᐊᐅᑯᓐ ᐊ ᐃᓯᓇᑯᓯᑦ ᐊᐛᓐ ᑲ ᑎᓯᐧᑲᒺᑦ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:25

ᒪᒥᒋᒪᑕᐤ ᒋᓴᒪᓂᑐᐤ᙮ ᐛᔅ ᐎᔾ ᐊᐅᒄ ᑲᔅᒋᐅᑦ ᒐᒋ ᐊᔨᒋᑲᐳᐃᑕᒄ ᒋᐱᒪᑎᓯᐅᓄᐛᒡ ᐊᓐᑕ ᐅᒋ ᑕᓐ ᑲ ᐃᓯ ᐛᐎᑎᒪᑎᑯᒡ ᒥᔽᒋᒧᐅᓐ᙮ ᐊᑯᑕ ᐊ ᐊᔨᒧᒪᑭᓄᐅᑦ ᐅ ᒋᓴᔅ ᙭ ᑲ ᑎᐸᒋᒥᒃ᙮ ᐊᐅᒄ ᒪᒃ ᐅᔭ ᒥᔽᒋᒧᐅᓂᔪᐤ ᓇᒪ ᐅᒋ ᐱᔅᑎᓂᒻ ᒋᓴᒪᓂᑐᐤ ᒐᒋ ᒋᔅᒐᔨᑕᑭᓄᐎᒡ ᐊᓐᑕ ᐸᒋ ᐛᔅᑭᒡ᙮

1 ᑯᕆᓐᑎᔭᓇ 1:8

ᐎᔾ ᒋᑭ ᐎᒋᐃᑯᐛᐤ ᒧᔅ ᒐᒋ ᓱᒋᑲᐳᐅᐛᒄ ᑕᑈᑎᒧᐅᓂᒡ ᑭᔭ ᓇᒪ ᒋᑭ ᐅᒋ ᑎᑯᓐ ᑕᓐ ᒐ ᐃᓯ ᐊᑕᒪᔨᑕᑯᓯᔭᒄ ᐃᔅᐱ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒐ ᑎᑯᓯᐧᒃ ᐅᑎᐸᔨᒋᒐᐤ ᒋᓴᔅ ᙭᙮

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 1:21

ᒋᓴᒪᓂᑐᐤ ᐊᐅᒄ ᐊᔨᒋᑲᐳᐃᒥᑦ ᑭᔭ ᒋᔨᐛᐤ ᒪᒃ ᒋᐊᔨᒋᑲᐳᐃᑯᐛᐤ᙮ ᐊᓂᔭ ᐊ ᑕᑈᐅᒐᔨᒪᐧᑯ ᒋᓴᓴ ᐊᑯᑕ ᐛᒋ ᐊᔨᒋᑲᐳᐃᑕᐧᒄ᙮ ᒋᓴᒪᓂᑐᐤ ᔅᒋ ᐅᑎᓂᑯᓄᐤ ᒐᒋ ᐱᒧᑕᐛᐧᒄ ᒥᔽᒋᒧᐅᓂᔪᐤ᙮

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

ᐃᐱᓯᔭᓇ 4:21

ᔅᒋ ᐸᑕᓇᐛᐤ ᑕᓐ ᑲ ᐃᓯ ᐊᔨᒧᒪᑭᓄᐅᑦ, ᐊ ᓇᓴᐛᒄ ᒪᒃ ᒋᓴᔅ ᔅᒋ ᒋᔅᑯᑎᒪᑯᓇᐛᐤ ᐎᔾ ᐊ ᑕᑦ ᐊᑯᑕ ᐊ ᑎᒂᒡ ᑕᑈᐅᓐ᙮

ᐃᐱᓯᔭᓇ 5:20

ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮

ᑯᓚᓯᔭᓇ 3:17

ᒥᓯᐛ ᒐᒂᓐ ᐊ ᐃᑐᑎᒪᒄ ᑭᔭ ᑕᓐ ᐊ ᐃᔅᒋᔄᔭᒄ, ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓂᒡ ᒋᐸ ᐃᓯ ᐃᑐᑕᓇᐛᐤ ᐊ ᓂᓇᔅᑯᒪᒄ ᒋᓴᒪᓂᑐᐤ ᒍᑕᐎᓄᐤ ᐎᔾ ᒋᓴᓴ ᐅᒡ᙮

1 ᑕᓴᓗᓂᔭᓇ 5:18

ᒥᒄ ᑕᓐ ᒐ ᐃᔅᐱᔪᐛᒂ ᒧᔅ ᓂᓇᔅᑯᒧᒄ᙮ ᐛᔅ ᐊᔪᐅᒄ ᐅᔭ ᐊ ᐃᓯ ᐱᑯᓴᔨᒥᑕᒄ ᒋᓴᒪᓂᑐᐤ ᒐᒋ ᐃᑐᐛᒄ ᐊ ᐎᒐᐅᒪᑯ ᙭ ᒋᓴᓴ᙮

2 ᑕᓴᓗᓂᔭᓇ 2:17

ᓂᑐᑎᒧᐛᓇᓂᒡ ᒐᒋ ᒥᔽᔨᒧᐃᑯᐅᔭᒄ ᑭᔭ ᒐᒋ ᓱᒋᑲᐳᐅᔭᒄ ᒥᓯᐛ ᑕᓐ ᐊ ᐃᓯ ᒥᔪᑐᑎᒪᒄ ᑭᔭ ᑕᓐ ᐊ ᐃᓯ ᐃᔨᒥᔭᒄ᙮

ᐃᑉᕈᐛ 13:15

ᒧᔅ ᐱᔅᑕᔨᒥᓱᑕᐤ ᒐᒋ ᒪᒥᒋᒪᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᓯ ᐃᑐᑎᒪᑕᐧᒄ ᒋᓴᔅ, ᒋᑐᓇᒡ ᐊ ᐅᒋ ᐛᐎᑎᒺᐧᑯᒡ ᐊᐛᓐᒋ ᐊ ᑕᑈᔭᔨᒪᐧᒄ ᒋᓴᔅ᙮

ᐃᑉᕈᐛ 13:9

ᐃᔭᒂᒥᒄ ᒐ ᐊᑲ ᒋ ᐎᔭᓯᐃᑯᐅᔭᒄ ᒐᒋ ᐊᑎ ᑕᑈᑎᒪᒄ ᓂᓇᐧᑯᐤ ᓂᑎᒥᒄ ᒋᔅᑯᑎᒪᒐᐅᓇ᙮ ᐛᔅ ᒥᔽᓱᐤ ᒥᑕᐃ ᒐᒋ ᐊᔨᒋᑲᐳᐅᒡ ᓱᐛᔨᒋᒐᐅᓂᒡ, ᓇᒪ ᐎ ᒥᒋᒥᒡ᙮ ᐛᔅ ᓇᒪ ᐎᒋᐃᑯᐤ ᐊᐛᓐ ᒥᒋᒥᔪᐤ ᒐᒋ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐃᔅ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮

ᒍᑦ 1:12

ᒥᒄ ᐛ ᐊᓏᑕᓱᐅᒡ ᐊᓐᑕ ᐊ ᒥᑯᓴᐛᒄ ᐊ ᓄᑯᑕᔭᒄ ᐊ ᓴᒋᐊᒄ ᒋᓴᒪᓂᑐᐤ᙮ ᓇᒪ ᓇᔅᒡ ᓴᒂᔨᒧᐅᒡ ᐊ ᒥᔅᑎ ᒋᔅᐳᐃᓱᒡ ᐊ ᐎᒋᒥᒋᓱᒥᑕᑯᒡ, ᒥᒄ ᐎᔨᐛᐤ ᐊ ᓂᓇᑭᑐᐛᔨᒥᓱᐅᒡ᙮ ᒧᔭᒻ ᑭᔅᑯᐅᓂᔅᑯᒡ ᐊ ᐱᒪᓯᒡ ᐊᑲ ᒪᒃ ᐛᐛᒡ ᓂᐱᔪᐅᒡ, ᐊᐅᑯᓐ ᐊ ᐃᑕᔨᑕᑯᓯᒡ᙮ ᒧᔭᒻ ᒥᔅᑎᑯᒡ ᐊᑲ ᓇᔅᒡ ᒥᓂᓱᐅᒡ ᐊᑎ ᐊ ᑎᒂᒋᓂᔨᒋ, ᒥᔅᑎᑯᒡ ᒋᒡ ᐅᑎᐱᔾ ᐊᒋ ᐱᐧᑯᒋᐱᑕᑭᓄᐎᒡ, ᓇᔅᒡ ᐊ ᓂᐱᒡ, ᐊᐅᑯᓐ ᐊ ᐃᓯᓇᑯᓯᒡ᙮

ᒍᑦ 1:20

ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓱᒃ ᐊᑐᐎᔅ ᐎ ᐊᔨᒋᑲᐳᐃᓱᒄ ᐊ ᑕᑈᑎᒪᒄ ᐊᓐ ᑲ ᐸᔭᒋᓯᒥᑲᒡ᙮ ᐊᔭᒥᐊᒄ ᑕᓐ ᐊ ᐃᓯ ᒥᔨᑕᒄ ᒥᔅᑯᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,