ᑯᓚᓯᔭᓇ 1:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮

ᑯᓚᓯᔭᓇ 1:23 Iomraidhean Croise

ᑎᐱᑦ ᐅᓂᑭᒧᐅᓇ 125:5

ᒪᒃ ᐊᓐᒡ ᑲ ᐱᔅᒐᒡ ᒥᒐᑎᓯᐤ ᐃᓯᑥᐅᓂᔪᐤ, ᑎᐸᔨᒋᒐᓱᐤ ᒋᑭ ᒋᔅᒋᓄᑕᐊᐤ ᒐᒋ ᐎᒐᐛᔨᒋ ᑲ ᒥᒐᑎᓯᐤ ᐃᑐᑎᒥᔨᒋ᙮ ᒪᒃ ᒋᔭᒪᔨᑎᒧᐅᓂᔪᐤ ᒋᑭ ᑥᐅᑕᑯᐤ ᐃᔅᕋᐃᓪ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:15

ᐊᑯ ᒂ ᐃᑕᑦ, “ᒪᒋᒄ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒐ ᑭᒐᔅᒋᒧᔭᒄ ᐊ ᐛᐎᑎᒪᒄ ᐅ ᒥᔽᒋᒧᐅᓐ ᒥᓯᐛ ᐊᐛᓐ ᒐᒋ ᐸᑕᐧᒃ᙮

ᓗᒃ 22:32

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

ᓗᒃ 6:48

ᒧᔭᒻ ᐊᐛᓐ ᐊ ᐎ ᐎᔨᑲᐳᐅᑕᑦ ᒥᒋᐛᐱᔪᐤ, ᓂᔅᑎᒻ ᑕᒥᒡ ᐃᓯ ᒧᓇᐃᒐᐤ, ᐸᑎᒪ ᐛᑎᑕᐛᑦ ᐊᓯᓂᔭ᙮ ᐊᑯᑕ ᒪᒃ ᐊᓐᑕ ᐊ ᐸᐸᒋᐱᔅᑲᔨᒡ ᐛᔨᑲᐳᐅᑕᑦ ᐊᓂᔭ ᒥᒋᐛᐱᔪᐤ᙮ ᐃᔅᐱ ᐃᔅᒋᐳᑕᔨᒐ ᐊᓐᑕ ᐛᔅᑲ ᐊᓂᔭ ᐎᒡ, ᓇᒪ ᐛᐛᒡ ᒋᑭ ᐅᒋ ᐊᒋᑲᐳᐅᔪᐤ, ᐛᔅ ᓇᔅᒡ ᑕᑈ ᒋ ᒥᔪ ᐊᔨᒋᑲᐳᐅᑕᐤ᙮ ᐊᐅᑯᓐ ᐊ ᐃᓯᓇᑯᓯᑦ ᐊᐛᓐ ᑲ ᑎᓯᐧᑲᒺᑦ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᒠᓐ 15:6

ᐊᐛᓐ ᐊᑲ ᓂᔾ ᐊ ᑕᔭᓐ ᑲ ᐃᓯ ᐱᒪᑎᓯᑦ ᐛᐱᓇᑭᓄᐤ ᒧᔭᒻ ᑕᓐ ᐊ ᐃᑐᑕᑭᓄᐅᒡ ᐅᑎᐧᑯᓐ, ᒐᒃ ᓂᐳᐤ ᒪᒃ᙮ ᐊᓂᔭ ᒪᒃ ᐅᑎᐧᑯᓇ ᑲ ᐛᐱᓇᑭᓄᐅᒋ ᒪᒧᓴᒋᓂᑭᓄᐛ ᐊᑯ ᒪᑐᔅᑕᐛᐱᓇᑭᓄᐅᒋ ᑭᔭ ᐊ ᐊᑎ ᐃᔎᑕᒋ᙮

ᐊᑈᔅᑕᓇᒡ 1:17

ᔅᒋ ᐎᒋ ᐊᑐᔅᒐᒥᑯᓄᐤ ᒍᑎᔅ, ᐛᔅ ᒋᓴᓴ ᒋ ᐅᑎᓂᑯᐤ ᑭᔭ ᐎᔾ ᐊᑈᔅᑕᓐ ᒐᒋ ᐃᑕᐱᑎᓯᑦ᙮”

ᐊᑈᔅᑕᓇᒡ 1:25

ᒐᒋ ᐅᑎᓇᐧᒃ ᐅᔭ ᐊᑐᔅᒐᐅᓂᔪᐤ ᐊᑈᔅᑕᓐ ᐊ ᐃᑕᐱᑎᓯᑦ, ᐊᓂᔭᔪᐤ ᒍᑎᔅ ᑲ ᓂᑭᑕᐧᒃ ᐃᔅᐱ ᑲ ᐃᑐᑕᑦ ᐊᓐᑕ ᐊᑲ ᐃᓯᓇᑯᓂᔨᒡ ᒐ ᐃᑐᑕᑯᐱᓇ᙮”

ᐊᑈᔅᑕᓇᒡ 1:8

ᒋᑭ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ᐸᔭᒋᓯᑦ ᐊᒐᐧᒄ ᒋ ᐅᑎᑎᑕᒂ᙮ ᐊᑯ ᒪᒃ ᒐ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐊᔅᒋᔾ᙮”

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 14:22

ᐊᑯᑕ ᐊᓐᑕ ᑲ ᐃᔨᒪᐊᒡ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ᐃᑕᐅᒡ ᑭᔭ ᐊ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᐊᑈᔅᑕᓇᒡ 2:5

ᒋ ᑕᐅᒡ ᒪᒃ ᒍᐤ ᐃᔪᒡ ᐊᓐᑕ ᒋᕈᓯᓕᒥᒡ ᓇᔅᒡ ᐊ ᐊᔭᒥᐊᐛᑎᓯᒡ ᒥᓯᐛ ᓂᓇᐧᑯᐤ ᐊᔅᒋᒡ ᐊᒋ ᐅᑐᑕᒡ᙮

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᐊᑈᔅᑕᓇᒡ 26:16

ᐱᓯᑯ ᒪᒃ, ᐅ ᐛᒋ ᓄᑯᓯᔅᑕᑕᓐ ᒋ ᓂᑐᐛᔨᒥᑎᓐ ᒐᒋ ᐊᑐᔅᒐᔅᑐᐎᓐ᙮ ᒋ ᓂᑐᐛᔨᒥᑎᓐ ᒐᒋ ᐎᑎᒧᐅᑥᐤ ᑯᑎᑭᒡ ᐊᐛᓐᒋ ᑕᓐ ᑲ ᐃᓯ ᐛᐸᑎᔨᑕᓐ ᐊᓄᒡ ᑭᔭ ᑕᓐ ᒐ ᐃᓯ ᐛᐸᑎᔨᑕᓐ ᐊᓐᑕ ᓂᔅᑕᒥᒡ᙮

ᐊᑈᔅᑕᓇᒡ 4:12

ᓇᒪᐎᔾ ᑯᑎᒃ ᐊᐛᓐ ᐊᔭᐤ ᐱᒪᒋᐃᐛᐅᓂᔪᐤ, ᐛᔅ ᓇᒪ ᑎᑯᓐ ᑯᑎᒃ ᐃᓯᓂᐧᑲᓱᐅᓐ ᓯᐸ ᒋᓯᑯᒡ ᑲ ᒥᔭᑭᓄᐅᒡ ᐃᔪᒡ ᒐᒋ ᐅᒋ ᐱᒪᒋᐃᑯᔭᐧᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:18

ᒥᒄ ᒪᒃ ᓂ ᐎ ᑯᒂᒋᒐᒧᓐ, ᓇᒪᐎᔾ ᐊ ᒪᒃ ᙭ᑕ ᐅᒋ ᐊᔨᒧᑎᒧᐛᐊᑭᓄᐎᒡ ᒍᐤ ᐃᔪᒡ ? ᓂᐦᐃ, ᑭᑈ ᑲ ᐊᔨᒧᑎᒧᐛᑭᓄᐎᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᒡ ᒋ ᐛᐎᑎᒧᒡ ᐊᓂᔭ ᒥᔽᒋᒧᐅᓂᔪᐤ᙮ ᓇᔅᒡ ᓇᑕ ᐊ ᐃᔎᔭᔨᒡ ᐅᔭ ᐊᔅᒋᔪᐤ ᒋ ᐸᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:16

ᓂᔾ ᓂᒋ ᐅᑎᓂᒄ ᒋᓴᒪᓂᑐᐤ ᒋᓴᔅ ᙭ᑕ ᒐᒋ ᐊᑐᔅᑯᐅᒥᒋ, ᐊᓐᑕ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊ ᑕᔭᒄ ᒐᒋ ᐃᓯ ᐊᔭᒥᐊᐤ ᐊᑐᔅᒐᔭᓐ, ᒥᔽᒋᒧᐅᓐ ᐊ ᐛᐎᑎᒪᑎᑯᒡ᙮ ᐊᔪᐅᒄ ᐅᔭ ᐛ ᐃᑕᐱᒋᐃᑦ ᒋᓴᒪᓂᑐᐤ ᒐᒋ ᐅᒋ ᓇᐊᔨᑎᒥᐊᒡ ᒋᓴᒪᓂᑐᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᐱᔅᑕᔨᒥᑎᓱᒡ ᐎᔾ ᐊ ᑕᔨᒋ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:7

ᐊᓂᔭᔪᐛ ᐊᐛᔪᐛ ᒧᔅ ᑲ ᒥᔪᑐᑎᒥᔨᒋ ᐊ ᐱᑯᓴᔨᒧᔨᒋ ᒐᒋ ᒥᔪ ᑭᓄᐛᐱᒥᑯᔨᒋ ᒋᓴᒪᓂᑐᐛ ᑭᔭ ᒐᒋ ᒥᔽᒋᒥᑯᔨᒋ ᑭᔭ ᒐᒋ ᒥᔨᑯᔨᒋ ᑲᒋᒡ ᒐᒋ ᐱᒪᑎᓯᔨᒋ, ᒋᑭ ᒥᔭᐤ ᑲᒋᒡ ᒐᒋ ᐱᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

1 ᑯᕆᓐᑎᔭᓇ 3:5

ᐊᐛᓐ ᒪᒃ ᐅ ᐊᐳᓚᔅ ᑭᔭ ᐊᐛᓐ ᓂᔾ ᑈᓪ ? ᐊᐱᒋᐊᑭᓐᒡ ᓂᔭᓐ᙮ ᐊᐅᑯᓐᒡ ᐅᒡ ᐊᐱᒋᐊᑭᓐᒡ ᑲ ᐎᑎᒪᑕᑯᒡ ᒥᔽᒋᒧᐅᓂᔪᐤ ᑭᔭ ᑎᔭᑈᑎᒪᒄ᙮ ᑕᐱᔅᑯᓐ ᓂᒋ ᓂᓇᐃᑕᓇᓐ ᑕᓐ ᑲ ᐃᑎᓱᒥᔨᒥᑦ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 10:1

ᑎᑯᓐ ᒐ ᐃᓯ ᐱᑯᓴᔨᒥᑎᑯᒡ᙮ ᐅ ᒪᒃ ᒐ ᐊᔨᒧᑎᒪᑎᑯᒡ ᐊᓐ ᐊᔅᐱᔅ ᒋᓴᐛᑎᓯᑦ ᑭᔭ ᐊᔅᐱᔅ ᒋᔭᒥᓯᑦ ᒋᓴᔅ ᙭ ᓂ ᐎ ᐃᑕᔨᑕᑯᓯᓐ ᐊᓐ ᐊ ᐃᓯ ᐃᔨᒥᐃᑎᑯᒡ᙮ ᐃᑕᐅᒡ ᐊᐛᓐᒋ ᐊ ᐃᔅᒋᔄᒡ ᓇᔅᒡ ᐊᑲ ᓴᐱᑕᑯᓱᐅᒡ ᐊᓐᑕ ᐊ ᑕᐛᒄ ᐊ ᑕᐅᒡ᙮ ᒥᒄ ᐊᓐᑕ ᐃᔭᒡ ᐊ ᑕᐅᒡ ᐊ ᐅᒋ ᓱᒐᔨᑕᑯᐃᓱᐅᒡ ᐃᔅᒋᔄᐅᒡ᙮

2 ᑯᕆᓐᑎᔭᓇ 11:23

ᐃᑕᔨᑎᒧᒡ ᐊ ᐊ ᐊᑐᔅᑯᐛᒡ ᙭ᑕ ? ᐊᑐᐎᔅ ᓂᔾ ᓂᑦ ᐊᑐᔅᑯᒪᔪᐛ᙮ ᓴᔅ ᐊᑐᐎᔅ ᓂ ᒋᔎ ᐃᔨᒥᓐ᙮ ᓇᒪ ᓂ ᒥᔽᔨᑕᓐ ᒧᔭᒻ ᐎᔨᐛᐤ ᐊ ᐃᓯ ᐊᔨᒧᒥᓱᒡ ᐊ ᐃᓯ ᐊᔨᒧᒥᓱᔭᓐ᙮ ᐊᑐᐎᔅ ᓂᔾ ᓂᒋ ᒥᔅᑎ ᐊᐱᑎᓯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᒋᐸᐅᑯᓐ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐱᓯᔅᑕᐅᑯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐸᓱᐛᐸᑕᓐ ᓂᐳᐅᓐ ᐃᔅᐱᔅ ᐎᔨᐛᐤ᙮

2 ᑯᕆᓐᑎᔭᓇ 3:6

ᐎᔾ ᓂ ᒥᔨᑯᓇᓐ ᑭᔅᒋᐅᓂᔪᐤ ᒐᒋ ᐊᑐᔅᑯᐅᒋᒡ ᐅᔭ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐊ ᐊᐱᒋᑕᐎᒋᒡ᙮ ᐅ ᒪᒃ ᓂᔅᑯᒧᐅᓐ ᓇᒪᐎᔾ ᐊᓐ ᐎᓱᐛᐅᓐ ᑲ ᒥᓯᓇᐃᑭᓄᐅᒡ ᒐ ᓂᓇᐃᑕᑭᓄᐅᒡ, ᑲ ᐸᔭᒋᓯᑦ ᐊᒐᐧᒄ ᐊᐅᒄ ᒋᐸ ᓂᓇᐃᑐᐛᑭᓄᐤ᙮ ᐛᔅ ᐊᐛᓐ ᐊᑲ ᓂᓇᐃᑕᐧᒃ ᑕᓐ ᐊ ᐃᑎᔅᑕᔨᒡ ᐊᓂᔭ ᐎᓱᐛᐅᓂᔪᐤ ᓂᐳᐅᓂᔪᐤ ᒋᑭ ᐅᑎᑕᐅᑯᐤ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᐱᒪᑎᓯᐅᓂᔪᐤ ᒥᔨᐛᐤ ᐎᔾ᙮

2 ᑯᕆᓐᑎᔭᓇ 4:1

ᓇᔅᒡ ᑕᑈ ᓂᒋ ᓱᐛᔨᒥᑯᓇᓐ ᒋᓴᒪᓂᑐᐤ ᐅᔭ ᐊᑐᔅᒐᐅᓂᔪᐤ ᐊᒋ ᒥᔨᒥᑦ᙮ ᐊᐅᒄ ᒪᒃ ᐛᒋ ᐊᑲ ᐎ ᐳᓂᔭᒡ᙮

2 ᑯᕆᓐᑎᔭᓇ 6:1

ᐊᓐ ᒪᒃ ᐊ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ᐊᐱᑕᔨᑎᒪᒄ ᑕᓐ ᐊ ᐃᓯ ᒋᓴᐛᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 4:11

ᒋ ᒥᑯᔅᑲᑕᔨᑎᒥᐃᓇᐛᐤ ᐊ ᒪᒥᑐᓇᔨᒥᑎᑯᒡ᙮ ᒐᔅᑲ ᑲᑭᔭ ᐊᓐ ᑲ ᐃᔅᐱᔅ ᒋ ᒥᔅᑎ ᐊᑐᔅᒐᔭᓐ ᐊ ᐎ ᐎᒋᐃᑎᑯᒡ᙮

ᑲᓚᓯᔭᓇ 5:5

ᓂᔭᓐ ᒪᒃ ᐎ ᑲ ᑕᑈᑎᒪᒡ, ᑲ ᐸᔭᒋᓯᑦ ᐊᒐᐧᒄ ᐊ ᐎᒋᐃᒥᑦ ᓂᑦ ᐊᔅᐸᔨᒧᓇᓐ ᒋᓴᒪᓂᑐᐤ ᒐᒋ ᑯᐃᔅᑯᓇᑯᐃᔨᒥᑦ ᐎᔾ ᐃᔅ ᐊ ᐃᑕᑦ᙮

ᑲᓚᓯᔭᓇ 5:7

ᐊᑎ ᐊᔅᒄ ᓱᒃ ᔅᒋ ᐃᑕᔨᑕᓇᐛᐤ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᐛᓐ ᑲ ᐃᑐᑕᑕᒄ ᒐ ᐊᑲ ᒋ ᓂᓇᐃᑎᒪᒄ ᑕᑈᐅᓐ ?

ᑲᓚᓯᔭᓇ 6:9

ᐊᑲᐎᔾ ᒋᑭ ᐅᒋ ᑕᔅᑎᑲᒋᓇᓄᐤ ᐊ ᒥᔪᑐᑎᒪᐧᒄ᙮ ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᒥᔨᑯᐅᔭᐧᒄ ᒋᑎᐸᐊᒪᑯᓯᐅᓄᐛ ᐊᑲ ᐳᓂᔭᒂ ᐊ ᒥᔪᑐᑎᒪᐧᒄ᙮

ᐃᐱᓯᔭᓇ 1:18

ᓂ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ᒋᔅᑕᔨᑕᑯᓂᔨᒋ ᒥᔪ ᒥᔨᐛᐅᓇ ᑕᓐ ᐊ ᐃᓯ ᐊᔭᔅᑯᔅᑎᒧᐛᑦ ᑲ ᑕᑈᑎᒥᔨᒋ ᒐ ᒥᔭᑦ᙮

ᐃᐱᓯᔭᓇ 2:21

ᐛᔅ ᐎᔾ ᐃᑐᑐᐛᐤ ᐊᔭᔅᒃ ᒐᒋ ᐊᑎ ᐊᔨᒋᑲᐳᔨᒋ ᒥᓯᐛ ᐊᓂᔭᔪᐛ ᑲ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᐸᔭᒋᓯᔨᒋ ᐅᑎᐸᔨᒋᒐᐛ ᐃᔅ ᐊ ᑕᔨᒋ, ᒧᔭᒻ ᒋᓴᐊᔭᒥᐊᐅᒋᐛᑉ ᐊ ᐎᔨᑲᐳᐅᑕᑭᓄᐅᒡ ᒐᒋ ᐃᓯᓇᑯᓯᔨᒋ᙮

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

ᐃᐱᓯᔭᓇ 4:16

ᐎᔾ ᐃᑐᑐᐛᐤ ᒐᒋ ᒥᔪ ᐎᒐᐅᑐᔨᒋ ᐅᒪᒧᐊᔭᒥᐊᐛ ᑭᔭ ᒥᓯᐛ ᒐᒋ ᐃᓯ ᒥᔪᐱᔨᒋ ᐊᓂᔭ ᐊ ᐊᑎ ᓂᑕᐅᒋᔨᒋ ᑭᔭ ᐊ ᐊᑎ ᓱᒋᑲᐳᔨᒋ ᐊ ᓴᒋᐃᑐᔨᒋ ᐅᒡ᙮

ᑯᓚᓯᔭᓇ 1:25

ᒋᓴᒪᓂᑐᐤ ᓂᒋ ᐃᑎᓱᒥᒄ ᒐᒋ ᐊᑐᔅᒐᔅᑐᐅᒥᒋ ᐊᓂᔭ ᑲ ᑕᑈᔭᔨᒪᔨᒋ ᙭ᑕ᙮ ᓂᒋ ᒥᔨᒄ ᐅᔭ ᒐᒋ ᐃᑕᐱᑎᓯᐅᒡ ᒋᔨᐛᐤ ᒐᒋ ᐎᒋᐃᑎᑯᒡ᙮ ᓂᒋ ᐃᑎᓱᒥᒄ ᒪᒃ ᓇᔅᒡ ᒐᒋ ᒋᔅᑕᐅᒡ ᒥᓯᐛ ᑕᓐ ᑲ ᐃᓯ ᒥᔨᑦ ᒐᒋ ᐃᓯ ᐛᐎᑎᒪᑎᑯᒡ᙮

ᑯᓚᓯᔭᓇ 2:7

ᐱᔅᑎᓇᐧᒄ ᒐᒋ ᐃᑐᑕᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᐛᒄ ᑭᔭ ᒐᒋ ᒥᔨᑕᒄ ᒥᔅᑯᓯᐅᓂᔪᐤ, ᒧᔭᒻ ᒥᔅᑎᒄ ᑕᒥᒡ ᐊᔅᒋᒡ ᐊ ᐃᓯ ᑯᑕᐅᐱᔨᒋ ᐅᑎᐱᔭ ᒐᒋ ᓱᒋᑲᐳᐅᑦ ᐊᐅᑯᓐ ᒋᐸ ᐃᓯᓇᑯᓯᓇᐛᐤ᙮ ᐊᐅᑯᓐ ᒋᐸ ᐎ ᐃᓯ ᓱᒋᑲᐳᐅᓇᐛᐤ ᑕᓐ ᐊ ᐃᓯ ᑕᑈᑎᒪᒄ᙮ ᐊᑯ ᒪᒃ ᐊᔭᔅᒃ ᒧᔅ ᒐ ᑕᑈᔭᔨᒪᒄ ᒧᔭᒻ ᑲ ᐃᓯ ᒋᔅᑯᑎᒪᑯᐅᔭᒄ ᒐᒋ ᐃᑎᔭᒄ᙮ ᑭᔭ ᒧᔅ ᒋᐸ ᓂᓇᔅᑯᒪᐛᐤ᙮

1 ᑕᓴᓗᓂᔭᓇ 3:3

ᐊᑲ ᐛᒋ ᐸᐃᒄ ᐊ ᑎᓯᔭᒄ ᒐᒋ ᒋᐛᑲᐳᔭᒄ ᐊᓐ ᐊ ᓂᓇᐧᑲᒋᐃᑯᔭᒄ ᙭ ᐅᒡ᙮ ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐊᐅᑯᓐ ᑭᔭ ᑲ ᐃᓯ ᐎᔭᔨᑕᐧᒃ ᒋᓴᒪᓂᑐᐤ, ᒐᒋ ᓂᓇᐧᑲᒋᐃᑯᐛᐧᒄ ᐊ ᓇᓴᐅᒪᐧᑯ ᒋᓴᓴ᙮

1 ᑕᓴᓗᓂᔭᓇ 3:5

ᐊᐅᒄ ᒪᒃ ᐊᓂᔭ ᐛᒋ ᔭᐃᑕᔾ ᒋ ᐃᑎᓴᐅᒄ ᑎᒧᑎ ᐊᓐᑕ ᐊ ᑕᐛᒄ᙮ ᐃᔅᐱ ᐊᑲ ᑲᒋ ᐃᑎᔭᓐ ᐊᑲ ᒋᔅᒐᔨᒥᑎᑯᒡ ᑕᓐ ᐊ ᐃᔅᐱᔨᔭᒄ ᐊᑯ ᒂ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ ᒐᒋ ᓂᑐ ᒋᔅᒐᔨᒥᑕᒡ ᑕᓐ ᐊ ᐃᔅᐱᔪᐛᒂ ᐊ ᑕᑈᔭᔨᒪᒄ ᙭᙮ ᓂᒋ ᓴᒋᓯᓐ ᒐᒋ ᐃᑐᑕᑕᒄ ᒥᒋᒥᓂᑐᐤ ᒐᒋ ᐳᓂᐛᒄ ᐊ ᑕᑈᑎᒪᒄ ᒐᔅᑲ ᒐᒋ ᐃᓯᓇᒂᒡ ᑕᓐ ᑲ ᐃᓯ ᐊᑐᔅᑯᐅᒋᒡ ᐅᑎᐸᔨᒋᒐᐤ ᐊᓐᑕ ᐊ ᑕᔭᒄ᙮

1 ᑕᓴᓗᓂᔭᓇ 5:8

ᐊᑯ ᒪᒃ ᒧᔭᒻ ᐊᓐᑕ ᐛᔅᑕᐅᓂᒡ ᐊ ᑕᔭᐧᒄ ᐊ ᐃᓯᓇᑯᓯᔭᐧᒄ ᑯᐃᔅᒄ ᒋᐸ ᐎ ᐃᓯ ᒪᒥᑐᓇᔨᑕᓇᓄᐤ᙮ ᐊᑯ ᒪᒃ ᒋᐸ ᐳᔅᑎᔅᑲᓇᓄᐤ ᒥᔅᑲᔅᒋᑭᓇᐱᔅᒄ ᐊᓐ ᒐ ᓇᑲᐊᒪᓱᐛᒐᔭᐧᒄ᙮ ᐅ ᒪᒃ ᒥᔅᑲᔅᒋᑭᓇᐱᔅᒄ ᐊᐅᒄ ᐊᓐ ᓴᒋᐃᐛᐅᓐ ᑭᔭ ᑕᑈᑎᒧᐅᓐ᙮ ᐃᓴᒄ ᐊᑯᓂᔎᐅᓐ ᑭᔭ ᒋᐸ ᐳᔅᑎᔅᑲᓇᓄᐤ᙮ ᐊᐅᒄ ᐊᔅᐸᔨᒧᐅᓐ ᒐ ᐱᒪᒋᐅᔭᐧᒄ᙮

2 ᑕᓴᓗᓂᔭᓇ 2:16

ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᓴᒋᐃᑯᓄᐅᒡ ᑭᔭ ᔅᒋ ᒥᔨᑯᓄᐅᒡ ᑲᒋᒡ ᒥᔽᔨᒧᐅᓂᔪᐤ ᑭᔭ ᐊᔅᐸᔨᒧᐅᓂᔪᐤ ᓱᐛᔨᒋᒐᐅᓂᒡ ᐅᒡ᙮

1 ᑎᒧᑎ 1:12

ᓂᓇᔅᑯᒪᐤ ᒋᑎᐸᔨᒋᒐᓯᒥᓄᐤ ᙭ ᒋᓴᔅ ᑕᓐ ᑲ ᐃᓯ ᑕᑈᐅᒐᔨᒥᑦ ᑭᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᒐᒋ ᐊᑐᔅᑯᐅᒃ ᐊᓂᔭ ᑕᓐ ᑲ ᐃᓯ ᐅᑎᓂᑦ,

1 ᑎᒧᑎ 2:7

ᐛᔅ ᑕᑈ ᓂᒋ ᐅᑎᓂᑯᐅᓐ ᒐᒋ ᐛᐎᑎᒪᓐ ᒥᔽᒋᒧᐅᓐ ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒧᐅᒂᐤ ᐊᓂᔭ ᑕᑈᐅᓂᔪᐤ ᒋᐸ ᐃᓯ ᑕᑈᑎᒧᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᓇᒪ ᒪᒃ ᓂᑎᒥᒄ ᓂᑦ ᐃᔅᒋᔄᓐ ᐅ ᑲ ᐃᔅᒋᔄᔭᓐ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

ᑕᐃᑕᔅ 3:7

ᐊᑯ ᒪᒃ ᐊᓂᔭ ᐊᒋ ᒋᓴᐛᑐᑕᑕᐧᒄ ᒋᓴᒪᓂᑐᐤ ᔅᒋ ᐃᑐᑕᑭᓄᐤ ᒐᒋ ᑯᐃᔅᑯᓇᑯᓯᔭᐧᒄ ᑭᔭ ᒋᔭᔅᑎᓇᑕᔨᑎᒪᐧᒄ ᒐ ᐊᔭᔭᐧᒄ ᑲᒋᒡ ᐱᒪᑎᓯᐅᓐ᙮

ᐃᑉᕈᐛ 10:38

ᓂᑦ ᐃᔨᒥᒡ ᑲ ᑯᐃᔅᑯᑕᑎᓯᒡ ᒋᑭ ᑕᑈᑎᒧᒡ ᑭᔭ ᒋᑭ ᐱᒪᑎᓯᐅᒡ, ᒥᒄ ᒪᒃ ᐊᓐ ᐊᐛᓐ ᒐ ᒋᐛᑲᐳᒂ, ᓇᒪ ᓂᑭ ᐅᒋ ᒥᔽᔨᑎᒥᐃᒄ᙮

ᐃᑉᕈᐛ 3:14

ᒋᐸ ᓱᒋᑲᐳᐅᓇᓄᐤ ᒋᑕᑈᑎᒧᐅᓂᒡ ᒐ ᐃᔅᐱᔅ ᐱᒪᑎᓯᐛᐅᒂ, ᒧᔭᒻ ᑕᓐ ᑲ ᐃᔅᐱᔅ ᓱᒋᑲᐳᐅᔭᐧᒄ ᐅᔅᑭᒡ ᑲ ᑕᑈᔭᔨᒪᐧᒄ᙮ ᐅ ᒪᒃ ᑎᔭᒂ ᙭ ᒥᓯᐛ ᑕᓐ ᐊ ᐃᓯ ᐊᔭᑦ ᒋᑭ ᒥᔨᑯᓄᐤ ᑭᔭ ᒋᔭᓄᐤ ᒐᒋ ᐊᔭᐛᐧᒄ ᑕᓐ ᐊ ᐃᓯ ᐊᔭᑦ᙮

ᐃᑉᕈᐛ 3:6

ᐊᓂᔭ ᒪᒃ ᒋᓴᒪᓂᑐᐛ ᐊ ᐅᑯᓯᑐᑕᑯᑦ ᒋᓴᔅ, ᑯᐃᔅᒄ ᐃᓯ ᐊᑐᔅᑯᐛᐤ ᒋᓴᒪᓂᑐᐛ ᐊ ᓂᑲᓂᔅᑯᐅᒪᑦ ᐅᑦ ᐃᔨᒥᔪᐛ᙮ ᙭ ᐊᐅᒄ ᒋᓴᒪᓂᑐᐤ ᐅᑯᓯᓴ᙮ ᒋᔭᓄᐤ ᒪᒃ ᒋᑭ ᐅᑦ ᐃᔨᒥᑐᑕᑭᓄᐤ ᒋᓴᒪᓂᑐᐤ, ᒧᔭᒻ ᓱᒋᑕᐊᔭᒂ ᑕᑈᑎᒧᐅᓂᒡ ᑭᔭ ᓱᒃ ᒥᒪᒋᒥᓂᒪᒂ ᑕᓐ ᐊ ᐃᓯ ᐊᔅᐸᔨᒧᔭᐧᒄ᙮

ᐃᑉᕈᐛ 4:14

ᓱᒃ ᒪᒃ ᒪᒥᒋᒥᓇᑕᐤ ᐊᓐ ᑲ ᐃᓯ ᐛᐎᑎᒪᐧᒄ ᐊ ᐃᓯ ᑕᑈᑎᒪᐧᒄ ᐛᔅ ᒋ ᑭᓄᐛᔨᒪᓄᐤ ᐊ ᒋᔅᑕᔨᑕᑯᓯᑦ ᒋᓴᐊᔭᒥᐊᐅᒋᒪᐤ ᓴᔅ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᐊ ᑕᑦ, ᐊᐅᒄ ᒋᓴᔅ, ᒋᓴᒪᓂᑐᐤ ᐅᑯᓴ᙮

ᐃᑉᕈᐛ 6:19

ᐊ ᒐᔅᑎᓇᑕᔨᑎᒪᐧᒄ ᒪᒃ ᐅᔭ ᑲ ᐃᓯ ᓇᔅᐱᒡ ᑕᑈᑦ ᒋᓴᒪᓂᑐᐤ ᒐ ᐃᓯ ᐃᑐᑎᒪᑕᐧᒄ ᒧᔭᒻ ᐊ ᐃᑕᐱᑎᓯᑦ ᐳᓂᓯᓇᐸᒋᑭᓐ ᒐᒋ ᔭᐃᑎᑯᑎᒡ ᐅᐤᑦ ᐃᓯᓇᑯᓐ᙮ ᐊᓐ ᒪᒃ ᐊᐛᓐ ᑲ ᒐᔅᑎᓇᑕᔨᒪᐧᒄ ᐊᐅᒄ ᐊᓐ ᐸᒐᑦ ᐊᓐᑕ ᐊᓂᔭ ᑲ ᐊᑯᐛᑲᐃᑭᓄᐎᒡ ᒪᐅᒡ ᑲ ᐸᔭᒋᓯᒥᑲᒡ ᐊ ᐃᓯᓂᐧᑲᑕᔨᒡ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ ᐊᔭᒥᐊᐅᒋᐛᐱᔪᐤ᙮

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

1 ᒠᓐ 2:27

ᒥᒄ ᒪᒃ ᙭ ᔅᒋ ᑐᒥᔅᑯᓂᑯᐛᐤ ᐅᑦ ᐊᒐᒂ᙮ ᐊ ᐊᔭᐅᒪᑯ ᒪᒃ ᐅᔭ ᐅᑦ ᐊᒐᒂ, ᓇᒪ ᒋ ᓂᑐᐛᔨᒪᐛᐤ ᑯᑎᒃ ᐊᐛᓐ ᒐᒋ ᒋᔅᑯᑎᒪᑕᒄ᙮ ᐛᔅ ᐅᔭ ᙭ ᐅᑦ ᐊᒐᒂ ᐊᐅᒄ ᒐ ᒋᔅᑯᑎᒪᑕᒄ ᒥᓯᐛ ᒐᒂᔪᐤ, ᒧᔅ ᒪᒃ ᑕᑈᒥᑭᓂᔪᐤ ᐊᓂᔭ ᐊ ᐃᓯ ᒋᔅᑯᑎᒪᒐᑦ, ᓇᒪ ᑭᑭᒋᔭᒥᑭᓂᔪᐤ᙮ ᓂᓇᐃᑐᐛᐧᒄ ᑕᓐ ᐊ ᐃᓯ ᒋᔅᑯᑎᒪᑕᒄ ᐊᒐᐧᒄ ᑭᔭ ᐎᒐᐛᐧᒄ ᙭᙮

ᒋᔅᒐᔨᑕᑯᑕᒐᐅᓐ 2:10

ᐊᑲᐎᔾ ᑯᔅᑕᒋᒄ ᑕᓐ ᒐ ᐃᓯ ᓂᓇᐧᑲᑕᔨᒧᔭᒄ᙮ ᒥᒋᒥᓂᑐᐤ ᒋᑭ ᑯᒂᒋᐃᑯᐛᐤ ᐊ ᐃᑐᑕᑕᒄ ᐱᔅᒐ ᒐᒋ ᒋᐸᐅᑯᐛᒄ ᑲᒪᑯᓄᐛᓯᐅᒋᐛᐱᒡ᙮ ᐸᐃᑯᔪᐛ ᒋᓯᑲᐛ ᒋᑭ ᐃᔅᐱᔅ ᓂᓇᐧᑲᑕᔨᒧᓇᐛᐤ᙮ ᐊᑲᐎᔾ ᒪᒃ ᐳᓂᒄ ᐊ ᑕᑈᔭᔨᒥᔭᒄ ᐊᑎ ᐎ ᓂᐸᐃᑯᔭᒂ᙮ ᐊᑯ ᒪᒃ ᒐ ᑲᓂᔪᐅᔭᒄ ᒋᓴᐅᒋᒪᐅᑯᓂᔎᐅᓐ ᐊᐅᒄ ᑲᒋᒡ ᐱᒪᑎᓯᐅᓐ᙮”