ᑯᓚᓯᔭᓇ 2:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒥᒄ ᙭ ᒋ ᒥᔨᑯᓄᐤ ᑕᑈ ᒐᒋ ᓂᔅᑐᑎᒪᒄ ᒋᓴᒪᓂᑐᐤ ᐅᐛᔪᐅᒡ ᑭᒐᑕᐛᔨᑎᒧᐅᓐ ᑭᔭ ᐅᐛᔪᐅᒡ ᒋᔅᒐᔨᑎᒧᐅᓐ᙮

ᑯᓚᓯᔭᓇ 2:3 Iomraidhean Croise

ᒪᑎᔪᐤ 10:26

“ᒥᒄ ᒪᒃ ᐊᑲᐎᔾ ᑯᔅᑕᐧᑯᒡ ᐊᐛᓐᒋ᙮ ᐛᔅ ᐊᓐ ᒐᒂᓐ ᐊᑲ ᓄᒂᒡ ᒋᑭ ᓄᑯᑕᑭᓄᐤ ᐊᓐᑕ ᐊ ᐛᔅᑕᒡ᙮ ᒥᓯᐛ ᒐᒂᓐ ᒋᒧᑦ ᑲ ᐃᑐᑕᑭᓄᐅᒡ ᒋᑭ ᒋᔅᒐᔨᑕᑯᓐ᙮

ᓗᒃ 11:49

ᐊᐅᒄ ᒪᒃ ᐛᒋ ᐃᔅᒋᔄᑦ ᑲ ᑭᒐᑕᐛᔨᑕᐧᒃ ᒋᓴᒪᓂᑐᐤ, ‘ᓂᑭ ᐃᑎᓴᐊᒧᐛᐅᒡ ᐊᓐᒡ ᐃᔪᒡ ᐅᒋᔅᒋᐛᐃᒐᓱᐛ, ᑭᔭ ᐊᑈᔅᑕᓇ᙮ ᒥᒄ ᒪᒃ ᐱᔅᒐ ᒋᑭ ᓂᐸᐊᐅᒡ, ᑭᔭ ᑯᑎᑲ ᒋᑭ ᓂᓇᐧᑲᒋᐊᐅᒡ᙮’ ᐊᐅᒄ ᒪᒃ ᑲ ᐃᔅᐱᔨᒡ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:33

ᓇᔅᒡ ᑕᑈ ᒥᔽᔨᑕᑯᓱᐤ ᒋᓴᒪᓂᑐᐤ᙮ ᑕᑈ ᑭᒐᑕᐛᔨᑎᒻ ᑭᔭ ᒥᓯᐛ ᒐᒂᔪᐤ ᒋᔅᒐᔨᑎᒻ᙮ ᐃᔅᐱ ᐎᔭᔨᑕᐧᒃ ᒐᒂᔪᐤ ᓇᒪ ᓇᔅᒡ ᐊᐛᔪᐛ ᒋ ᐎᑎᒥᔪᐛ ᒐᒂᔪᐤ ᐊᓐᑕ ᐛᒋ ᐃᓯ ᐎᔭᔨᑕᐧᒃ ᐊᓂᔭ ᒐᒂᔪᐤ᙮ ᓇᒪ ᐊᐛᔪᐛ ᒋ ᒥᔪ ᒋᔅᒐᔨᑎᒥᔪᐛ ᑕᓐ ᐊ ᐃᑎᑦ᙮

1 ᑯᕆᓐᑎᔭᓇ 1:24

ᒋᔭᓄᐤ ᒪᒃ ᐎ ᒋᓴᒪᓂᑐᐤ ᑲ ᐅᑎᓂᑕᐧᒄ, ᑕᐱᔅᑯᓐ ᒍᐤ ᐊ ᐃᑎᔅᑲᓇᓯᔭᐧᒄ ᑭᔭ ᑯᕆᒃ ᐊ ᐃᑎᔅᑲᓇᓯᔭᐧᒄ, ᒋ ᑕᑈᑕᓇᓄᐤ ᐅ ᙭ ᐊᐅᒄ ᒋᓴᒪᓂᑐᐤ ᐅᓱᐧᑲᑎᓯᐅᓐ ᑭᔭ ᐅᑭᒐᑕᐛᔨᑎᒧᐅᓐ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

ᐃᐱᓯᔭᓇ 1:8

ᐊᔪᐛᒡ ᑕᑈ ᒥᔅᑎ ᔅᒋ ᓱᐛᔨᒥᑯᓄᐤ᙮

ᑯᓚᓯᔭᓇ 1:19

ᐛᔅ ᒋᓴᒪᓂᑐᐤ ᒋ ᓇᐊᔨᑎᒻ ᓇᔅᒡ ᒐᒋ ᐱᒋᔅᑯᐛᑦ ᒋᓴᓴ ᒐᒋ ᓂᔅᐱᑕᑯᑦ᙮

ᑯᓚᓯᔭᓇ 1:28

ᐊᑯ ᒪᒃ ᒥᓯᐛ ᐊᐛᓐ ᐊ ᐊᔨᒧᑎᒧᐎᒋᒡ ᙭ᑕ᙮ ᒥᓯᐛ ᒪᒃ ᑭᒐᑕᐛᔨᑎᒧᐅᓐ ᑲ ᐃᓯ ᒥᔨᑯᐅᔭᒡ ᓂᑦ ᐃᔭᒂᒥᒪᓇᓂᒡ ᑕᓐ ᐊᓂᔭᔪᐛ ᒋᐸ ᐅᒋ ᐊᑲ ᐃᑐᐅᒡ ᑭᔭ ᓱᒃ ᓂ ᐎ ᒋᔅᒐᔨᑎᒪᓇᓂᒡ ᑕᓐ ᐊᓂᔭᔪᐛ ᒋᐸ ᐃᑐᐅᒡ᙮ ᐅᔭ ᒪᒃ ᐊ ᐃᑐᑐᐅᒋᒡ ᐊᔪᐅᒄ ᐅᔭ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ ᒐᒋ ᐃᑐᑕᐃᒋᒡ ᓇᔅᒡ ᐊᒋ ᐃᓯ ᓂᑕᐅᒋᒡ ᐊᓐᑕ ᙭ᑕ ᐃᔅ ᐊ ᑕᔨᒋ᙮

ᑯᓚᓯᔭᓇ 1:9

ᐃᔅᐱ ᒪᒃ ᑲ ᐸᒋ ᐃᑕᒋᒧᔅᑕᑯᐅᔭᒡ ᐊᐸᑉᕋᔅ ᒥᓯᐛ ᐅᔭ ᑕᓐ ᑲ ᐃᓯ ᒋᔅᒐᔨᑎᒥᐃᑕᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᒧᔅ ᒋᑦ ᐊᔭᒥᐊᔅᑎᒪᑎᓇᓐ᙮ ᓇᒪ ᓂ ᐳᓂᓇᓐ ᐊ ᐊᔭᒥᐊᔅᑎᒪᑕᒡ᙮ ᒧᔅ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᓇᔅᒡ ᒐᒋ ᒋᔅᒐᔨᑎᒺᒄ ᐅᑦ ᐃᑕᔨᑎᒧᐅᓐ᙮ ᓇᔅᒡ ᒐᒋ ᐊᔭᔭᒄ ᑭᒐᑕᐛᔨᑎᒧᐅᓐ ᑭᔭ ᓂᔅᑐᑎᒧᐅᓐ ᑕᓐ ᐊᓂᔭᔪᐛ ᐊ ᐃᓯ ᒥᔨᐛᑦ ᐸᔭᒋ ᐊᒐᐧᒄ ᒐᒋ ᒋᔅᒐᔨᑎᒪᒄ ᐅ᙮

ᑯᓚᓯᔭᓇ 3:16

ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ᒋᔅᑯᑎᒪᑐᔭᒄ ᑭᔭ ᐊ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ᒥᔨᑕᒄ ᑲ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮

ᑯᓚᓯᔭᓇ 3:3

ᐛᔅ ᑕᐸ ᐊᑯ ᑎᑯᓐ ᐊᓂᔭ ᑲᒋ ᐃᓯ ᐱᒪᑎᓯᔭᒄ᙮ ᑲᒋᔅᑕᐛ ᒋᒋᐛ ᒋᐱᒪᑎᓯᐅᓄᐛᐛ ᐊᓐᑕ ᒋᓴᒪᓂᑐᐤ ᐊ ᑕᑦ ᐊ ᐎᒐᐛᒄ ᙭᙮

2 ᐱᑕᕐ 1:5

ᐊ ᐛᐸᑎᒪᒄ ᒪᒃ ᐅ ᑲ ᐃᔅᐱᔅ ᐛᓴ ᒋ ᒥᔪᑐᑎᒪᑕᒄ, ᓱᒃ ᑯᒋᑕᒄ ᑯᐃᔅᑯᑕᑎᓯᐅᓐ ᒐᒋ ᓄᒂᒡ ᐊᓐ ᐊ ᑕᑈᑎᒪᒄ᙮ ᐊᑯ ᒪᒃ ᒋᑯᐃᔅᑯᑕᑎᓯᐅᓄᐛᒡ ᓱᒃ ᒐ ᐎ ᐊᑎ ᐊᔭᔭᒄ ᒋᔅᒐᔨᑎᒧᐅᓐ, ᐊᔭᔅᒃ ᒐ ᐎ ᒥᔪ ᒋᔅᒐᔨᒪᒄ ᒋᓴᒪᓂᑐᐤ ᑭᔭ ᐅᑦ ᐃᔨᒧᐅᓐ ᐊᔭᔅᒃ ᒐ ᐎ ᐊᑎ ᒥᔪ ᒋᔅᒐᔨᑎᒺᒄ᙮

ᒋᔅᒐᔨᑕᑯᑕᒐᐅᓐ 2:17

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐊᓯᒪᐅᒡ ᐊᓂᔭ ᒋᒋᒋᓯᒄ ᐸᒂᓯᑭᓇ ᑲ ᑲᔭᑭᓄᔨᒋ᙮ ᓂᑭ ᒥᔭᐅᒡ ᐊᓯᓂᔭ ᐊ ᐛᐸᐱᔅᒋᓯᔨᒋ ᐊᓐᑕ ᒪᓯᓇᑕᔨᒡ ᐊ ᐅᔅᑲᔨᒡ ᐃᓯᓂᐧᑲᓱᐅᓂᔪᐤ᙮ ᓇᒪ ᒪᒃ ᐊᐛᓐ ᒋᔅᒐᔨᑎᒻ ᐅᔭ ᐃᓯᓂᐧᑲᓱᐅᓂᔪᐤ, ᒥᒄ ᐊᓐ ᐊᐛᓐ ᒐ ᒥᔭᑭᓄᐅᒂ, ᐊᐅᑯᓐ ᒐ ᒋᔅᒐᔨᑕᐧᒃ᙮”