ᑯᓚᓯᔭᓇ 2:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᓂᔭ ᒋᐱᔭᑎᑯᒡ ᑲ ᓂᐱᑦ ᙭ ᐊᑯᑕ ᓇᔅᒡ ᑲ ᓴᒂᐊᑦ ᒥᓯᐛ ᐊᓂᔭᔪᐛ ᓱᒐᔨᑕᑯᓱᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᑲ ᐊᔭᔨᒋ᙮ ᑭᔭ ᒥᓯᐛ ᐊᓂᔭᔪᐛ ᐊᒐᐧᑯᐤ ᓱᒐᔨᑕᑯᓱᐅᓂᔪᐤ ᑲ ᐊᔭᔨᒋ ᑭᔭ ᐊᓂᔭ ᑲ ᓂᔅᑯᔅᑕᑯᑦ᙮ ᒥᓯᐛ ᐊᐛᔪᐛ ᒋ ᐛᐸᑎᔭᐤ ᓇᔅᒡ ᐊ ᓴᒂᐊᑦ ᐊᓂᔭᔪᐛ᙮

ᑯᓚᓯᔭᓇ 2:15 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᑎᐱᑦ ᐅᓂᑭᒧᐅᓇ 68:18

ᐃᔅᐱᒥᒡ ᔅᒋ ᐃᓯ ᐅᐱᔅᑲᓐ, ᔅᒋ ᐱᒧᑕᑕᓐ ᐊᐛᑲᓱᐛᐅᓐ ᐊ ᐊᐛᐧᑲᓂᑲᑕᒡ: ᔅᒋ ᐅᑎᓇᓐ ᒥᔨᐛᐅᓇ ᐃᔪᒡ ᐅᒡ; ᓂᐦᐃ ᑲ ᐃᔨᐛᒧᑐᑕᒐᑦ ᐅᒋ ᑭᔭ, ᑎᐸᔨᒋᒐᓱᐤ ᒋᓴᒪᓂᑐᐤ ᒐᒋ ᐎᒋᒪᑦ᙮

ᒪᑎᔪᐤ 12:29

“ᓇᒪ ᐊᐛᓐ ᒋᑭ ᒋ ᐱᒐᐛᐤ ᐊ ᓱᒋᔨᒋ ᓇᐸᐛ ᐎᒋᐛᔨᒡ ᒐᒋ ᑭᒐᒧᑎᒧᐛᑦ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᐸᑐᔅ ᓂᔅᑎᒻ ᒋ ᒪᑯᐱᑕᒐ ᐊᓂᔭ ᓇᐸᐛ ᑲ ᓱᒋᔨᒋ, ᑭᔭ ᐃᔭᒄ ᒐᒋ ᒋᒧᑎᒧᐛᑦ ᑕᓐ ᐊ ᐃᓯ ᑎᐱᔨᐛᐅᓯᔨᒋ ?”

ᓗᒃ 10:18

ᐊᑯ ᒋᓴᔅ ᒂ ᐃᑕᑦ, “ᓂᒋ ᐛᐱᒪᐤ ᒥᒋᒥᓂᑐᐤ ᐊ ᐅᒋ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ᐛᔅᑕᐱᔨᒡ ᐊᐅᑯᓐ ᑲ ᐃᓯᓇᑯᓯᑦ᙮

ᓗᒃ 11:22

ᐅᑎᑎᑯᑦ ᒪᒃ ᐊᐛᔪᐛ ᐅᔅᑕ ᐊ ᓱᒋᓯᔨᒋ ᐃᔅᐱᔅ ᐎᔾ ᒋᑭ ᒋ ᓴᐧᑯᒋᐃᑯᐤ᙮ ᐊᑯ ᒪᒃ ᒥᓯᐛ ᒐ ᐅᑎᓂᒥᔨᒋ ᐊᓂᔭᔪᐛ ᐅᓂᑐᐱᔪᐅ-ᐊᐱᒋᑕᐅᓇ ᐊᓂᔭ ᑲ ᐎ ᐃᓯ ᒪᒥᓯᑐᑕᐧᒃ ᒐᒋ ᐅᒋ ᑭᓄᐛᔨᒥᑎᓱᑦ᙮ ᐊᑯ ᒪᒃ ᒥᓯᐛ ᐊᓂᔭ ᑕᓐ ᑲ ᐃᓯ ᐊᔭᑦ, ᒥᓯᐛ ᒋᑭ ᐃᓯ ᒪᑎᓄᐛᐱᔨᑕᔪᐛ᙮”

ᒠᓐ 16:11

ᐎᓂᐱᔪᒡ ᑕᓐ ᐊ ᐃᓯ ᑭᓄᐛᐸᑕᒡ ᒋᓴᒪᓂᑐᐛ ᐅᑎᐸᔅᑯᓂᒐᐅᓂᔪᐤ ᐛᔅ ᒥᒋᒥᓂᑐᐤ ᓴᔅ ᒋ ᑎᐸᔅᑯᓂᑯᐤ ᒋᓴᒪᓂᑐᐛ᙮”

ᒠᓐ 19:30

ᐃᔅᐱ ᒋᓴᔅ ᑲ ᒥᓐᑦ ᐊᑯ ᒂ ᐃᔅᒋᔄᑦ, “ᓴᔅ ᒋᔅᑕᐱᔪᐤ᙮” ᐊᑯ ᒂ ᐊᑎ ᓂᔭᒥᔎᔨᑦ ᒂ ᐊᑎ ᐳᓂᐱᒪᑎᓯᑦ᙮

1 ᑯᕆᓐᑎᔭᓇ 15:24

ᐊᑯ ᒪᒃ ᙭ ᒐ ᓂᓱᐅᓇᒋᑕᑦ ᒥᓯᐛ ᐅᒋᒪᐅᓂᔪᐤ, ᒥᓯᐛ ᑎᐸᔨᒋᒐᐅᓂᔪᐤ ᑭᔭ ᓱᐧᑲᑎᓯᐅᓂᔪᐤ᙮ ᐊᑯ ᒪᒃ ᒐ ᐃᔎᐱᔨᒡ ᐊᔅᒋᔾ᙮ ᐃᔅᐱ ᒪᒃ ᐅ ᒋ ᐃᔅᐱᔨᒐ ᐊᑯ ᙭ ᒐ ᒥᔭᑦ ᒋᓴᒪᓂᑐᐛ ᐅᑕᐎᒪᐛ ᒋᓴᐅᒋᒪᐅᓂᔪᐤ᙮

2 ᑯᕆᓐᑎᔭᓇ 2:14

ᒥᒄ ᒪᒃ ᑕᑈ ᓂᓇᔅᑯᒪᐤ ᒋᓴᒪᓂᑐᐤ ᐛᔅ ᒧᔅ ᐎᔾ ᓂ ᒋᔅᒋᓄᑕᐃᒄ ᑕᓐᑕ ᐊ ᐃᑐᑕᐅᒡ ᐊ ᐎᒋᐃᑦ ᐊ ᐊᔨᒧᒥᒋ ᙭ᑕ ᒐᒋ ᐅᒋ ᒋᔅᒐᔨᒪᑭᓄᔨᒋ, ᐛᔅ ᙭ ᒧᔅ ᐱᔅᒋᔭᒐᐅᓂᒡ ᒋ ᐊᑎ ᐃᓯ ᐱᒧᑕᔨᑯᓄᐤ᙮ ᒋᓴᒪᓂᑐᐤ ᒋ ᐎᒋᐃᑯᓄᐤ ᒐᒋ ᑎᐸᒋᒪᐧᒄ ᙭ ᒥᓯᐛ ᐊᐛᓐ ᒐᒋ ᒋᔅᒐᔨᒪᑦ᙮ ᐊ ᒋᔅᒐᔨᒪᑭᓄᐅᑦ ᙭ ᒧᔭᒻ ᑲ ᐎᒋᒪᑯᓯᒡ ᒐᒂᓐ ᐃᑕᔨᑕᑯᓐ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

ᐃᐱᓯᔭᓇ 3:10

ᐊᓄᒡ ᒪᒃ ᐊᑯ ᒐᔅᒐᔨᑕᑯᑕᑦ ᒋᓴᒪᓂᑐᐤ ᑕᓐ ᑲ ᐎ ᐃᑐᑕᐧᒃ, ᐊᔪᐅᒄ ᐅᔭ ᐊᓐᑕ ᐅᒪᒧᐊᔭᒥᐊᐛ ᐊ ᑕᔨᒋ ᒐᒋ ᐅᒋ ᒋᔅᒐᔨᑎᒥᐊᑦ ᐊᓂᔭ ᑲ ᑎᐸᔨᒋᒐᔨᒋ ᑭᔭ ᑲ ᓱᒐᔨᑕᑯᓯᔨᒋ ᐃᔅᐱᒥᒡ ᐊ ᑕᔨᒋ ᑕᓐ ᐊ ᐃᓯ ᓂᓇᐧᑯᐤ ᐃᑕᔨᑕᑯᓂᔨᒡ ᐅᑭᒐᑕᐛᔨᑎᒧᐅᓐ᙮

ᐃᐱᓯᔭᓇ 4:8

ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᙭ ᐊ ᐊᔨᒧᒪᑭᓄᐅᑦ, ᒋ ᐅᐱᐱᔪᐤ ᐊᓐᑕ ᐃᔅ ᓇᔅᒡ ᐊ ᐃᔅᐸᔨᒡ, ᒋ ᔅᑐᑕᐊᐤ ᒪᒃ ᒥᒐᑦ ᐊᓂᔭ ᑲ ᒪᒪᒋᒂᐱᐧᑲᓱᔨᒋ᙮ ᑭᔭ ᒋ ᒥᔭᐤ ᒥᔨᐛᐅᓇ ᐃᔪᐛ᙮

ᐃᐱᓯᔭᓇ 6:12

ᐛᔅ ᑕᐸ ᐃᔪᒡ ᒋᒪᓯᐊᓄᐅᒡ᙮ ᒥᒋ ᐊᒐᐧᑯᒡ ᑲ ᑎᐸᔨᒋᒐᒡ ᒋᒪᓯᐊᓄᐅᒡ ᑭᔭ ᐊᓐᒡ ᓇᔅᒡ ᑲ ᓱᒐᔨᑕᑯᓯᒡ ᑭᔭ ᐊᓐᒡ ᑲ ᓂᑲᓂᔅᑲᒡ ᐅᓂᑎᐱᔅᒋᓯᐅᓂᔪᐤ ᐅᑕ ᐊᔅᒋᒡ ᐊ ᑎᑯᓂᔨᒡ᙮ ᒋᒪᓯᐊᓄᐅᒡ ᑭᔭ ᐊᓐᒡ ᒥᒐᑦ ᒥᒋ ᐊᒐᐧᑯᒡ ᐊᓐᑕ ᐃᔅᐱᒥᒡ ᐊ ᑕᒡ᙮

ᑯᓚᓯᔭᓇ 1:16

ᐛᔅ ᙭ ᐅᒋ, ᒋᓴᒪᓂᑐᐤ ᒥᓯᐛ ᒐᒂᔪᐛ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ ᐊ ᑎᑯᓂᔨᒋ ᒋ ᐅᓯᑕᐤ, ᐊᓂᔭᔪᐛ ᒐᒂᔪᐛ ᐊ ᓄᑯᓂᔨᒋ ᑭᔭ ᐊᓂᔭᔪᐛ ᐊᑲ ᓄᑯᓂᔨᒋ᙮ ᒋ ᐅᓯᐊᐤ ᑭᔭ ᒥᓯᐛ ᑲ ᐅᒋᒪᐎᔨᒋ ᐊᒐᒂ, ᑭᔭ ᐊᓂᔭᔪᐛ ᐊᐛᔪᐛ ᑲ ᐅᒋᒪᐎᔨᒋ, ᑭᔭ ᒥᓯᐛ ᑲ ᑎᐸᔨᒋᒐᔨᒋ᙮ ᒥᓯᐛ ᒐᒂᔪᐛ ᙭ ᐊ ᑕᑦ ᒋ ᐅᒋ ᐅᓯᑕᑭᓄᐅᔪᐛ ᑭᔭ ᐎᔾ ᒋ ᐅᓯᑎᒧᐛᑭᓄᐤ᙮

ᑯᓚᓯᔭᓇ 2:10

ᒋᔨᐛᐤ ᒪᒃ ᔅᒋ ᑐᑕᑯᓇᐛᐤ ᒐᒋ ᒥᑐᓄᓯᔭᒄ ᙭ ᐊ ᐎᒐᐛᒄ᙮ ᐎᔾ ᙭ ᒥᓯᐛ ᑎᐸᔨᒐᐅᓂᔪᐤ ᑭᔭ ᐊ ᓂᑲᓇᔨᑕᑯᓂᔨᒡ ᓱᒐᔨᑕᑯᓱᐅᓂᔪᐤ ᐅᑕ ᐊᔅᒋᒡ ᑭᔭ ᒋᓯᑯᒡ ᑎᐸᔨᑎᒻ᙮

ᐃᑉᕈᐛ 2:14

ᐃᔪᐛ ᐊᓂᔭᔪᐛ ᑲ ᐃᑕᑦ ᐊᓂᔭ ᑲ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ᑕᑦ ᒐᒋ ᓂᐱᑦ, ᒐᒋ ᐅᒋ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ᑎᐸᔨᑎᒥᔨᒋ ᓂᐳᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 20:10

ᐊᑯ ᒪᒃ ᒥᒋᒥᓂᑐᐤ, ᐊᓐ ᑲ ᐎᔭᓯᒪᑦ ᐅᔭ ᐊᐛᔪᐛ, ᑲ ᑲᔅᑎᓇᑭᓄᐅᑦ, ᐊᑯ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᑲ ᐃᓯ ᐛᐱᓇᑭᓄᐅᑦ ᐊᓐᑕ ᐊ ᐃᔎᑕᔨᒡ ᒐᒂᔪᐤ ᐊ ᐎᔄᐛᐸᑕᔨᒡ ᓇᔅᒡ ᐊ ᐎᓂᒪᔅᑕᔨᒡ᙮ ᐊᑯᑕ ᓴᔅ ᑲ ᐃᓯ ᐛᐱᓇᑭᓄᔨᒋ ᐊᓂᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᒋ ᐅᒋᔅᒋᐛᐃᒐᓱᐛ᙮ ᑲᒋᒡ ᒪᒃ ᒋᑭ ᐎᓯᒐᔨᑎᒧᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮