Biblia Todo Logo
Bìoball air-loidhne

- Sanasan -




ᑯᓚᓯᔭᓇ 1:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

28 ᐊᑯ ᒪᒃ ᒥᓯᐛ ᐊᐛᓐ ᐊ ᐊᔨᒧᑎᒧᐎᒋᒡ ᙭ᑕ᙮ ᒥᓯᐛ ᒪᒃ ᑭᒐᑕᐛᔨᑎᒧᐅᓐ ᑲ ᐃᓯ ᒥᔨᑯᐅᔭᒡ ᓂᑦ ᐃᔭᒂᒥᒪᓇᓂᒡ ᑕᓐ ᐊᓂᔭᔪᐛ ᒋᐸ ᐅᒋ ᐊᑲ ᐃᑐᐅᒡ ᑭᔭ ᓱᒃ ᓂ ᐎ ᒋᔅᒐᔨᑎᒪᓇᓂᒡ ᑕᓐ ᐊᓂᔭᔪᐛ ᒋᐸ ᐃᑐᐅᒡ᙮ ᐅᔭ ᒪᒃ ᐊ ᐃᑐᑐᐅᒋᒡ ᐊᔪᐅᒄ ᐅᔭ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ ᒐᒋ ᐃᑐᑕᐃᒋᒡ ᓇᔅᒡ ᐊᒋ ᐃᓯ ᓂᑕᐅᒋᒡ ᐊᓐᑕ ᙭ᑕ ᐃᔅ ᐊ ᑕᔨᒋ᙮

Faic an caibideil Dèan lethbhreac




ᑯᓚᓯᔭᓇ 1:28
54 Iomraidhean Croise  

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”


ᐃᔅᐱ ᒪᒃ ᒠᓐ ᐎᔭᐱᒪᑦ ᒥᒐᑦ ᐸᕆᓯᐊ ᑭᔭ ᓴᑎᔪᓯᐊ ᐊ ᐸᒋ ᑎᑯᓯᓂᔨᒋ ᒐᒋ ᓯᑲᐃᑐᐛᑭᓄᔨᒋ, ᒋ ᐃᑕᐤ, “ᒧᔭᒻ ᑕᑈ ᒋᓇᐱᑯᒡ ᒂ ᐃᑕᔨᑕᑯᓯᔭᒄ᙮ ᐊᐛᓐ ᑲ ᐃᑎᑕᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ?


ᒧᔭᒻ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᐊᔅᐱᔅ ᓇᔅᒡ ᑯᐃᔅᑯᓯᑦ ᐊᐅᑯᓐ ᒧᔭᒻ ᑭᔭ ᒋᔾ ᒋᐸ ᐃᓯ ᑯᐃᔅᑯᓯᓐ᙮”


ᐃᔅᐱ ᒋᓴᔅ ᑲᐸᑦ ᐊᓂᔭ ᐅᐤᑎᔪᐤ ᒋ ᐛᐱᒪᐤ ᐊᓂᔭ ᐃᔪᐛ ᐊ ᒥᒐᑎᔨᒋ᙮ ᓇᔅᒡ ᒪᒃ ᒋ ᒧᓯᑕᐤ ᐊ ᒋᔅᑎᒪᒐᔨᒪᑦ ᒧᔭᒻ ᒪᔭᑕᓂᓯᒡ ᐊᑲ ᐊᔭᐛᒡ ᒪᔭᑕᓂᓯᐅ-ᐃᔪᐛ ᒐ ᓂᓇᑭᑐᐛᔨᒥᑯᒡ ᐊ ᐃᓯᓇᑯᓯᒡ᙮ ᐊᑯ ᒂ ᒋᔅᑯᑎᒧᐛᑦ ᒥᒐᑦ ᒐᒂᔪᐛ᙮


ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮


ᒋᔅᒐᔨᑕᓇᐛᐤ ᐊᓐ ᐃᔨᒧᐅᓐ ᒋᓴᒪᓂᑐᐤ ᑲ ᐃᑎᓴᒧᐛᑦ ᐃᔅᕋᐃᓪ ᐃᔪᐛ, ᐊ ᐛᐎᑎᒧᐛᑦ ᒥᔽᒋᒧᐅᓂᔪᐤ ᐊᓐᑕ ᒐᒋ ᐅᒋ ᐊᔭᔨᒋ ᒋᔭᒪᔨᑎᒧᐅᓂᔪᐤ ᒋᓴᔅ ᙭ᑕ ᐅᒡ᙮ ᐛᔅ ᐎᔾ ᒋᓴᔅ ᒥᓯᐛ ᐊᔭᐤ ᑎᐸᔨᒋᒐᐅᓂᔪᐤ᙮


ᒥᒄ ᒪᒃ ᐱᔅᒐ ᐊᓐᒡ ᑲ ᑕᑈᑕᒡ ᐊᓐᑕ ᓴᐃᐳᕋᔅ, ᑭᔭ ᓴᐃᕆᓐ ᑲ ᐅᒋᒡ ᒋ ᐃᑐᑕᐅᒡ ᐊᓐᑕ ᐊᓐᑎᔭᑭᒡ ᐊᑯ ᒂ ᐎᑎᒧᐛᒡ ᐊᓂᔭ ᑯᕆᒃ ᐃᔪᐤ ᒥᔽᒋᒧᐅᓂᔪᐤ ᒋᓴᓴ ᐊ ᑎᐸᔨᒋᒐᔨᒋ᙮


ᒥᓯᐛ ᒋᔨᐛᐤ ᓂᐧᑲᓂᓯᑐᒄ ᐸᒋ ᓂᑐᑐᐅᒄ ᑕᓐ ᐊ ᐃᓯ ᐎᑎᒪᑎᑯᒡ, ᒋᐸ ᒋᔅᒐᔨᑕᓇᐛᐤ ᒥᒄ ᒋᓴᔅ ᐅᒋ ᐊᑯᑕ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮


ᐸᐃᒂᐤ ᒋ ᓂᒋᐊᐅᒡ ᒋᔅᑯᑎᒪᒐᓱᐛ ᓇᔅᒡ ᐊᒋ ᐃᑈᐧᑲᔨᒋ ᐊᐱᑯᕆᔭᓐ ᑭᔭ ᔅᑐᐃᒃ ᑲ ᐃᓯᓂᐧᑲᑕᑭᓄᔨᒋ᙮ ᐅᒡ ᒪᒃ ᒋᔅᑯᑎᒪᒐᓱᐅᒡ ᒋ ᐊᔭᒥᐊᐅᒡ ᐊᓂᔭ ᑈᓚ ᐊᑯ ᑲ ᒪᔭᔨᒪᒡ ᐊ ᐃᑕᒡ, “ᑕᓐ ᐊ ᐃᔅᒋᔄᑦ ᐅ ᒋᔎᐧᑲᓐ ?” ᐊᑯ ᑯᑎᑭᒡ ᑲ ᐃᔅᒋᔄᒡ, “ᒐᔅᑲ ᐊᔨᒧᒪᐤ ᐊᓂᔭ ᐎᔾ ᐊ ᐊᔭᒥᐊᔅᑐᐛᑦ ᐊᐛᔪᐛ, ᓇᒪ ᒪᒃ ᒋ ᒋᔅᒐᔨᒪᓄᐤ ᒋᔭᓄᐤ ᐊᐛᔪᐛ ᐊᓂᔭ᙮” ᐊᐅᒄ ᐅᔭ ᑲ ᐃᔅᒋᔄᒡ ᐛᔅ ᑈᓚ ᒋ ᐊᔨᒧᒪᔪᐛ ᒋᓴᓴ, ᑲ ᐅᓂᔅᑲᔨᒋ ᓂᐳᐅᓂᒡ ᐅᒡ᙮


ᐊ ᐃᑎᔅᑕᔨᒡ ᔭᐃᑕᔾ ᐊᒋ ᓂᑐᐛᔨᑕᑯᓯᔨᒋ ᒐᒋ ᓂᓇᐧᑲᒋᐊᑭᓄᔨᒋ ᙭ᑕ, ᑭᔭ ᑲᐤ ᒐᒋ ᐅᓂᔅᑲᔨᒋ ᓂᐳᐅᓂᒡ ᐅᒋ᙮ ᒋ ᐃᑕᐤ ᒪᒃ ᐊᓂᔭ ᐃᔪᐛ, “ᐅ ᒋᓴᔅ ᑲ ᐊᔨᒧᒥᒃ, ᐊᐅᒄ ᐅ ᙭, ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᑦ᙮”


ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ᐃᔭᒂᒥᒥᑎᑯᒡ, ᑭᔭ ᐊᒋ ᒪᔭᓐ ᑲ ᐃᔅᐱᔅ ᓱᒃ ᒋ ᐎ ᐎᒋᐃᑎᑯᒡ᙮”


ᑭᔭ ᒋᑭ ᐸᒋ ᐃᑎᓴᐛᐤ ᒋᓴᔅ ᙭ᑕ, ᐊᓂᔭᔪᐛ ᓴᔅ ᑲ ᐅᑎᓇᑦ ᒐ ᐃᑎᓴᐊᒪᑕᒄ᙮


ᐊᑯ ᒪᒃ ᐊᓯᑯᒻ ᒋᓯᑲᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᐊᓐᑕ ᐊᐛᔪᐛ ᐎᒋᔨᒡ, ᐃᔭᐱᒡ ᒋ ᒋᔅᑯᑎᒪᒐᐅᒡ ᑭᔭ ᒋ ᑭᒐᔅᒋᒧᐅᒡ ᒋᓴᔅ ᙭ᑕ ᐊ ᐊᔨᒧᒪᒡ, ᐊᓂᔭᔪᐛ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ᙮


ᐊᑯ ᐱᓕᑉ ᐎᔭᐎᑎᒧᐛᑦ ᒋᒋᒥᓯᓇᐃᒐᐅᓂᔪᐤ ᐊ ᐅᒋ ᒋᒋᐱᔨᑦ, ᑭᔭ ᒋ ᐊᔨᒧᑎᒧᐛᐤ ᒥᔽᒋᒧᐅᓂᔪᐤ ᒋᓴᓴ ᐊ ᐊᔨᒧᒥᑭᓄᔨᒋ᙮


ᐱᓕᑉ ᒪᒃ, ᒋ ᐃᑐᑕᐤ ᐅᑕᓇᔪᐤ ᐊᓐᑕ ᓴᒪᕆᔭ ᐊᔅᒋᒡ ᐊ ᑎᑯᓂᔨᒡ᙮ ᐊᑯ ᒂ ᐛᐎᑎᒧᐛᑦ ᐊᓂᔭ ᐃᔪᐤ, ᒋᓴᓴ, ᐊ ᐊᐎᔨᒋ ᙭᙮


ᑎᐛᒡ ᒪᒃ ᒋ ᐃᑐᑕᐤ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ, ᐊ ᑭᒐᔅᒋᒧᑦ ᐊ ᐃᔅᒋᔄᑦ, “ᒋᓴᔅ, ᐊᐅᒄ ᒋᓴᒪᓂᑐᐤ ᐅᑯᓴ᙮”


ᒪᒥᒋᒪᑕᐤ ᒋᓴᒪᓂᑐᐤ᙮ ᐛᔅ ᐎᔾ ᐊᐅᒄ ᑲᔅᒋᐅᑦ ᒐᒋ ᐊᔨᒋᑲᐳᐃᑕᒄ ᒋᐱᒪᑎᓯᐅᓄᐛᒡ ᐊᓐᑕ ᐅᒋ ᑕᓐ ᑲ ᐃᓯ ᐛᐎᑎᒪᑎᑯᒡ ᒥᔽᒋᒧᐅᓐ᙮ ᐊᑯᑕ ᐊ ᐊᔨᒧᒪᑭᓄᐅᑦ ᐅ ᒋᓴᔅ ᙭ ᑲ ᑎᐸᒋᒥᒃ᙮ ᐊᐅᒄ ᒪᒃ ᐅᔭ ᒥᔽᒋᒧᐅᓂᔪᐤ ᓇᒪ ᐅᒋ ᐱᔅᑎᓂᒻ ᒋᓴᒪᓂᑐᐤ ᒐᒋ ᒋᔅᒐᔨᑕᑭᓄᐎᒡ ᐊᓐᑕ ᐸᒋ ᐛᔅᑭᒡ᙮


ᒋᔭᓄᐤ ᒪᒃ ᐎ ᙭ ᐊᒋ ᒋᔅᑕᔎᑕᑭᓄᐅᑦ ᐊᐅᒄ ᐊ ᐃᓯ ᐛᐎᑎᒪᐧᒄ ᐊ ᑭᒐᔅᒋᒧᔭᐧᒄ᙮ ᒥᒄ ᒪᒃ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᓂ ᒪᔭᔨᒥᑯᐅᓇᓐ ᐃᑕᔨᑎᒧᒡ ᐅᔭ ᐊ ᐃᓯ ᑭᒐᔅᒋᒧᓇᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋᔎ ᐃᔨᒧᐅᓐ ᐅᔭ ᐃᑕᔨᑎᒧᒡ᙮


ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮


ᐊᐅᒄ ᒪᒃ ᐅ ᑲ ᐸᔭᒋᓯᑦ ᐊᒐᐧᒄ ᒪᔭᑦ ᐱᔅᒐ ᐊᐛᔪᐛ ᒐᒋ ᐛᐎᑎᒥᔨᒋ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ, ᐊᑯ ᑯᑎᑲ ᒪᔭᑦ ᒐᒋ ᐎᑎᒪᒐᔨᒋ ᑕᓐ ᐛ ᐃᓯ ᒋᔅᒐᔨᑎᒥᐊᔨᒋ ᒋᓴᒪᓂᑐᐛ ᐊᐛᔪᐛ᙮


ᐅ ᒪᒃ ᐊ ᐃᓯ ᑭᒐᔅᒋᒧᔭᒡ ᐊ ᐊᔨᒧᑎᒪᒡ ᙭ ᐊᒋ ᐅᓂᔅᑲᓇᑭᓄᐅᑦ ᑲ ᓂᐱᑦ, ᑕᓐᑕ ᐱᔅᒐ ᐊᓐᑕ ᐊ ᑎᓯᔭᒄ ᐛᒋ ᐃᔅᒋᔄᔭᒄ ᐊᑲ ᑲᐤ ᒐ ᐅᒋ ᐅᓂᔅᑲᓇᑭᓄᐎᒡ ᐊᓐᒡ ᑲ ᓂᐱᒡ᙮


ᐊᓐ ᒪᒃ ᐊᐛᓐ ᑲ ᐊᔭᐛᑦ ᑲ ᐸᔭᒋᓯᔨᒋ ᐊᒐᒂ ᒥᓯᐛ ᓇᔅᒡ ᓂᑐ ᒋᔅᒐᔨᑎᒻ ᑕᓐ ᒐ ᐃᓯ ᑎᐸᔅᑯᓇᐧᒃ ᒐᒂᔪᐤ᙮ ᒥᒄ ᒪᒃ ᓇᒪ ᒋᑭ ᒋ ᑎᐸᔅᑯᓂᑯᐤ ᐎᔾ ᐊᐛᔪᐛ᙮


ᐊᓐᒡ ᐊᐛᓐᒋ ᑲ ᒥᔪ ᓂᑕᐅᒋᒡ ᑕᑈᑎᒧᐅᓂᒡ ᓂ ᓂᔅᑐᑕᑯᓇᓂᒡ ᑭᒐᑕᐛᔨᑎᒧᓂᒡ ᐊ ᐃᓯ ᐃᔨᒥᐃᒋᒡ᙮ ᓇᒪᐎᔾ ᒪᒃ ᐊᓐ ᑭᒐᑕᐛᔨᑎᒧᐅᓐ ᐊᐛᓐᒋ ᐅᑕ ᐊᔅᒋᒡ ᒋᒋᐛ ᑲ ᐃᑕᔨᑕᒡ ᑲ ᐊᔨᒧᑎᒪᓐ᙮ ᓇᒪᐎᔾ ᑭᔭ ᐊᓐ ᑭᒐᑕᐛᔨᑎᒧᐅᓐ ᒋᒋᐛ ᒐᒂᓐ ᑲ ᐃᑕᔨᑕᒡ ᐊᓐᒡ ᐊᐛᓐᒋ ᑲ ᐅᒋᒪᐅᒡ᙮ ᐛᔅ ᐊᓂᔭ ᐎᔨᐛᐤ ᐅᑭᒐᑕᐛᔨᑎᒧᐅᓄᐛᐤ ᒋᑭ ᐃᔎᐱᔪᐤ᙮


ᓇᒪ ᐅ ᓂᑦ ᐃᑎᓯᓇᐃᒐᓐ ᒐᒋ ᐱᒪᒥᓯᒥᔭᒡ᙮ ᒥᒄ ᒋ ᐎ ᐃᔭᒂᒥᒥᑎᓇᓐ ᐅ ᐛᒋ ᐃᑎᓯᓇᐊᒪᓐ ᐛᔅ ᒥᓯᐛ ᒋᔨᐛᐤ ᓂᑦ ᐊᐛᓯᒥᒡ ᑲ ᓴᒋᐃᒂᐤ ᒋᑦ ᐃᑕᔨᒥᑎᓇᐛᐤ᙮


ᓇᒪ ᐊᑐᐎᔅ ᓂᑦ ᐃᔅᐱᔅ ᐊᔨᒧᒥᓱᓇᓐ ᒧᔭᒻ ᒋᐸ ᐃᓯᓇᑯᓐ ᐊ ᑎᔭᒡ ᐊᑲ ᓂᔭᓐ ᓂᔅᑎᒻ ᒋ ᐅᒋ ᐸᑥᑕᒡ ᒥᔽᒋᒧᐅᓐ᙮ ᑕᑈ ᒪᒃ ᓂᔭᓐ ᓂᔅᑎᒻ ᔅᒋ ᐸᑥᑎᓇᓐ ᒥᔽᒋᒧᐅᓐ᙮


ᑎᑯᓐ ᐊ ᐃᓯ ᐅᑕᔨᑎᒪᓐ ᒋᔨᐛᐤ ᐅᒋ ᒧᔭᒻ ᒋᓴᒪᓂᑐᐤ ᐊ ᐃᓯ ᐅᑕᔨᑕᐧᒃ ᐅᑦ ᐃᔨᒪ ᐅᒡ᙮ ᐛᔅ ᐅᔅᒋᓂᒋᔎᐤ ᐊᑲ ᐊᔅᒄ ᐅᒋ ᒋᔅᒐᔨᒪᑦ ᓇᐸᐛ ᒋᑦ ᐃᓯᓇᑯᓯᓇᐛᐤ, ᔅᒋ ᐃᑕᔨᒥᑎᓇᐛᐤ ᒪᒃ ᒥᒄ ᐸᐃᒄ ᓇᐸᐤ ᒐᒋ ᑭᓄᐛᔨᒥᑕᒄ ᐊᐅᒄ ᙭᙮


ᐃᔅᐱ ᐊ ᑭᒐᔅᒋᒧᔭᒡ ᓇᒪ ᓂᔭᓐ ᓂᑦ ᐊᔨᒧᒥᓱᓇᓐ᙮ ᒋᓴᔅ ᙭ ᓂᑦ ᐊᔨᒧᒪᓇᓐ ᐎᔾ ᐊ ᑎᐸᔨᒋᒐᐅᑦ᙮ ᒋᓴᔅ ᓂᒋ ᐸᒋ ᐃᑎᓴᐅᑯᓇᓐ ᒐᒋ ᐊᑐᔅᑲᑕᒡ᙮


ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮


ᐊᔪᐅᒄ ᐅᔭ ᑲ ᐃᑐᑕᐧᒃ ᙭ ᐎᔾ ᒐᒋ ᐅᑎᓂᒪᓱᑦ ᐊᓂᔭ ᐅᒪᒧᐊᔭᒥᐊᐛ ᓇᔅᒡ ᐊ ᒥᔪᓇᑯᓯᔨᒋ, ᐊ ᐸᔭᒋᓯᔨᒋ ᑭᔭ ᐊᑲ ᓇᔅᒡ ᒐᒂᔪᐤ ᐊ ᑎᑯᓂᔨᒡ ᐊ ᐃᓯ ᐊᑕᒪᔨᑕᑯᓯᔨᒋ, ᐊᑲ ᓇᔅᒡ ᐸᐸᑕᐅᓯᔨᒋ, ᓇᔅᒡ ᐊ ᒥᔪᓯᓯᔨᒋ᙮


ᐊᑯ ᒪᒃ ᐊᓄᒡ ᐎ, ᒋᓴᒪᓂᑐᐤ ᔅᒋ ᐃᑐᑕᑯᐛᐤ ᒐᒋ ᒥᔪ ᐎᒐᐛᒄ᙮ ᐊᓂᔭ ᐊᒋ ᓂᐱᔨᒋ ᒋᓴᓴ ᒋᐱᔭᑎᑯᒡ ᐊᑯᑕ ᑲ ᐅᒋ ᓇᐃᐱᔨᑕᑦ ᒐᒋ ᒥᔪ ᐎᒐᐛᒄ ᑭᔭ ᐎᔾ ᐊ ᑕᑦ ᒐᒋ ᐅᑎᔅᑯᑲᐳᐃᑕᒄ ᐊ ᐸᔭᒋᓯᔭᒄ ᓇᔅᒡ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ᙮


ᒋᔨᐛᐤ ᒪᒃ ᔅᒋ ᑐᑕᑯᓇᐛᐤ ᒐᒋ ᒥᑐᓄᓯᔭᒄ ᙭ ᐊ ᐎᒐᐛᒄ᙮ ᐎᔾ ᙭ ᒥᓯᐛ ᑎᐸᔨᒐᐅᓂᔪᐤ ᑭᔭ ᐊ ᓂᑲᓇᔨᑕᑯᓂᔨᒡ ᓱᒐᔨᑕᑯᓱᐅᓂᔪᐤ ᐅᑕ ᐊᔅᒋᒡ ᑭᔭ ᒋᓯᑯᒡ ᑎᐸᔨᑎᒻ᙮


ᒥᒄ ᙭ ᒋ ᒥᔨᑯᓄᐤ ᑕᑈ ᒐᒋ ᓂᔅᑐᑎᒪᒄ ᒋᓴᒪᓂᑐᐤ ᐅᐛᔪᐅᒡ ᑭᒐᑕᐛᔨᑎᒧᐅᓐ ᑭᔭ ᐅᐛᔪᐅᒡ ᒋᔅᒐᔨᑎᒧᐅᓐ᙮


ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ᒋᔅᑯᑎᒪᑐᔭᒄ ᑭᔭ ᐊ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ᒥᔨᑕᒄ ᑲ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮


ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮


ᐊᑲᐎᔾ ᒪᒃ ᐊᐛᓐ ᐅᔭ ᒋᑭ ᐅᒋ ᐎ ᐃᓯ ᐅᓂᑐᑐᐛᐤ ᐎᐧᑲᓂᓴ᙮ ᔅᒋ ᐎᑎᒪᑎᓇᓐ ᓱᒃ ᐊᒋ ᐃᔭᒂᒥᑕᒡ ᐅᑎᐸᔨᒋᒐᐤ ᒐ ᐛᐛᓯᐊᑦ ᒥᓯᐛ ᐊᐛᔪᐛ ᐅᔭ ᑲ ᐃᓯ ᐅᓂᑐᑎᒥᔨᒋ᙮


ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮


ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮


ᐅᔭ ᒪᒃ ᒥᒄ ᐸᐃᒂᐤ ᐊᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒋᓴᔅ ᐊᑯᑕ ᑲ ᐅᒋ ᐃᑐᑕᐧᒃ ᑲᒋᒡ ᒐᒋ ᐛᐸᔨᑎᒧᐛᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᐅᒥᒋᑥᐅᓂᔪᐤ ᑭᔭ ᒐᒋ ᑯᐃᔅᑯᓇᑯᓯᔨᒋ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮


ᒥᔅᑎ ᔅᒋ ᐃᑐᑎᒪᑯᐛᐤ ᒋᓴᒪᓂᑐᐤ ᒋᓴᓴ ᐅᒋ ᑭᔭ ᓂᑐᑎᒪᒄ ᒐᒋ ᒥᔨᑕᒄ ᒥᓯᐛ ᐊᓂᔭ ᑲ ᒥᔽᔨᒋ ᒐᒂᔪᐛ ᐊ ᐃᓯ ᓂᑐᐛᔨᑎᒪᒄ ᒐᒋ ᐃᑐᑎᒺᒄ ᐅᑦ ᐃᑕᔨᑎᒧᐅᓐ᙮ ᓂᑦ ᐊᔭᒥᐊᐤ ᑭᔭ ᒐᒋ ᐊᑐᔅᒐᑦ ᐊᓐᑕ ᒋᐱᒪᑎᓯᐅᓄᐛᒡ ᑭᔭ ᒐᒋ ᓂᓇᐊᔨᑎᒥᐃᑯᑦ ᐊᓂᔭ ᐊ ᐃᑕᑎᓯᐛᒄ᙮ ᒧᔅ ᒪᒃ ᒪᒥᒋᒪᑕᐤ ᒋᓴᔅ ᙭ ᑲᒋᒡ ᑭᔭ ᑲᒋᒡ᙮ ᐊᒥᓐ᙮


ᐊᓂᔭ ᐛᒋ ᐊᑲ ᐊᔅᒄ ᑎᑯᓯᐧᒃ ᐅᑎᐸᔨᒋᒐᐤ ᐊᑐᐎᔅ ᐎᔾ ᑕᐅᓂᒻ ᑕᓐᑕ ᐊᔅᒄ ᒐᒋ ᐱᒪᒋᐅᔨᒋ ᐊᐛᔪᐛ, ᐊᐅᒄ ᐅ ᐎᓯ ᑭᓄᐛᐸᑎᒺᒄ ᐊᓂᔭ ᐊᔅᒄ ᐊᑲ ᑎᑯᓯᐧᒃ᙮ ᐊᐅᑯᓐ ᐛᔅ ᐅᔭ ᑭᔭ ᐎᔾ ᑲ ᐃᓯ ᐊᔨᒧᑕᐧᒃ ᒋᐧᑲᓂᓴᓄᐤ ᑈᓪ ᐊᓐᑕ ᑲ ᒥᓯᓇᐊᒪᑕᒄ ᑕᓐ ᑲ ᐃᓯ ᒥᔨᑯᑦ ᑭᔭ ᐎᔾ ᒋᓴᒪᓂᑐᐛ ᑭᒐᑕᐛᔨᑎᒧᐅᓂᔪᐤ᙮


Lean sinn:

Sanasan


Sanasan